ᓗᒃ 1:68 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶⁸ “ᒋᑭ ᒥᔽᒋᒪᑭᓄᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒪ, ᐛᔅ ᒋ ᐸᒋ ᓂᑐᐛᐱᒪᐤ ᐅᑦ ᐃᔨᒪ ᑭᔭ ᒋ ᐃᑐᑎᒻ ᒐᒋ ᐱᐧᑯᐅᔨᒋ᙮

ᓗᒃ 1:68 Iomraidhean Croise

ᒐᓂᓯᔅ 14:20

ᒋᔅᑕᒋᒪᑕᐤ ᒋᓴᒪᓂᑐᐤ ᒪᐅᒡ ᐃᔅᐱᒥᒡ, ᐊᓐ ᑲ ᒥᔨᑕᒃ ᓴᑯᐎᐛᐅᓂᔪᐤ᙮” ᐊᑯ ᐊᑉᕋᒻ ᒋ ᒥᔭᐤ ᒪᓪᑭᓴᑕᑲ ᐸᐃᒄ ᐊᓂᔭ ᐸᐃᑯᔪᐤ ᒐᒂᓂᔪᐛ ᑲ ᐸᑐᑕᑦ᙮

ᒐᓂᓯᔅ 24:27

ᐊ ᐃᔅᒋᔄᑦ, “ᒋ ᓂᔅᑯᒥᑎᓐ ᑎᐸᔨᒋᒐᓱᐤ, ᓄᒋᒪᒻ ᐊᑉᕋᐊᒻ ᐅᒋᓴᒪᓂᑐᒪ, ᔅᒋ ᑭᓄᐛᔨᑕᓐ ᒋᑦ ᐊᓱᑎᒪᒐᐅᓐ ᑭᔭ ᔅᒋ ᒥᔭᐤ ᑲ ᐃᓯ ᓂᑐᐛᔨᑕᐧᒄ ᓄᒋᒪᒻ ᐊᑉᕋᐊᒻ᙮ ᑯᐃᔅᒄ ᔅᒋ ᐃᑐᑕᔨᓐ ᐊ ᑕᔨᒋ ᓄᒋᒪᒻ ᐎᐧᑲᓂᓴ᙮”

ᒐᓂᓯᔅ 9:26

ᑭᔭ ᒂ ᐃᔅᒋᔄᑦ, “ᒪᒃ ᓂᑐᐛᔨᑎᒧᐛᐤ ᑎᐸᔨᒋᒐᓱᐤ, ᓂᒋᓴᒪᓂᑐᒻ, ᒐᒋ ᓱᐛᔨᒪᑦ ᓴᒪ ᑭᔭ ᒐᒋ ᐃᑐᑐᐛᑦ ᑲᐃᓇᓇ ᒐᒋ ᑯᐸᓇᐎᔨᒋ᙮

ᑎᐱᑦ ᐅᓂᑭᒧᐅᓇ 106:48

ᒋᑭ ᐎ ᒪᒥᒋᒪᑭᓄᐤ ᑎᐸᔨᒋᒐᓱᐤ ᐃᔅᕋᐃᓪ ᐅᒋᓴᒪᓂᑐᒪ, ᑲᒋᒡ ᑭᔭ ᑲᒋᒡ: ᐊᑯᔅ ᒪᒃ ᒥᓯᐛ ᐃᔪᒡ ᒋᑭ ᐃᔅᒋᔄᐛᒡ, “ᐊᒥᓐ᙮” ᒪᒥᒋᒥᐧᒄ ᑎᐸᔨᒋᒐᓱᐤ !

ᑎᐱᑦ ᐅᓂᑭᒧᐅᓇ 111:9

ᐱᒪᒋᐃᐛᐅᓂᔪᐤ ᒋ ᐃᑎᓴᐊᒧᐛᐤ ᐅᑦ ᐃᔨᒪ: ᐃᑎᓱᐛᐤ ᐅᓂᔅᑯᒥᑐᐅᓐ ᑲᒋᒡ ᒐᒋ ᑎᒂᓂᔨᒡ: ᐸᔭᐧᑭᓂᔪᐤ ᑭᔭ ᒋᔅᑕᔨᑕᑯᓂᔪᐤ ᐅᑦ ᐃᓯᓂᐧᑲᓱᐅᓐ᙮

ᑎᐱᑦ ᐅᓂᑭᒧᐅᓇ 130:8

ᑭᔭ ᒋᑭ ᐱᒪᒋᐊᐤ ᐃᔅᕋᐃᓪ ᐃᔪᐛ ᒥᓯᐛ ᐅᒥᒐᑎᓯᐅᓂᔨᒡ ᐅᒋ᙮

ᑎᐱᑦ ᐅᓂᑭᒧᐅᓇ 41:13

ᒪᒥᒋᑕᑯᓱᐤ ᑎᐸᔨᒋᒐᓱᐤ ᐅᒋᓴᒪᓂᑐᒪ ᐃᔅᕋᐃᓪ, ᑲᒋᒡ ᐅᒋ ᑭᔭ ᑲᒋᒡ ᐃᔅᑯᐤ᙮ ᐊᒥᓐ ᑭᔭ ᐊᒥᓐ᙮

ᐊᒃᓱᑕᔅ 4:31

ᐊᑯ ᓄᑎᒻ ᒂ ᑕᑈᑕᒡ᙮ ᐊᑯ ᒐᔅᒐᔨᑕᒡ ᐊᓂᔭ ᑎᐸᔨᒋᒐᓱᐛ ᑲ ᐛᐸᑎᒥᔨᒋ ᑕᓐ ᑲ ᐃᓯ ᓇᐧᑲᒋᐅᒡ, ᒂ ᓄᐛᑲᐳᔅᑐᐛᒡ ᑭᔭ ᒂ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮

ᓗᒃ 1:71

ᒐᒋ ᐱᐧᑯᐅᐛᐧᒄ, ᐊᓂᔭᔪᐛ ᓇᔅᑯᔅᑕᑎᔨᑕᐧᑯ ᐅᒋ, ᑭᔭ ᐅᑭᔅᒋᐅᐎᓂᔨᒡ ᐅᒋ ᒥᓯᐛ ᐛᐧᑲᑎᔨᑕᐧᑯ᙮

ᓗᒃ 19:44

ᒥᓯᐛ ᐊᐛᓐ ᐊᓐᑕ ᒋᐅᑕᓇᒧᐛᒡ ᒋᑭ ᓂᓱᐅᓇᒋᐊᑭᓄᐤ ᑭᔭ ᐊᓐ ᒋᐅᑕᓇᒧᐛᐤ ᒋᑭ ᓂᓱᐅᓇᒋᑕᑭᓄᐤ᙮ ᓇᒪ ᐛᒋ ᐸᐃᒄ ᐊᓯᓂᔾ ᒧᔭᒻ ᒋᑭ ᐅᒋ ᐃᑎᒧᐤ ᐊᓐᑕ ᒋᒋᐛᐛᒡ᙮ ᐛᔅ ᓇᒪ ᒋ ᐅᒋ ᒧᓯᑕᓇᐛᐤ ᐊᓐᑕ ᑲ ᐅᑎᒋᔨᐱᒂ ᒋᓴᒪᓂᑐᐤ ᑲ ᐎ ᐱᒪᒋᐃᑕᒄ᙮”

ᓗᒃ 2:38

ᒪᒂᒡ ᒪᒃ ᐊᓐᑕ ᐊ ᑕᔨᒋ ᒋᓴᓴ ᐅᓂᒋᐃᑯᔪᐛ ᒋ ᐅᒋ ᐱᒐᐤ ᐅ ᒋᓴᐃᔎᔅ᙮ ᒋ ᓂᓇᔅᑯᒪᐤ ᒋᓴᒪᓂᑐᐛ ᐃᔅᐱ ᐎᔭᐱᒪᑦ ᐊᓂᔭ ᐊᐛᓴ᙮ ᐊᑯ ᒂ ᐊᔨᒧᑎᒧᐛᑦ ᐊᓂᔭ ᐊᐛᓴ ᐊᓂᔭᔪᐛ ᐃᔪᐛ ᐊᓐᑕ ᒋᕈᓯᓕᒥᒡ ᑲ ᑕᔨᒋ, ᐊᓂᔭ ᑲ ᐊᓱᐛᐱᒪᔨᒋ ᐅᐱᒪᒋᐃᐛᐤ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮

ᓗᒃ 24:21

ᓂᒋ ᐱᑯᓴᔨᒪᓇᓐ ᒪᒃ ᐎᔾ ᒐᒋ ᐱᒪᒋᐊᑦ ᐃᔅᕋᐃᓪ ᐃᔪᐛ᙮ ᐊᐅᒄ ᒪᒃ ᐅ ᐊᓄᒡ ᓂᔅᑐ ᒋᓯᑲᐛ ᒥᓯᐛ ᑲ ᐃᔅᐱᔅ ᐃᔅᐱᔨᒡ ᐅ᙮

ᓗᒃ 7:16

ᒥᓯᐛ ᒪᒃ ᐊᓐᑕ ᑲ ᑎᓯᒡ ᐊᐛᓐᒋ ᒋ ᓴᒋᓱᐅᒡ ᐊᑯ ᒂ ᒋᔅᑕᒋᒪᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᔅᒋ ᐅᑎᑎᑯᓄᐤ ᐊ ᒋᔅᑕᔨᑕᑯᓯᑦ ᐅᒋᔅᒋᐛᐃᒐᓱᐤ᙮ ᑭᔭ ᒋ ᐃᔅᒋᔄᐅᒡ, ᒋᓴᒪᓂᑐᐤ ᐸᒋ ᐎᒋᐊᐤ ᐅᑦ ᐃᔨᒪ᙮”

ᐃᐱᓯᔭᓇ 1:3

ᓂᓇᔅᑯᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐎᒐᐅᒪᐧᑯ ᙭ᑕ, ᒋᓴᒪᓂᑐᐤ ᔅᒋ ᓱᐛᔨᒥᑯᓄᐤ ᐊᒋ ᒥᔨᑕᐧᒄ ᒥᓯᐛ ᐊᒐᐧᒄ ᓱᐛᔨᒋᒐᐅᓇ ᑕᓐ ᐊ ᐃᓯ ᑎᒂᒋ ᒋᒋᒋᓯᑯᒡ᙮

ᐃᐱᓯᔭᓇ 1:7

ᐛᔅ ᙭ ᑲ ᓂᐱᔅᑎᒪᑕᐧᒄ ᒋᐱᔭᑎᑯᒡ, ᐊᑯᑕ ᑲ ᐅᒋ ᐊᐱᐧᑯᓂᑯᐅᔭᐧᒄ, ᒋᒥᒋᑥᐅᓄᐛ ᔅᒋ ᐛᐸᔨᑎᒪᑯᓇᓄᐤ᙮ ᑕᑈ ᒥᓴᔪᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮

ᐃᑉᕈᐛ 9:12

ᒋᓴᔅ ᙭ ᒥᒄ ᐸᐃᒂᐤ ᒋ ᐱᒐᐤ ᐊᓂᔭ ᒪᐅᒡ ᑲ ᐸᔭᒋᓯᒥᑭᓂᔨᒡ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ᙮ ᐎᔾ ᑎᐱᔨᐛ ᐅᒥᐧᒄ ᐊᒋ ᐱᔅᑎᓇᐧᒃ ᐊᑯᑕ ᑲ ᐅᒋ ᒥᔪᐱᔨᒡ ᒐᒋ ᐱᒐᑦ ᐊᓐᑕ, ᓇᒪ ᐎ ᐊᐛᓯᓴ ᐅᒥᐧᑯᔪᐤ ᐅᒋ ᐊᐱᒋᑕᐛᐤ᙮ ᐊᒋ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ, ᐎᔾ ᐅᒥᐧᒄ ᐊᒋ ᓯᒋᓂᑭᓄᐎᒡ, ᐊᑯᑕ ᓇᔅᒡ ᑲ ᐅᒋ ᑎᐸᐊᐧᒃ ᒥᓯᐛ ᒋᒥᒋᑥᐅᓄᐛ ᑲᒋᒡ ᒐᒋ ᐛᐸᔨᑎᒪᑯᐅᔭᐧᒄ᙮

1 ᐱᑕᕐ 1:3

ᒪᒥᒋᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐃᔅᐱᔅ ᓇᔅᒡ ᒋᔅᑎᒪᒐᔨᒥᑕᐧᒄ ᔅᒋ ᒥᔨᑯᓄᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᑲ ᐅᓂᔅᑲᓇᑦ ᒋᓴᔅ ᙭ᑕ ᓂᐳᐅᓂᒡ ᐅᒡ᙮ ᐊᑯᑕ ᒪᒃ ᐛᒋ ᐊᔭᔭᐧᒄ ᐊᔅᐸᔨᒧᐅᓐ ᐊ ᒐᔅᑎᓇᑕᔨᑕᒂᒡ,