60 ᐅᑲᐎᔭ ᒪᒃ ᒋ ᐃᔅᒋᔄᔪᐛ, “ᓇᒪ, ᒠᓐ ᒋᑭ ᐃᓯᓂᐧᑲᓱᐤ᙮”
ᒥᒄ ᒪᒃ ᓇᒪ ᐊᔅᒄ ᐅᒋ ᐎᐸᒪᐤ ᐸᑐᔅ ᑲ ᐱᒪᑎᓯᔨᒋ ᐊᓂᔭᔪᐛ ᐅᑦ ᐊᐛᓯᒥᔪᐛ᙮ ᒍᓯᑉ ᒪᒃ, ᒋᓴᔅ ᒋ ᐃᓯᓂᐧᑲᑕᐤ ᐊᓂᔭᔪᐛ ᐊᐛᓴ᙮
ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᐊᑲᐎᔾ ᓴᒋᓯ, ᓴᑲᕋᔭ, ᐛᔅ ᔅᒋ ᐸᑕᒄ ᒋᓴᒪᓂᑐᐤ ᑕᓐ ᑲ ᐃᓯ ᓂᑐᑎᒧᐅᑦ᙮ ᒋᐅ ᐃᓕᓴᐸᑦ ᒋᑭ ᐊᔭᐛᐤ ᐊᐛᓴ, ᒋᑭ ᓇᐸᓯᐎᔪᐛ᙮ ᒠᓐ ᒪᒃ ᒋᑭ ᐃᓯᓂᐧᑲᑕᐤ ᐊᓐ ᐊᐛᔅ᙮
ᐊᑯ ᒪᒃ ᒂ ᐃᑕᒡ, “ᓇᒪ ᑕᐅᒡ ᒋᐧᑲᓂᓱᐛᐅᒡ ᒠᓐ ᐊ ᐃᓯᓂᐧᑲᓱᒡ ᒐᒋ ᐃᓯ ᐎᒋᓱᒪᒄ ᐊᓐ ᒋᑦ ᐊᐛᓯᒧᐛᐤ, ᐛᔅ ᒋᐸ ᐎᒋᓱᒪᔪᐛ ᐎᐧᑲᓂᓱᐛᐛ, ᐊᐅᑯᓐ ᑲᒋ ᐃᑎᓇᓄᐅᒡ᙮”
ᓴᑲᕋᔭ ᒋ ᐃᓯ ᐅᐛᔅᑕᐃᒐᐤ ᐊ ᓂᑐᐛᔨᑕᐧᒃ ᒐᒂᔪᐤ ᐊᓐᑕ ᒐᒋ ᒥᓯᓇᐃᒐᑦ᙮ “ᒠᓐ ᒋᑭ ᐃᓯᓂᐧᑲᓱᐤ” ᒋ ᐃᑎᓯᓇᐃᒐᐤ᙮ ᒥᓯᐛ ᒪᒃ ᒋ ᓯᔅᒋᑯᒋᐃᑯᐅᒡ ᐅᔭ ᑲ ᐃᑎᔅᑕᔨᒋ᙮
