ᓗᒃ 11:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐊᑯ ᒋᓴᔅ ᒥᓐ ᒂ ᐃᔅᒋᔄᑦ, “ᐃᔅᐱ ᐊᒋ ᐎᐎᑦ ᒥᒋ ᐊᒐᐧᒄ ᐱᒡ ᐊᐛᔪᐛ ᐊ ᑕᔨᒋ ᐅᒋ ᐊᓐᑕ ᐊ ᐸᒂᔨᒡ ᐱᐸᑕᐤ ᐊ ᓇᓂᑐᐛᐸᑕᐧᒃ ᑕᓐᑕ ᒐᒋ ᐊᔅᑕᔭᔅᑯᓯᑦ᙮ ᐊᑲ ᒪᒃ ᒪᔅᑲᐧᒃ ᐊᑯ ᐊ ᐃᑎᓱᑦ, ‘ᓂᑭ ᒋᐛ ᓇᓂᑐᐛᐱᒪᐤ ᐊᓐ ᓇᐸᐤ ᑲ ᓂᑭᑎᒃ᙮ ᐊᓂᔭ ᒪᒃ ᓇᐸᐛ ᒧᔭᒻ ᒥᒋᐛᑉ ᐊᐅᒄ ᐊ ᐃᓯᓇᑯᓯᔨᒋ᙮’

ᓗᒃ 11:24 Iomraidhean Croise

ᑎᐱᑦ ᐅᓂᑭᒧᐅᓇ 63:1

ᐅ ᒋᓴᒪᓂᑐᐤ, ᒋᔭ ᓂᒋᓴᒪᓂᑐᒻ; ᐎᐱᒡ ᒋᑭ ᓇᓂᑐᐛᔨᒥᑎᓐ: ᓂᑦ ᐊᒐᐧᒄ ᒋ ᓄᑕᔭᐸᒂᑐᑕᒄ, ᓂᔭᔅ ᒋ ᐱᒂᔨᒥᑯᓐ, ᐊ ᐸᔅᑕᒡ ᑭᔭ ᐊ ᓄᑕᔭᐸᒂᒥᑭᒡ ᐊᔅᒋᒡ, ᐊᓐᑕ ᐊᑲ ᑎᒂᒡ ᓂᐱᔾ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:10

ᐊᑯ ᓇᔅᒡ ᑲ ᐎ ᐊᔨᐧᑭᒥᐊᑦ ᒋᓴᓴ ᒐ ᐊᑲ ᒋ ᐃᑎᓴᐛᑦ ᐊᓂᔭ ᒥᒋ ᐊᒐᒂ ᐊᓐᑕ ᐎᐎᑎᒥᒡ ᐊᓂᔭ ᐊᔅᒋᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:25

ᒋᓴᔅ ᒪᒃ ᒋ ᐛᐱᒪᐤ ᐊᓂᔭ ᐃᔪᐛ ᑲ ᐸᒋ ᒪᒧᑲᐳᔨᒋ ᐊ ᐊᑎ ᓯᑎᔅᑲᑐᔨᒋ ᐊᑯ ᒂ ᒋᑕᐊᒧᐛᑦ ᐊᓂᔭ ᒥᒋ ᐊᒐᒂ ᐊ ᐃᑕᑦ, “ᒋᔾ ᐊᒐᐧᒄ ᐊᑲ ᐸᑎᒥᓐ ᑭᔭ ᐊᑲ ᓂᑕᐛᔨᓐ, ᒪᒋ ᐎᐎᔾ ᐊᓐᑕ ᐅ ᓇᐸᔅ ᐊ ᑕᑦ ᐅᒡ᙮ ᐊᑲᐎᔾ ᒥᓐ ᒋᑭ ᐅᒋ ᐱᒋᔅᑯᐛᐤ᙮”

ᓗᒃ 11:25

ᑭᑈ ᑲᐤ ᐊ ᐃᓯ ᒋᐛᑦ ᐊᓐ ᒥᒋ ᐊᒐᐧᒄ ᐊ ᓇᓂᑐᐛᔨᑕᐧᒃ ᐊᓐᑕ ᑲ ᐅᒋ ᐎᐎᑦ ᒥᒋᐛᐱᔪᐤ᙮ ᐃᔅᐱ ᒪᒃ ᐸᒐᑦ ᐊᑯ ᒪᔅᑲᐧᒃ ᓇᔅᒡ ᐊ ᐸᔭᒋᓇᑯᓂᔨᒡ ᑭᔭ ᓇᔅᒡ ᐊ ᒥᔪᓇᑯᓂᔨᒡ᙮

ᐃᐱᓯᔭᓇ 2:2

ᐊᐅᑯᓐ ᑲ ᐃᓯ ᐱᒪᑎᓯᔭᒄ ᐊᔅᒄ ᐊᒋ ᓇᓴᐊᒪᒄ ᑕᓐ ᐊ ᐃᑎᓇᓄᐅᒡ ᐅᑕ ᐊᔅᒋᒡ ᑭᔭ ᐊᔅᒄ ᐊᒋ ᓇᓴᐛᒄ ᐊᓐ ᑲ ᐅᒋᒪᐧᑲᑕᐧᒃ ᒋᓯᑯᔪᐤ, ᐊᓐ ᐊᒐᐧᒄ ᑲ ᐃᓯ ᐊᑐᔅᒐᑦ ᐊ ᐱᒋᔅᑯᐛᑦ ᐊᓂᔭᔪᐛ ᐊᐛᔪᐛ ᐊᑲ ᓂᓇᐃᑐᐛᔨᒋ ᒋᓴᒪᓂᑐᐛ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮