ᓗᒃ 10:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᑯᑕ ᒪᒃ ᒐ ᑕᔭᒄ ᐊᓐᑕ ᐊᓐ ᒥᒋᐛᑉ ᐊ ᑕᒡ ᐊᓐᒡ ᐊ ᐎ ᐊᔭᒡ ᒋᔭᒪᔨᑎᒧᐅᓂᔪᐤ᙮ ᐊᑯᑕ ᒐ ᒥᒋᓱᔭᒄ ᑭᔭ ᒐ ᒥᓂᔭᒄ ᑕᓐ ᒐ ᐃᓯ ᒥᔨᑯᐅᔭᒄ, ᐛᔅ ᐊᐛᓐ ᑲ ᐊᑐᔅᒐᑦ ᑕᑈ ᐃᑕᔨᑕᑯᓱᐤ ᒐᒋ ᑎᐸᐊᒧᐛᑭᓄᐅᑦ᙮ ᐊᑲᐎᔾ ᐊᓱᐱᒐᒄ ᒥᒋᐛᑉ, ᐊᑯᑕ ᒥᒄ ᑕᒄ ᐊᓐᑕ ᑲ ᐱᑎᑲᐃᑯᐅᔭᒄ᙮”

ᓗᒃ 10:7 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:10

ᒋ ᐃᑕᐤ ᑭᔭ, “ᐊᓐᑕ ᒐ ᐱᑎᑲᐃᑯᐛᒂ ᒥᒋᐛᑉ ᐊᑯᑕ ᐊᓐᑕ ᑕᒄ ᐸᑐᔅ ᓂᑭᑎᒪᒂ ᐊᓐ ᐅᑕᓇᐤ᙮

ᓗᒃ 10:6

ᐊᑯ ᒪᒃ ᐊᓐᒡ ᐊᓐᑕ ᐊ ᑕᒡ ᒪᔽᔨᑎᒧᐛᒂ ᒋᔭᒪᔨᑎᒧᐅᓂᔪᐤ ᒋᑭ ᐊᔭᐅᒡ᙮ ᐊᑯ ᒪᒃ ᐊᑲ ᒪᔽᔨᑎᒧᐛᒂ ᒋᔭᒪᔨᑎᒧᐅᓂᔪᐤ ᓇᒪ ᒋᑭ ᐅᒋ ᐊᔭᐅᒡ᙮

ᓗᒃ 9:4

ᑭᔭ ᐊᓐ ᒥᒋᐛᑉ ᑕᓐᑕ ᒐ ᐱᑎᑲᐃᑯᐛᒂ, ᐊᑯᑕ ᐊᓐᑕ ᒐ ᑕᔭᒄ ᐸᑐᔅ ᓂᑭᑎᒪᒂ ᐊᓐ ᐅᑕᓇᐤ᙮

ᐊᑈᔅᑕᓇᒡ 16:15

ᒋ ᓯᑲᐃᑐᐛᑭᓄᐤ ᒪᒃ ᓕᑎᔭ ᑭᔭ ᒥᓯᐛ ᐊᓐᑕ ᐎᒋᒡ ᑲ ᐎᒋᒥᑯᑦ᙮ ᐊᑯ ᒂ ᐎᓴᒥᔨᒥᒡ ᐊᓐᑕ ᐎᒋᒡ ᒐᒋ ᐎᒋᒥᒋᑦ ᐊ ᐃᑎᑯᔭᒡ, “ᒋᔭᔅᑎᓇᐅᐛᒂ ᐊ ᑕᑈᔭᔨᒥᒃ ᐅᑎᐸᔨᒋᒐᐤ, ᐸᒋ ᐱᒐᒄ ᓂᒋᒡ ᐊᓐᑕ ᒐ ᑕᔭᒄ᙮” ᓂᒋ ᓴᐧᑯᒋᒥᑯᓇᓐ ᒪᒃ᙮

ᐊᑈᔅᑕᓇᒡ 16:34

ᐊᑯ ᐊᓐᑕ ᐎᒋᒡ ᒂ ᐃᑐᑕᐊᑦ ᐊᓂᔭ ᑈᓚ ᑭᔭ ᓴᓂᓴ, ᒂ ᒥᔭᑦ ᒥᒋᒥᔪᐤ ᒐᒋ ᒥᒋᓱᔨᒋ᙮ ᓇᔅᒡ ᒪᒃ ᒋ ᒥᔽᔨᑎᒻ ᑭᔭ ᐊᓂᔭ ᐊᓐᑕ ᐊ ᐸᐃᑯᔅᑲᓇᓯᑦ ᒋ ᒧᒋᒐᔨᑎᒥᔪᐛ ᐊ ᑕᑈᐅᒐᔨᒪᒡ ᒋᓴᒪᓂᑐᐛ᙮

ᐊᑈᔅᑕᓇᒡ 16:40

ᐊᑯ ᒪᒃ ᑈᓪ ᑭᔭ ᓴᓂᔅ ᐊᓐᑕ ᐊᓂᔭ ᐃᔎᐛ ᓕᑎᔭᔨᒋ ᐊ ᑕᔨᒋ ᐊᑯᑕ ᒂ ᐃᑐᑕᒡ᙮ ᐊᑯᑕ ᐅᑕ ᐱᔅᒐ ᑲ ᑕᔨᒋ ᒋᐧᑲᓂᓯᓄᐛ ᑲ ᑕᑈᑎᒥᔨᒋ, ᐊᑯ ᒂ ᐃᔨᒪᐊᒡ ᒐᒋ ᐊᔨᒋᑲᐳᔨᒋ ᐊ ᑕᑈᑎᒥᔨᒋ᙮ ᐊᑯ ᒂ ᔅᑐᑕᒡ᙮

ᑲᓚᓯᔭᓇ 6:6

ᐊᓐ ᐊᐛᓐ ᑲ ᒋᔅᑯᑎᒧᐛᑭᓄᐅᑦ ᒥᔽᒋᒧᐅᓂᔪᐤ ᒋᐸ ᒥᔭᐤ ᐊᓂᔭᔪᐛ ᑲ ᒋᔅᑯᑎᒪᑯᑦ ᒐᒋ ᐊᐱᒋᑕᔨᒋ ᒥᓯᐛ ᑕᓐ ᐊ ᐃᓯ ᒥᔪ ᐊᔭᑦ ᒐᒂᔪᐛ᙮

1 ᑎᒧᑎ 5:13

ᑯᑎᑭᒡ ᐅᒡ ᑲ ᐅᔅᒋᐱᒪᑎᓯᒡ ᑲ ᐸᐃᑯᓯᒡ ᐃᔎᐅᒡ ᐊᔭᔅᒃ ᓇᒪ ᒐᒂᓂᒡ ᒋᑭ ᐅᒋ ᐃᑕᔨᑎᒧᒡ ᐊᑲ ᓇᔅᒡ ᒐᒂᔪᐤ ᐃᑐᑕᒡ᙮ ᒥᒄ ᐊᑎ ᐸᐱᑎᑯᐛᐅᒡ ᐊᐛᔪᐛ ᐎᒋᔨᒡ, ᒥᒄ ᐊᑎ ᒥᒧᐱᔅᑐᐛᒡ᙮ ᓇᒪ ᒪᒃ ᒥᒄ ᐅᔭ ᐃᑐᐅᒡ, ᒐᒃ ᒧᔅ ᐱᒋᔎᐧᑲᑐᐛᐅᒡ ᑭᔭ ᐱᐱᔎᐅᒡ ᐊ ᐊᔨᒧᑕᒡ ᒐᒂᔪᐤ ᐊᓂᔭ ᐊᑲ ᒋᐸ ᐅᒋ ᐊᐱᑕᔨᑎᒥᐃᑯᐅᒡ᙮

2 ᑎᒧᑎ 2:6

ᑭᔭ ᓂᑕᐅᒋᒐᓱᐤ ᓱᒃ ᑲ ᐊᑐᔅᒐᑦ ᐃᑕᔨᑕᑯᓂᔪᐤ ᐎᔾ ᓂᔅᑎᒻ ᒐᒋ ᐸᒂᓂᒪᓱᑦ ᐊᓂᔭ ᑕᓐ ᑲ ᐃᓯ ᓂᑕᐅᒋᑕᑦ᙮