ᓗᒃ 1:59 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵⁹ ᐃᔅᐱ ᒪᒃ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᑦ ᐊᓐ ᐊᐛᔅ ᒥᓯᐛ ᐎᐧᑲᓂᓱᐛᐛ ᑭᔭ ᐅᐎᒐᐛᑭᓄᐛᐛ ᒋ ᐸᒋ ᑎᑯᓯᓂᔪᐛ ᒐᒋ ᐃᑐᑐᐛᑭᓄᔨᒋ ᑕᓐ ᑲᒋ ᐃᑐᑐᐛᒡ ᒍᐤ ᐃᔪᒡ ᐅᑦ ᐊᐛᓯᒧᐛᐛ ᐊ ᓇᐸᓯᐎᔨᒋ, ᒋ ᒋᔅᒋᓄᐛᒋᔄᐅᒡ᙮ ᐎᐧᑲᓂᓱᐛᐛ ᒪᒃ, ᓴᑲᕋᔭ ᒋ ᐎ ᐃᓯᓂᐧᑲᑕᐅᒡ ᐅᔭ ᐊᐛᓴ ᒐᒋ ᐎᒋᓱᒪᔨᒋ ᐅᑕᐎᔪᐛ᙮

ᓗᒃ 1:59 Iomraidhean Croise

ᒐᓂᓯᔅ 17:12

ᒥᓯᐛ ᓂᔭᐸᐅᒡ ᐊᐛᓯᒡ ᐊ ᐃᔪᐅᒡ ᑲᒋ ᔭᓇᐤ ᑕᑐᐤ ᒋᓯᑲᓯᑥᐎ ᒋᑭ ᒋᔅᒋᓄᐛᒋᔄᑭᓄᐎᒡ, ᒋᒡ ᑭᔭ ᒋᓇᐸᐤ-ᐊᐱᒋᐊᑭᓐᒡ, ᒋᒡ ᐊᓐᒡ ᑲ ᐃᔪᐅᒡ ᐊᓐᑕ ᒋᑦ ᐊᔅᒋᒡ ᑭᔭ ᐊᓐᒡ ᓂᔭᐸᐅᒡ ᒪᓐᑕᐛ ᑲ ᐅᒋ ᐃᔭᐅᑥᐤ᙮

ᓗᒃ 2:21

ᐃᔅᐱ ᐊᓐ ᐊᐛᔅ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᑦ, ᒋ ᐃᓯ ᒋᔅᒋᓄᐛᒋᔄᑭᓄᐤ ᑭᔭ ᒋᓴᔅ ᒋ ᐃᓯᓂᐧᑲᑕᑭᓄᐤ᙮ ᐊᐅᑯᓐ ᑲ ᐃᓯᓂᐧᑲᑎᑯᑦ ᐊᓐᒋᓇ ᐊᔅᒄ ᐊᑲ ᐅᒋ ᐊᔭᐅᑯᑦ ᐅᑲᐎᔭ ᐊᓐᑕ ᐅᔅᐱᔭᔨᒡ᙮

ᐊᑈᔅᑕᓇᒡ 7:8

ᐊᑯ ᔅᑎᐱᓐ ᒥᓐ ᒂ ᐊᑎ ᐃᔅᒋᔄᑦ, “ᐊᑯ ᒪᒃ ᒋᓴᒪᓂᑐᐤ ᑲ ᐅᓯᑐᐛᑦ ᐊᓂᔭᐧᑲ ᐊᑉᕋᐊᒪ ᓂᔅᑯᒧᐅᓂᔪᐤ, ᐅ ᒪᒃ ᓂᔅᑯᒧᐅᓐ ᒐᒋ ᐅᒋ ᓄᑯᑕᑭᓄᐅᒡ, ᒐᒋ ᒋᔅᒋᓄᐛᒋᔄᑭᓄᐅᒡ ᓇᐸᓯᒡ᙮ ᐊᑯ ᒪᒃ ᐊᓂᔭᐧᑲ ᐊᑉᕋᐊᒻ ᑲᒋ ᒋᔅᒋᓄᐛᒋᔄᑦ ᐅᑯᓴ ᐊᐃᓯᑲ ᐃᔅᐱᔅ ᔭᓇᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔨᒋ᙮ ᐊᐃᓯᒃ ᒪᒃ ᐊᐅᒄ ᐅᔭ ᒐᑭᐸ ᑲ ᐅᑕᐎᑦ᙮ ᒐᑭᑉ ᒪᒃ ᒋ ᓂᓱᓴᐳᔨᐛ ᐅᑯᓴ᙮ ᐊᐅᑯᓐᒡ ᐅᒡ ᓂᓱᓴᑉ ᑲ ᒋᔅᑕᔨᑕᑯᓯᒡ ᒋᑦ ᐊᓂᔅᒐ ᒍᑕᐎᓄᒡ᙮”

ᐱᓕᐱᔭᓇ 3:5

ᐛᔅ ᓂᒋ ᒋᔅᒋᓄᐛᒋᐃᑯᐅᓐ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔭᓐ᙮ ᐊᓐᑕ ᐃᔅᕋᐃᓪ ᐃᔪᒡ ᐊ ᑕᒡ ᓂᒋ ᐱᒪᑎᓯᓐ᙮ ᐱᓐᒋᒥᓐ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᑕᑈ ᒍᐤ ᐃᔪᐤ ᓂᔾ ᓂᒋ ᑭᓄᐛᔨᑕᓐ ᐎᓱᐛᐅᓐ ᒪᒂᒡ ᑲ ᐸᕆᓯᐅ-ᐃᔪᔭᓐ᙮