ᓗᒃ 1:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᐃᔅᐱ ᒪᒃ ᐊᓱᑕᒡ ᑕᑐᐤ ᐱᓯᒺ ᑲ ᐃᔅᐱᔅ ᑭᓄᐛᔨᒪᐅᓱᑦ ᐃᓕᓴᐸᑦ, ᒋᓴᒪᓂᑐᐤ ᒋ ᐃᑎᓴᐛᐤ ᐊᓂᔭ ᐊᓐᒋᓇ ᑲᑉᕆᔭᓪ ᑲ ᐃᓯᓂᐧᑲᓱᔨᒋ ᐊᓐᑕ ᑲᓕᓕ ᐊᔅᒋᒡ, ᐊᓐᑕ ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ᙮

ᓗᒃ 1:26 Iomraidhean Croise

ᒪᑎᔪᐤ 2:23

ᐊᑯ ᐊᓐᑕ ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᐎᒋᒡ᙮ ᑭᔭ ᒂ ᑕᑈᒥᑭᓂᔨᒡ ᐛᔅᑭᒡ ᑕᓐ ᑲ ᐃᔅᒋᔄᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, “ᓇᓴᕆᑎᒡ ᑲ ᐅᒋᑦ ᒋᑭ ᐃᓯᓂᐧᑲᑕᑭᓄᐤ ᐊᓐ ᐊᐛᔅ᙮”

ᓗᒃ 1:19

ᐊᑯ ᐊᓂᔭ ᐊᓐᒋᓇ ᒂ ᐃᔨᒥᔨᒋ, ᐊ ᐃᑎᑯᑦ, “ᐊᐅᒄ ᓂᔾ ᑲᑉᕆᔭᓪ, ᐅᑎᔅᑯᐤ ᒋᓴᒪᓂᑐᐤ ᐊ ᑕᑦ ᓂ ᓂᐳᐅᓐ ᐊ ᐊᑐᔅᑯᐅᒃ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒪᑕᓐ ᐅ ᒥᔽᒋᒧᐅᓐ᙮

ᓗᒃ 2:39

ᐃᔅᐱ ᒪᒃ ᒋᓴᔅ ᐅᓂᒋᐃᒂ ᑲ ᐃᓯ ᐃᑐᑕᒡ ᒥᓯᐛ ᑲ ᐃᓯ ᐎᔅᑕᑭᓄᔨᒋ ᐊᓐᑕ ᐅᑎᐸᔨᒋᒐᐛ ᐅᑦ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᔪᐤ, ᑲᐤ ᒋ ᒋᐛᐅᒡ ᐊᓐᑕ ᑲ ᐅᒋᒡ, ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ᙮

ᓗᒃ 2:4

ᒍᓯᑉ ᒪᒃ ᐊᓐᑕ ᒋ ᐅᒋ ᔅᑐᑕᐤ ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ ᑲ ᑎᑯᓂᔨᒡ, ᐸᑦᓕᔭᒥᒡ ᒂ ᐃᑐᑕᑦ, ᐊᓐᑕ ᒍᑎᔭ ᐊᔅᒋᒡ᙮ ᐛᔅ ᐊᔪᐅᒄ ᐅᔭ ᐅᑕᓇᔪᐤ ᐊᓐᑕ ᑲ ᐱᒪᑎᓯᔨᒂᓂ ᐊᓂᔭ ᐅᑦ ᐊᓂᔅᒐ ᐅᒧᓱᒪ ᒋᓴᐅᒋᒪᐛ ᑎᐱᑦ ᑲ ᐃᓯᓂᐧᑲᓱᔨᒋ᙮

ᒠᓐ 7:41

ᑯᑎᑭᒡ ᒪᒃ ᒋ ᐃᑕᐅᒡ, “ᐊᐅᒄ ᐅ ᙭᙮” ᑯᑎᑭᒡ ᒋ ᐃᑕᐅᒡ, “ᓇᒪᔭᒐ ᐅ ᙭, ᐛᔅ ᓇᒪ ᐊᓐᑕ ᑲᓕᓕᒡ ᒋᐸ ᐅᒋ ᐅᒋᐤ ᐊᓐ ᙭᙮