ᓗᒃ 1:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᒠᓐ ᒪᒃ ᒋᑭ ᓂᑲᓂᑎᓯᐛᑭᓄᐤ ᒐᒋ ᐎᒋᐊᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᒐᒋ ᐊᔭᔅᑯᐎᔨᒋ ᑎᑯᓯᓂᔨᒐ ᐅᑎᐸᔨᒋᒐᐛ᙮ ᒋᑭ ᐊᔭᐛᐤ ᐊᓂᔭ ᐊᒐᒂ ᑲ ᐱᒥᐱᔨᐃᑯᔨᒋ ᐊᓂᔭᐧᑲ ᐃᓚᐃᒐ ᑲ ᐃᓯᓂᐧᑲᓱᔨᒋ ᒋᓴᒪᓂᑐᐛ ᑲᒋ ᐊᔨᒥᔅᑎᒧᐛᔨᒋ ᑭᔭ ᐊᓂᔭ ᓱᐧᑲᑎᓯᐅᓂᔪᐤ ᑕᓐ ᑲ ᐃᓯ ᐊᔭᔨᒋ, ᐊᐅᑯᓐ ᑭᔭ ᐎᔾ ᒐ ᐃᓯ ᐊᔭᑦ᙮ ᒋᑭ ᐃᑐᑐᐛᐤ ᐅᑕᐎᒪᐛ ᑲ ᒥᒋᐱᔨᐃᑐᔨᒋ ᐅᑦ ᐊᐛᓯᒥᔪᐛ ᒥᓐ ᑲᐤ ᒐᒋ ᓴᒋᐃᑐᔨᒋ᙮ ᑭᔭ ᐊᓂᔭ ᐊᑲ ᑯᐃᔅᑯᑕᑎᓯᔨᒋ ᒋᑭ ᐃᑐᑐᐛᐤ ᒐᒋ ᐃᓯ ᑭᒐᑕᐛᔨᑎᒥᔨᒋ ᑕᐱᔅᑯᓐ ᐊᓂᔭ ᑲ ᑯᐃᔅᑯᑕᑎᓯᔨᒋ᙮ ᐊᔪᐅᒄ ᐅᔭ ᒐ ᐊᐃᑎᑦ ᒠᓐ ᒐᒋ ᐊᔭᔅᑯᐎᐊᑦ ᐊᐛᔪᐛ ᒐᒋ ᓂᒋᐊᔨᒋ ᐅᑎᐸᔨᒋᒐᐛ᙮” ᐊᐅᒄ ᒪᒃ ᐅᔭᔪᐤ ᑲ ᐃᓯ ᐎᑎᒪᑯᑦ ᓴᑲᕋᔭ ᐊᓂᔭᔪᐛ ᐊᓐᒋᓇ᙮

ᓗᒃ 1:17 Iomraidhean Croise

ᑎᐱᑦ ᐅᓂᑭᒧᐅᓇ 10:17

ᑎᐸᔨᒋᒐᓱᐤ, ᔅᒋ ᐸᑎᒺᓐ ᐅᓂᑐᐛᔨᑎᒧᐅᓄᐛᐤ ᑲ ᑎᐱᑕᔨᒥᓱᒡ: ᒋᑭ ᐛᐛᓯᑕᐛᓐ ᐅᑕᐃᐛᐤ, ᒋᑭ ᐸᑎᒧᒥᑲᑕᓐ ᒋᑐᑭᔭ᙮

ᑎᐱᑦ ᐅᓂᑭᒧᐅᓇ 111:10

ᐅᓇᓂᒋᔅᑕᑯᓯᐅᓐ ᑎᐸᔨᒋᒐᓱᐤ ᐊᑯᑕ ᐛᒋ ᒋᒋᐱᔨᒡ ᑭᒐᑕᐛᔨᑎᒧᐅᓐ: ᒥᔪ ᓂᔅᑐᑎᒧᐅᓂᔪᐤ ᐊᔭᐅᒡ ᒥᓯᐛ ᐊᓐᒡ ᑲ ᐃᑐᑎᒺᒡ ᐅᑦ ᐃᑎᓱᐛᐅᓂᔨᐛ: ᐅᒪᒥᒋᒥᑯᓯᐅᓐ ᑲᒋᒡ ᑎᑯᓂᔪᐤ᙮

ᑎᐱᑦ ᐅᓂᑭᒧᐅᓇ 78:8

ᒐ ᐊᑲ ᒋ ᓂᔅᐱᑐᐛᒡ ᐅᑕᐎᐛᐛ, ᑲ ᒥᔅᑯᐅᔅᑎᒂᓇᔨᒋ ᑭᔭ ᑲ ᐊᔨᐛᒧᑐᑕᒐᔨᒋ ᐊᔭᓂᔅᒐ ᐊ ᐱᒪᑎᓯᓇᓄᐎᔨᒡ; ᑲ ᐊᔭᓂᔅᒐ ᐱᒪᑎᓯᒡ ᐊᑲ ᓇᐃᑎᔅᑕᒡ ᐅᑕᐃᐛᐛ, ᑭᔭ ᐊᑲ ᑲ ᐊᔨᑎᓯᔅᑐᐛᒡ ᒋᓴᒪᓂᑐᐛ ᐅᑦ ᐊᒐᐧᑯᐛᒡ᙮

ᒪᑎᔪᐤ 11:14

ᐅᒡ ᐅᒋᔅᒋᐛᐃᒐᓱᒡ ᒋ ᐃᔅᒋᔄᐅᒡ ᐊᔅᒄ ᒐ ᑎᑯᓯᓂᔨᒋ ᐃᓚᐃᒐᔨᒋ, ᑎᔭᑈᑎᐛᐛᒂ ᒪᒃ, ᐅ ᒠᓐ ᐊᐅᑯᓐ ᐊᓐ ᐃᓚᐃᒐ᙮ ᐊᐅᒄ ᐅ ᐅᒋᔅᒋᐛᐃᒐᓱᐤ ᒐ ᑎᑯᓯᓂᑯᐱᓇ᙮

ᒪᑎᔪᐤ 14:4

ᐛᔅ ᐊᕈᑦ ᒋ ᐎᒋᒪᐤ ᐊᕈᑎᔭᓴ ᐊᓂᔭ ᐎᐧᑲᓂᓴ ᐱᓕᐸ ᐎᐎᔪᐛ, ᐊᑯ ᒠᓐ ᐅᓯᑲᐃᑕᒐᐤ ᒧᔅ ᑲ ᐃᑕᑦ ᐊᕈᑕ, “ᒋ ᐱᑯᓇᓐ ᐎᓱᐛᐅᓐ ᐊ ᐎᐎᔨᓐ ᒋᐧᑲᓂᔅ ᐎᐛ᙮”

ᒪᑎᔪᐤ 3:3

ᐊᐅᒄ ᒪᒃ ᐅᔭ ᒠᓇ ᑲ ᐊᔨᒧᒪᑦ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐃᓯᓂᐧᑲᓱᑦ ᐃᔅᐱ ᑲ ᐃᔅᒋᔄᑯᐱᓇ, ᑕᐤ ᐊᐛᓐ ᐊ ᑕᑈᑦ ᐊᓐᑕ ᐸᐧᑯᑎᔅᑭᒥᑲᒡ ᐊ ᐃᔅᒋᔄᑦ, ᐊᔭᔅᑯᐎᔅᑕᒺᐧᒄ ᐅᑎᐸᔨᒋᒐᐤ ᐅᒪᔅᑭᓇᒻ ᐊᓐᑕ ᒐ ᐱᒧᑕᑦ, ᑯᐃᔅᑯᒧᑕᐛᐧᒄ᙮

ᒪᑎᔪᐤ 3:4

ᐅ ᒪᒃ ᒠᓐ, ᑲ ᒥᔅᑎ ᐱᔎᐅᑯᓇᔨᒋ ᐊᐛᓯᓴ ᐅᐱᐎᐛ ᒋ ᐅᒋ ᐅᓯᑕᑭᓄᐅᔪᐛ ᐅᑦ ᐊᐱᒋᑕᐅᓇ, ᑭᔭ ᐱᓴᑭᓇᔭᐱᔾ ᒋ ᐃᑕᔨᑕᑯᓂᔪᐤ ᐊᓂᔭᔪᐤ ᒐᒂᔪᐤ ᑲ ᐅᐱᒂᑕᐅᓂᑦ ᑭᔭ ᒂᔅᑯᑎᓴ ᑭᔭ ᑲᓯᐛᓯᐛᐳᔪᐤ ᐊᒧᐎᒋᔅᑐᓂᔨᒡ ᑲ ᑎᑯᓂᔨᒡ ᐊᔪᐅᒄ ᐅᔭ ᑲ ᐅᒥᒋᒥᑦ᙮

ᓗᒃ 1:16

ᒥᒐᑦ ᒪᒃ ᐃᔅᕋᐃᓪ ᐃᔪᐛ ᒋᑭ ᐃᑐᑐᐛᐤ ᒐᒋ ᒂᔅᑲᑎᓯᔨᒋ, ᑲᐤ ᒐᒋ ᓂᓇᐃᑐᐛᔨᒋ ᐅᑎᐸᔨᒋᒐᐛ, ᐅᒋᓴᒪᓂᑐᒥᔪᐛ᙮

ᓗᒃ 1:76

ᐊᐦᐊ, ᒋᔾ ᒪᒃ ᐊᐛᔅ, ᒪᐅᒡ ᑲ ᐃᔅᐸᔨᑕᑯᓯᑦ ᐅᒋᔅᒋᐛᐃᒐᓯᒪ ᒋᑭ ᐃᑎᑯᐅᓐ; ᐛᔅ ᒋᑭ ᓂᑲᓄᑐᐛᐤ ᑎᐸᔨᒋᒐᓱᐤ ᒐ ᐛᐛᓯᑕᐅᑦ ᐊᓐᑕ ᒐ ᐃᑐᑕᑦ᙮

ᒠᓐ 1:13

ᐊᓂᔭᔪᐛ ᒪᒃ ᑲ ᑕᑈᔭᔨᒥᑯᑦ ᐅᔅᒋ ᐱᒪᑎᓯᔪᐛ ᒋᓴᒪᓂᑐᐛ ᐊ ᑕᔨᒋ ᐅᒋ, ᓇᒪ ᐎ ᑭᔭ ᐃᔎᐛ ᑭᔭ ᓇᐸᐛ ᐊ ᑕᔨᒋ ᐅᒋ ᐱᒪᑎᓯᐅᒡ ᓇᒪ ᑭᔭ ᐃᔪᐤ ᐅᑦ ᐃᑕᔨᑎᒧᐅᓂᔨᒡ ᐅᒡ᙮ ᑕᑈ ᒋᓴᒪᓂᑐᐛ ᐊ ᑕᔨᒋ ᒋ ᐅᒋ ᐅᔅᒋ ᐱᒪᑎᓯᐅᒡ᙮

ᒠᓐ 1:34

ᓂᒋ ᐛᐸᑕᓐ ᐅ ᑲ ᐃᔅᐱᔨᒡ ᑭᔭ ᒋ ᐎᑎᒪᑎᓇᐛᐤ ᐊᔪᑯᓂ ᐊᓂᔭ ᒋᓴᒪᓂᑐᐤ ᐅᑯᓴ,” ᒋ ᐃᑕᐤ ᒠᓐ᙮

ᒠᓐ 3:28

ᒋᔨᐛᐤ ᒪᒃ ᔅᒋ ᐸᑐᐅᓇᐛᐤ ᐅ ᑲ ᐃᔅᒋᔄᔭᓐ, ‘ᓇᒪᔭᐤ ᓂᔾ ᐊᓐ ᙭ ᒥᒄ ᒪᒃ ᓂᒋ ᐸᒋ ᓂᑲᓂᑎᓯᐅᑯᓐ ᓂᔾ ᒐᒋ ᐊᔨᒧᒥᒃ᙮’

ᐊᑈᔅᑕᓇᒡ 10:33

ᑎᐛᒡ ᒪᒃ ᓂᒋ ᐃᑎᓴᐛᐅᒡ ᓇᐸᐅᒡ ᒐᒋ ᐎᓴᒥᔅᒡ, ᒥᔽᓱᐤ ᒪᒃ ᑲ ᑎᑯᓯᓂᔨᓐ᙮ ᐊᑯ ᒪᒃ ᒥᓯᐛ ᐊ ᑕᔭᐧᒄ ᐅᑕ, ᒋᓴᒪᓂᑐᐤ ᑭᔭ ᐊᑯᑕ ᐊ ᑕᑦ, ᐊᑯ ᒪᒃ ᒐ ᐸᑎᒪᒡ ᑕᓐ ᑲ ᐃᑎᓱᒥᔅᒃ ᐅᑎᐸᔨᒋᒐᐤ ᒐᒋ ᐃᔅᒋᔄᐅᑦ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:23

ᐊᐅᒄ ᐅᔭᔪᐤ ᑲ ᐃᓯ ᐎᔭᔨᑕᐧᒃ ᐊᒋ ᐎ ᐛᐸᑎᔨᐛᑦ ᐊ ᐃᔅᐱᔅ ᐛᔪᑎᓂᔨᒡ ᐅᒋᔅᑕᔨᑕᑯᓱᐅᓐ ᑕᓐ ᐊᓂᔭᔪᐛ ᒪᔭᑦ ᐊᓂᔭᔪᐛ ᑲ ᐎᔭᔨᒪᑦ ᒐᒋ ᒋᓴᐛᑐᑐᐛᑦ, ᐊᐅᒄ ᒋᔭᓄᐤ᙮ ᓂᑲᓐ ᔅᒋ ᐎᔭᔨᒥᑯᓄᐤ ᒐᒋ ᒋᔅᒐᔨᑎᒺᐧᒄ ᐅᒋᔅᑕᔨᑕᑯᓱᐅᓐ᙮

ᑯᓚᓯᔭᓇ 1:12

ᑭᔭ ᐊ ᒧᒋᒐᔨᑎᒪᒄ ᒐ ᓂᓇᔅᑯᒪᒄ ᐅᑕᐎᒪᐤ ᐊᓐ ᑲ ᐃᑐᑕᑕᒄ ᒐᒋ ᒋᔅᑕᔨᑕᑯᓱᐛᒄ ᒐᒋ ᐊᔭᐛᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᑕᑈᑎᒥᔨᒋ ᐛᔅᑕᐅᓂᒡ ᐊ ᑕᔨᒋ᙮

2 ᑎᒧᑎ 2:21

ᐛᔅ ᒧᔭᒻ ᒪᒃ ᐊᐛᓐ ᐸᔭᒋᐃᓱᒐ ᐊ ᓂᓇᑭᑐᐛᔨᑕᐧᒃ ᒐ ᐊᑲ ᒋ ᐎᓂᐃᑯᑦ ᒥᒐᑎᓯᐅᓂᔪᐤ, ᒋᑭ ᑎᑯᓂᔪᐤ ᐊᓂᔭ ᓇᔅᒡ ᐊ ᒋᔅᑕᔨᑕᑯᓂᔨᒡ ᒐ ᐃᓯ ᐊᐱᒋᐊᑭᓄᐅᑦ, ᓇᔅᒡ ᒋᑭ ᐱᔅᑎᓂᓱᐤ ᒐᒋ ᒥᔪ ᐊᐱᒋᐃᑯᑦ ᐊᓂᔭ ᑲ ᐎ ᐊᐱᒋᐃᑯᑦ ᐊ ᐃᑐᑕᐧᒃ ᒥᒄ ᑕᓐ ᐊ ᐃᑎᓱᒥᑯᑦ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮

1 ᒠᓐ 2:28

ᐊᐛᓯᑐᒄ, ᒧᔅ ᐎᒐᐛᐧᒄ ᒋᓴᔅ᙮ ᐊᑯ ᒪᒃ ᒐ ᒐᔅᑎᓇᑕᔨᒧᔭᒄ ᐸᒋ ᓄᑯᓯᒐ ᑭᔭ ᓇᒪ ᒋᑭ ᐅᒋ ᓴᒂᔨᒧᓇᐛᐤ ᑎᑯᓯᒐ᙮

ᒋᔅᒐᔨᑕᑯᑕᒐᐅᓐ 20:4

ᐊᑯ ᒥᓐ ᑯᑎᒡ ᒐᒂᓐ ᒂ ᐛᐸᑎᔨᑯᔭᓐ᙮ ᒋᓴᐅᒋᒪᐤ ᑕᑎᐳᐛᑭᓇ ᓂᒋ ᐛᐸᑕᓐ᙮ ᒋ ᑕᐅᒡ ᒪᒃ ᐊᓐᒡ ᑲ ᐊᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ᒥᔭᑭᓄᐎᒡ ᐅᒡ ᒐᒋ ᑎᐸᔅᑯᓂᒐᒡ᙮ ᐊᑯ ᒂ ᐛᐱᒥᒂᐤ ᐊᓐᒡ ᐊᒐᐧᑯᒡ ᑲ ᒋᒥᒂᐛᑭᓄᐛᑯᐱᓇ ᐊᓂᔭ ᐅᒋ ᐊᒋ ᑎᐸᒋᒪᒡ ᒋᓴᓴ ᑕᓐ ᑲ ᐃᑎᔨᒋ ᑭᔭ ᐊᒋ ᐛᐎᑎᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓇᒪ ᐅᒋ ᐊᔭᒥᐊᔅᑐᐛᐛᑯᐱᓇ ᐎᔨᐛᐤ ᐊᓂᔭᔪᐛ ᒥᒋ ᐊᐛᓯᓴ ᒪᒃ ᐊᓂᔭᔪᐛ ᒥᓂᑐᐧᑲᓇ ᒧᔭᒻ ᐊᓐ ᒥᒋ ᐊᐛᓯᔅ ᐊ ᐃᓯᓇᑯᓯᑦ ᑲ ᐃᓯᐊᑭᓄᔨᒋ᙮ ᓇᒪ ᑭᔭ ᐅᒋ ᐊᔭᐛᐅᒡ ᐊᓂᔭ ᐅᒋᔅᒋᓄᐛᒋᒋᑭᓂᔪᐤ ᐅᔅᑲᑎᑯᐛᒡ ᒪᒃ ᐅᒥᔪᓄᐛᒡ᙮ ᑲᐤ ᒋ ᐱᒪᑎᓯᐅᒡ ᐅᒡ, ᐊᑯ ᑲ ᑕᑎᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ᐎᒋ ᒋᓴᐅᒋᒪᐅᒪᐅᒡ ᒪᒃ ᒋᓴᓴ ᐸᐃᒂᐤ ᒐᓯᐱᔪᐛ ᐱᐳᓇ ᐃᔅᐱᔅ᙮