ᓗᒃ 11:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐛᐸᔨᑎᒧᐅᓇᓐ ᓂᒥᒋᑥᐅᓇᓇ, ᐛᔅ ᑭᔭ ᓂᔭᓐ ᓂ ᐛᐸᔨᑎᒧᐅᓇᓐ ᒥᓯᐛ ᐊᐛᓐ ᑲ ᒥᒋᑐᑐᔨᒥᑦ᙮ ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ, ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮’ ”

ᓗᒃ 11:4 Iomraidhean Croise

ᒐᓂᓯᔅ 48:16

ᒋᔾ ᐅ ᐃᔭᐱᒡ ᐊᓐᒋᓐ ᐊᓐ ᑲ ᐱᐧᑯᒋᐃᑦ ᒥᓯᐛ ᐊ ᐃᓯᓇᑯᓂᔨᒡ ᑲ ᒪᔭᑎᓂᔨᒡ ᐅᒡ, ᒋᓴᒪᓂᑐᐤ, ᓱᐛᔨᑕᑯᔨᒡ ᐅᒡ ᑲᓂᓯᒡ ᓇᐸᓯᒡ᙮ ᑭᒪ ᐃᔪᒡ ᒋᔅᒋᑕᒡ ᓂᑦ ᐃᓯᓂᐧᑲᓱᐅᓂᔪᐤ ᑭᔭ ᐅᑦ ᐃᓯᓂᐧᑲᓱᐅᓂᔪᐛ ᓄᑕᐎᔭ ᐊᐃᓯᑲ ᑭᔭ ᓂᒧᓱᒪ ᐊᑉᕋᐊᒪ ᐅᔭ ᓇᐸᓴ ᐅᒡ᙮ ᑭᒪ ᐅᒡ ᓇᐸᓯᒡ ᒥᒐᑎᔨᒋ ᐅᑦ ᐊᓂᔅᑯᑕᐸᓄᐛᐛ᙮”

ᑎᐱᑦ ᐅᓂᑭᒧᐅᓇ 121:7

ᑎᐸᔨᒋᒐᓱᐤ ᒋᑭ ᒥᑕᒂᓂᒪᒄ ᒥᓯᐛ ᑲ ᒪᔭᑎᓂᔨᒡ: ᒋᑭ ᐱᒪᒋᐊᐤ ᒋᑦ ᐊᒐᒂ᙮

ᑎᐱᑦ ᐅᓂᑭᒧᐅᓇ 25:11

ᒋᑦ ᐃᓯᓂᐧᑲᓱᐅᓐ ᐅᒡ, ᐅ ᑎᐸᔨᒋᒐᓱᐤ, ᐳᓇᔨᑕ ᓂᒥᒐᑎᓯᐅᓐ; ᐛᔅ ᒥᓴᐤ᙮

ᑎᐱᑦ ᐅᓂᑭᒧᐅᓇ 25:18

ᑭᓄᐛᐸᑕ ᓂᒥᑯᔅᑲᑕᔨᑎᒧᐅᓐ ᑭᔭ ᓂᐎᓯᒐᔨᑎᒧᐅᓐ; ᐳᓇᔨᑕ ᒪᒃ ᒥᓯᐛ ᓂᒥᒋᑐᑎᒧᐅᓇ᙮

ᒪᑎᔪᐤ 18:35

ᐊᑯ ᒋᓴᔅ ᒥᓐ ᒂ ᐃᔅᒋᔄᑦ, “ᐊᐅᑯᓐ ᒪᒃ ᒧᔭᒻ ᒐ ᐃᑐᑕᑕᐧᒄ ᓄᑕᐎᔾ ᒋᒋᒋᓯᑯᒡ ᐊ ᑕᑦ, ᐊᑲ ᐛᐸᔨᑎᒧᐛᒂᓂᒋ ᒋᐧᑲᓂᓱᐛᐅᒡ ᒋᑕᐃᐛᒡ ᐅᒡ᙮”

ᒪᑎᔪᐤ 26:41

ᐃᔭᒂᒥᒄ ᑭᔭ ᐊᔭᒥᐊᒄ ᒐ ᐊᑲ ᒋ ᓴᐧᑯᒋᐃᑯᔭᒄ ᑯᒂᒋᐃᐛᐅᓐ᙮ ᐛᔅ ᒋᑦ ᐊᒐᐧᑯᐛᒡ ᓇᔅᒡ ᑕᑈ ᑯᐃᔅᒄ ᒋ ᐎ ᐃᑎᓇᐛᐤ ᒥᒄ ᒪᒃ ᒋᔭᓱᐛᒡ ᓇᒪ ᓇᔅᒡ ᒋᓴᐱᓯᓇᐛᐤ᙮”

ᓗᒃ 11:5

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓐ, “ᐊᒋ ᓂᑐᐛᐱᒥᑦ ᐊᓐ ᒋᐎᒐᐛᑭᓐ ᐊ ᐊᐱᑕᑎᐱᔅᑲᔨᒡ ᐊᒋ ᓂᑐ ᐅᐛᐊᓱᐅᑦ ᒐᒂᔪᐤ, ᑭᔭ ᒂ ᐃᑕᑦ ᐊᓐ ᒋᐎᒐᐛᑭᓐ, ‘ᐸᒋ ᐅᐎ ᒪ ᓂᔅᑐ ᐸᒂᓯᑭᓐᒡ ᐛᔅ ᓂᐎᒐᐛᑭᓐ ᓂ ᐸᒋ ᐅᑎᑎᒄ

ᓗᒃ 13:4

ᒋ ᒋᔅᒋᓯᓇᐛᐤ ᐊ ᔭᓇᐤ ᑕᑐᓴᑉ ᐃᔪᒡ ᐊᓐᑕ ᐅᑕᓇᒡ ᓴᐃᓗᐊᒻ ᑲ ᐃᓯᓂᐧᑲᑕᔨᒡ ᑲ ᓂᐱᒡ ᐊᒋ ᐱᑎᔅᑕᐅᑯᒡ ᑲ ᐃᔅᐸᓇᔨᒡ ᐊᓱᐛᐳᐅᒋᐛᐱᔪᐤ ? ᒋᑦ ᐃᑕᔨᑕᓇᐛᐤ ᐊ ᐊᒋ ᓄᑯᓂᔨᒡ ᐎᔨᐛᐤ ᐅᔅᑕ ᐊᒋ ᒥᒐᑎᓯᒡ ᐃᔅᐱᔅ ᑯᑎᑭᒡ ᐊᐛᓐᒋ ᐊᓐᑕ ᒋᕈᓯᓕᒥᒡ ᑲ ᑕᒡ᙮

ᓗᒃ 22:46

ᒋᓴᔅ ᒪᒃ ᒋ ᐃᑕᐤ, “ᑕᓐ ᐊ ᐃᑎᔭᒄ ᐛᒋ ᓂᐸᔭᒄ ? ᐅᓂᐧᒄ ᒐ ᐊᔭᒥᐊᔭᒄ ᒐ ᐊᑲ ᒋ ᓴᐧᑯᒋᐃᑯᔭᒄ ᑯᒂᒋᐃᐛᐅᓐ᙮”

ᓗᒃ 8:13

ᐊᑯ ᐊᓐ ᓂᑕᐅᒋᑕᑭᓐ ᐊᓐᑕ ᐊ ᐊᓯᓂᐅᔨᒡ ᑲ ᐸᒋᓯᐧᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᐛᓐᒋ ᑲ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ᑕᑈᑕᒡ ᑭᔭ ᓇᔅᒡ ᐊ ᒥᔽᔨᑎᒥᐃᑯᒡ᙮ ᒧᔭᒻ ᒪᒃ ᐊᓐ ᓂᑕᐅᒋᑕᑭᓇ ᐊᑲ ᔭᐃᒡ ᓂᑕᐅᒋᓂᔨᒋ ᐅᑎᐱᔭ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᑎ ᐛᐃᐱᔅᒋᔅ ᑲ ᑕᑈᑕᒡ᙮ ᐃᔅᐱᔅ ᑯᒂᒋᐃᐛᐅᓂᔪᐤ ᓇᒋᔅᑲᒡ ᐊᑯᑕ ᓴᔅ ᐱᔭᒋᓯᒡ᙮

ᒠᓐ 17:15

ᓇᒪ ᐎ ᒋ ᓂᑐᑎᒪᑎᓐ ᒐᒋ ᐅᑎᓂᑥᐤ ᐅᑕ ᐊᔅᒋᒡ ᐅᒋ, ᒋ ᓂᑐᑎᒪᑎᓐ ᒐᒋ ᑭᓄᐛᔨᒥᑥᐤ ᒐ ᐊᑲ ᒋ ᐱᔅᒐᔨᒥᑯᒡ ᒥᒋᒥᓂᑐᐛ᙮

1 ᑯᕆᓐᑎᔭᓇ 10:13

ᒥᓯᐛ ᐊ ᐃᓯ ᑯᒂᒋᐃᑯᐅᔭᐧᒄ, ᐊᐅᑯᓐ ᐊ ᐃᓯ ᑯᒂᒋᐊᑭᓄᐅᑦ ᒥᓯᐛ ᐊᐛᓐ᙮ ᒥᒄ ᒪᒃ ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᓇᒪ ᒋᑭ ᐅᒋ ᐱᔅᑎᓂᑯᓄᐤ ᒥᒋᒪ ᒐᒋ ᐃᓯ ᑯᒂᒋᐃᑯᐅᐛᐧᒄ ᐊᑲ ᒋ ᐃᓯᑲᐳᔅᑎᒪᐧᒄ ᑯᒂᒋᐃᐛᐅᓐ᙮ ᐊᓐᑕ ᐊᓂᔭ ᒪᒂᒡ ᐊ ᑯᒂᒋᐃᑯᐅᐛᐧᒄ ᒋᑭ ᐛᐸᑎᔨᑯᓄᐤ ᒋᓴᒪᓂᑐᐤ ᑕᓐᑕ ᒐᒋ ᐅᒋ ᓴᐳᔅᑭᒪᐧᒄ ᐊᓐ ᑯᒂᒋᐃᐛᐅᓐ᙮ ᐊᐅᒄ ᐅᔭ ᐊ ᐃᓯ ᐎᒋᐃᑕᐧᒄ ᒐ ᐊᑲ ᒋ ᓴᐧᑯᒋᐱᑎᑯᐛᐧᒄ ᐊᓂᔭ ᑕᓐ ᐊ ᐃᓯ ᑯᒂᒋᐃᑯᐅᐛᐧᒄ᙮

ᑯᓚᓯᔭᓇ 3:13

ᓯᐱᔨᐛᓯᔅᑕᑐᒄ᙮ ᐛᐸᔨᑎᒪᑐᒄ ᑕᑥᐤ ᐊ ᐅᓂᑐᑕᑐᔭᒄ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐛᐸᔨᑎᒪᑐᔭᒄ ᒧᔭᒻ ᐅᑎᐸᔨᒋᒐᐤ ᑲ ᐃᓯ ᐛᐸᔨᑎᒪᑕᒄ᙮

2 ᑕᓴᓗᓂᔭᓇ 3:3

ᐃᑕᔨᑕᑯᓱᐤ ᒪᒃ ᐅᑎᐸᔨᒋᒐᐤ ᒐᒋ ᑕᑈᐅᒐᔨᒪᑭᓄᐅᑦ᙮ ᒋᑭ ᐃᑐᑕᑯᐛᐤ ᒐᒋ ᓱᒋᑲᐳᐅᐛᒄ ᑭᔭ ᒋᑭ ᒥᔪ ᑭᓄᐛᔨᒥᑯᐛᐤ ᒐ ᐊᑲ ᒋ ᓂᓱᐅᓇᒋᐃᑕᒄ ᒥᒋᒥᓂᑐᐤ᙮

2 ᑎᒧᑎ 4:18

ᐛᔅ ᐅᑎᐸᔨᒋᒐᐤ ᓂᑭ ᐎᐧᑯᒋᐃᒄ ᒥᓯᐛ ᑕᓐ ᒐ ᐃᓯ ᐅᑎᑕᐅᑯᔭᓐ ᒐᒂᓐ ᐊ ᒪᔭᑎᒡ ᑭᔭ ᐎᔾ ᓂᑭ ᐸᓱᐅᒄ ᐊᓐᑕ ᐊᓂᔭ ᐅᒋᒪᐅᓂᔪᐤ ᒋᒋᒋᓯᑯᒡ ᐊ ᑎᑯᓂᔨᒡ᙮ ᐎᔾ ᒋᑭ ᐎ ᒋᔅᑕᔨᑕᑯᐊᑭᓄᐤ ᑲᒋᒡ ᑭᔭ ᑲᒋᒡ᙮ ᐊᒥᓐ᙮

ᒋᒥᔅ ᐅᒥᓯᓇᐊᒪᒐᐅᓐ 2:13

ᐊᐛᓐ ᐊᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᑭᔭ ᐎᔾ ᒋᑭ ᐅᒋ ᒋᔅᑎᒪᒐᔨᒪᑭᓄᐤ ᐃᔅᐱ ᑎᐸᔅᑯᓇᑭᓄᒐ᙮ ᒥᒄ ᒪᒃ ᐊᓐ ᐊᐛᓐ ᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᒋᑭ ᐅᒋ ᑯᔅᑕᒍᐤ ᒐᒋ ᑎᐸᔅᑯᓇᑭᓄᐅᑦ᙮

ᒋᔅᒐᔨᑕᑯᑕᒐᐅᓐ 2:10

ᐊᑲᐎᔾ ᑯᔅᑕᒋᒄ ᑕᓐ ᒐ ᐃᓯ ᓂᓇᐧᑲᑕᔨᒧᔭᒄ᙮ ᒥᒋᒥᓂᑐᐤ ᒋᑭ ᑯᒂᒋᐃᑯᐛᐤ ᐊ ᐃᑐᑕᑕᒄ ᐱᔅᒐ ᒐᒋ ᒋᐸᐅᑯᐛᒄ ᑲᒪᑯᓄᐛᓯᐅᒋᐛᐱᒡ᙮ ᐸᐃᑯᔪᐛ ᒋᓯᑲᐛ ᒋᑭ ᐃᔅᐱᔅ ᓂᓇᐧᑲᑕᔨᒧᓇᐛᐤ᙮ ᐊᑲᐎᔾ ᒪᒃ ᐳᓂᒄ ᐊ ᑕᑈᔭᔨᒥᔭᒄ ᐊᑎ ᐎ ᓂᐸᐃᑯᔭᒂ᙮ ᐊᑯ ᒪᒃ ᒐ ᑲᓂᔪᐅᔭᒄ ᒋᓴᐅᒋᒪᐅᑯᓂᔎᐅᓐ ᐊᐅᒄ ᑲᒋᒡ ᐱᒪᑎᓯᐅᓐ᙮”

ᒋᔅᒐᔨᑕᑯᑕᒐᐅᓐ 3:10

ᐊᓐ ᐊᒋ ᓯᐱᔪᐛᓯᔭᒄ ᑕᓐ ᐊ ᐃᓯ ᓂᒋᔅᑭᒪᒄ ᒧᔭᒻ ᑲ ᐃᑎᓱᒥᑎᑯᒡ ᒐᒋ ᐃᑎᔭᒄ, ᒋᑭ ᑭᓄᐛᔨᒥᑎᓇᐛᐤ ᐊᓐᑕ ᒪᒂᒡ ᐱᒥᐱᔨᒐ ᐊ ᐊᔨᒥᐅᒡ ᐊᐛᓐᒋ, ᐊᓐᑕ ᒪᒂᒡ ᒐ ᓂᑐ ᒋᔅᒐᔨᒪᑭᓄᐎᒡ ᒥᓯᐛ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ᙮