ᒠᓐ 9:38 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁸ ᒂ ᐃᔅᒋᔄᑦ ᐊᓐ ᓇᐸᐤ, “ᒋ ᑕᑈᑕᑎᓐ ᐅᑎᐸᔨᒋᒐᐤ᙮” ᑲ ᐊᑎ ᐅᒋᒋᐧᑯᓂᐱᑦ ᐊ ᐊᔭᒥᐊᔅᑐᐛᑦ᙮

ᒠᓐ 9:38 Iomraidhean Croise

ᑎᐱᑦ ᐅᓂᑭᒧᐅᓇ 2:12

ᓱᐛᔨᒥᐧᒄ ᐅᑯᓯᓯᒪᐤ, ᒐ ᐊᑲ ᒋ ᒋᔄᓯᑦ, ᒐ ᐊᑲ ᒋ ᓂᓱᐅᓇᑎᓯᔭᒄ ᒪᔅᑭᓇᒡ ᐅᒡ, ᐃᔅᐱ ᐊᐱᓯᔅ ᒥᒄ ᐊᐧᑯᔪᐛᓯᑦ᙮ ᓱᐛᔨᑕᑯᓱᐅᒡ ᒥᓯᐛ ᐊᓐᒡ ᑲ ᒪᒥᓯᑐᑐᐛᒡ᙮

ᑎᐱᑦ ᐅᓂᑭᒧᐅᓇ 45:11

ᐊᑯ ᒋᓴᐅᒋᒪᐤ ᓇᔅᒡ ᒐ ᒧᔅᑕᓇᐧᒃ ᒋ ᒥᔪᓇᑯᓯᐅᓂᔪᐤ: ᐛᔅ ᐎᔾ ᒋᑎᐸᔨᒋᒐᓯᒻ; ᐎᔾ ᒪᒃ ᐊᔭᒥᐊᔅᑐᐤ᙮

ᒪᑎᔪᐤ 14:33

ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᐊᓐᑕ ᐅᐤᑎᒡ ᑲ ᑕᒡ ᒋ ᐊᔭᒥᐊᔅᑐᐛᐅᒡ ᒋᓴᓴ ᐊ ᐃᑕᒡ, “ᑕᑈ ᒋᔾ ᒋᓴᒪᓂᑐᐤ ᐅᑯᓴ᙮”

ᒪᑎᔪᐤ 28:17

ᐃᔅᐱ ᒪᒃ ᐎᔭᐱᒪᒡ, ᒋ ᐊᔭᒥᐊᔅᑐᐛᐅᒡ ᐊᑎ ᐱᔅᒐ ᐊᓐᑕ ᐊ ᑎᓯᒡ ᐊᒋ ᐊᓏᑕᒡ᙮

ᒪᑎᔪᐤ 28:9

ᓯᔅᒋᑯᒡ ᒪᒃ ᒋ ᐅᒋ ᓂᒋᔅᑯᐛᐅᒡ ᒋᓴᓴ ᐊᑯ ᒂ ᐃᑎᑯᒡ, “ᐎ ᒋᔭᒪᔨᑎᒧᒄ᙮” ᐊᑯ ᒂ ᐅᒋᒋᐧᑯᓂᐱᔪᐅᒡ ᐊ ᑕᔨᒋ ᒂ ᒪᑯᓂᒺᒡ ᐅᓯᑎᔪᐛ ᐊᑯ ᒂ ᓄᒋᔅᑐᐛᒡ᙮

ᒪᑎᔪᐤ 8:2

ᒋ ᐸᒋ ᓇᑎᑯᐤ ᓇᐸᐛ ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᔭᔨᒋ, ᒂ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐅᑎᔅᑯᐤ ᐊ ᑕᑦ, ᐊᑯ ᐊᑎᑯᑦ, “ᐅᑎᐸᔨᒋᒐᐤ, ᐎ ᐸᒋ ᐎᒋᐃᔨᓇ, ᒋᑭ ᒋ ᐃᑐᑕᓐ ᒐᒋ ᐸᔭᒋᓯᔭᓐ᙮”

ᓗᒃ 24:52

ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒋ ᐊᔭᒥᐊᔅᑐᐛᐅᒡ ᐅᑎᐸᔨᒋᒐᐛ ᐊᑯ ᑲᐤ ᒂ ᒋᐛᒡ ᒋᕈᓯᓕᒥᒡ ᓇᔅᒡ ᐊ ᒥᔽᔨᑕᒡ᙮

ᒠᓐ 20:28

ᐊᑯ ᑥᒥᔅ ᒂ ᐃᑕᑦ, “ᓂᑎᐸᔨᒋᒐᓯᒻ ᑭᔭ ᓂᒋᓴᒪᓂᑐᒻ᙮”

ᒠᓐ 9:39

ᒋᓴᔅ ᒂ ᐃᑕᑦ, “ᓂᒋ ᐸᒋ ᑎᑯᓯᓐ ᐅᑕ ᐊᔅᒋᒡ ᒐᒋ ᑎᐸᔅᑯᓂᒐᔭᓐ ᐊᓐᑕ ᒐᒋ ᐅᒋ ᐛᐸᑕᒡ ᐊᓐᒡ ᐊᑲ ᐛᐸᑕᒡ, ᐊᑯ ᐊᓐᒡ ᑲ ᐛᐸᑕᒡ ᒐ ᐊᑲ ᒋ ᐛᐸᑕᒡ᙮”