ᓗᒃ 12:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᒋᓴᔅ ᒂ ᐃᔅᒋᔄᑦ, “ᐊᐅᑯᓐ ᒪᒃ ᒧᔭᒻ ᐊ ᐃᓯᓇᒂᒡ ᐊᐛᓐ ᐎᔾ ᑲ ᒪᐅᒋᑎᒪᓱᑦ ᒐᒂᔪᐤ᙮ ᓇᒪ ᐛᔪᑎᓯᐤ ᐃᑕᔨᒥᑯᐤ ᒋᓴᒪᓂᑐᐛ ᐊ ᑭᓄᐛᐱᒥᑯᑦ᙮”

ᓗᒃ 12:21 Iomraidhean Croise

ᓗᒃ 12:33

ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ᑎᐱᔨᐛᐅᓯᔭᒄ ᐊᑯ ᒐ ᒥᔭᑯᒡ ᑲ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ᓂᓱᐅᓇᒋᑕᐅᒡ᙮

ᓗᒃ 16:11

ᐊᑲ ᒪᒃ ᑕᑈᐅᒐᔨᒥᑯᔨᓇ ᑯᐃᔅᒄ ᒐᒋ ᐃᓯ ᓂᓇᑭᑐᐛᔨᑕᒥᓐ ᐅ ᐛᔪᑎᓯᐅᓐ ᐅᑕ ᐊᔅᒋᒡ ᑲ ᑎᒂᒡ, ᓇᒪ ᒋᑭ ᐅᒋ ᑕᑈᐅᒐᔨᒥᑯᐅᓐ ᒋᒋᐛ ᐛᔪᑎᓯᐅᓐ ᒐᒋ ᓂᓇᑭᑐᐛᔨᑕᒥᓐ᙮

ᓗᒃ 6:24

ᐃᔭᒂ ᒋᔨᐛᐤ ᑲ ᐛᔪᑎᓯᔭᒄ ᐊᓄᒡ, ᐛᔅ ᓇᔅᒡ ᓴᔅ ᒋ ᑭᓄᐛᔨᑕᓇᐛᐤ ᐊ ᐎᔭᔨᑕᒂᒡ ᐱᒪᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:5

ᐊᓐ ᒪᒃ ᐊ ᐃᔅᐱᔅ ᓱᒐᔨᒧᐎᓐ ᒥᒄ ᒋ ᐃᑐᑕᓐ ᐊᑐᐎᔅ ᐊᒂᒡ ᒐᒋ ᐃᓯ ᑎᐸᔅᑯᓂᔅᒃ ᒋᓴᒪᓂᑐᐤ ᐊᓂᔭ ᐊ ᒋᓯᑲᔨᒡ ᑕᓐᑕ ᒐᔅᑎᓇᔅ ᑯᐃᔅᒄ ᒐ ᐃᓯ ᑎᐸᔅᑯᓇᑦ ᐊᓂᔭᔪᐛ ᑲ ᒥᒋᑐᑎᒥᔨᒋ᙮

2 ᑯᕆᓐᑎᔭᓇ 6:10

ᑎᑯᓐ ᐊ ᐃᓯ ᒥᓯᒪᔨᑎᒪᒡ᙮ ᐃᔭᐱᒡ ᒪᒃ ᓂ ᒥᔽᔨᑕᓇᓐ᙮ ᓇᒪ ᓂ ᐛᔪᑎᓯᓇᓐ᙮ ᐃᔭᐱᒡ ᒪᒃ ᓂ ᐃᑐᑐᐛᓇᓂᒡ ᐊᐛᓐᒋ ᒐᒋ ᐊᔭᒡ ᒋᒋᐛ ᐛᔪᑎᓯᐅᓂᔪᐤ᙮ ᐊᑎ ᐊᑲ ᒐᒂᓐ ᑎᐱᔨᐛᐅᓯᔭᒡ, ᐃᔭᐱᒡ ᒥᓯᐛ ᒐᒂᓐ ᐊ ᑎᐱᔨᐛᐅᓯᔭᒡ ᓂᑦ ᐃᓯᓇᑯᓯᓇᓐ᙮

1 ᑎᒧᑎ 6:9

ᐊᑯ ᒪᒃ ᐊᓐᒡ ᒧᔅ ᐊᑐᐎᔅ ᑲ ᐎ ᐊᔭᒡ ᒐᒂᔪᐤ ᒋᑭ ᓂᒋᔅᑭᒧᒡ ᐊ ᐃᓯ ᑯᒂᒋᐃᑯᒡ ᐊᓂᔭ ᑭᔭ ᐊᓂᔭ ᒐ ᐃᓯ ᐊᑎ ᓂᓇᐧᑯᐤ ᒥᒋᓇᓂᑐᐛᔨᑕᒡ ᒧᔭᒻ ᐊ ᓂᒂᑎᑯᒡ ᒋᑭ ᐃᓯᓇᑯᓂᔪᐤ᙮ ᐛᐛᒡ ᓇᔅᒡ ᒋᑭ ᒋ ᓂᓱᐅᓇᒋᐃᑯᐅᒡ ᐅᔭ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?

ᒋᔅᒐᔨᑕᑯᑕᒐᐅᓐ 2:9

ᓂ ᒋᔅᒐᔨᑕᓐ ᑕᓐ ᐊ ᐃᓯ ᓂᓇᐧᑲᑕᔨᒧᐃᑯᔭᒄ᙮ ᓂ ᒋᔅᒐᔨᑕᓐ ᐊ ᒋᔅᑎᒪᑎᓯᔭᒄ ᒥᒄ ᒪᒃ ᐃᔭᐱᒡ ᒋ ᐛᔪᑎᓯᓇᐛᐤ᙮ ᓂ ᒋᔅᒐᔨᑕᓐ ᑕᓐ ᐊᔅᐱᔅ ᒥᒋ ᐊᔨᒧᒥᑕᑯᒡ ᐊᓐᒡ ᒍᐤ ᓂᑦ ᐃᑎᔅᑲᓇᓯᓇᓐ ᑲ ᐃᔅᒋᔄᒡ, ᐊᑲ ᒪᒃ ᒍᐤ ᐃᑎᔅᑲᓇᓯᒡ᙮ ᒥᒋᒥᓂᑐᐤ ᐊ ᑕᔨᒋ ᐅᒋᐅᒡ ᐊᓐᒡ᙮