ᓗᒃ 1:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᔪᐅᒄ ᐅᔭ ᑲ ᐃᓯ ᐎᑎᒧᐎᒥᒡ ᐊᓐᒡ ᐊᐛᓐᒋ ᓂᔅᑎᒻ ᑲ ᐛᐱᒪᒡ ᑭᔭ ᑲ ᐸᑐᐛᒡ ᒋᓴᓴ᙮ ᐊᐅᑯᓐᒡ ᐊᓐᒡ ᑲ ᐎᑕᒡ ᒥᔽᒋᒧᐅᓂᔪᐤ᙮

ᓗᒃ 1:2 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:1

ᐊᑯᑕ ᐅᑕ ᒐᒋᐱᔨᒡ ᒥᔽᒋᒧᐅᓐ ᐊ ᐊᔨᒧᒪᑭᓄᐅᑦ ᒋᓴᔅ ᙭ ᒋᓴᒪᓂᑐᐤ ᐅᑯᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:20

ᐊᑯ ᒪᒃ ᒋᔅᒋᓄᐊᒧᐛᑭᓐᒡ ᒥᓯᐛ ᒋ ᐃᑐᑕᐅᒡ ᐊ ᑭᒐᔅᒋᒧᒡ᙮ ᐅᑎᐸᔨᒋᒐᐛ ᒋ ᐎᒋᐃᑯᐅᒡ ᑭᔭ ᒋ ᐛᐸᑎᔨᐛᔪᐛ ᐊ ᑕᑈᒥᑭᓂᔨᒡ ᑕᓐ ᐊ ᐃᓯ ᑭᒐᔅᒋᒧᒡ ᐊᓂᔭ ᐅᒋ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᐊᒋ ᐃᑐᑕᒡ᙮ ᐊᒥᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:14

ᐊᓐ ᐊᐛᓐ ᑲ ᐛᐎᑕᐧᒃ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ ᒧᔭᒻ ᓂᑕᐅᒋᒐᓱᐤ ᓂᑕᐅᒋᑕᑭᓇ ᑲ ᐊᓯᒋᐛᐱᓇᐧᒃ ᐃᓯᓇᑯᓱᐤ᙮

ᓗᒃ 24:48

ᒋᔨᐛᐤ ᒪᒃ ᔅᒋ ᐛᐸᑕᓇᐛᐤ ᑕᓐ ᑲ ᐃᔅᐱᔨᒡ, ᒐᒋ ᐎᑎᒧᐛᑯᒡ ᑯᑎᑭᒡ ᐊᐛᓐᒋ᙮

ᒠᓐ 15:27

ᑭᔭ ᒋᔨᐛᐤ ᒪᒃ ᒋᑭ ᐊᔨᒧᒥᓇᐛᐤ ᐛᔅ ᐊᓐᑕ ᐅᔅᑭᒡ ᑲ ᐅᒋ ᒋᒋ ᒋᔅᑯᑎᒪᒐᔭᓐ ᐊᑯᑕ ᓴᔅ ᑲ ᐅᒋ ᐛᐎᒐᐎᔭᒄ᙮”

ᒠᓐ 16:4

“ᒥᒄ ᒪᒃ ᒋ ᐎ ᐎᑎᒪᑎᓇᐛᐤ ᐅ ᒐᒋ ᒋᔅᒋᓯᔭᒄ ᑕᓐ ᑲ ᐃᓯ ᐊᔨᒧᒥᒂᐤ ᐃᔅᐱ ᐅᑎᒋᐱᔨᒐ ᐅᔭ ᒐᒂᔪᐛ ᒐᒋ ᐃᑐᑕᑕᑯᒡ᙮ ᓇᒪ ᒋ ᐅᒋ ᐎᑎᒪᑎᓇᐛᐤ ᐅᔭ ᐅᔅᑭᒡ ᐊᓐᑕ ᑲ ᐸᒋ ᒋᔅᑯᑎᒪᑎᑯᒡ ᐛᔅ ᐊᑯᑕ ᑲ ᑕᔭᓐ ᐊᓐᑕ ᐊ ᑕᔭᒄ᙮”

ᐊᑈᔅᑕᓇᒡ 1:3

ᐃᔅᐱ ᑲᒋ ᐃᓯ ᓂᓇᐧᑲᑕᔨᒧᑦ ᒋᓴᔅ ᒋᐱᔭᑎᑯᒡ ᑲ ᓂᐱᑦ ᒥᒐᑦ ᒋ ᓄᑯᓯᔅᑐᐛᐤ ᐊᓂᔭᔪᐛ ᐊᑈᔅᑕᓇ ᓇᐎᔪᐛ ᒋᓯᑲᐤ ᐃᔅᐱᔅ, ᐊ ᐎ ᒐᔅᑎᓇᑕᔨᑎᒥᐊᑦ ᑕᑈ ᒥᓐ ᑲᐤ ᐊ ᐱᒪᑎᓯᑦ, ᑭᔭ ᒋ ᐊᔨᒧᑎᒧᐛᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 1:8

ᒋᑭ ᓴᑭᔅᒋᓇᔅᑲᑯᓇᐛᐤ ᓱᐧᑲᑎᓯᐅᓐ, ᐃᔅᐱ ᑲ ᐸᔭᒋᓯᑦ ᐊᒐᐧᒄ ᒋ ᐅᑎᑎᑕᒂ᙮ ᐊᑯ ᒪᒃ ᒐ ᐱᐸᒪᒋᒥᔭᒄ ᐊᓐᑕ ᒋᕈᓯᓕᒥᒡ, ᒥᓯᐛ ᒍᑎᔭ ᐊᔅᒋᒡ, ᓴᒪᕆᔭᐃᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᒡ ᐊᔅᒋᔾ᙮”

ᐊᑈᔅᑕᓇᒡ 14:25

ᒂ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᐸᕐᑲᒡ᙮ ᐊᑯ ᒥᓐ ᐊᓐᑕ ᐊᑕᓕᔭᒡ ᒂ ᐃᑐᑕᒡ᙮

ᐊᑈᔅᑕᓇᒡ 16:6

ᐊᑯ ᐊᓐᑕ ᐳᕆᒋᔭ ᑭᔭ ᑲᓚᓯᔭ ᐊᔅᒋᒡ ᒂ ᐃᑐᑕᒡ, ᑲ ᐸᔭᒋᓯᔨᒋ ᐊᒐᒂ ᐊᒋ ᓇᑲᓂᑯᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ ᐊᓐᑕ ᐊᐃᓴ ᐊᔅᒋᒡ᙮

ᐊᑈᔅᑕᓇᒡ 17:11

ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᐸᕆᔭᒡ ᑲ ᑕᒡ ᓇᔅᒡ ᒋ ᒥᔽᔨᑎᒧᒡ ᐎᔨᐛᐤ ᐊ ᓂᑐᑐᐛᒡ ᐊᓂᔭ ᑈᓚ ᑭᔭ ᓴᓂᓴ ᓇᒪ ᐊᓂᔭ ᐃᔪᐛ ᐊᓐᑕ ᑕᓴᓗᓇᐃᑲ ᑲ ᑕᔨᒋ ᑲ ᐃᑎᔨᒋ᙮ ᓇᔅᒡ ᒋ ᓂᑐᑐᐛᐅᒡ ᑭᔭ ᐊᓯᑯᒻ ᒋᓯᑲᐛ ᒋ ᓂᑐ ᒋᔅᒐᔨᑎᒧᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᒋ ᐎ ᓂᑐ ᒋᔅᒐᔨᒪᒡ ᑈᓚ ᑎᔭᑈᔨᒂᓂ ᐊᓂᔭ ᑲ ᐃᔅᒋᔄᔨᒋ᙮

ᐊᑈᔅᑕᓇᒡ 26:16

ᐱᓯᑯ ᒪᒃ, ᐅ ᐛᒋ ᓄᑯᓯᔅᑕᑕᓐ ᒋ ᓂᑐᐛᔨᒥᑎᓐ ᒐᒋ ᐊᑐᔅᒐᔅᑐᐎᓐ᙮ ᒋ ᓂᑐᐛᔨᒥᑎᓐ ᒐᒋ ᐎᑎᒧᐅᑥᐤ ᑯᑎᑭᒡ ᐊᐛᓐᒋ ᑕᓐ ᑲ ᐃᓯ ᐛᐸᑎᔨᑕᓐ ᐊᓄᒡ ᑭᔭ ᑕᓐ ᒐ ᐃᓯ ᐛᐸᑎᔨᑕᓐ ᐊᓐᑕ ᓂᔅᑕᒥᒡ᙮

ᐊᑈᔅᑕᓇᒡ 4:20

ᐛᔅ ᑕᐸ ᓂᑭ ᒋ ᐳᓂᓇᓐ ᐊ ᐛᐎᑎᒪᒡ ᑕᓐ ᑲ ᐃᓯ ᐛᐸᑎᒪᒡ ᑭᔭ ᑕᓐ ᑲ ᐃᓯ ᐸᑎᒪᒡ᙮”

ᐊᑈᔅᑕᓇᒡ 8:4

ᐊᓐᒡ ᒪᒃ ᑲ ᑕᑈᑕᒡ ᑲ ᒋᑎᓯᒧᒡ ᒋᕈᓯᓕᒥᒡ, ᒥᓯᐛ ᒋ ᐱᐸᒧᑕᐅᒡ ᐊ ᐛᐎᑕᒡ ᒥᔽᒋᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:16

ᓂᔾ ᓂᒋ ᐅᑎᓂᒄ ᒋᓴᒪᓂᑐᐤ ᒋᓴᔅ ᙭ᑕ ᒐᒋ ᐊᑐᔅᑯᐅᒥᒋ, ᐊᓐᑕ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊ ᑕᔭᒄ ᒐᒋ ᐃᓯ ᐊᔭᒥᐊᐤ ᐊᑐᔅᒐᔭᓐ, ᒥᔽᒋᒧᐅᓐ ᐊ ᐛᐎᑎᒪᑎᑯᒡ᙮ ᐊᔪᐅᒄ ᐅᔭ ᐛ ᐃᑕᐱᒋᐃᑦ ᒋᓴᒪᓂᑐᐤ ᒐᒋ ᐅᒋ ᓇᐊᔨᑎᒥᐊᒡ ᒋᓴᒪᓂᑐᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᐱᔅᑕᔨᒥᑎᓱᒡ ᐎᔾ ᐊ ᑕᔨᒋ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮

1 ᑯᕆᓐᑎᔭᓇ 4:1

᙭ ᐅᑦ ᐊᐱᒋᐊᑭᓇ ᒋᐸ ᐃᓯ ᑭᓄᐛᐱᒥᓇᓐ, ᐊᓐᒡ ᑲ ᒥᔭᑭᓄᐎᒡ ᒐ ᐊᓱᐤ ᒋᔅᑯᑎᒪᒐᒡ ᐊᓂᔭ ᒐᒂᔪᐛ ᐊᔅᒄ ᐊᑲ ᐅᒋ ᐎᑕᑭᓄᔨᒋ, ᐊᓂᔭᔪᐛ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒋ᙮

ᐃᑉᕈᐛ 2:3

ᒋᔭᓄᐤ ᒪᒃ ᒧᔭᒻ ᐊᑲ ᐊᐱᑕᔨᑎᒪᒂ ᐊᓐ ᐱᒪᒋᐃᐛᐅᓐ ᐛ ᐃᓯ ᒥᔨᐛᑦ ᒋᓴᒪᓂᑐᐤ ᒋᔭᓄᐤ ᑭᔭ ᒋᑭ ᐛᐛᓯᐃᑯᓇᓄᐤ᙮ ᑕᐸ ᒋᑭ ᒋ ᒋᑎᓯᒧᓇᓄᐤ ᐃᔅᐱ ᐎ ᐛᐛᓯᐃᑯᐅᔭᒂ᙮ ᐎᔾ ᓂᔅᑎᒻ ᐅᑎᐸᔨᒋᒐᐤ ᒋᓴᔅ ᔅᒋ ᐎᑎᒪᑭᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ, ᓇᒪ ᒥᒄ ᐊᓐᒋᓐᒡ ᒋ ᐅᒋ ᐎᑎᒪᑭᓄᐅᒡ᙮ ᓇᓇᒐ ᒪᒃ ᑯᑎᑭᒡ ᐊᐛᓐᒋ ᔅᒋ ᐛᐸᑎᔨᑯᓄᐅᒡ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ, ᐛᔅ ᐎᔨᐛᐤ ᐛᒋᒡ ᒋ ᐸᑐᐛᐅᒡ ᑕᓐ ᑲ ᐃᔅᒋᔄᔨᒋ ᒋᓴᓴ᙮

1 ᐱᑕᕐ 5:1

ᒪᐅᔭᔪᐤ ᐛ ᐃᑎᒂᐤ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ ᐊᓐᑕ ᐊ ᑕᔭᒄ ᐊ ᑕᒡ ᐛᔅ ᑭᔭ ᓂᔾ ᓂᐎᒋᐃᐛᓐ ᐊ ᐱᒥᐱᔨᑕᑭᓄᐅᒡ ᐊᔭᒥᐊᐅᒋᐛᑉ᙮ ᓂᑭ ᒋ ᑎᐸᑐᑎᒺᓐ ᑭᔭ ᑕᓐ ᑲ ᐃᓯ ᓂᓇᐧᑲᑕᔨᒧᐊᑭᓄᐅᑦ ᙭ ᑭᔭ ᓂᑭ ᒋᔅᑕᔨᑕᑯᐃᑯᐅᓐ ᑭᔭ ᓂᔾ ᐃᔅᐱ ᓄᑯᑕᑭᓄᔨᒐ ᐊᓐᑕ ᙭ ᒐ ᒋᔅᑕᔨᑕᑯᐊᑭᓄᐅᑦ᙮ ᒪᐅᔭᔪᐤ ᐛ ᐃᑎᒂᐤ,

2 ᐱᑕᕐ 1:16

ᑕᐸ ᓇᒪᐎᔾ ᐎ ᐊᒋ ᐅᓯᑕᑭᓄᐅᒋ ᑎᐸᒋᒧᐅᓇ ᑲ ᐊᐱᒋᑕᔭᒡ ᐃᔅᐱ ᑲ ᐎ ᒋᔅᒐᔨᑎᒥᐃᑕᒡ ᑕᑈ ᒐ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᓱᐧᑲᑎᓯᐅᓂᒡ᙮ ᓂᔭᓐ ᐛᔅ ᑎᐱᔨᐛ ᓂᔅᒋᓯᑯᓇᒡ ᓂᒋ ᐛᐱᒪᓇᓐ ᐊ ᒋᔅᑕᔨᑕᑯᐊᑭᓄᐅᑦ᙮