ᓗᒃ 1:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐅ ᒪᒃ ᓂ ᐃᑐᑕᓐ ᒐᒋ ᒋᔅᒐᔨᑎᒥᓐ ᐊ ᑕᑈᒥᑲᒡ ᑕᓐ ᑲ ᐃᓯ ᒋᔅᑯᑎᒪᑯᔨᓐ ᐊᓐᑕ ᐅᑕᒡ᙮

ᓗᒃ 1:4 Iomraidhean Croise

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᐊᑈᔅᑕᓇᒡ 18:25

ᓇᔅᒡ ᒪᒃ ᑯᐃᔅᒄ ᒋ ᐃᓯ ᒋᔅᑯᑎᒧᐛᑭᓄᑯᐱᓇ ᐊᓂᔭ ᒪᔅᑭᓇᔪᐤ ᐅᑎᐸᔨᒋᒐᐛ ᑲ ᐃᔅᒋᔄᔨᒋ ᒐᒋ ᐃᓯ ᐱᒧᑕᓄᐎᒡ ᐊᓐᑕ ᒐᒋ ᐅᒋ ᐱᒪᒋᐅᓇᓄᐎᒡ᙮ ᑭᔭ ᓇᔅᒡ ᒋ ᓯᒋᔭᓱᐤ ᐊ ᐊᔨᒧᒪᑦ ᒋᓴᓴ ᑕᓐ ᐊᓐ ᑲ ᐃᓯ ᐸᑐᐛᑦ ᒠᓐ ᐅᓯᑲᐃᑕᒐᐛ ᐊ ᐃᓯ ᐊᔨᒧᒪᔨᒋ ᑭᔭ ᒋ ᑕᑈᐤ ᐊᓂᔭ ᑲ ᐃᓯ ᒋᔅᑯᑎᒪᒐᑦ᙮ ᒥᒄ ᒪᒃ ᓇᒪ ᐅᒋ ᒋᔅᒐᔨᒪᐤ ᑕᓐ ᑲ ᐸᒋ ᐃᔅᐱᔨᒋ ᒋᓴᓴ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:18

ᒋ ᒋᔅᒐᔨᒪᐤ ᑕᓐ ᐊ ᐃᓯ ᓂᑐᐛᔨᒥᔅᒃ ᒐᒋ ᐃᓯ ᐱᒪᑎᓯᔪᐅᑦ ᒋᓴᒪᓂᑐᐤ᙮ ᐅᐎᓱᐛᐅᓂᒡ ᐊᑯᑕ ᑲ ᐅᒋ ᒋᔅᒐᔨᑎᒥᓐ ᑕᓐ ᒋᐸ ᐃᓯ ᐱᒪᑎᓯᓐ ᑭᔭ ᑕᓐ ᐊᑲ ᒋᐸ ᐅᒋ ᐃᓯ ᐱᒪᑎᓯᓐ᙮

1 ᑯᕆᓐᑎᔭᓇ 14:19

ᒥᒄ ᒪᒃ ᐃᔅᐱᔅ ᐊ ᑕᔭᓐ ᐊᓐᑕ ᐊ ᐊᔭᒥᐊᒡ ᒪᒧᐤ ᑲ ᐊᔭᒥᐊᐛᑎᓯᒡ ᐃᐛᒃ ᓂᐸ ᒥᔽᔨᑕᓐ ᐊᑎ ᒥᒄ ᐊᐱᓯᔅ ᐃᔨᒥᔭᓐ ᒥᓯᐛ ᒐᒋ ᓂᔅᑐᑐᐅᒡ ᐊᓐᒡ ᑲ ᐃᔨᒥᐃᒂᐤ ᐃᔅᐱᔅ ᐎ ᒐᒋ ᒥᔅᑎ ᒂᔅᒋᐃᔨᒥᔭᓐ ᐊᑲ ᓂᔅᑐᑕᐅᒡ᙮

ᑲᓚᓯᔭᓇ 6:6

ᐊᓐ ᐊᐛᓐ ᑲ ᒋᔅᑯᑎᒧᐛᑭᓄᐅᑦ ᒥᔽᒋᒧᐅᓂᔪᐤ ᒋᐸ ᒥᔭᐤ ᐊᓂᔭᔪᐛ ᑲ ᒋᔅᑯᑎᒪᑯᑦ ᒐᒋ ᐊᐱᒋᑕᔨᒋ ᒥᓯᐛ ᑕᓐ ᐊ ᐃᓯ ᒥᔪ ᐊᔭᑦ ᒐᒂᔪᐛ᙮