ᒠᓐ 9:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒋᓴᔅ ᒂ ᐎᑎᒧᐛᑦ, “ᓇᒪᔭᔪᐤ ᐎᔾ ᐅᒥᒋᑥᐅᓐ ᑭᔭ ᒪᒃ ᐅᓂᒋᐃᒂ ᐅᒥᒋᑐᑎᒧᐅᓂᔪᐤ ᑲ ᐃᑐᑕᑯᑦ ᐛᒋ ᐊᑲ ᒋ ᐛᐸᑕᐧᒃ᙮ ᒐᒋ ᐛᐸᑕᑭᓄᐎᔨᒡ ᒋᓴᒪᓂᑐᐤ ᐅᓱᐧᑲᑎᓯᐅᓐ ᐊᐅᑯᓐ ᐛᒋ ᐊᑲ ᒋ ᐛᐸᑕᐧᒃ ᐅ ᓇᐸᐤ᙮

ᒠᓐ 9:3 Iomraidhean Croise

ᒪᑎᔪᐤ 11:5

ᐎᑎᒧᐛᐧᒄ ᒪᒃ ᐊ ᐛᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐛᐸᑎᒥᔨᒋ, ᐊ ᐱᒧᑕᔨᒋ ᐊᓂᔭᔪᐛ ᐊᑲ ᐅᒋ ᐱᒧᑕᔨᒋ, ᑭᔭ ᐊ ᐸᔭᒋᓯᔨᒋ ᐊᓂᔭᔪᐛ ᑲ ᐊᔭᔨᒋ ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᒥᓏᒋᐊᑭᓄᔨᒋ᙮ ᑭᔭ ᐊ ᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐸᑎᒥᔨᒋ᙮ ᑭᔭ ᐊᒋ ᐅᓂᔅᑲᓇᑭᓄᔨᒋ ᐊᓂᔭᔪᐛ ᑲ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ᐛᐎᑎᒧᐛᑭᓄᔨᒋ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

ᒠᓐ 11:4

ᐃᔅᐱ ᒪᒃ ᒋᓴᔅ ᐱᔭᑕᐧᒃ ᐅᔭ ᒋ ᐃᑕᐤ, “ᐊᑎ ᐊᓂᔭ ᓇᔅᒡ ᐊ ᐊᐧᑯᓯᑦ ᓇᒪ ᒋᑭ ᐅᒋ ᐳᓂᐱᒪᑎᓯᐤ᙮ ᐃᔅᐱᔪᐤ ᐅ ᒐᒋ ᓄᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐊᑯᑕ ᒐ ᐅᒋ ᒋᔅᑕᔨᑕᑯᐊᑭᓄᔨᒋ ᒋᓴᒪᓂᑐᐤ ᐅᑯᓴ᙮”

ᒠᓐ 11:40

ᐊᑯ ᒋᓴᔅ ᒂ ᐃᑕᑦ ᐊᓂᔭ ᒪᕐᑕᔨᒋ, “ᓇᒪᐎᔾ ᐊ ᓴᔅ ᒋ ᐅᒋ ᐎᑎᒪᑎᓐ, ᑕᑈᑎᒥᓇ ᒐ ᐛᐸᑎᒧᑦ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ?”

ᐊᑈᔅᑕᓇᒡ 28:4

ᐊᑯ ᐊᓐᒡ ᐃᔪᒡ ᐃᔅᐱ ᐎᔭᐱᒪᒡ ᐊᓂᔭ ᒋᓇᐱᒂ ᐊ ᒋᑭᒧᔨᒋ ᐊᓐᑕ ᑈᓚ ᐅᑎᒋᔨᒡ ᒂ ᐃᔅᒋᔄᒡ, “ᒋ ᓂᐸᐃᔨᐛᒐ ᐊᓐ ᐅ ᓇᐸᐤ, ᑭᔭ ᐊᑎ ᐊᒋ ᒋᑎᓯᒧᑦ ᐊᓐᑕ ᐎᓂᐸᑯᒡ ᐅᒋ, ᐃᔭᐱᒡ ᐅᑎᑕᐅᑯᐤ ᒐᒋ ᐛᐛᓯᐊᑭᓄᐅᑦ᙮ ᐊᐅᒄ ᐊᓂᔭ ᐛᒋ ᒪᑯᒥᑯᑦ ᐊᓂᔭ ᒋᓇᐱᒂ᙮”

ᐊᑈᔅᑕᓇᒡ 4:21

ᐊᑯ ᒪᒃ ᐊᓐᒡ ᐊᓐᑕ ᑲ ᒪᒧᐎᒡ, ᒂ ᐃᑕᒡ ᒐ ᐛᓯᐊᒡ ᐊᑲ ᐳᓂᔨᒐ ᐊ ᐊᔨᒧᒪᔨᒋ ᒋᓴᓴ ᑭᔭ ᒂ ᐱᔅᑎᓇᒡ᙮ ᓇᒪ ᐅᒋ ᒥᔅᑭᒧᒡ ᒐᒂᔪᐤ ᒐᒋ ᐅᒋ ᐛᐛᓯᐊᒡ ᐛᔅ ᒥᓯᐛ ᐊᓐᒡ ᐃᔪᒡ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭᔪᐤ ᐅᒋ ᑕᓐ ᑲ ᐃᔅᐱᔨᒡ᙮ ᓇᒪ ᐅᒋ ᐛᐛᓯᐊᐅᒡ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ᙮

1 ᒠᓐ 4:16

ᐊᑯ ᒪᒃ ᒋᔅᒐᔨᑕᓇᓄᐤ ᑭᔭ ᒋ ᑕᑈᑕᓇᓄᐤ ᑕᑈ ᐊ ᓴᒋᐃᑕᐧᒄ ᒋᓴᒪᓂᑐᐤ᙮ ᒋᓴᒪᓂᑐᐤ ᐊᐅᒄ ᓴᒋᐃᐛᐅᓐ᙮ ᐊᓐ ᒪᒃ ᑲ ᑕᑦ ᓴᒋᐃᐛᐅᓂᒡ, ᐱᒋᔅᑯᐛᐤ ᒋᓴᒪᓂᑐᐛ ᑭᔭ ᐱᒋᔅᑲᑯᐤ ᒋᓴᒪᓂᑐᐛ᙮

1 ᒠᓐ 4:9

ᐊᑯᑕ ᑲ ᓄᑯᑥᑕᐧᒄ ᒋᓴᒪᓂᑐᐤ ᑕᓐ ᐊ ᐃᓯ ᓴᒋᐃᑕᐧᒄ ᑲ ᐸᒋ ᐃᑎᓴᐛᑦ ᑲ ᐸᐃᑯᓯᔨᒋ ᐅᑯᓴ ᐅᑕ ᐊᔅᒋᒡ ᒐᒋ ᐅᒋ ᐊᔭᐛᐧᒄ ᑲᒋᒡ ᐱᒪᑎᓯᐅᓂᔪᐤ᙮