ᓗᒃ 1:53 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵³ ᒋ ᐛᔪᒡ ᒥᔭᐤ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᐊᓂᔭ ᑲ ᒋᔅᑎᒪᑎᓱᔨᒋ ᐊᑯ ᐊᓂᔭᔪᐛ ᑲ ᐛᔪᑎᓯᔨᒋ ᒋ ᐃᒐᑎᓴᐛᐤ ᐊᑲ ᒐᒂᔪᐤ ᐊᔭᔨᒋ᙮

ᓗᒃ 1:53 Iomraidhean Croise

ᑎᐱᑦ ᐅᓂᑭᒧᐅᓇ 146:7

ᐊ ᐃᓯ ᐎᔨᓱᐛᔨᑕᑯᓂᔨᒡ ᑲ ᐃᑐᑎᒧᐛᑦ ᑲ ᐊᔨᒥᐅᔨᒋ; ᑲ ᐊᓴᒪᑦ ᑲ ᓄᑕᐧᑭᑕᔨᒋ᙮ ᑎᐸᔨᒋᒐᓱᐤ, ᓴᓂᒧᐛᐤ ᑲᒋᐸᐛᑭᓄᐎᒋ:

ᑎᐱᑦ ᐅᓂᑭᒧᐅᓇ 34:10

ᒥᓯᐱᓱᐅᒡ ᒋᔅᑎᒪᑎᓯᐅᒡ, ᑭᔭ ᓄᑕᐧᑭᑕᐅᒡ: ᐊᓐᒡ ᒪᒃ ᑲ ᓇᓂᑐᐛᔨᒪᒡ ᑎᐸᔨᒋᒐᓱᐛ ᓇᒪᐎᔾ ᒋᑭ ᓄᑕᐱᔪᐅᒡ ᒐᒂᔪᐤ ᑲ ᒥᔽᓯᔨᒡ᙮

ᒪᑎᔪᐤ 5:6

ᓱᐛᔨᑕᑯᓱᐅᒡ ᐊᓐᒡ ᑲ ᓯᐛᔨᑐᑕᒡ ᑭᔭ ᑲ ᓄᑕᔭᐸᒂᑐᑕᒡ ᑯᐃᔅᑯᑕᑎᓯᐅᓂᔪᐤ, ᐛᔅ ᒋᓴᒪᓂᑐᐛ ᓇᔅᒡ ᒋᑭ ᒋᔅᐳᐃᑯᐅᒡ᙮

ᓗᒃ 1:54

ᒋ ᐎᒋᐊᐤ ᐃᔅᕋᐃᓪ ᐃᔪᐛ, ᒧᔅ ᐊᒋ ᒋᔅᒋᓯᑦ ᑕᓐ ᐊ ᐃᓯ ᒋᔅᑎᒪᒐᔨᒪᑦ᙮

ᓗᒃ 6:21

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᓄᑕᐧᑭᑕᔭᒄ ᐊᓄᒡ, ᐛᔅ ᒋᑭ ᒋᔅᐳᐃᑯᓇᐛᐤ᙮ ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᒪᔭᒄ ᐊᓄᒡ, ᐛᔅ ᒋᑭ ᐸᐱᓇᐛᐤ᙮

ᓗᒃ 6:24

ᐃᔭᒂ ᒋᔨᐛᐤ ᑲ ᐛᔪᑎᓯᔭᒄ ᐊᓄᒡ, ᐛᔅ ᓇᔅᒡ ᓴᔅ ᒋ ᑭᓄᐛᔨᑕᓇᐛᐤ ᐊ ᐎᔭᔨᑕᒂᒡ ᐱᒪᑎᓯᐅᓐ᙮

ᒠᓐ 6:35

ᒋᓴᔅ ᒪᒃ ᒋ ᐃᑕᐤ, “ᓂᔾ ᐊᐅᒄ ᐊᓐ ᐸᒂᓯᑭᓐ ᐊᓐᑕ ᒐᒋ ᐅᒋ ᐱᒪᑎᓯᑦ ᐊᐛᓐ᙮ ᐊᐛᓐ ᒪᒃ ᒐ ᐸᒋ ᓇᓯᒂ ᑭᔭ ᒐ ᐸᒋ ᑕᑈᔭᔨᒥᒂ, ᓇᒪ ᓂᑕ ᒥᓐ ᒋᑭ ᐅᒋ ᓯᐛᔪᐤ ᑭᔭ ᓇᒪ ᓂᑕ ᒥᓐ ᒋᑭ ᐅᒋ ᓄᑕᔭᐸᒂᐤ᙮

1 ᑯᕆᓐᑎᔭᓇ 1:26

ᑭᓄᐛᐱᒥᓱᒄ ᒪ ᑕᓐ ᑲ ᐃᑕᔨᑕᑯᓯᔭᒄ ᒋᔨᐛᐤ ᓂᐧᑲᓂᓯᑐᒄ ᐃᔅᐱ ᒋᓴᒪᓂᑐᐤ ᑲ ᑕᑈᑎᑕᒄ᙮ ᓇᒪ ᒥᒐᑦ ᐊᓐᑕ ᐊ ᑎᓯᔭᒄ ᒋ ᐅᒋ ᐃᑕᔨᒥᑯᐛᐤ ᓇᐸᐤ ᐊ ᑭᓄᐛᐱᒥᑕᒄ ᓇᔅᒡ ᐊ ᐃᑈᐧᑲᐛᒄ᙮ ᓇᒪ ᒥᒐᑦ ᒋ ᐅᒋ ᐃᑕᔨᒥᑯᓇᐛᐤ ᓇᔅᒡ ᐊ ᐅᒋᒪᐛᔨᑕᑯᓯᔭᒄ ᑭᔭ ᓇᒪ ᒥᒐᑦ ᒋ ᐅᒋ ᓇᔅᒡ ᒋᒋᐛᔭᔨᒥᑯᓇᐛᐤ᙮

1 ᑯᕆᓐᑎᔭᓇ 4:8

ᒧᔭᒻ ᓴᔅ ᒥᓯᐛ ᐊ ᐊᔭᔭᒄ ᑕᓐ ᒋᐸ ᐃᓯ ᐊᔭᓇᐛᐤ ᒋᑦ ᐃᑕᔨᑕᓇᐛᐤ᙮ ᑭᔭ ᒋᑦ ᐃᑕᔨᑕᓇᐛᐤ ᓇᔅᒡ ᐊ ᐛᑎᒡ ᐊᔭᔭᒄ ᑕᓐ ᑲ ᐃᓯ ᓄᑕᐱᔨᔭᒄ ᒥᔨᐛᐅᓇ᙮ ᒋᒋᓴᐅᒋᒪᐅᓇᐛᐤ ᐊ ? ᐊᑲ ᒪᒃ ᒋᓴᐅᒋᒪᐎᔭᒡ ᓂᔭᓐ᙮ ᑭᒪ ᑕᑈ ᒋᒋᐛ ᒋᓴᐅᒋᒪᐎᔭᒄ ᐊᑯ ᑭᔭ ᓂᔭᓐ ᓂᐸ ᒋᓴᐅᒋᒪᐅᓇᓐ᙮