ᓗᒃ 1:78 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷⁸ ᒋᒋᓴᒪᓂᑐᒥᓄᐛ ᐅᓱᐎᑕᐊᑕᒐᐅᓂᔨᒡ ᐊ ᐅᒋᐱᔨᒡ, ᐊᓐᑕ ᒐ ᐅᒋ ᐸᑕᐸᒡ ᐃᔅᐱᒥᒡ ᐅᒋ ᐅᑕ ᐊ ᑕᐛᐧᒄ᙮

ᓗᒃ 1:78 Iomraidhean Croise

ᑎᐱᑦ ᐅᓂᑭᒧᐅᓇ 25:6

ᒋᔅᒋᓯ, ᐅ ᑎᐸᔨᒋᒐᓱᐤ, ᒋ ᔪᔅᐱ ᒋᔅᑎᒪᒐᔨᒐᐅᓐ ᑭᔭ ᒋ ᓴᒋᐃᐛᐤ ᒋᓴᐛᑎᓯᐅᓐ; ᐛᔅ ᐎᐱᒡ ᐅᒋ ᒋ ᐸᒋ ᑎᑯᓇ᙮

ᒠᓐ 3:16

ᐛᔅ ᒋᓴᒪᓂᑐᐤ ᐊ ᐃᔅᐱᔅ ᒋ ᓴᒋᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᒥᔨᐛᐤ ᑲ ᐸᐃᑯᓯᔨᒋ ᐅᑯᓴ, ᒥᓯᐛ ᐊᐛᔪᐛ ᑲ ᑕᑈᔭᔨᒪᔨᒋ ᒐ ᐊᑲ ᒋ ᓂᓱᐅᓇᑎᓯᔨᒋ ᒪᒃ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᐃᐱᓯᔭᓇ 5:14

ᐊᐅᒄ ᒪᒃ ᐛᒋ ᐃᓇᓄᐅᒡ ᒪᓐ, “ᐅᓂᔾ ᒋᔾ ᑲ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ᒥᔨᔅᒃ ᐛᔅᑕᐅᓂᔪᐤ᙮”

ᐱᓕᐱᔭᓇ 1:8

ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᐊᔅᐱᔅ ᓇᔅᒡ ᐎ ᐎᒐᐅᑎᑯᒡ ᒥᓐ, ᐛᔅ ᙭ ᒋᓴᔅ ᓂᒋ ᐃᑐᑕᒄ ᓇᔅᒡ ᒐᒋ ᓴᒋᐃᑎᑯᒡ᙮

ᐱᓕᐱᔭᓇ 2:1

᙭ ᒋ ᐃᑐᑕᑯᐛᐤ ᒐᒋ ᐊᔨᒋᑲᐳᐃᑐᔭᒄ᙮ ᙭ ᒋ ᐃᑐᑕᑯᐛᐤ ᒐᒋ ᓴᒋᐃᑐᔭᒄ ᑭᔭ ᒐᒋ ᓯᒋᒥᑐᔭᒄ᙮ ᑲ ᐸᔭᒋᓯᑦ ᐊᒐᐧᒄ ᒋ ᐃᑐᑕᑯᐛᐤ ᒐᒋ ᒥᔪ ᐎᒐᐅᑐᔭᒄ᙮ ᙭ ᒋ ᐃᑐᑕᑯᐛᐤ ᒐᒋ ᒋᓴᐛᑐᑕᑐᔭᒄ ᑭᔭ ᒐ ᒋᔅᑎᒪᒐᔨᒥᑐᔭᒄ᙮

ᑯᓚᓯᔭᓇ 3:12

ᒋᔨᐛᐤ ᒋᓴᒪᓂᑐᐤ ᑲ ᐅᑎᓂᑕᒄ ᑲ ᐸᔭᒋᓯᔨᒋ ᐅᑦ ᐃᔨᒪ ᑭᔭ ᑲ ᓴᒋᐊᑦ, ᒋᓴᐛᑎᓯᒄ, ᒋᔅᑎᒪᒐᔨᒪᐧᑯᒡ ᐊᐛᓐᒋ, ᑎᐱᑕᔨᒥᓱᒄ, ᔪᔅᐸᑎᓯᒄ ᑭᔭ ᓯᐱᔨᐛᓯᒄ᙮

2 ᐱᑕᕐ 1:19

ᐊᑯᑕ ᒪᒃ ᐛᒋ ᐊᑐᐎᔅ ᒐᔅᑎᓇᑕᔨᑎᒥᐃᑯᔭᒡ ᑕᓐ ᑲ ᐃᓯ ᐊᔨᒧᑕᒡ ᐅᔭ ᒥᔽᒋᒧᐅᓂᔪᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᒋᑭ ᒥᔽᐤ ᒪᒃ ᑕᑈ ᐃᔭᒂ ᒐᒋ ᐃᓯ ᓂᓇᑭᑐᐛᔨᑎᒥᐃᑯᔭᒄ ᐅ ᒥᔽᒋᒧᐅᓐ, ᐛᔅ ᒧᔭᒻ ᑕᑈ ᐛᔅᑕᓂᐱᒪᑭᓐ ᐊ ᒋᐧᑲᔭᔅᑕᒡ ᐊᓐᑕ ᐊ ᐅᑲᔅᑕᔭᒡ ᐊᐅᑯᓐ ᐊ ᐃᑕᔨᑕᒂᒡ᙮ ᐊᐅᑯᓐ ᒪᒃ ᐊ ᐃᓯᓇᒂᒡ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐ ᐊ ᒋᓯᑲᒡ ᒐ ᑎᑯᓯᐧᒃ ᐅᑎᐸᔨᒋᒐᐤ᙮ ᐎᔾ ᒪᒃ ᐅᐛᔅᑕᐅᓐ ᒧᔭᒻ ᐊ ᐃᔅᐱᔅ ᒋᐧᑲᔭᔅᑐᐛᑦ ᒐᒋᓴᐸᔭᐤ ᐅᒐᑭᑕᐧᒄ, ᐊᐅᑯᓐ ᒧᔭᒻ ᒐ ᐃᔅᐱᔅ ᐛᔅᑕᓂᒪᑯᐛᒄ ᒋᑕᐃᐛᒡ᙮

1 ᒠᓐ 3:17

ᐛᐱᒪᒐ ᐊᐛᓐ ᐊ ᓄᑕᐱᔨᒋ ᐊᐛᔪᐛ ᒐᒂᔪᐤ, ᐊᑲ ᒪᒃ ᐎᔾ ᓄᑕᐱᔨᑦ ᒐᒂᔪᐤ, ᐊᑲ ᒪᒃ ᒋᔅᑎᒪᒐᔨᒪᒐ, ᑕᓐᑕ ᒐᒋ ᐅᒋ ᐃᔅᒋᔄᑦ ᐊ ᐱᒋᔅᑲᑯᑦ ᒋᓴᒪᓂᑐᐛ ᐅᓴᒋᐃᐛᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 22:16

ᓂᔾ, ᒋᓴᔅ, ᓂᒋ ᐃᑎᓴᐛᐤ ᓂᑦ ᐊᓐᒋᓂᒻ ᐊᓐᑕ ᐊ ᐊᑎ ᑕᔭᒄ ᒐᒋ ᐎᑎᒪᑕᒄ ᐅᔭ ᒐᒂᔪᐛ, ᒋᔨᐛᐤ ᐅᒪᒧᐊᔭᒥᐊᑐᒄ᙮ ᑎᐱᑦ ᐊ ᑕᑦ ᓂ ᐅᒋ ᐊᓂᔅᒐ ᐱᒪᑎᓯᓐ᙮ ᐊᐅᒄ ᓂᔾ ᐊᓐ ᐛᐱᓐ ᐅᒐᑭᑕᐧᒄ ᓇᔅᒡ ᑲ ᒋᐧᑲᔭᔅᑐᐛᑦ᙮”