ᓗᒃ 12:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑯ ᒂ ᐃᑕᔨᑕᐧᒃ, ‘ᓴᔅ ᓇᒪ ᓂᑕᐱᔅᒋᓂᑕᓐ ᑕᓐᑕ ᒥᓯᐛ ᒐ ᓇᐅᔅᑕᔭᓐ ᐅᔭ ᑲ ᓂᑕᐅᒋᑕᔭᓐ ᓂᑕᐅᒋᑕᑭᓇ᙮’ ᐊᑯ ᑲ ᒪᒥᑐᓇᔨᑎᒥᐃᑯᑦ ᑕᓐ ᒐ ᐃᑎᑦ᙮

ᓗᒃ 12:17 Iomraidhean Croise

ᒪᑎᔪᐤ 16:7

ᒋ ᐊᔨᒧᑎᒧᒡ ᐊᓂᔭ ᑲ ᐃᑎᑯᒡ ᒋᓴᓴ ᐊ ᐃᔅᒋᔄᒡ, “ᐊᑲ ᐅᒋ ᐸᓱᒪᐧᑯ ᐸᒂᓯᑭᓇ ᐊᔪᐅᒄ ᐅᔭ ᐛᒋ ᐃᔅᒋᔄᑦ᙮”

ᒪᑎᔪᐤ 5:42

ᑭᔭ ᐊᐛᓐ ᓂᑐᐛᔨᑎᒪᔅᒐ ᒐᒂᔪᐤ, ᒥᔾ᙮ ᒪᒃ ᐊᐛᓐ ᐎ ᐅᐛᐊᓱᒐ ᒐᒂᔪᐤ, ᒥᔾ ᐊᓂᔭ ᒐᒂᔪᐤ ᐛ ᐅᐛᐊᓱᑦ᙮”

ᓗᒃ 10:25

ᐸᐃᒂᐤ ᒪᒃ ᓇᐸᐤ ᑲ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᐊ ᐃᑕᐱᑎᓯᑦ ᒋ ᓇᑕᐤ ᒋᓴᓴ ᐊ ᐎ ᑯᒂᒋᐊᑦ, ᐊ ᐃᑕᑦ, “ᑕᓐ ᒐ ᐃᑎᔭᓐ ᒐᒋ ᐅᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?”

ᓗᒃ 11:41

ᒂᔅᑲᑎᓯᒄ, ᐳᓂᒄ ᐊᓐ ᐊ ᐃᑎᔭᒄ ᒥᒄ ᒋᔨᐛᐤ ᐊ ᐎ ᐊᔭᔭᒄ ᒐᒂᓐ᙮ ᒥᔭᐧᑯᒡ ᐊᓐᒡ ᑲ ᒋᔅᑎᒪᑎᓯᒡ ᑕᓐ ᐊ ᐃᓯ ᓂᑐᐛᔨᑕᒡ᙮ ᐊᑯ ᒪᒃ ᒐ ᐸᔭᒋᓇᒂᒋ ᒋᐱᒪᑎᓯᐅᓄᐛᐤ᙮”

ᓗᒃ 12:16

ᐊᑯ ᒋᓴᔅ ᒂ ᐎᑎᒧᐛᑦ ᐅᔭ ᒋᔅᒋᓄᐊᒪᒐᐤ ᑎᐸᒋᒧᐅᓂᔪᐤ ᐊ ᐃᑕᑦ, “ᐸᐃᒂᐤ ᒋ ᑕᐤ ᐊ ᐛᔪᑎᓯᑦ ᓇᐸᐤ, ᐊᒋ ᐊᔭᑦ ᓂᑕᐅᒋᑕᑭᓐ ᐊᔅᒋᔪᐤ ᓇᔅᒡ ᐊ ᒥᔪ ᓂᑕᐅᒋᓂᔨᒋ ᐅᓂᑕᐅᒋᑕᑭᓇ᙮

ᓗᒃ 12:18

‘ᐅ ᒪᒃ ᓂᑭ ᐃᑎᓐ,’ ᒋ ᐃᔅᒋᔄᐤ, ‘ᓂᑭ ᐱᒂᐊᓐ ᐊᓂᔭ ᒥᓯᐛ ᓂᑦ ᐊᔅᑕᓱᐅᒋᐛᐸ ᐊᑯ ᒐ ᐅᓯᑕᔭᓐ ᐊᑐᐎᔅ ᐊ ᒥᓴᒋ ᒐᒋ ᓇᐅᔅᑕᔭᓐ ᒥᓯᐛ ᑲ ᐃᓯ ᓂᑕᐅᒋᑕᔭᓐ ᑭᔭ ᒥᓯᐛ ᓂᑦ ᐊᐱᒋᑕᐅᓇ᙮

ᓗᒃ 12:22

ᐊᑯ ᒋᓴᔅ ᐊᑕᑦ ᐅᒋᔅᒋᓄᐊᒧᐛᑭᓇ, “ᐊᐅᒄ ᒪᒃ ᐅ ᐛᒋ ᐃᑎᑎᑯᒡ ᒐ ᐊᑲ ᒋ ᒥᑯᔅᑲᑕᔨᑎᒪᒄ ᒥᒋᒻ ᑕᓐ ᓇᑐᐛᔨᑎᒪᒄ ᒐᒋ ᐅᒋ ᐱᒪᑎᓯᔭᒄ ᒪᒃ ᑭᔭ ᒐᒂᓐ ᒐ ᒋᔅᑭᒪᒄ᙮

ᓗᒃ 12:29

“ᐊᑲᐎᔾ ᒪᒃ ᒧᔅ ᒋᑭ ᐅᒋ ᒪᒥᑐᓇᔨᑎᒥᐃᑯᓇᐛᐤ ᒐᒂᓐ ᒐ ᒥᒋᔭᒄ ᑭᔭ ᒐᒂᓐ ᒐ ᒥᓂᔭᒄ᙮

ᓗᒃ 12:33

ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ᑎᐱᔨᐛᐅᓯᔭᒄ ᐊᑯ ᒐ ᒥᔭᑯᒡ ᑲ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ᓂᓱᐅᓇᒋᑕᐅᒡ᙮

ᓗᒃ 16:3

“ᐊᓐ ᒪᒃ ᐅᒋᒪᔅ ᒋ ᒪᒥᑐᓇᔨᑎᒻ, ‘ᑕᓐ ᒐ ᐃᑎᔭᓐ ᒪᒃ ᐊᑯ ᒐᒋ ᐅᒋ ᐱᒪᒋᐃᓱᔭᓐ, ᐊ ᐃᑕᔨᑕᐧᒃ, ᓴᔅ ᓂᑎᓯᓂᒄ ᓄᒋᒪᒻ ? ᓇᒪ ᓂ ᒥᔅᑯᓯᓐ ᐊ ᒧᓇᐃᒐᔭᓐ ᒐᒋ ᐃᑕᐱᑎᓯᔭᓐ ᑭᔭ ᓂ ᓴᒂᔨᒧᓐ ᒐᒋ ᓇᓂᑐᐛᔨᑎᒪᓐ ᓱᓇᔭᐤ᙮

ᓗᒃ 16:9

ᐊᑯ ᒋᓴᔅ ᒥᓐ ᒂ ᐊᑎ ᐃᑕᑦ, “ᒋ ᐎᑎᒪᑎᓇᐛᐤ, ᐊᐱᒋᑕᒄ ᑕᓐ ᐊ ᐃᓯ ᐊᔭᔭᒄ ᒐᒋ ᒥᔪᑐᑎᒪᒄ ᑭᔭ ᒐᒋ ᐎᒐᐛᑭᓂᔭᒄ᙮ ᐃᔅᐱ ᒪᒃ ᐳᓂᐱᒪᑎᓯᔭᒂ ᐊᑯ ᒐ ᐱᑎᑲᐃᑯᔭᒄ ᐊᓐᑕ ᑲᒋᒡ ᒐ ᐎᒋᔭᒄ᙮”

ᓗᒃ 18:22

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᒋ ᐃᑕᐤ, “ᐊᔅᒄ ᒪᒃ ᐸᐃᒄ ᒐᒂᓐ ᒥᓐ ᓂᑐᐛᔨᑕᑯᓐ ᒐᒋ ᐃᑐᑎᒥᓐ᙮ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᐊ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”

ᓗᒃ 19:17

“ ‘ᒋ ᒥᔪᑐᑕᓐ, ᒋ ᒥᔪ ᐊᑐᔅᒐᓐ,’ ᒋ ᐃᑎᑯᐤ ᐅᒋᒪᒪ᙮ ‘ᐊᒋ ᓄᑯᑕᔨᓐ ᐊ ᑕᑈᐅᒐᔨᑕᑯᓯᔨᓐ ᑯᐃᔅᒄ ᒐᒋ ᐃᓯ ᐊᑐᔅᒐᔅᑎᒥᓐ ᒐᒂᓐ ᐊ ᐊᐱᓴᓯᒡ ᒥᔅᑯᒡ ᒋᑭ ᒥᔨᑯᓐ ᐸᐃᑯᔪᐤ ᐅᑕᓇᐛ ᒐᒋ ᓂᑲᓂᔅᑭᒥᓐ᙮’ ”

ᓗᒃ 3:11

ᒂ ᐃᑕᑦ, “ᐊᐛᓐ ᐊ ᓂᓯᓂᔨᒋ ᐅᑦ ᐊᑯᐸ ᐸᐃᒄ ᐊᓂᔭ ᒋᐸ ᒥᔭᐤ ᐊᐛᔪᐛ ᐊᑲ ᐊᔭᔨᒋ, ᒪᒃ ᑭᔭ ᒥᒋᒥᔪᐤ ᐊ ᐃᔭᒂ ᒋᐸ ᐊᓯᒪᐤ ᐊᐛᔪᐛ ᐊᑲ ᐅᒥᒋᒥᔨᒋ᙮”

ᐊᑈᔅᑕᓇᒡ 16:30

ᐊᑯ ᒂ ᐎᐎᑕᐊᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒋ, ᒂ ᐃᑕᑦ, “ᒋᔨᐛᐤ ᓇᐸᑐᒄ, ᐸᒋ ᐎᑎᒧᐅᒄ ᑕᓐ ᒐ ᐃᑎᔭᓐ ᐊ ᐎ ᐱᒪᒋᐅᔭᓐ ?”

ᐊᑈᔅᑕᓇᒡ 2:37

ᐃᔅᐱ ᒪᒃ ᐊᓐᒡ ᐃᔪᒡ, ᐱᔭᑕᒡ ᐅᔭ ᓇᔅᒡ ᒋ ᒥᓯᒪᔨᑎᒧᒡ ᐊᑯ ᒂ ᐃᑕᒡ ᐱᑕᕋ ᑭᔭ ᐊᓂᔭᔪᐛ ᑯᑎᑲ ᐊᑈᔅᑕᓇ᙮ “ᓂᐧᑲᓂᓯᑐᒄ, ᑕᓐ ᒪᒃ ᒐᒋ ᐃᑎᔭᒡ ?”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:13

ᐃᔅᐱᔅ ᓄᑕᐱᑥᐛ ᐊᓐᒡ ᑲ ᑕᑈᑕᒡ ᒐᒂᔪᐤ ᒥᔭᐧᑯᒡ ᑕᓐ ᐊ ᐃᓯ ᓄᑕᐱᔨᒡ᙮ ᒧᔅ ᒐ ᐎ ᐱᑎᑲᐊᑯᒡ ᐊᐛᓐᒋ ᐊᑲ ᐊ ᑎᑯᓂᔨᒡ ᐊᓐᑕ ᒐ ᑕᒡ᙮

1 ᑎᒧᑎ 6:17

ᒋ ᓂᑐᐛᔨᒥᑎᓐ ᒪᒃ ᑎᒧᑎ, ᒐᒋ ᐎᑎᒧᐅᑥᐤ ᐊᓐᒡ ᑲ ᐛᔪᑎᓯᒡ ᒐ ᐊᑲ ᒋ ᒋᔅᑕᔨᒥᓱᒡ ᐊᓂᔭ ᐊ ᐛᔪᑎᓯᒡ ᑭᔭ ᒐ ᐊᑲ ᒋ ᐊᔅᐸᔨᒧᑐᑕᒡ ᐊᓂᔭ ᐊᑲ ᒐᔅᑎᓇᑕᔨᑕᑯᓂᔨᒡ ᐛᔪᑎᓯᐅᓂᔪᐤ᙮ ᒋᔅᒋᓱᒥᒡ ᐅᔅᑕ ᒋᓴᒪᓂᑐᐛ ᒐᒋ ᐊᔅᐸᔨᒧᑐᑐᐛᒡ ᐊᓐ ᑲ ᒥᔪ ᒥᔨᑕᐧᒄ ᒥᓯᐛ ᒐᒂᔪᐤ ᒐᒋ ᒥᔽᔨᑎᒥᐃᑯᐛᐧᒄ᙮

1 ᒠᓐ 3:16

᙭ ᓇᔅᒡ ᑲ ᐱᔅᑕᔨᒧᑦ ᒐᒋ ᓂᐱᔅᑎᒪᑕᐧᒄ, ᐊᑯᑕ ᑲ ᐅᒋ ᒋᔅᒐᔨᑎᒥᐃᑕᐧᒄ ᓴᒋᐃᐛᐅᓂᔪᐤ᙮ ᐊᑯ ᒪᒃ ᑭᔭ ᒋᔭᓄᐤ ᓇᑐᐛᔨᑕᑯᓯᔭᐧᒄ ᒐᒋ ᐱᔅᑕᔨᒥᑎᓱᔭᐧᒄ ᒋᐧᑲᓂᓯᓄᐅᒡ ᒐᒋ ᐎᒋᐃᐧᑯᒡ᙮