ᓗᒃ 1:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᓇᒪ ᒪᒃ ᐅᒋ ᐊᔭᐛᐅᒡ ᐊᐛᓴ ᐛᔅ ᐃᓕᓴᐸᑦ ᓇᒪ ᐅᒋ ᐊᔭᐛᐤ ᐊᐛᓴ, ᑭᔭ ᓴᔅ ᑕᐱᔅᑯᓐ ᒋ ᒋᓴᐃᔪᐅᒡ᙮

ᓗᒃ 1:7 Iomraidhean Croise

ᒐᓂᓯᔅ 17:17

ᒥᓐ ᒋ ᓂᐱᔅᑯᐱᔅᑐᐛᐤ ᐊᑉᕋᐊᒻ ᒋᓴᒪᓂᑐᐛ ᐊ ᒋᔅᑕᔨᒪᑦ, ᒂ ᐸᐱᑦ ᑭᔭ ᒂ ᐃᑎᓱᑦ, “ᒐᑲᑦ ᓂ ᐸᐃᑯ ᒥᑕᓯᒥᑎᓄᐛᐳᓇᓯᓐ, ᑕᓐᑕ ᓂᐸ ᐅᒋ ᐅᑕᐎᒪᐅᓐ ? ᑭᔭ ᓴᕋ ᐸᐃᑯᔅᑕᐤ ᑕᑐᔪᐛᐳᓇᓱᐤ᙮ ᑕᓐᑕ ᒋᐸ ᐅᒋ ᐅᑦ ᐊᐛᓯᒧᐤ ?”

ᒐᓂᓯᔅ 18:11

ᑕᐱᔅᑯᓐ ᐊᑉᕋᐊᒻ ᑭᔭ ᓴᕋ ᓴᔅ ᒋ ᒋᓴᐃᔪᐎᒡ᙮ ᓴᕋ ᓇᒪ ᐅᒋ ᐅᑦ ᐊᐛᓯᒧᐤ ᐊ ᒋᓴᐃᔎᐅᑦ᙮

ᒐᓂᓯᔅ 25:21

ᐛᔅ ᐊᑲ ᐅᒋ ᐅᑦ ᐊᐛᓯᒥᑦ ᕋᐸᑲ, ᐊᐃᓯᒃ ᒋ ᓂᑐᑎᒧᐛᐤ ᑎᐸᔨᒋᒐᓱᐛ ᐅᔭ ᐅᒋ, ᒋ ᒥᔭᐤ ᑎᐸᔨᒋᒐᓱᐤ ᑲ ᐃᓯ ᓂᑐᐛᔨᑎᒪᑯᑦ ᐊᐃᓯᑲ ᑭᔭ ᒂ ᐊᓱᐛᐱᒪᐅᓱᑦ ᕋᐸᑲ᙮

ᒐᓂᓯᔅ 30:1

ᐃᔅᐱ ᒐᔅᒐᔨᑕᐧᒃ ᕋᐃᒍᓪ ᐊᑲ ᒋ ᓂᑕᐅᒋᐃᒪᑦ ᒐᑭᐸ ᐅᑦ ᐊᐛᓯᒥᔪᐛ, ᒋ ᐅᑕᔨᒪᐤ ᐎᐧᑲᓂᓴ ᓕᐊᔨᒋ᙮ ᒂ ᐃᑕᑦ ᒐᑭᐸ᙮ “ᐸᒋ ᒥᔾ ᐊᐛᓯᒡ ᑭᔭ ᒪᒃ ᓂᑭ ᐳᓂᐱᒪᑎᓯᓐ !”

ᓗᒃ 1:5

ᒪᒂᒡ ᐊᕈᑦ ᑲ ᒋᓴᐅᒋᒪᐅᑦ ᐊᓐᑕ ᒍᑎᔭ ᐊᔅᒋᒡ, ᒋ ᑕᐤ ᒍᐤ ᐊᔭᒥᐊᐅᒋᒪᐤ ᓴᑲᕋᔭ ᐊᒋ ᐃᓯᓂᐧᑲᓱᑦ᙮ ᐊᓂᔭ ᐊᐸᐃᒐ ᑲ ᐃᓯᓂᐧᑲᓱᔨᒋ ᐊᔭᒥᐊᐅᒋᒪᐛ ᐊ ᑕᔨᒋ ᐊᑯᑕ ᑲ ᐅᒋᑦ ᓴᑲᕋᔭ᙮ ᒋ ᐸᒋ ᒪᒥᔅᑯᒋᔅᑲᑐᐅᒡ ᐊᔭᒥᐊᐅ10 ᒋᒪᐅᒡ ᐊᓐᒡ ᐊᐸᐃᒐ ᐊ ᑕᔨᒋ ᑲ ᐅᒋᒡ᙮ ᐎᐛ ᒪᒃ ᐃᓕᓴᐸᑦ ᒋ ᐃᓯᓂᐧᑲᓱᔪᐛ᙮ ᐅ ᒪᒃ ᐃᓕᓴᐸᑦ ᐊᓐᑕ ᐊᕋᓐ ᑲ ᐃᓯᓂᐧᑲᓱᔨᒋ ᐊᔭᒥᐊᐅᒋᒪᐛ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐤ᙮

ᓗᒃ 1:6

ᓴᑲᕋᔭ ᑭᔭ ᐃᓕᓴᐸᑦ ᒋ ᑯᐃᔅᑯᑕᑎᓯᐅᒡ᙮ ᓇᔅᒡ ᒋ ᓂᓇᐃᑎᒺᐅᒡ ᐅᑎᐸᔨᒋᒐᐛ ᐅᑭᒐᔅᒋᒧᐅᓂᔪᐛ ᑭᔭ ᐅᑦ ᐃᑎᓱᐛᐅᓂᔪᐛ᙮ ᑭᔭ ᓇᔅᒡ ᒋ ᓇᐊᔨᑎᒥᐊᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ᙮

ᓗᒃ 1:8

ᐊᓐᒡ ᒪᒃ ᐊᔭᒥᐊᐅᒋᒪᐅᒡ ᒪᒥᔅᑯᒡ ᒋ ᐊᑐᔅᒐᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᐸᐃᒂᐤ ᒪᒃ ᒪᒂᒡ ᐊᓐᑕ ᐊᒋ ᐅᑎᒋᐱᔨᒡ ᐎᔾ ᓴᑲᕋᔭ ᒂᔅᒋᐱᓐ ᒐᒋ ᐊᑐᔅᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:19

ᓴᔅ ᒪᒃ ᒐᑲᑦ ᐸᐃᑯ ᒥᑕᓯᒥᑎᓄᐤ ᒋ ᐃᑕᑐᐳᓇᓱᐤ ᐊᑉᕋᐊᒻ ᐅᔭ ᑲ ᐃᑕᑭᓄᐅᑦ ᒐ ᐃᑐᑎᒧᐛᑭᓄᐅᑦ᙮ ᐃᔭᐱᒡ ᒪᒃ ᐸᐃᑯᓐ ᒋ ᐃᔅᐱᔅ ᑕᑈᔭᔨᒪᐤ ᒋᓴᒪᓂᑐᐛ᙮ ᑲ ᐃᔅᐱᔅ ᒋ ᓱᒋᐱᔨᒡ ᐊ ᑕᑈᔭᔨᒪᑦ ᓇᒪ ᓇᔅᒡ ᐅᒋ ᐊᓏᑎᒻ ᒐ ᐅᑦ ᐊᐛᓯᒥᒡ ᐊᑎ ᐊᒋ ᒋᔅᒐᔨᒥᓱᑦ ᐊᑲ ᓴᔅ ᒐᒋ ᐅᑕᐎᒪᐅᑦ ᑭᔭ ᐊᓂᔭᔪᐛ ᐎᐛ ᐊᒋ ᒋᔅᒐᔨᒪᑦ ᒐᔅᑎᓇᔅ ᓴᔅ ᒐ ᐊᑲ ᒋ ᐅᑦ ᐊᐛᓯᒥᔨᒋ᙮

ᐃᑉᕈᐛ 11:11

ᑭᔭ ᓴᕋ ᓂᑦ ᐊᔨᒧᒪᐤ᙮ ᐊᑉᕋᐊᒻ ᐎᐛ ᐊᓂᔭ ᓴᕋᔨᒋ᙮ ᑭᔭ ᐎᔾ ᒪᒃ ᓴᕋ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᓇᒪ ᓂᑕ ᐅᒋ ᐊᔭᐛᐤ ᐊᐛᓴ ᑭᔭ ᓴᔅ ᒋ ᐎᒪᔅᑭᒻ ᐊᓂᔭ ᐊ ᐃᔅᐱᑎᓯᓇᓄᐎᒡ ᒐᒋ ᐊᔭᐛᑭᓄᔨᒋ ᐊᐛᓴ᙮ ᒥᒄ ᒪᒃ ᐃᔭᐱᒡ ᒋ ᐊᔭᐛᐤ ᐊᐛᓴ ᐊᓂᔭ ᐅᒋ ᐊᒋ ᑕᑈᑐᐛᑦ ᒋᓴᒪᓂᑐᐛ ᒐᒋ ᐃᑐᑎᒪᑯᑦ ᑕᓐ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᐃᑐᑎᒪᑯᑦ᙮