ᓗᒃ 1:58 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵⁸ ᐃᔅᐱ ᒪᒃ ᐱᔭᑎᒥᔨᒋ ᐎᐧᑲᓂᓱᐛᐛ ᑭᔭ ᒥᓯᐛ ᐃᔪᐛ ᐊᓐᑕ ᒥᒋᒪ ᑲ ᑕᔨᒋ, ᓇᔅᒡ ᑕᑈ ᒋ ᒥᔽᔨᑎᒥᔪᐛ ᐊᒋ ᐸᑎᒥᔨᒋ ᑕᓐ ᑲ ᐃᓯ ᒥᔪᑐᑎᒪᑯᑦ ᐅᑎᐸᔨᒋᒐᐛ᙮

ᓗᒃ 1:58 Iomraidhean Croise

ᒐᓂᓯᔅ 19:19

ᒋ ᒥᔪ ᐃᑕᔨᒥᓇᐛᐤ ᑭᔭ ᒋ ᐛᐸᑎᔨᓇᐛᐤ ᐊ ᒥᓴᒡ ᒋᓴᐛᑎᓯᐅᓐ ᐊ ᐱᒪᒋᐃᔭᒄ᙮ ᒥᒄ ᓇᒪ ᓂᒋ ᒋᐃᑎᓯᒧᓐ ᐱᔅᑯᑎᓇᒡ, ᓂᑭ ᐅᓇᒋᐅᓐ ᐊᒺᔭ ᓇᑕ ᑎᑯᓯᐸᑕᔭᓐ᙮

ᒐᓂᓯᔅ 21:6

ᓴᕋ ᒂ ᐃᔅᒋᔄᑦ, “ᐸᐳᐅᓂᔪᐤ ᑭᔭ ᒥᔽᔨᑎᒧᐅᓂᔪᐤ ᓂᒋ ᒥᔨᒄ ᒋᓴᒪᓂᑐᐤ ᑭᔭ ᒥᓯᐛ ᐊᐛᓐ ᐸᑕᒐ ᑲᒋ ᐛᐱᒪᐅᓱᐅᒡ ᓂᑭ ᐎᒋ ᐸᐱᒥᒄ᙮”

ᑎᐱᑦ ᐅᓂᑭᒧᐅᓇ 113:9

ᑭᓄᐛᔨᑎᔭᐤ ᐎᒋᔪᐤ ᐊᑲ ᓂᑕᐅᓴᔨᒋ ᐃᔎᐛ, ᑭᔭ ᒐᒋ ᒥᔽᔨᑎᒧ ᐅᑲᐎᒥᑯᔨᒋ ᐊᐛᓴ᙮ ᒪᒥᒋᒥᐧᒄ ᑎᐸᔨᒋᒐᓱᐤ !

ᓗᒃ 1:14

ᓇᔅᒡ ᒪᒃ ᒋᑭ ᒥᔽᔨᑕᓇᐛᐤ ᑭᔭ ᓇᔅᒡ ᒋᑭ ᓯᒋᔭᔨᑕᓇᐛᐤ᙮ ᒥᒐᑦ ᑭᔭ ᐊᐛᓐᒋ ᒋᑭ ᒥᔽᔨᑎᒧᒡ ᐃᔅᐱ ᐱᒪᑎᓯᔨᒐᓂ᙮

ᓗᒃ 1:25

ᐊᑯ ᐃᓕᓴᐸᑦ ᒂ ᐃᔅᒋᔄᑦ, “ᓂᒋ ᓴᒂᔨᒧᓐ ᐊᑲ ᐅᒋ ᐊᔪᐛᒃ ᐊᐛᔅ, ᒥᒄ ᒪᒃ ᓂᒋ ᐃᑐᑎᒪᒄ ᐅᑎᐸᔨᒋᒐᐤ ᒐᒋ ᐊᔭᐅᒥᒋ ᐊᐛᓴ, ᑭᔭ ᓇᒪ ᓂᑭ ᐅᒋ ᓴᒂᔨᒧᓐ᙮”

ᓗᒃ 1:57

ᒐᒃ ᒋ ᐅᑎᒋᐱᔪᐤ ᐃᓕᓴᐸᑦ ᒐ ᐱᒪᑎᓯᔨᒋ ᐊᓂᔭ ᐅᑦ ᐊᐛᓯᒪ, ᒋ ᓇᐸᓯᐎᔪᐛ ᒪᒃ᙮

ᓗᒃ 14:12

ᐊᑯ ᒋᓴᔅ ᒂ ᐃᑕᑦ ᐊᓂᔭ ᓇᐸᐛ ᑲ ᐎᓴᒥᑯᑦ ᐊ ᒥᑯᓴᔨᒋ, “ᐊ ᒥᑯᓴᔨᓐ ᒪ, ᐊᑲᐎᔾ ᒥᒄ ᒋᐎᒐᐛᑭᓐᒡ ᐎᓴᒥᒡ ᑭᔭ ᒪᒃ ᒋᐧᑲᓂᓯᒡ ᑭᔭ ᒪᒃ ᒋᐛᐧᑯᒪᑭᓂᒡ ᑭᔭ ᒪᒃ ᐊ ᐛᔪᑎᓯᒡ ᐊᐛᓐᒋ ᐊᓐᑕ ᒥᒋᒪ ᐊ ᐎᒋᒥᔅᒡ, ᐛᔅ ᒋᑭ ᒋ ᐃᓯᓇᑯᓂᔪᐤ ᑭᔭ ᒋᔾ ᐊᔅᒄ ᒐᒋ ᐎᓴᒥᔅᒡ, ᒐᒋ ᐃᑐᑕᔅᒡ ᑭᔭ ᒋᔾ ᑕᓐ ᐊᓂᔭ ᑲ ᐃᓯ ᐃᑐᑐᐅᑥᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:15

ᐎᒋ ᒥᔽᔨᑎᒧᒪᐧᑯᒡ ᐊᓐᒡ ᑲ ᒥᔽᔨᑕᒡ᙮ ᐎᒋ ᒥᓯᒪᔨᑎᒧᒪᐧᑯᒡ ᐊᓐᒡ ᑲ ᒥᓯᒪᔨᑕᒡ᙮

1 ᑯᕆᓐᑎᔭᓇ 12:26

ᑎᒂᒐ ᐊ ᐃᓯ ᐊᐧᑯᓯᒥᑲᒡ ᐊᓐ ᒥᔪᐤ, ᒥᓯᐛ ᐊ ᐃᔅᐱᓴᒡ ᒥᔪᐤ ᒋᑭ ᒧᓯᑕᒐᒥᑭᓐ᙮ ᑭᔭ ᐸᐃᒄ ᐱᔅᒐᓯᐅᓐ ᐊᓐᑕ ᒥᔭᒡ ᒥᔪᐧᑲᑭᓄᐅᒐ, ᒥᓯᐛ ᐊ ᐃᔅᐱᓴᒡ ᐊᓐ ᒥᔪᐤ ᒋᑭ ᒥᔽᔨᒧᒥᑭᓐ᙮