ᓗᒃ 1:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋᔾ ᑎᔪᐱᓚᔅ, ᒋᑭ ᐊᔨᒧᑎᒪᑎᓐ ᐊᓐ ᒥᔽᒋᒧᐅᓐ ᑕᓐ ᑲ ᐃᓯ ᐱᒪᑎᓯᑦ ᒋᓴᔅ ᐅᑕ ᐊᔅᒋᒡ ᒪᒂᒡ ᐊ ᑕᔭᒡ ᑲ ᑕᑦ᙮ ᒥᒐᑦ ᐊᐛᓐᒋ ᒋ ᑯᒋᑕᐅᒡ ᒐᒋ ᒥᓯᓇᐊᒡ ᐊᓂᔭ ᑕᓐ ᑲ ᐃᓯ ᐱᒪᑎᓯᔨᒋ ᒋᓴᓴ᙮

ᓗᒃ 1:1 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:20

ᐊᑯ ᒪᒃ ᒋᔅᒋᓄᐊᒧᐛᑭᓐᒡ ᒥᓯᐛ ᒋ ᐃᑐᑕᐅᒡ ᐊ ᑭᒐᔅᒋᒧᒡ᙮ ᐅᑎᐸᔨᒋᒐᐛ ᒋ ᐎᒋᐃᑯᐅᒡ ᑭᔭ ᒋ ᐛᐸᑎᔨᐛᔪᐛ ᐊ ᑕᑈᒥᑭᓂᔨᒡ ᑕᓐ ᐊ ᐃᓯ ᑭᒐᔅᒋᒧᒡ ᐊᓂᔭ ᐅᒋ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᐊᒋ ᐃᑐᑕᒡ᙮ ᐊᒥᓐ᙮

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:5

ᐸᐃᒄ ᐊᐛᓐ ᑎᑯᓂᔪᐛ ᐊᓂᔭᔪᐛ ᐊ ᒋᓯᑲᔨᒡ ᒋᒋᐛ ᐊ ᐃᑕᔨᑎᒥᐃᑯᑦ᙮ ᑯᑎᒃ ᐊᐛᓐ ᐸᐃᑯᓄᒡ ᐃᓯ ᑭᓄᐛᐸᑎᒻ ᒥᓯᐛ ᐊ ᒋᓯᑲᔨᒡ᙮ ᒥᓯᐛ ᒪᒃ ᐊᐛᓐ ᒋᐸ ᐎᔭᔨᑎᒻ ᑕᓐ ᐊᓐ ᒐ ᐃᓯ ᑭᓄᐛᐸᑕᐧᒃ ᐎᔾ ᐅᔭ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:21

ᓇᔅᒡ ᒋ ᒐᔅᑎᓇᑕᔨᒪᐤ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒥᔨᒋ ᑕᓐ ᐊᓂᔭᔪᐤ ᑲ ᐃᔅᒋᔄᔨᒋ ᒐ ᐃᑐᑎᒪᑯᑦ᙮

ᑯᓚᓯᔭᓇ 2:2

ᐊᐅᒄ ᐊ ᐃᑎᔭᓐ ᐊ ᐱᑯᓴᔨᒧᔭᓐ ᒐᒋ ᓱᒋᑕᐊᔭᒄ ᑭᔭ ᒐᒋ ᒪᒧᐱᔪᐅᔭᒄ ᐊ ᓴᒋᐃᑐᔭᒄ᙮ ᒋ ᓂᑐᐛᔨᒥᑎᓇᐛᐤ ᓇᔅᒡ ᒐᒋ ᓂᔅᑐᑎᒪᒄ ᒥᔽᒋᒧᐅᓐ ᒐᒋ ᓱᐛᔨᒥᑯᐅᔭᒄ ᐊ ᒋᔅᒐᔨᑎᒪᒄ ᐊ ᑕᑈᒥᑲᒡ᙮ ᓇᔅᒡ ᓂᔅᑐᑎᒪᒂ ᐊᑯᑕ ᒐ ᐅᒋ ᒋᔅᒐᔨᒪᒄ ᒋᓴᔅ ᙭, ᐊᓐ ᐊᑲ ᓂᑕ ᐅᒋ ᒋᔅᒐᔨᒪᑭᓄᐅᑦ ᐊᓐᑕ ᐅᑕᒡ᙮ ᒋ ᐃᑐᑎᒻ ᒪᒃ ᐊᑯ ᒋᓴᒪᓂᑐᐤ ᒐᒋ ᒋᔅᒐᔨᒪᑯ ᙭ᑕ᙮

ᑯᓚᓯᔭᓇ 4:12

ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮

1 ᑕᓴᓗᓂᔭᓇ 1:5

ᐃᔅᐱ ᑲ ᐛᐎᑎᒪᑕᒡ ᒥᔽᒋᒧᐅᓐ ᓇᒪ ᒥᒄ ᓂ ᐅᒋ ᐃᔨᒥᓇᓐ ᒪᒃ ᐊᔪᐤ ᔅᒋ ᐛᐸᑕᓇᐛᐤ ᓱᐧᑲᑎᓯᐅᓐ ᑲ ᐸᔭᒋᓯᑦ ᐊᒐᐧᒄ ᐅᒋ᙮ ᑭᔭ ᐊᐅᒄ ᐊᓐ ᑲ ᐃᑐᑕᑕᒄ ᓇᔅᒡ ᒐᒋ ᑕᑈᑎᒪᒄ ᐊ ᑕᑈᒥᑲᒡ ᑕᓐ ᑲ ᐃᓯ ᐎᑎᒪᑕᒡ᙮ ᔅᒋ ᒋᔅᒐᔨᒥᓇᓐ ᑕᓐ ᑲ ᐃᑕᑎᓯᔭᒡ ᐊᓐᑕ ᐊ ᑕᔭᒄ ᑲ ᑕᔭᒡ ᐊᓐᑕ ᐊᒋ ᐅᒋ ᐎ ᐎᒋᐃᑕᒡ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮

2 ᑎᒧᑎ 4:17

ᒥᒄ ᒪᒃ ᐅᑎᐸᔨᒋᒐᐤ ᓂᒋ ᐎᒋᑲᐳᐅᔅᑕᒄ ᑭᔭ ᐎᔾ ᓂᒋ ᒥᔨᒄ ᓱᐧᑲᑎᓯᐅᓂᔪᐤ᙮ ᒋ ᐃᔅᐱᔪᐤ ᒪᒃ ᐃᔭᐱᒡ ᓇᔅᒡ ᒐᒋ ᐛᐎᑎᒧᒡ ᐅᔭ ᒥᔽᒋᒧᐅᓂᔪᐤ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᐅᒋ ᐸᑕᒡ, ᑭᔭ ᓂᒋ ᐎᐧᑯᒋᐃᑯᐅᓐ ᒐ ᐊᑲ ᒋ ᒧᐅᑦ ᒥᓯᐱᓱᐤ᙮

ᐃᑉᕈᐛ 10:22

ᐊᑯ ᒪᒃ ᒐᒋ ᓇᑕᐧᒄ ᒋᓴᒪᓂᑐᐤ ᒋᓴᔅ ᐊ ᐅᒋᓴᐊᔭᒥᐊᐅᒋᒪᒥᔭᐧᒄ, ᓇᔅᒡ ᐊ ᑕᑈᑎᒪᐧᒄ ᒐ ᒥᔽᔨᑕᐧᒄ ᓇᑕᒂ, ᒐ ᐊᑲ ᐅᒋ ᐊᑐᐛᔨᒥᑕᐧᒄ᙮ ᒋᑭ ᒋ ᓇᑕᓄᐤ ᐛᔅ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᓇᔅᒡ ᒋ ᐸᔭᒋᑕᑭᓄᐛ ᒋᑕᐃᓄᐛ ᑭᔭ ᓇᒪ ᐊᑯ ᒋ ᒥᑯᔅᑲᑕᔨᑎᒥᐃᑯᐅᓇᓄᐤ ᑕᓐ ᑲᒋ ᐃᓯ ᒥᒋᑐᑎᒪᐧᒄ᙮ ᒋ ᐸᔭᒋᑕᑭᓄᐛ ᒋᔪᓄᐛ ᐊ ᒥᔽᑭᒥᒡ ᓂᐱᔾ ᐅᒋ᙮

ᐃᑉᕈᐛ 6:11

ᒋ ᐱᑯᓴᔨᒥᑎᓇᓐ ᒥᓯᐛ ᒧᓯᓇᐤ ᒐᒋ ᒥᔪᑐᑎᒪᒄ ᐱᐃᒻ ᐊᑎ ᐃᔎᐱᔨᒂᐛ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐ ᒐᔅᑎᓇᐅᔭᒄ ᑕᑈ ᒐ ᒥᔨᑕᒄ ᒋᓴᒪᓂᑐᐤ ᒥᓯᐛ ᑕᓐ ᐛ ᐃᓯ ᒥᔨᑕᒄ᙮