ᒠᓐ 9:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑯ ᐊᓐᒡ ᐸᕆᓯᔨᒡ ᒥᓐ ᒂ ᑯᒂᒋᒪᒡ ᐊᓂᔭᔪᐛ ᓇᐸᐛ ᑲ ᒥᓏᒋᐊᑭᓄᔨᒋ ᐊ ᐃᑕᒡ, “ᑕᓐ ᐊ ᐃᑕᔨᒥᑦ ᒪᒃ ᒋᔾ ᐊᓐ ᓇᐸᐤ ᑲ ᒥᓏᒋᐃᔅᒃ ?” ᐊᑯ ᐊᓐ ᓇᐸᐤ ᒂ ᐎᑎᒧᐛᑦ ᐊ ᐃᑕᑦ, “ᐅᒋᔅᒋᐛᐃᒐᓱᐤ ᓂᑦ ᐃᑕᔨᒪᐤ᙮”

ᒠᓐ 9:17 Iomraidhean Croise

ᒪᑎᔪᐤ 21:11

ᐊᑯ ᒂ ᐃᑎᑯᒡ ᐊᓂᔭ ᐃᔪᐛ ᑲ ᐎᒐᐛᔨᒋ ᒋᓴᓴ, “ᒋᓴᔅ ᐊᓐ᙮ ᐊᐅᑯᓐ ᐅ ᐅᒋᔅᒋᐛᐃᒐᓱᐤ ᐊᓐᑕ ᓇᓴᕆᑎᒡ, ᑲᓕᓕ ᐊᔅᒋᒡ, ᑲ ᐅᒋᑦ᙮”

ᓗᒃ 24:19

ᐊᑯ ᑲ ᑯᒂᒋᒥᑯᒡ, “ᒐᒂᔪᐛ ᒪᒃ ᐊᓂᔭ ᑲ ᐃᔅᐱᔨᒋ ?” ᐊᑯ ᒂ ᑎᐸᒋᒧᔅᑐᐛᒡ, “ᒥᓯᐛ ᑕᓐ ᑲ ᐃᑐᑐᐛᑭᓄᔨᒋ ᒋᓴᓴ, ᓇᓴᕆᑎᒡ ᑲ ᐅᒋᔨᒋ,” ᐊ ᐃᑕᒡ᙮ “ᐅ ᒋᓴᔅ ᒋ ᐅᒋᔅᒋᐛᐃᒐᓱᐤ᙮ ᒋᓴᒪᓂᑐᐛ ᑭᔭ ᐊᓂᔭ ᐃᔪᐛ ᒋ ᐃᑕᔨᑎᒥᔪᐛ ᒥᓯᐛ ᐊᓂᔭ ᒐᒂᔪᐛ ᑲ ᐃᑐᑕᐧᒃ ᑭᔭ ᐊᓂᔭ ᑲ ᐃᓯ ᐎᑕᐧᒃ ᓇᔅᒡ ᐊᒋ ᓱᒐᔨᑕᑯᓂᔨᒋ᙮

ᒠᓐ 4:19

ᐊᑯ ᐊᓐ ᐃᔎᐤ ᒂ ᐃᑕᑦ, “ᒧᔭᒻ ᒋᔾ ᐅᒋᔅᒋᐛᐃᒐᓱᐤ ᐊᐅᑯᓐ ᐊ ᐃᑕᔨᒥᑕᓐ᙮

ᒠᓐ 6:14

ᐊᓐᒡ ᒪᒃ ᐃᔪᒡ ᐊᓐᑕ ᑲ ᑕᒡ, ᐊᓐᒡ ᑲ ᐛᐱᒪᒡ ᒋᓴᓴ ᐊᓂᔭ ᒪᒥᔅᑲᒡ ᐃᑐᐅᓂᔪᐤ ᐊ ᐃᑐᑎᒥᔨᒋ ᒋ ᐃᑕᐅᒡ, “ᒐᔅᑎᓇᔅ ᐊᐅᒄ ᐅ ᐅᒋᔅᒋᐛᐃᒐᓱᐤ ᐊᓐ ᑲ ᐊᓱᐛᐱᒪᐧᒄ ᒐᒋ ᐸᒋ ᐃᑎᓴᐛᑭᓄᐅᑦ ᐅᑕ ᐊᔅᒋᒡ᙮”

ᒠᓐ 9:15

ᐊᑯ ᐊᓐᒡ ᐸᕆᓯᔨᒡ ᒥᓐ ᒂ ᑯᒂᒋᒪᒡ ᐊᓂᔭ ᓇᐸᐛ ᑕᓐᑕ ᐊᑯ ᐛᒋ ᐛᐸᑎᒥᔨᒋ᙮ ᒂ ᐃᑎᑯᒡ ᐊᓂᔭᔪᐛ ᓇᐸᐛ, “ᐊᓯᔅᒍᐛ ᒋ ᐊᓱᓇᐤ ᓂᔅᒋᓯᑯᒡ ᐊᑯ ᒂ ᒋᔅᑕᐸᐅᑕᔭᓐ ᐊᑯᑕ ᑲ ᐅᒋ ᐛᐸᑎᒪᓐ᙮”

ᐊᑈᔅᑕᓇᒡ 10:38

ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”

ᐊᑈᔅᑕᓇᒡ 2:22

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ ᓂᑐᑐᐅᒄ ᑕᓐ ᒐ ᐃᓯ ᐊᔨᒧᒥᒃ ᒋᓴᔅ ᓇᓴᕆᑎᒡ ᑲ ᐅᒋᑦ᙮ ᓇᔅᒡ ᒋ ᓄᑯᓂᔪᐤ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ ᐊᓂᔭ ᐊᒋ ᒪᒥᔅᑲᒡ ᐃᑎᑦ ᑭᔭ ᐊᒋ ᒪᒥᔅᑲᒡ ᐛᐸᑎᔨᐛᑦ ᓂᓇᐧᑯᐤ ᒐᒂᔪᐛ ᑭᔭ ᐊᒋ ᐛᐸᑎᔨᐛᑦ ᒋᔅᒋᓄᐛᒡ ᐛᐸᑎᔨᐛᐅᓇ᙮ ᒋᔨᐛᐤ ᒋ ᒋᔅᒐᔨᑕᓇᐛᐤ ᐅ ᐛᔅ ᐊᑯᑕ ᐅᑕ ᒪᒂᒡ ᐊ ᑕᔭᒄ ᑲ ᐃᑐᑕᐧᒃ ᐅᔭ ᒐᒂᔪᐛ ᒋᓴᒪᓂᑐᐛ ᐊᒋ ᒥᔨᑯᑦ ᑭᔅᒋᐅᓂᔪᐤ᙮