ᓗᒃ 12:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒪᒂᒡ ᒪᒃ ᐊᓐ ᐊ ᐃᑎᓇᓄᐅᒡ, ᒥᒐᑥᐤ ᒐᓯᐱᔪᐤ ᐃᔪᒡ ᒋ ᐛᔅᑲᑲᐳᐅᒡ ᐊ ᓂᑐᑐᐛᒡ ᒋᓴᓴ᙮ ᐊᓂᔭ ᐊ ᐃᔅᐱᔅ ᒥᒐᑎᒡ ᓇᔅᒡ ᒋ ᑎᑎᑯᐃᔅᑕᔅᑲᑐᒡ᙮ ᓂᔅᑎᒻ ᒪᒃ ᒋᓴᔅ ᒋ ᐃᑕᐤ ᐅᒋᔅᒋᓄᐊᒧᐛᑭᓇ, “ᐃᔭᒂᒥᔅᑐᐛᐧᑯᒡ ᐸᕆᓯᔨᒡ ᐊᓂᔭ ᐊ ᐃᑕᔨᑕᑯᓯᒡ ᐛᔅ ᐊᔭᒥᐊᐧᑲᓱᒡ᙮ ᒧᔭᒻ ᐸᒂᓯᑭᓐ ᑲᐅᐱᔨᒡ ᑲ ᐃᑕᔨᑕᒂᒡ ᐊᑯᓐ ᐊ ᐃᑕᔨᑕᑯᓂᔨᒡ ᐊᓂᔭ ᐊ ᐃᑎᒡ᙮

ᓗᒃ 12:1 Iomraidhean Croise

ᓗᒃ 11:44

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ, ᐛᔅ ᐊᐅᑯᓐ ᐊ ᐃᓯᓇᑯᓯᔭᒄ ᒧᔭᒻ ᓂᒂᔅᑲᓐ ᐊᑲ ᐅᒋ ᒋᔅᒋᓄᐛᒋᑕᑭᓄᐅᒡ᙮ ᐃᔪᒡ ᑕᐧᑯᔅᑲᑕᒧᒡ ᐊᑲ ᒋᔅᒐᔨᑕᒡ ᒐᒂᔪᐤ ᐊᓐᑕ ᑕᒥᒡ ᐊ ᑎᑯᓂᔨᒡ᙮”

ᓗᒃ 12:56

ᒋᔨᐛᐤ ᑲ ᐊᔭᒥᐊᐧᑲᓱᔭᒄ ᒋ ᒋᔅᒐᔨᑕᓇᐛᐤ ᑕᓐ ᒐ ᐃᔅᐱᔨᒡ ᒥᒄ ᐊ ᑭᓄᐛᐸᑎᒪᒄ ᐊᔅᒋᔾ ᑭᔭ ᒋᓯᒄ᙮ ᑕᓐᑕ ᒪᒃ ᐛᒋ ᐊᑲ ᒋ ᓂᔅᑐᓂᒪᒄ ᑕᓐ ᐊᓐ ᐊ ᐃᓯ ᐃᑐᑕᐧᒃ ᒋᓴᒪᓂᑐᐤ ᐊᓄᒡ ᒐᓯᑲᔨᒡ ?”

ᓗᒃ 5:1

ᐸᐃᒂᐤ ᒋᓴᔅ ᒪᒂᒡ ᐊ ᓂᐳᐅᑦ ᓯᓱᒡ ᓴᑲᐃᑭᓂᒡ ᑲᓇᓴᕆᑦ ᐊ ᐃᓯᓂᐧᑲᑕᔨᒡ, ᒥᒐᑦ ᒪᒃ ᐃᔪᐛ ᐊ ᐛᔅᑲᑲᐳᔅᑕᑯᑦ ᐊ ᓂᑐᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ,

ᓗᒃ 5:15

ᒋ ᒥᓯᑕᐱᔪᐤ ᒪᒃ ᒋᓴᔅ ᐊ ᐃᑕᒋᒪᑭᓄᐅᑦ᙮ ᒥᒐᑦ ᒪᒃ ᐊᐛᔪᐛ ᒋ ᐸᒋ ᓂᑐᐛᐱᒥᑯᐤ ᐊ ᐎ ᓂᑐᑕᑯᑦ ᑭᔭ ᐊ ᐎ ᒥᓏᒋᐃᑯᓯᔨᒋ᙮

ᓗᒃ 6:17

ᐃᔅᐱ ᒪᒃ ᒋᓴᔅ ᑲ ᓂᑎᒋᐛᒡ ᐱᔅᑯᑎᓇᒡ, ᐊ ᑕᐱᑐᐛᔨᒡ ᐊᓐᑕ ᒋ ᐃᑐᑕᐅᒡ᙮ ᒥᒐᑦ ᒂ ᓇᓴᑯᑦ ᐃᔪᐛ ᒋ ᑕᔪᐛ ᐊᓐᑕ ᑭᔭ ᒋ ᒥᒐᑎᔪᐛ ᑯᑎᑲ ᐊᐛᔪᐛ, ᓂᓇᐧᑯᐤ ᐊᒋ ᐅᑐᑕᔨᒋ ᐊᓂᔭ ᒍᑎᔭ ᐊᔅᒋᔪᐤ ᐊ ᐃᔅᐱᓴᔨᒡ᙮ ᒋᕈᓯᓕᒥᒡ ᑭᔭ ᑯᑎᑭᒡ ᒋ ᐅᑐᑕᐅᒡ, ᐊᑯ ᑯᑎᑭᒡ ᓯᓱᒡ ᐎᓂᐸᑯᒡ ᑲ ᑎᑯᓂᔨᒋ ᐅᑕᓇᐛ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᔨᒋ ᐊᑯᑕ ᑲ ᐅᑐᑕᒡ᙮

ᐊᑈᔅᑕᓇᒡ 21:20

ᐃᔅᐱ ᒪᒃ ᐱᔭᑐᐛᒡ ᐅᒡ ᑕᓐ ᐊ ᐃᑕᒋᒧᔨᒋ ᑈᓚ, ᒥᓯᐛ ᒋ ᒪᒥᒋᒪᐅᒡ ᒋᓴᒪᓂᑐᐛ᙮ ᒐᒃ ᒪᒃ ᐊ ᐃᑕᒡ ᐊᓂᔭ ᑈᓚ, “ᓂᐧᑲᓂᓯᓇᓐ, ᒋ ᐛᐸᑕᓐ ᑕᓐ ᐊ ᐃᔅᐱᒐᑎᒡ ᐊᑯ ᒍᐤ ᐃᔪᒡ ᐊ ᑕᑈᔭᔨᒪᒡ ᒋᓴᓴ ᐅᑕ ᒋᕈᓯᓕᒥᒡ, ᒥᒐᑦ ᒐᓯᐱᔪᐤ ᐊ ᑎᓯᒡ᙮ ᒥᓯᐛ ᒪᒃ ᐊᔅᒄ ᓇᔅᒡ ᓂᓇᑭᑐᐛᔨᑎᒧᐛᐅᒡ ᒧᓱᓴ ᐅᐎᓱᐛᐅᓂᔪᐤ᙮

1 ᑯᕆᓐᑎᔭᓇ 15:3

ᐛᔅ ᔅᒋ ᐊᓱᐤ ᐎᑎᒪᑎᓇᐛᐤ ᐊᓐ ᑲ ᒥᔨᑯᐅᔭᓐ ᒐᒋ ᒋᔅᒐᔨᑎᒪᓐ᙮ ᓇᔅᒡ ᑕᑈ ᒋᒋᐛ ᐃᑕᔨᑕᑯᓐ ᐅ ᑲ ᐛᐎᑎᒪᑎᑯᒡ᙮ ᒪᐅ ᐊ ᐃᓯ ᐎᑎᒪᒐᒥᑲᒡ᙮ ᙭ ᔅᒋ ᓂᐱᔅᑎᒪᑭᓄᐤ ᒐᒋ ᐛᐸᔨᑎᒪᑯᐛᐧᒄ ᒋᒥᒋᑥᐅᓄᐛ ᒧᔭᒻ ᐊ ᐃᓯ ᐊᔨᒧᑕᔨᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ᐃᑐᑎᒪᑯᐱᓇ᙮

ᐃᑉᕈᐛ 12:22

ᒋᔨᐛᐤ ᒪᒃ ᐎ ᓇᒪ ᐸᐃᑯᓄᒡ ᐃᓯᓇᑯᓐ᙮ ᐃᔅᐱ ᐊ ᐅᑎᔅᑯᑲᐳᔅᑎᐛᒄ ᒋᓴᒪᓂᑐᐤ ᒧᔭᒻ ᐊᓐᑕ ᐊ ᐃᑐᑕᔭᒄ ᐊᓐ ᐱᔅᑯᑎᓇᐤ ᓴᐃᔭᓐ ᐊ ᐃᓯᓂᐧᑲᑕᒡ ᐊᓐᑕ ᒋᒋᒋᓯᑯᒡ ᐊ ᑎᒂᒡ ᐊᐅᑯᓐ ᐊ ᐃᓯᓇᒂᒡ᙮ ᑭᔭ ᒧᔭᒻ ᐊᓐᑕ ᐊ ᑎᑯᓯᓂᔭᒄ ᐊᓐ ᐅᑕᓇᐤ ᐊᓐᑕ ᐱᔅᑯᑎᓇᒡ ᐊ ᑎᒂᒡ ᒋᕈᓯᓕᒻ ᐊ ᐃᓯᓂᐧᑲᑕᒡ ᐃᓯᓇᑯᓐ, ᐊᓐᑕ ᐊ ᐎᒋᑦ ᐊᓐ ᑲᒋᒡ ᐊ ᑕᑦ ᒋᓴᒪᓂᑐᐤ ᑭᔭ ᐊᓐᑕ ᐊ ᑕᒡ ᐊ ᒥᔅᑎ ᒥᒐᑎᒡ ᐊᓐᒋᓐᒡ ᐊ ᒧᒋᒐᔨᑕᒡ᙮

ᒋᒥᔅ ᐅᒥᓯᓇᐊᒪᒐᐅᓐ 3:17

ᐊᓐ ᒪᒃ ᑭᒐᑕᐛᔨᑎᒧᐅᓐ ᐃᔅᐱᒥᒡ ᑲ ᐅᒋᐱᔨᒡ ᓂᔅᑎᒻ ᓇᔅᒡ ᐸᔭᐧᑭᓐ, ᐊᑯ ᒥᓐ ᐊ ᒋᔭᒪᔨᑕᑯᐃᐛᒥᑲᒡ, ᔪᔅᐸᔨᑕᑯᐃᐛᒥᑲᒡ, ᑭᔭ ᐃᑐᑕᑯᐤ ᐊᐛᓐ ᐃᔭᒂ ᒐᒋ ᓂᑐᑐᐛᑦ ᐊᐛᔪᐛ᙮ ᐊᐛᓐ ᐊ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ ᓇᔅᒡ ᒋᑭ ᐛᔪᒡ ᒋᓴᐛᑐᑐᐛᐤ ᐊᐛᔪᐛ ᑭᔭ ᒥᔅᑎ ᒋᑭ ᒥᔪᑐᑎᒪᒐᐤ, ᐸᐃᑯᓄᒡ ᒋᑭ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ᑭᑲᑕᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

1 ᐱᑕᕐ 2:1

ᓇᔅᒡ ᒪᒃ ᐊᑯ ᐳᓂᑕᒄ ᒥᓯᐛ ᒪᔭᑎᓯᐅᓐ᙮ ᐳᓂᒄ ᐊᑯ ᐊ ᑭᑭᒋᔭᔭᒄ, ᑭᔭ ᐊᑲᐎᔾ ᐎ ᐃᑕᔨᑕᑯᐃᓱᒄ ᑕᓐ ᐊᓐ ᐊᑲ ᒋᒋᐛ ᐃᑕᔨᑕᑯᓯᔭᒄ, ᐊᑲᐎᔾ ᒋᑭ ᐅᒋ ᑎᑯᓐ ᐊ ᐛᐅᑕᔨᒥᑐᔭᒄ᙮ ᑭᔭ ᐊᑲᐎᔾ ᓂᑎᒥᒄ ᐃᓯ ᐊᔨᒧᒪᐧᑯᒡ ᐊᐛᓐᒋ᙮