ᓗᒃ 10:37 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁷ ᐊᑯ ᒂ ᐃᔅᒋᔄᔨᒋ ᐊᓂᔭᔪᐛ ᓇᐸᐛ, “ᐊᓐ ᑭᑈ ᓇᐸᐤ ᑲ ᐎᒋᐊᑦ ᑲ ᓄᑯᑕᑦ ᐊ ᒋᔅᑎᒪᒐᔨᒪᑦ᙮” ᒋᓴᔅ ᒂ ᐃᑕᑦ, “ᒪᒋ ᒪᒃ, ᐊᐅᑯᓐ ᒪᒃ ᐅ ᒧᔭᒻ ᒐ ᐃᑐᑎᒥᓐ ᑭᔭ ᒋᔾ᙮”

ᓗᒃ 10:37 Iomraidhean Croise

ᒪᑎᔪᐤ 20:28

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒪᑎᔪᐤ 23:23

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ᙮ ᐊᐅᒄ ᒋᔨᐛᐤ ᑲ ᐊᔭᒥᐊᐧᑲᓱᔭᒄ᙮ ᓇᔅᒡ ᐃᔭᒂ ᒋ ᓂᓇᑭᑐᐛᔨᑕᓇᐛᐤ ᐊ ᐃᓯ ᐸᒂᓂᒧᐛᒄ ᒋᓴᒪᓂᑐᐤ ᓂᓇᐧᑯᐤ ᓂᑕᐅᒋᑕᑭᓂᓴ ᑲ ᓂᑕᐅᒋᑕᔭᒄ ᒧᔭᒻ ᐊᓂᔭ ᒥᓐᑦ, ᑎᓪ ᑭᔭ ᑯᒥᓐ ᑲ ᐃᓯᓂᐧᑲᑕᒋ᙮ ᒥᔽᐤ ᑭᑈ ᐅ ᐊ ᐃᑐᑎᒪᒄ᙮ ᒥᒄ ᒪᒃ ᓇᒪ ᓇᔅᒡ ᒋᑦ ᐊᐱᑕᔨᑎᒥᐃᑯᓇᐛᐤ ᐊᓂᔭᔪᐛ ᒋᒋᐛ ᑲ ᐃᑕᔨᑕᒂᒋ ᒋᔅᑯᑎᒪᒐᐅᓇ ᐊᓐᑕ ᐎᓱᐛᐅᓂᒡ ᑲ ᐊᔨᒧᑕᒋ, ᒧᔭᒻ ᑯᐃᔅᒄ ᑎᐸᔅᑯᓂᒐᐅᓐ, ᓱᐛᔨᒋᒐᐅᓐ ᑭᔭ ᑕᑈᑎᒧᐅᓐ᙮ ᐊᔪᑯᓐ ᐅᔭ ᓂᔅᑎᒻ ᔭᐃᑕᔾ ᒋᐸ ᐎ ᐃᓯ ᓂᓇᑭᑐᐛᔨᑎᒥᐃᑯᓇᐛᐤ ᒐᒋ ᐃᑐᑎᒪᒄ ᒥᒄ ᒪᒃ ᐊᑲᐎᔾ ᒋᑭ ᐅᒋ ᐅᓂᒋᔅᒋᓯᑕᓇᐛᐤ ᑭᔭ ᒐᒋ ᐸᒂᓂᒧᐛᒄ ᒋᓴᒪᓂᑐᐤ᙮

ᓗᒃ 10:36

ᐊᔪᐅᒄ ᐅᔭ ᑎᐸᒋᒧᐅᓂᔪᐤ ᑲ ᐎᑎᒧᐛᑦ ᒋᓴᔅ ᐊᓂᔭ ᓇᐸᐛ ᑲ ᒋᔅᑯᑎᒪᒐᔨᒋ ᐊᔭᒥᐊᐅ ᐎᓱᐛᐅᓂᔪᐤ᙮ ᐊᑯ ᒂ ᐃᑕᑦ, “ᑕᓐ ᐊᓐ ᐊᐅᒄ ᐊᓐᒡ ᐊ ᓂᔅᑎᒡ ᓇᐸᐅᒡ ᒧᔭᒻ ᐎᒡ ᐃᔪᐛ ᑲ ᐃᑐᑐᐛᑦ ᐊᓂᔭ ᓇᐸᐛ ᑲ ᒥᔄᑭᓂᐧᑲᑕᑭᓄᔨᒋ ?”

ᓗᒃ 10:38

ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒪᒂᒡ ᐊ ᐱᒧᑕᒡ ᒋ ᐅᑎᑎᒧᒡ ᐅᑕᓇᔪᐤ᙮ ᒋ ᑕᐤ ᒪᒃ ᐊᓐᑕ ᐃᔎᐤ ᒪᕐᑕ ᐊ ᐃᓯᓂᐧᑲᓱᑦ, ᐊᐅᒄ ᒪᒃ ᐊᓂᔭ ᑲ ᐱᑎᑲᐃᑯᒡ᙮

2 ᑯᕆᓐᑎᔭᓇ 8:9

ᒋ ᒋᔅᒐᔨᒪᐛᐤ ᑕᓐ ᑲ ᐃᓯ ᒥᔪᑐᑎᒪᒐᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮ ᒋ ᐛᔪᑎᓯᐤ ᐃᔭᐱᒡ ᒪᒃ ᒋ ᐃᑐᑕᓱᐤ ᒐᒋ ᒋᔅᑎᒪᑎᓯᑦ ᒋᔭᓄᐤ ᐅᒡ᙮ ᒋ ᓂᑭᑎᒻ ᐎᔾ ᒥᓯᐛ ᐅᐛᔪᑎᓯᐅᓐ᙮

ᐃᐱᓯᔭᓇ 5:2

ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

1 ᐱᑕᕐ 2:21

ᐛᔅ ᐊᐅᒄ ᐛᒋ ᐎᓴᒥᑯᐅᔭᒄ, ᐊᓂᔭ ᙭ ᐊᒋ ᐛᐎᓯᒐᔨᑎᒥᐊᑭᓄᐅᑦ ᔅᒋ ᓂᑭᑎᒪᑯᐛᐤ ᒐᒂᔪᐤ ᒐ ᒋᔅᒋᓄᐛᐸᑎᒺᒄ, ᒐᒋ ᑕᑕᐸᐊᒺᒄ ᑕᓐᑕ ᑲ ᐊᑎ ᐱᒧᑕᑦ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮