ᓗᒃ 1:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᓇᔅᒡ ᑕᑈ ᒋᑭ ᒋᔅᑕᔨᑕᑯᓱᐤ᙮ ᒋᓴᒪᓂᑐᐤ ᒪᐅᒡ ᑲ ᐃᔅᐸᔨᑕᑯᓯᑦ ᐅᑯᓴ, ᐊᑯᓐ ᒐ ᐃᓯᓂᐧᑲᑕᑭᓄᐅᑦ᙮ ᐛᔅ ᐅᑎᐸᔨᒋᒐᐛ ᒋᓴᒪᓂᑐᐛ ᒋᑭ ᒋᓴᐅᒋᒪᐅᐃᑯᐤ ᐊᓐᑕ ᐃᔅᕋᐃᓪ ᐊᔅᒋᒡ ᒧᔭᒻ ᑲ ᐃᓯ ᒋᓴᐅᒋᒪᐅᐊᑭᓄᔨᒋ ᐊᓂᔭᐧᑲ ᐅᑦ ᐊᓂᔅᒐ ᐅᒧᓱᒪ ᑎᐱᑦ ᑲ ᐃᓯᓂᐧᑲᓱᔨᒋ᙮

ᓗᒃ 1:32 Iomraidhean Croise

ᑎᐱᑦ ᐅᓂᑭᒧᐅᓇ 132:11

ᑎᐸᔨᒋᒐᓱᐤ ᒋ ᒋᒋ ᐃᑕᐤ ᑕᑈᐅᓂᒡ ᑎᐱᑕ; ᓇᒪᐎᔾ ᒋᑭ ᒂᔅᒐᔨᑎᒻ; “ᒋᔭᒡ ᒐ ᐅᒋᐱᔨᒡ ᓂᑭ ᐅᐛᔨᐱᐊᐤ ᒋᒋᓴᐅᒋᒪᐤ ᑕᑎᐳᐛᑭᓂᒡ᙮

ᑎᐱᑦ ᐅᓂᑭᒧᐅᓇ 132:12

ᐃᔅᐱᔅ ᒋᑦ ᐊᐛᓯᒥᓯᒡ ᑭᓄᐛᔨᑕᒂᐛ ᓂᓂᔅᑯᒥᑐᐅᓂᔪᐤ, ᑭᔭ ᓂᑎᐸᒋᒧᐅᓂᔪᐤ ᒐ ᒋᔅᑯᑎᒧᐅᒂᐤ; ᐅᑦ ᐊᐛᓯᒧᐛᐛ ᐊᓯᒡ ᒋᑭ ᐊᐱᔪᐛ ᒋᒋᓴᐅᒋᒪᐅ-ᑕᑎᐳᐛᑭᓂᒡ ᑲᒋᒡ᙮”

ᒪᑎᔪᐤ 1:1

ᒋᓴᔅ ᙭ ᓂᑭ ᐊᔨᒧᒪᐤ᙮ ᓂᔅᑎᒻ ᐅᑦ ᐊᓂᔅᒐᓯᒪ ᐊ ᑕᔨᒋ ᓂᑭ ᐅᒋ ᒋᒋᐱᔨᓐ ᐊ ᐊᔨᒧᒥᒃ᙮ ᐊᓂᔭᐧᑲ ᒋᓴᐅᒋᒪᐛ ᑎᐱᑕ ᑭᔭ ᐊᓂᔭᐧᑲ ᐊᑉᕋᐊᒪ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐤ᙮

ᒪᑎᔪᐤ 12:42

ᐃᔅᐱ ᒪᒃ ᑎᐸᔅᑯᓂᒐᐅ ᒋᓯᑲᐤ ᐅᑎᒋᐱᔨᒐ, ᐊᓂᔭ ᒋᓴᐅᒋᒪᔎᐤ ᓴᐅᓄᑕᒡ ᑲ ᑎᐸᔨᒋᒐᑯᐱᓇ ᒋᑭ ᐅᒋ ᐱᓯᑯᐤ ᒐ ᓂᓱᐅᓇᒋᒪᑦ ᐊᓂᔭ ᐊᐛᔪᐛ ᐊᓄᒡ ᑲ ᐱᒪᑎᓯᔨᒋ᙮ ᐛᔅ ᐎᔾ ᓇᔅᒡ ᑕᑈ ᐛᔪᐤ ᒋ ᐅᑐᑕᐤ ᒥᒄ ᒐᒋ ᓂᑐᑎᒺᑦ ᐊᓂᔭ ᒋᓴᐅᒋᒪᐛ ᓴᓚᒥᓇ ᐅᑭᒐᑕᐛᔨᑎᒧᐅᓂᔪᐤ᙮ ᑕᐤ ᒪᒃ ᐅᑕ ᐊᐛᓐ ᐅᔅᑕ ᐊ ᐃᑕᔨᑕᑯᓯᑦ ᐃᔅᐱᔅ ᓴᓚᒥᓇ, ᓇᒪ ᒪᒃ ᐊᐱᓯᑐᐛᑭᓄᐤ᙮”

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᒪᑎᔪᐤ 3:11

“ᓂᐱᔾ ᓂᔾ ᒋ ᓯᑲᐃᑕᑎᓇᐛᐤ ᐊ ᓄᒂᒡ ᐊ ᐎ ᒂᔅᑲᑎᓯᔭᒄ, ᒥᒄ ᒪᒃ ᑯᑎᒃ ᐊᐛᓐ ᒋᑭ ᑎᑯᓯᓄᐤ ᐊᔪᐛᒃ ᐊ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᓇᒪ ᒪᒃ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇᔭᐱᔭ᙮ ᐎᔾ ᒪᒃ ᒋᑭ ᓯᑲᐃᑕᑯᐛᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᐃᔅᑯᑕᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:61

ᒥᒄ ᓇᒪ ᐅᒋ ᒋᔅᑐᐤ ᒋᓴᔅ, ᓇᒪ ᒐᒂᔪᐤ ᐅᒋ ᐃᔅᒋᔄᐤ᙮ ᒥᓐ ᒂ ᑯᒂᒋᒥᑯᑦ ᒋᓴᐊᔭᒥᐊᐅᒋᒪᐛ, “ᒋᔾ ᐊ ᙭, ᑲ ᓱᐛᔨᑕᑯᓯᑦ ᒋᓴᒪᓂᑐᐤ ᐅᑯᓴ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:7

ᐊᑯ ᒂ ᑕᑈᑦ ᐊ ᒋᔄᐛᑦ ᐊ ᐃᔅᒋᔄᑦ, “ᒋᓴᔅ, ᒋᔾ ᑲ ᐅᑯᓯᑐᑕᔅᒃ ᒋᓴᒪᓂᑐᐤ ᒪᐅᒡ ᑲ ᐃᔅᐸᔨᑕᑯᓯᑦ, ᑕᓐ ᐛ ᐃᓯᐧᑯᔨᓐ ? ᒋᑦ ᐃᑎᓐ ᐊ ᐸᑐᐅᑦ ᒋᓴᒪᓂᑐᐤ, ᐊᑲᐎᔾ ᓂᓇᐧᑲᑕᔨᒧᐃ !”

ᓗᒃ 1:15

ᐅᑎᐸᔨᒋᒐᐛ ᒋ ᐅᑎᓂᑯᐤ ᐊᓐ ᐊᐛᔅ ᐛᔅ ᒋᔅᑕᔨᑕᑯᓂᔪᐤ ᑕᓐ ᐛ ᐃᑕᐱᒋᐃᑯᑦ᙮ ᓇᒪ ᓂᑕ ᒋᑭ ᐅᒋ ᒥᓄᐤ ᓱᒥᓇᐳᔪᐤ ᑭᔭ ᐃᔅᑯᑕᐛᐳᔪᐤ᙮ ᐛᔅ ᑲ ᐸᔭᒋᓯᔨᒋ ᐊᒐᒂ ᓇᔅᒡ ᒋᑭ ᐱᒥᐱᔨᐃᑯᐤ ᐊᑎ ᐊᔅᒄ ᒪᒂᒡ ᐅᑲᐎᔭ ᑭᓄᐛᔨᒥᑯᒐ ᐅᔅᐱᔭᔨᒡ᙮

ᓗᒃ 1:35

ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᑲ ᐸᔭᒋᓯᑦ ᐊᒐᐧᒄ ᒋᑭ ᐅᑎᑎᒄ, ᒋᓴᒪᓂᑐᐤ ᒪᐅᒡ ᐊ ᐃᔅᐸᔨᑕᑯᓯᑦ, ᐅᓱᐧᑲᑎᓯᐅᓂᒡ ᐊᑯᑕ ᒐ ᐅᒋ ᑭᓄᐛᔨᒪᐅᓱᔨᓐ᙮ ᐊᐅᒄ ᒪᒃ ᒐ ᐅᒋ ᐃᓯᓂᐧᑲᑕᑭᓄᐅᑦ ᐊᓐ ᐊᐛᔅ ᒐ ᐱᒪᑎᓯᑦ ᑲ ᐸᔭᒋᓯᑦ, ᒋᓴᒪᓂᑐᐤ ᐅᑯᓴ ᒋᑭ ᐃᓯᓂᐧᑲᑕᑭᓄᐤ᙮”

ᓗᒃ 1:76

ᐊᐦᐊ, ᒋᔾ ᒪᒃ ᐊᐛᔅ, ᒪᐅᒡ ᑲ ᐃᔅᐸᔨᑕᑯᓯᑦ ᐅᒋᔅᒋᐛᐃᒐᓯᒪ ᒋᑭ ᐃᑎᑯᐅᓐ; ᐛᔅ ᒋᑭ ᓂᑲᓄᑐᐛᐤ ᑎᐸᔨᒋᒐᓱᐤ ᒐ ᐛᐛᓯᑕᐅᑦ ᐊᓐᑕ ᒐ ᐃᑐᑕᑦ᙮

ᓗᒃ 3:16

ᐊᑯ ᒠᓐ ᒂ ᐎᑎᒧᐛᑦ ᐊ ᐃᑕᑦ, “ᒥᓯᐛ ᐊ ᑎᓯᔭᒄ ᓂᐱᒡ ᓂᔾ ᒋ ᓯᑲᐃᑕᑎᓇᐛᐤ, ᒥᒄ ᒪᒃ ᑯᑎᒃ ᐊᐛᓐ ᒋᑭ ᑎᑯᓯᓐ ᐃᐛᒃ ᐊ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᐎᔾ ᒪᒃ ᒋᑭ ᓯᑲᐃᑕᑯᐛᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᐃᔅᑯᑕᔪᐤ᙮ ᓇᒪ ᒪᒃ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇ᙮

ᓗᒃ 6:35

ᒪᐅᑕ ᒋᐸ ᐃᑎᓐ, ᒋᐸ ᓴᒋᐊᐅᒡ ᐊᓐᒡ ᑲ ᒥᒐᔨᒥᔅᒡ, ᑭᔭ ᒋᐸ ᒥᔪᑐᑐᐛᐅᒡ, ᒋᐸ ᒥᔭᐅᒡ ᑭᔭ ᒐᒂᔪᐤ ᐊ ᐃᓯ ᓂᑐᐛᔨᑎᒪᔅᒡ᙮ ᓇᒪ ᒋᐸ ᐅᒋ ᐱᑯᓴᔨᑕᓐ ᒥᓐ ᒐᒋ ᒋᐛᒥᔨᑯᔨᓐ, ᒐ ᒥᓴᒡ ᒪᒃ ᒋᑎᐸᐊᒪᑯᓯᐅᓐ᙮ ᑭᔭ ᐅ ᐃᑐᑎᒥᓇ ᒋᑭ ᓄᑯᓐ ᐊ ᐅᑦ ᐊᐛᓯᒥᑐᑕᔅᒃ ᒋᓴᒪᓂᑐᐤ, ᒪᐅᒡ ᑲ ᐃᔅᐸᔨᑕᑯᓯᑦ᙮ ᐛᔅ ᒥᔪᑐᑐᐛᐤ ᒥᓯᐛ ᐊᐛᔪᐛ ᐊᑎ ᐊᓂᔭ ᐊᑲ ᓂᓇᔅᑯᒧᔨᒋ ᑭᔭ ᐊᓂᔭ ᑲ ᒥᒋᑥᔨᒋ᙮

ᒠᓐ 12:34

ᐊᑯ ᐊᓐᒡ ᐊᐛᓐᒋ ᑲ ᑕᒡ ᐊᓐᑕ ᒋ ᐃᓯ ᐎᑎᒧᐊᐅᒡ ᐊ ᐃᑕᒡ, “ᓂ ᐎᑎᒪᑯᐅᓇᓐ ᐊᓐᑕ ᓂᐎᓱᐛᐅᓇᒡ ᙭ ᑲᒋᒡ ᒐ ᐱᒪᑎᓯᑦ᙮ ᒐᒂᓐ ᒪᒃ ᐛᒋ ᐃᔅᒋᔄᔨᓐ, ᐃᔪᐤ ᐅᑯᓯᓴᓐ ᒐ ᓂᐸᐊᑭᓄᐅᑦ ? ᐊᐛᓐ ᐊᓐ ᐃᔪᐤ ᐅᑯᓯᓴᓐ ᑲ ᐃᓯᓂᐧᑲᑕᑭᓄᐅᑦ ?”

ᒠᓐ 6:69

ᓂ ᑕᑈᑕᓇᓐ ᒪᒃ ᑭᔭ ᓂ ᒋᔅᒐᔨᑕᓇᓐ ᒋᔾ ᐊ ᐊᐎᔨᓐ ᑲ ᐸᔭᒋᓯᑦ, ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ᙮”

ᐊᑈᔅᑕᓇᒡ 16:17

ᓂᒋ ᐱᐸᒥᓇᓴᐅᑯᓇᓐ ᐊᓐ ᐃᔎᔅ ᐊ ᑕᑈᑦ ᐊ ᐃᔅᒋᔄᑦ, “ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᔨᒋ ᐊᑐᔅᑯᐛᐅᒡ ᐅᒡ ᓇᐸᐅᒡ᙮ ᒋᑭ ᐎᑎᒪᑯᐛᐅᒡ ᑕᓐᑕ ᒐᒋ ᐅᒋ ᐱᒪᒋᐅᔭᒄ᙮”

ᐊᑈᔅᑕᓇᒡ 2:30

ᐊᓂᔭ ᒪᒃ ᒋᑦ ᐊᓂᔅᒐ ᒋᒧᓱᒥᓄᐤ ᒋᓴᐅᒋᒪᐤ ᑎᐱᑦ ᒋ ᐅᒋᔅᒋᐛᐃᒐᓱᐅ᙮ ᒋ ᐃᔅᒋᔄᑯᐱᓐ ᒪᒃ ᒋᓴᒪᓂᑐᐤ ᒐᔅᑎᓇᔅ ᐸᐃᒄ ᐊᓐᑕ ᐊᓂᔅᒐ ᐅᑦ ᐊᐛᓯᒥᔪᐛ ᐊᓂᔭ ᑎᐱᑕ ᒐ ᒋᓴᐅᒋᒪᐎᔨᒋ ᒧᔭᒻ ᐊᓂᔭ ᑎᐱᑕ ᑲ ᐃᓯ ᒋᓴᐅᒋᒪᐎᔨᒋ᙮

ᐊᑈᔅᑕᓇᒡ 2:36

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒥᓯᐛ ᒋᔨᐛᐤ ᐃᔪᒡ ᐅᑕ ᐃᔅᕋᐃᓕᒡ ᒋᑭ ᒐᔅᑎᓇᐅᓇᐛᐤ ᐅ ᒋᓴᔅ ᑲ ᒋᔅᑕᔎᐛᒄ ᒋᐱᔭᑎᑯᒡ ᐊᐅᒄ ᐅᔭ ᒋᓴᒪᓂᑐᐤ ᑲ ᐅᑎᓇᑦ ᒐᒋ ᐅᑎᐸᔨᒋᒐᐎᔨᒋ ᑭᔭ ᙭ᑕ ᒐᒋ ᐃᑎᐱᔨᒋ᙮”

ᐊᑈᔅᑕᓇᒡ 7:48

“ᒥᒄ ᒪᒃ ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᑦ ᓇᒪ ᐎᒋᐤ ᐊᓐᑕ ᐊᔭᒥᐊᐅᒋᐛᐱᒡ ᐃᔪᐛ ᐊᒋ ᐅᓯᑕᔨᒋ᙮ ᐊᐅᒄ ᐅᔭ ᑲ ᐃᑎᔅᑕᑦ ᐊᓐ ᐸᐃᒄ ᐅᒋᔅᒋᐛᐃᒐᓱᐤ ᐊᒋ ᐃᔅᒋᔄᔨᒂᓂ,

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:4

ᐊᓂᔭᔪᐛ ᒪᒃ ᒋᓴᒪᓂᑐᐛ ᒋ ᐅᑯᓯᑐᑕᑯᐤ᙮ ᒋᓴᒪᓂᑐᐛ ᒪᒃ ᐊᒋ ᐅᓂᔅᑲᓂᑯᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᓂᐳᐅᓂᒡ ᐅᒡ ᐊᑯᑕ ᑲ ᐅᒋ ᐛᐸᑎᔨᐛᑦ ᑲ ᐸᔭᒋᓯᑦ ᐊᒐᐧᒄ ᑕᑈ ᒋᓴᒪᓂᑐᐤ ᐅᑯᓯᓴ ᐊ ᐊᐎᔨᒋ ᒋᓴᓴ ᐊᓂᔭᔪᐤ ᐅᒋ ᐊᒋ ᓱᒐᔨᑕᑯᓯᔨᒋ᙮

ᒋᔅᒐᔨᑕᑯᑕᒐᐅᓐ 3:7

“ᒥᓐ ᓂᒋ ᐃᑎᑯᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐱᓚᑕᓪᐱᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᐸᔭᒋᓯᑦ, ᐊᓐ ᒧᔅ ᑯᐃᔅᒄ ᑲ ᐃᑎᑦ ᐊ ᐊᑐᔅᑯᐛᑦ ᒋᓴᒪᓂᑐᐛ᙮ ᑕᐧᑯᓂᒺᐤ ᑎᐱᑕ ᐅᑦ ᐊᐸᐃᑭᓂᔪᐤ᙮ ᔪᑕᓇᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᒋᐸᐛᔪᐛ᙮ ᒋᐸᐛᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᔪᑕᓇᔪᐛ᙮