ᓗᒃ 1:70 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷⁰ ᒧᔭᒻ ᑲ ᐃᔨᑯᐱᓇ ᐊ ᐃᔨᒥᐛᒐᐛᑦ ᐅᑐᓂᔨᐛ ᐅᐸᔭᒋ ᒋᔅᒋᐛᐃᒐᓯᒪ ᒧᔅ ᑕᒡ ᑲ ᐸᒋ ᑕᔨᒋ ᑲ ᐃᔅᐱ ᐊᔅᒋᐎᔨᒡ᙮

ᓗᒃ 1:70 Iomraidhean Croise

ᒐᓂᓯᔅ 12:3

ᓂᑭ ᒥᔽᒋᒪᐅᒡ ᐊᓐᒡ ᑲ ᒥᔽᒋᒥᔅᒡ ᑭᔭ ᓂᑭ ᒥᒐᒋᒪᐤ ᐊᓐ ᒪᒐᒋᒥᔅᒃ; ᒋᔾ ᐅᒡ ᒥᓯᐛ ᐊ ᑕᑎᓯᒡ ᐃᔪᒡ ᐅᑕ ᐊᔅᒋᒡ ᒋᑭ ᓱᐛᔨᑕᑯᓱᐅᒡ᙮”

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:36

ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᐊᓂᔭ ᑎᐱᑦ ᒐᒋ ᐃᔅᒋᔄᑦ, ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ, ᐅᑕ ᐸᒋ ᐊᐱᔾ ᓂᒥᔪᐅᓂᒡ ᐸᑐᔅ ᒋ ᓴᐧᑯᒋᐃᒂᐛ ᐊᓐᒡ ᑲ ᐛᐧᑲᑎᔅᒡ᙮

ᓗᒃ 24:44

ᐊᑯ ᒋᓴᔅ ᒂ ᐃᑎᑯᒡ, “ᐊᐅᒄ ᒪᒃ ᐅ ᑲ ᐃᓯ ᐛᐎᑎᒪᑎᑯᒡ ᐊᔅᒄ ᒪᒂᒡ ᐊᒋ ᐎᒐᐅᑎᑯᒡ ᑲ ᐃᔅᒋᔄᔭᓐ, ᒐᔅᑎᓇᔅ ᒋᑭ ᑎᐱᐱᔪᐤ ᒥᓯᐛ ᐊ ᐃᓯ ᐊᔨᒧᒥᑯᐅᔭᓐ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᐊᓐᑕ ᐅᒥᓯᓇᐃᑭᓂᐛᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᑭᔭ ᑎᐱᑦ ᐅᓂᑭᒧᐅᓂᒡ᙮”

ᐊᑈᔅᑕᓇᒡ 28:25

ᒋ ᒥᒋᐱᔨᐃᑐᔪᐛ ᒐᒃ ᐅᔭ ᐊᑲ ᑕᑈᑎᒥᔨᒋ, ᐊᑯ ᒂ ᐊᑎ ᔅᑐᑕᔨᒋ ᐃᔅᐱ ᐅᔭ ᑲ ᐃᔅᒋᔄᑦ ᑈᓪ, “ᑕᑈ ᒧᔭᒻ ᒋ ᐃᓯ ᐎᑎᒧᑯᐱᓇ ᑲ ᐸᔭᒋᓯᑦ ᐊᒐᐧᒄ ᑕᓐ ᑲ ᐃᑕᑦ ᒋᑦ ᐃᔨᒧᐛᐛ ᐊᓂᔭᔪᐛ ᐅᒋᔅᒋᐛᐃᒐᓱᐤ ᐊᐃᓴᔭ ᐊᒋ ᐊᐱᒋᐊᑦ ᒐᒋ ᐃᓯ ᐎᑎᒧᐛᔨᒋ,

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:2

ᓴᔅ ᐛᔅᑭᒡ ᐊᓐᑕ ᒋ ᐸᒋ ᐎᑎᒻ ᒋᓴᒪᓂᑐᐤ ᒐᔅᑎᓇᔅ ᐊᔅᒄ ᒐ ᑎᑯᓂᔨᒡ ᐅᔭ ᒥᔽᒋᒧᐅᓂᔪᐤ᙮ ᐊᓂᔭᐧᑲ ᐅᒋᔅᒋᐛᐃᒐᓱᐛ ᒋ ᐊᐱᒋᐊᐤ ᐅᔭ ᒐᒋ ᐎᑎᒥᔨᒋ᙮ ᑭᔭ ᒐ ᐊᔨᒧᑕᐤ ᐅ ᒥᔽᒋᒧᐅᓐ ᐊᓐᑕ ᒋᓴᒪᓂᑐᐤ ᐅᐸᔭᒋ-ᐃᔨᒧᐅᓂᒡ᙮

ᐃᑉᕈᐛ 3:7

ᐊᑯ ᒪᒃ ᒪᒥᑐᓇᔨᑎᒧᒄ ᑕᓐ ᐊ ᐃᔅᒋᔄᑦ ᑲ ᐸᔭᒋᓯᑦ ᐊᒐᐧᒄ, “ᓱᒃ ᓂᑐᑐᐛᐧᒄ ᒋᓴᒪᓂᑐᐤ ᑕᓐ ᐊ ᐃᑎᑕᒄ ᐊ ᐃᔨᒥᐃᑕᒄ ᐊᓄᒡ ᑲᓯᑲᔨᒡ᙮

1 ᐱᑕᕐ 1:12

ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮

2 ᐱᑕᕐ 1:21

ᐛᔅ ᑕᐸ ᐛᒋ ᐸᐃᒄ ᒋᔅᒋᐛᐃᒐᐅᓐ ᓇᐸᐤ ᐅᑦ ᐃᑕᔨᑎᒧᐅᓂᒡ ᐅᒋ ᐅᒋᐱᔪᐤ᙮ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐅᒡ ᐅᒡ ᓇᐸᐅᒡ ᒐᒋ ᐎᑕᒡ ᑕᓐ ᑲ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐎᑕᒡ᙮

2 ᐱᑕᕐ 3:2

ᒋ ᐎ ᒋᔅᒋᓱᒥᑎᓇᐛᐤ ᑕᓐ ᑲ ᐃᔅᒋᔄᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑲ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᑎᓱᒥᑕᒄ ᐅᑎᐸᔨᒋᒐᐤ ᒋᐱᒪᒋᐃᐛᒥᓄᐤ ᐊᓂᔭᔪᐛ ᐎᔾ ᑎᐱᔨᐛ ᐅᑦ ᐊᑈᔅᑕᓂᒪ ᐅᒡ᙮

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮