ᓗᒃ 10:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒋ ᐃᑕᐤ ᒪᒃ, “ᒥᒐᓇ ᓂᑕᐅᒋᑕᑭᓇ ᓴᔅ ᐊ ᐃᓯᓇᒂᒋ ᒐᒋ ᒪᒧᓴᒋᓂᑭᓄᐅᒋ ᒥᒄ ᒪᒃ ᓇᒪ ᒥᒐᑐᐅᒡ ᑲ ᐊᑐᔅᒐᒡ ᒐᒋ ᒪᒧᓴᒋᓇᒡ᙮ ᒋᐸ ᐃᔨᒪᐊᐛᐤ ᐅᑎᐸᔨᒋᒐᐤ, ᐊᓐ ᑲ ᑎᐱᔨᐛᐅᓯᑦ ᒥᓯᐛ ᒐᒂᔪᐤ ᐊ ᓂᑕᐅᒋᓂᔨᒡ, ᒐᒋ ᐃᑎᓴᐛᑦ ᒥᒐᑦ ᐊᐛᔪᐛ ᒐ ᒪᒧᓴᒋᓂᒥᔨᒋ ᐊᓂᔭ ᓂᑕᐅᒋᑕᑭᓇ᙮

ᓗᒃ 10:2 Iomraidhean Croise

ᑎᐱᑦ ᐅᓂᑭᒧᐅᓇ 68:11

ᑎᐸᔨᒋᒐᓱᐤ ᒋ ᒥᔨᐛᐤ ᐃᔨᒧᐅᓂᔪᐤ; ᓇᔅᐱᒡ ᒋ ᒥᒐᑐᐅᒡ ᐊᓐᒡ ᐃᔎᐅᒡ ᑲᒋ ᐛᐎᑕᒡ:

ᒪᑎᔪᐤ 20:1

“ᒪᐅ ᐊᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒋ ᑕᐤ ᐸᐃᒂᐤ ᐅᒋᒪᐤ ᐊ ᑎᐱᔨᐛᐅᓯᑦ ᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᔪᐤ᙮ ᐸᐃᒂᐤ ᒪᒃ ᐎᐱᒡ ᐊ ᒐᒋᓴᐸᔭᔨᒡ ᒋ ᐎᐎᔪᐤ ᐊ ᓇᓂᑐᐛᔨᒪᑦ ᐊᐛᔪᐛ ᒐᒋ ᐅᑎᓇᑦ, ᒐᒋ ᐊᑐᔅᒐᔨᒋ ᐊᓐᑕ ᐅᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:34

ᐊᑯᓐ ᒧᔭᒻ ᐊ ᐃᓯᓇᒂᒡ ᐃᔪᐤ ᐛᔪᐤ ᐊ ᐎ ᐃᑐᑕᑦ᙮ ᐃᔅᐱ ᒐ ᓂᑭᑕᐧᒃ ᐎᒡ ᐅᑦ ᐊᐱᒋᐊᑭᓇ ᒥᔭᐤ ᒐ ᐅᒋᒪᐎᔨᒋ ᒪᒂᒡ ᐊᑲ ᑕᒐ᙮ ᒥᓯᐛ ᐸᐸᐃᒄ ᐎᑎᒧᐛᐤ ᒐ ᐃᑕᐱᑎᓯᔨᒋ᙮ ᑭᔭ ᐊᓂᔭᔪᐛ ᑲ ᑭᓄᔎᑎᐛᔨᒋ ᐃᑎᓱᒪᐤ ᐃᔭᒂ ᒐᒋ ᓂᓇᑭᑐᐛᐸᑎᒥᔨᒋ ᐃᔎᑕᒥᔪᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:15

ᐊᑯ ᒂ ᐃᑕᑦ, “ᒪᒋᒄ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᒐ ᑭᒐᔅᒋᒧᔭᒄ ᐊ ᐛᐎᑎᒪᒄ ᐅ ᒥᔽᒋᒧᐅᓐ ᒥᓯᐛ ᐊᐛᓐ ᒐᒋ ᐸᑕᐧᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:20

ᐊᑯ ᒪᒃ ᒋᔅᒋᓄᐊᒧᐛᑭᓐᒡ ᒥᓯᐛ ᒋ ᐃᑐᑕᐅᒡ ᐊ ᑭᒐᔅᒋᒧᒡ᙮ ᐅᑎᐸᔨᒋᒐᐛ ᒋ ᐎᒋᐃᑯᐅᒡ ᑭᔭ ᒋ ᐛᐸᑎᔨᐛᔪᐛ ᐊ ᑕᑈᒥᑭᓂᔨᒡ ᑕᓐ ᐊ ᐃᓯ ᑭᒐᔅᒋᒧᒡ ᐊᓂᔭ ᐅᒋ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᐊᒋ ᐃᑐᑕᒡ᙮ ᐊᒥᓐ᙮

ᓗᒃ 9:1

ᒋᓴᔅ ᒋ ᒪᒧᐤ ᐎᓴᒪᐤ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ᙮ ᒂ ᒥᔭᑦ ᓱᐧᑲᑎᓯᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᒐᒋ ᐎᐎᑎᓴᐛᔨᒋ ᒥᒋ ᐊᒐᒂ ᑭᔭ ᒐᒋ ᒥᓏᒋᐊᔨᒋ ᓂᓇᐧᑯᐤ ᐊ ᐃᑕᔅᐱᓇᔨᒋ ᐊᐛᔪᐛ᙮

ᐊᑈᔅᑕᓇᒡ 11:19

ᐃᔅᐱ ᒪᒃ ᑲ ᓂᐸᐊᑭᓄᐅᑦ ᔅᑎᐱᓐ, ᒋ ᓂᓇᐧᑲᒋᐊᑭᓄᐅᒡ ᐊᓐᒡ ᑲ ᑕᑈᑕᒡ, ᒥᓯᐛ ᒪᒃ ᓂᓇᐧᑯᐤ ᒋ ᐃᑎᓯᒧᒡ᙮ ᐱᔅᒐ ᒪᒃ ᐛᔪᐤ ᒋ ᐃᑐᑕᐅᒡ ᒧᔭᒻ ᐊᓐᑕ ᐊᔅᒋᒡ ᐳᓂᓯᔭ ᑭᔭ ᓴᐃᐳᕋᔅ ᑲ ᐃᓯᓂᐧᑲᑕᔨᒋ ᑭᔭ ᐊᓐᑕ ᐅᑕᓇᒡ ᐊᓐᑎᔭᒃ, ᒥᒄ ᒪᒃ ᐊᓂᔭ ᒍᐤ ᐃᔪᐛ ᒋ ᐛᐎᑎᒧᐛᐅᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 13:2

ᒪᒂᒡ ᒪᒃ ᐊᓐᑕ ᐊ ᐊᑲ ᒥᒋᓱᒡ ᒥᒄ ᐊ ᒪᒧᐤ ᐊᔭᒥᐊᔅᑐᐛᒡ ᒋᓴᒪᓂᑐᐛ, ᐊᑯᑕ ᑲ ᐃᔨᒥᐃᑯᒡ ᑲ ᐸᔭᒋᓯᔨᒋ ᐊᒐᒂ ᐊ ᐃᑎᑯᒡ, “ᐸᒋ ᑎᐸᓇᐊᐧᑯᒡ ᐸᕐᓇᐸᔅ ᑭᔭ ᓴᓪ ᐛᔅ ᓂᒋ ᐎᔭᔨᒪᐅᒡ ᒐᒋ ᐃᑐᑎᒧᐅᒡ ᐊᑐᔅᒐᐅᓂᔪᐤ᙮”

ᐊᑈᔅᑕᓇᒡ 13:4

ᑲ ᐸᔭᒋᓯᔨᒋ ᐊᒐᒂ ᒪᒃ ᐊᒋ ᒋᑎᓴᐅᑯᒡ ᐸᕐᓇᐸᔅ ᑭᔭ ᓴᓪ ᐊᓐᑕ ᐅᑕᓇᔪᐤ ᓴᓗᓯᔭ ᑲ ᐃᓯᓂᐧᑲᑕᔨᒡ ᐊᑯᑕ ᐊᓐᑕ ᑲ ᐅᒋ ᐳᓯᒡ ᐊᓐᑕ ᒥᓂᔅᑎᑯᒡ ᓴᐃᐳᕋᔅ ᑲ ᐃᓯᓂᐧᑲᑕᔨᒡ ᐊᑯᑕ ᑲ ᐃᔅᒋᒪᒡ᙮

ᐊᑈᔅᑕᓇᒡ 20:28

ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮

ᐊᑈᔅᑕᓇᒡ 22:21

“ᐊᑯ ᒂ ᐃᓯᑦ ᐅᑎᐸᔨᒋᒐᐤ, ‘ᒪᒋ ᐃᔭᐱᒡ ᐛᔅ ᐛᔪᐤ ᒋᑭ ᐃᑎᓴᐅᑎᓐ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᑕᒡ᙮’ ”

ᐊᑈᔅᑕᓇᒡ 8:4

ᐊᓐᒡ ᒪᒃ ᑲ ᑕᑈᑕᒡ ᑲ ᒋᑎᓯᒧᒡ ᒋᕈᓯᓕᒥᒡ, ᒥᓯᐛ ᒋ ᐱᐸᒧᑕᐅᒡ ᐊ ᐛᐎᑕᒡ ᒥᔽᒋᒧᐅᓂᔪᐤ᙮

1 ᑯᕆᓐᑎᔭᓇ 12:28

ᑕᔪᐛ ᒪᒃ ᐅᒪᒧᐊᔭᒥᐊᐛ ᒋᓴᒪᓂᑐᐤ ᐊᒋ ᐅᑎᓇᑦ ᑕᓐ ᒐ ᐃᑕᐱᑎᓯᔨᒋ᙮ ᐊᓂᔭᔪᐛ ᓂᔅᑎᒻ ᑲ ᐅᑎᓇᑦ ᐊᐅᒄ ᐅᔭ ᐊᑈᔅᑕᓇ ᐊᑯ ᒥᓐ ᐅᒋᔅᒋᐛᐃᒐᓱᐛ, ᐊᑯ ᒥᓐ ᒋᔅᑯᑎᒪᒐᓱᐛ, ᑭᔭ ᐊᐛᔪᐛ ᒪᒥᔅᑲᒡ ᒐᒂᔪᐤ ᒐ ᐃᑐᑎᒥᔨᒋ᙮ ᒋ ᐅᑎᓇᐤ ᑭᔭ ᐊᐛᔪᐛ ᒐ ᒥᓏᒋᐃᐛᔨᒋ, ᑭᔭ ᐊᓂᔭᔪᐛ ᓂᓇᐧᑯᐤ ᒐ ᐃᓯ ᐎᒋᐊᔨᒋ ᐊᐛᔪᐛ᙮ ᒋ ᐅᑎᓇᐤ ᑭᔭ ᐊᐛᔪᐛ ᐊ ᐛᐎᐱᔨᑕᔨᒋ ᒐᒂᔪᐤ ᒐ ᐃᑕᐱᑎᓯᔨᒋ, ᑭᔭ ᐊᐛᔪᐛ ᒐ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 15:10

ᒥᒄ ᒪᒃ ᒋᓴᒪᓂᑐᐤ ᓴᒐᔾ ᐊ ᒥᔪᑐᑎᒧᐛᑦ ᐊᐛᔪᐛ ᐊᑯᑕ ᐛᒋ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᔭᓐ ᐊᓄᒡ᙮ ᓇᒪ ᒪᒃ ᒐᔅᑲ ᐊᓂᔭ ᑲ ᐃᓯ ᓴᒐᔾ ᒥᔪᑐᑎᒧᐅᑦ᙮ ᓂᔾ ᒪᒃ ᐎ, ᐊᑐᐎᔅ ᓱᒃ ᓂᒋ ᐊᑐᔅᒐᓐ ᐃᔅᐱᔅ ᒥᓯᐛ ᐊ ᑕᑎᓯᒡ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᓇᒪᐎᔾ ᒪᒃ ᓂᔾ ᑎᐱᔨᐛ ᑲ ᐃᑎᔭᓐ᙮ ᒋᓴᒪᓂᑐᐤ ᐎᔾ ᓴᒐᔾ ᐊᒋ ᒥᔪᑐᑎᒧᐅᑦ ᐛᒋ ᐃᑐᑎᒪᓐ ᐅ ᑲ ᐃᓯ ᐊᔨᒧᑎᒪᓐ᙮

2 ᑯᕆᓐᑎᔭᓇ 6:1

ᐊᓐ ᒪᒃ ᐊ ᒪᒧᐤ ᐊᑐᔅᑯᐅᒋᒡ ᒋᓴᒪᓂᑐᐤ ᒋ ᓂᑐᑎᒪᑎᓇᓐ ᒐ ᐊᑲ ᒋ ᐃᓯᓇᑯᓯᔭᒄ ᐊᑲ ᐊ ᐊᐱᑕᔨᑎᒪᒄ ᑕᓐ ᐊ ᐃᓯ ᒋᓴᐛᑐᑕᑕᒄ ᒋᓴᒪᓂᑐᐤ᙮

ᐱᓕᐱᔭᓇ 2:21

ᒥᓯᐛ ᑯᑎᑭᒡ ᐊᐛᓐᒋ ᒥᒄ ᐎᔨᐛᐤ ᓂᓇᑭᑐᐛᔨᒥᓱᐅᒡ, ᓇᒪ ᐊᐱᑕᔨᑎᒥᐃᑯᐅᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ᙮

ᐱᓕᐱᔭᓇ 2:25

ᓂᑦ ᐃᑕᔨᑕᓐ ᑲᐤ ᒐᒋ ᒋᐛᑎᓴᐅᒃ ᒋᔅᑕᓯᓄᐤ ᐃᐸᑉᕋᑕᐃᑕᔅ ᐊᓐᑕ ᐊ ᑕᐛᒄ᙮ ᐛᔅ ᓱᒃ ᓂᒋ ᐎᒋᐃᒄ ᐊ ᐛᐎᑎᒪᓐ ᒥᔽᒋᒧᐅᓐ᙮ ᒋᔨᐛᐤ ᔅᒋ ᐸᒋ ᐃᑎᓴᐛᐛᐤ ᒐᒋ ᐸᒋ ᐛᐎᒋᐃᑦ᙮

ᐱᓕᐱᔭᓇ 2:30

ᓇᒪ ᐅᒋ ᐳᓂᐤ ᐊ ᐊᑐᔅᑯᐛᑦ ᒋᓴᓴ ᐊᑎ ᐊᒋ ᑯᔅᐱᓇᑎᓂᔨᒡ ᐅᐱᒪᑎᓯᐅᓐ ᐊᒋ ᐸᓱᐛᐸᑕᐧᒃ ᓂᐳᐅᓂᔪᐤ᙮ ᐊᔪᐅᒄ ᐅᔭ ᑲ ᐃᑎᑦ ᐊ ᐸᒋ ᐎᒋᐃᑦ ᐊᑲ ᐅᒋ ᑕᔭᒄ ᒋᔨᐛᐤ ᒐᒋ ᐸᒋ ᐎᒋᐃᔭᒄ᙮

ᑯᓚᓯᔭᓇ 1:29

ᒐᒋ ᐃᑐᑎᒪᓐ ᒪᒃ ᐅ ᓂ ᐅᔅᑯᐎᓐ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ᙮ ᐊᓂᔭ ᓱᒐᔨᑕᑯᓱᐅᓂᔪᐤ ᐊ ᐃᓯ ᒥᔨᑦ ᙭ ᓄᑕᐱᒋᐅᓐ᙮ ᓇᔅᒡ ᒪᒃ ᐛᔅ ᓄᑯᓂᔪᐤ ᐊᓂᔭ ᓱᒐᔨᑕᑯᓱᐅᓂᔪᐤ ᒪᒂᒡ ᐊᓐᑕ ᐊ ᐊᑐᔅᒐᐅᒡ᙮

ᑯᓚᓯᔭᓇ 4:12

ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮

1 ᑕᓴᓗᓂᔭᓇ 2:9

ᓂᐧᑲᓂᓯᑐᒄ, ᒐᔅᑎᓇᔅ ᒋ ᒋᔅᒋᓯᓇᐛᒐ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ᑕᔭᒄ᙮ ᓂᒋ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ᐃᑕᔨᑎᒪᒄ ᒐᒋ ᐸᒋ ᐱᒥᐱᔨᐃᔭᒡ ᒪᒂᒡ ᐊ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮

1 ᑕᓴᓗᓂᔭᓇ 5:12

ᓂᐧᑲᓂᓯᑐᒄ, ᒋ ᐱᑯᓴᔨᒥᑎᓇᓐ ᒐᒋ ᒋᔅᑕᔨᒪᑯᒡ ᐊᓐᒡ ᑲ ᓂᑲᓂᔅᑲᑕᑯᒡ᙮ ᐛᔅ ᐅᑎᐸᔨᒋᒐᐛ ᒋ ᐅᑎᓂᑯᐅᒡ ᒐᒋ ᒋᔅᒋᓄᑕᐃᑕᑯᒡ ᑭᔭ ᒐᒋ ᒋᔅᑯᑎᒪᑕᑯᒡ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᒪᑎᓯᐛᒄ᙮

2 ᑕᓴᓗᓂᔭᓇ 3:1

ᐊᐅᒄ ᐅ ᒪᔅᑕᔾ ᐛ ᐃᑎᑎᑯᒡ, ᓂᐧᑲᓂᓯᑐᒄ, ᐸᒋ ᐊᔭᒥᐊᔅᑎᒧᐅᓇᓐ ᒐ ᐊᑲ ᒋ ᒋᐱᒋᑕᑭᓄᐎᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ᙮ ᐊᔭᒥᐊᒄ ᒐᒋ ᒥᓯᑕᐱᔨᒡ ᒧᔭᒻ ᒋᔨᐛᐤ ᐊᓐᑕ ᐊ ᑕᔭᒄ ᑲ ᐃᓯ ᒥᓯᑕᐱᔨᒡ᙮

1 ᑎᒧᑎ 4:10

ᐊᐅᒄ ᒪᒃ ᐛᒋ ᓱᒃ ᐃᔭᐱᒡ ᐃᑕᔨᑎᒥᐃᑯᔭᐧᒄ ᐅ ᑕᓐ ᐊ ᐃᑕᐱᑎᓯᔭᐧᒄ ᐊᑎ ᐊ ᐊᔨᒥᐅᔭᐧᒄ ᐛᔅ ᒋᑦ ᐊᔅᐸᔨᒧᑐᑐᐛᓄᐤ ᒋᓴᒪᓂᑐᐤ ᑲ ᐱᒪᑎᓯᑦ, ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐎᒋ ᑭᔭ ᑲ ᐱᒪᒋᐊᑦ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ᙮

2 ᑎᒧᑎ 4:5

ᒥᒄ ᒪᒃ ᓱᐧᒃ ᓂᓇᑭᑐᐛᔨᒥᓱᐤ ᒋᔾ, ᑯᐃᔅᒄ ᒐᒋ ᐃᓯ ᒪᒥᑐᓇᔨᑎᒥᓐ ᑕᓐ ᒥᒄ ᒐ ᐃᔅᐱᔪᐅᓇ᙮ ᓯᐱᔪᐛᓯᔅᑕ ᑕᓐ ᒐ ᐃᓯ ᓂᓇᐧᑲᒋᐃᑯᐎᔨᓐ᙮ ᓱᐧᒃ ᐎᒋᐃᒡ ᑯᑎᑭᒡ ᐊ ᐛᐎᑎᒧᐅᑥᐤ ᒥᔽᒋᒧᐅᓂᔪᐤ᙮ ᑭᔭ ᓇᔅᒡ ᐃᑐᑕ ᒥᓯᐛ ᐊᓂᔭ ᑕᓐ ᑲ ᐎ ᐃᑕᐱᒋᐃᔅᒃ ᒋᓴᒪᓂᑐᐤ᙮

ᐸᐃᓕᒪᓐ 1:1

ᓂᔾ ᑈᓪ ᑲ ᒥᓯᓇᐃᒐᔭᓐ᙮ ᑭᔭ ᑎᒧᑎ ᒋᐧᑲᓂᓯᓄᐤ ᑕᐤ ᐅᑕ᙮ ᑲᒪᑯᓄᐛᓯᐅᒋᐛᐱᒡ ᓂ ᑕᓐ ᐊᓄᒡ ᐊᓐ ᐅᒋ ᐊ ᐊᑐᔅᑯᐅᒃ ᒋᓴᔅ ᙭᙮ ᒋᔾ ᓂᐎᒐᐛᑭᓇᓐ ᐸᐃᓕᒪᓐ ᑲ ᒥᓯᓇᐊᒪᑕᓐ ᑭᔭ ᒋᔾ ᑲ ᐊᑐᔅᑯᐅᑦ ᒋᓴᔅ ᒧᔭᒻ ᓂᔭᓐ ᐊ ᐃᓯ ᐊᑐᔅᑯᐅᒋᒡ᙮

ᐃᑉᕈᐛ 3:6

ᐊᓂᔭ ᒪᒃ ᒋᓴᒪᓂᑐᐛ ᐊ ᐅᑯᓯᑐᑕᑯᑦ ᒋᓴᔅ, ᑯᐃᔅᒄ ᐃᓯ ᐊᑐᔅᑯᐛᐤ ᒋᓴᒪᓂᑐᐛ ᐊ ᓂᑲᓂᔅᑯᐅᒪᑦ ᐅᑦ ᐃᔨᒥᔪᐛ᙮ ᙭ ᐊᐅᒄ ᒋᓴᒪᓂᑐᐤ ᐅᑯᓯᓴ᙮ ᒋᔭᓄᐤ ᒪᒃ ᒋᑭ ᐅᑦ ᐃᔨᒥᑐᑕᑭᓄᐤ ᒋᓴᒪᓂᑐᐤ, ᒧᔭᒻ ᓱᒋᑕᐊᔭᒂ ᑕᑈᑎᒧᐅᓂᒡ ᑭᔭ ᓱᒃ ᒥᒪᒋᒥᓂᒪᒂ ᑕᓐ ᐊ ᐃᓯ ᐊᔅᐸᔨᒧᔭᐧᒄ᙮

ᒋᔅᒐᔨᑕᑯᑕᒐᐅᓐ 2:1

“ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᐃᐱᓴᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ ᐅᒥᔪᐅᓂᒡ, ᐊᓐ ᑲ ᐱᐸᒧᑕᑦ ᐊᓐᑕ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᔨᒋ ᐛᔅᑕᓂᐱᒪᑭᓇᑎᒂ ᐊ ᑎᑯᓂᔨᒋ᙮