ᒠᓐ 8:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᐅᒄ ᐅᔭ ᑲ ᐃᑕᒡ ᐊᒋ ᐎ ᓇᓂᑐᐤ ᑯᒂᒋᐊᒡ ᒐ ᐱᑯᓂᒥᒂᓂ ᐅᔭ ᐎᓱᐛᐅᓂᔪᐤ, ᑭᔭ ᐱᑯᓂᒥᒐᓂ ᒋᐸ ᑎᑯᓂᔪᐤ ᒐ ᐃᓯ ᒪᒥᓯᒪᒡ᙮ ᒥᒄ ᒪᒃ ᐊᓐᑕ ᐊᔅᒋᒡ ᒋ ᐃᓯ ᓄᐛᐱᔪᐤ ᒋᓴᔅ, ᒂ ᒥᓯᓇᐃᒐᑦ ᐊᓐᑕ ᐃᔭᑲᒡ ᐅᑎᒋᔾ ᐊ ᐊᐱᒋᑕᑦ᙮

ᒠᓐ 8:6 Iomraidhean Croise

ᒐᓂᓯᔅ 49:9

ᒍᑕ ᓂᑯᓴ, ᒋ ᓱᐧᑲᑎᓯᓐ ᒧᔭᒻ ᒥᓯᐱᓱᐤ᙮ ᐊᐛᓯᓯᒡ ᐅᐎᔭᓱᐛᐤ ᔅᒋ ᐅᒋ ᐱᒥᓂᑯᐅᓐ, ᒧᔭᒻ ᒥᓯᐱᓱᐤ ᒋ ᐱᑎᐱᓐ ᑭᔭ ᒋ ᐱᒥᓯᓐ, ᓇᒪ ᐊᐛᓐ ᑯᒂᑕᔨᑎᒻ ᒐᒋ ᐅᐧᑲᐊᑦ᙮

ᑎᐱᑦ ᐅᓂᑭᒧᐅᓇ 39:1

ᓂᒋ ᐃᔅᒋᔄᓐ, “ᓂᑭ ᐃᔭᒂᒥᓯᓐ ᐊ ᐃᑕᑎᓯᔭᓐ, ᒐ ᐊᑲ ᒋ ᒥᒋ ᐊᐃᑎᔭᓐ ᓂᑕᔨᔨᒡ: ᓂᑭ ᒋᐱᑐᓇᐱᑎᓱᓐ, ᒪᒂᒡ ᐅᒥᒋᑥᐅᒡ ᐊ ᐅᑎᔅᑲᐎᔅᑯᐅᒡ᙮”

ᒪᑎᔪᐤ 10:16

“ᓂᑐᑎᒧᒄ, ᔅᒋ ᐃᑎᓴᐅᑎᓇᐛᐤ ᒧᔭᒻ ᒪᔭᑕᓂᓯᒡ ᐊ ᐃᑎᓴᐛᑭᓄᐎᒡ ᐊᓐᑕ ᐊ ᒥᒐᑎᔨᒋ ᒥᐃᐧᑭᓇ ᐊ ᑕᔨᒋ᙮ ᐃᔭᒂ ᐃᑎᒄ ᒧᔭᒻ ᒋᓇᐱᑯᒡ ᐊ ᐃᓯ ᐃᔭᒂ ᐃᑎᒡ, ᑭᔭ ᔪᔅᐱᓯᒄ ᒧᔭᒻ ᐅᒥᒥᐅᒡ ᐊ ᐃᔅᐱᔅ ᔪᔅᐱᓯᒡ᙮

ᒪᑎᔪᐤ 15:23

ᒥᒄ ᒪᒃ ᓇᒪ ᓇᔅᒡ ᐅᒋ ᔅᑐᑕᐤ ᒋᓴᔅ ᐊᓂᔭ ᐃᔎᐛ᙮ ᐊᑯ ᐅᒋᔅᒋᓄᐊᒧᐛᑭᓇ ᑲ ᐸᒋ ᓂᑐᐛᐱᒥᑯᑦ, ᑲ ᐊᔨᐧᑭᒥᐃᑯᑦ ᐊ ᐃᑎᑯᑦ, “ᐃᒐᑎᓴᐅᐤ ᒪ ᐊᓐ ᐃᔎᐤ, ᒺᔅᑕᓯᑕᑯᓱᐤ ᐊᓂᔭ ᐊ ᐃᓯ ᐃᔨᒥᑦ ᐊ ᓇᓴᐅᑕᐧᒄ᙮”

ᒪᑎᔪᐤ 16:1

ᐱᔅᒐ ᒪᒃ ᐸᕆᓯᔨᒡ ᑭᔭ ᓴᑎᔪᓯᔨᒡ ᒋ ᐸᒋ ᓂᑐᐛᐱᒪᐅᒡ ᐊᓂᔭ ᒋᓴᓴ ᐊ ᐎ ᑯᒂᒋᐊᒡ᙮ ᒋ ᐃᑕᐅᒡ ᒪᒃ ᒐᒋ ᐛᐸᑎᔨᑯᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ ᒋᒋᒋᓯᑯᒡ ᐊ ᐅᒋᒥᑭᓂᔨᒡ᙮

ᒪᑎᔪᐤ 19:3

ᐱᔅᒐ ᒪᒃ ᐸᕆᓯᐊ ᒋ ᐸᒋ ᓂᑐᐛᐱᒥᑯᐤ ᐊ ᐎ ᑯᒂᒋᐃᑯᑦ᙮ ᒋ ᐃᑎᑯᐤ ᒪᒃ, “ᐎᑎᒧᐅᓇᓐ ᒪ, ᐃᑎᔅᑕᐤ ᐊ ᐎᓱᐛᐅᓂᒡ ᒐ ᐱᔅᑎᓇᑭᓄᐅᑦ ᓇᐸᐤ ᒐᒋ ᐛᐱᓇᑦ ᐎᐛ ?”

ᒪᑎᔪᐤ 22:18

ᒪᒃ ᒋᓴᔅ ᒋ ᒋᔅᒐᔨᑎᒺᐤ ᓂᑎᒥᒄ ᐊᒋ ᐎᔨᑎᑯᑦ, ᐊᑯ ᐊᑕᑦ, “ᒋᔨᐛᐤ ᑲ ᐊᔭᒥᐊᐧᑲᓱᔭᒄ, ᒐᒂᓐ ᐛᒋ ᐎ ᐸᒋ ᑯᒂᒋᐃᔭᒄ ?

ᒪᑎᔪᐤ 22:35

ᐸᐃᒄ ᒪᒃ ᐊᓐᑕ ᐊ ᑎᓯᒡ ᐊᓐᒡ ᐸᕆᓯᔨᒡ, ᑲ ᒋᔅᑯᑎᒪᒐᑦ ᐎᓱᐛᐅᓂᔪᐤ ᐊ ᐃᑕᐱᑎᓯᑦ, ᒋ ᐎ ᓇᓂᑐᐤ ᐎᔭᓴᐊᐤ ᒋᓴᓴ, ᐊ ᑯᒂᒋᒪᑦ ᒐᒂᔪᐤ᙮

ᒪᑎᔪᐤ 26:63

ᒋᓴᔅ ᒪᒃ ᓇᒪ ᐅᒋ ᒋᔅᑐᐤ᙮ ᐊᑯ ᒥᓐ ᒂ ᐃᑎᑯᑦ ᐊᓂᔭ ᒋᓴᐊᔭᒥᐊᐅᒋᒪᐛ, “ᑯᐃᔅᒄ ᒪ ᐸᒋ ᐎᑎᒧᐅᓇᓐ ᐊ ᐸᑕᔅᒃ ᐊᓐ ᐸᒪᑎᓯᑦ ᒋᓴᒪᓂᑐᐤ, ᐊᐅᒄ ᐊ ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:2

ᒋ ᑎᑯᓯᓂᔪᐛ ᐸᕆᓯᐊ ᐊᒋ ᐎ ᓇᓂᑐᐤ ᐎᔭᓯᐃᑯᑦ ᐊᑲ ᑯᐃᔅᒄ ᒐᒋ ᐃᓯ ᐎᑕᐧᒃ ᒐᒂᔪᐤ᙮ ᒋ ᐃᓯ ᑯᒂᒋᒥᑯᐤ ᒪᒃ, “ᐎᑎᒧᐅᓇᓐ ᒪ, ᐃᑎᔅᑕᐤ ᐊ ᐎᓱᐛᐅᓂᒡ ᒐ ᐱᔅᑎᓇᑭᓄᐅᑦ ᓇᐸᐤ ᒐᒋ ᐛᐱᓇᑦ ᐎᐛ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:15

ᓂᐸ ᒋᓯᐧᑲᓱᓇᓐ ᐊ ᑭᔭ ᒪᒃ ᓇᒪᐎᔾ ?” ᒋᓴᔅ ᒪᒃ ᒋ ᒋᔅᒐᔨᒪᐤ ᐊ ᐎ ᐎᔭᓯᐃᑯᑦ ᐅᔭ ᐊ ᐃᓯ ᑯᒂᒋᒥᑯᑦ ᐊᑯ ᒂ ᐃᑕᑦ, “ᒐᒂᓐ ᐛᒋ ᐎ ᐸᒋ ᑯᒂᒋᐃᔭᒄ ? ᐸᓱᐛᐧᒄ ᒪ ᓱᓇᔭᐱᔅᑯᔅ, ᒐ ᑭᓄᐛᐱᒥᒃ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:2

ᒋ ᑕᔪᐛ ᑭᔭ ᐊᓐᑕ ᐊᐛᔪᐛ ᐊ ᐎ ᓇᓂᑐᐤ ᒪᒥᓯᒥᑯᑦ ᒋᓴᔅ ᐊᑯ ᓇᔅᒡ ᑲ ᓂᓇᑭᑐᐛᔨᒥᑯᑦ ᒐᒋ ᒥᓏᒋᐃᐛᒂ ᐊ ᐊᔭᒥᐊᐅᒋᓯᑲᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:11

ᒋ ᑕᐅᒡ ᐱᔅᒐ ᐸᕆᓯᔨᒡ ᐊ ᐸᒋ ᓂᑐᐛᐱᒪᒡ ᒋᓴᓴ ᐊ ᐸᒋ ᒥᒋᑕᑯᓯᒡ᙮ ᒋ ᓇᓂᔎᐅᓯᐊᐅᒡ ᐊ ᐎ ᓇᓂᑐᐤ ᑯᒂᒋᐊᒡ, ᐊᑯ ᒂ ᐃᑕᒡ ᒐᒋ ᐛᐸᑎᔨᑯᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ ᒋᒋᒋᓯᑯᒡ ᐊ ᐅᒋᒥᑭᓂᔨᒡ᙮

ᓗᒃ 10:25

ᐸᐃᒂᐤ ᒪᒃ ᓇᐸᐤ ᑲ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᐊ ᐃᑕᐱᑎᓯᑦ ᒋ ᓇᑕᐤ ᒋᓴᓴ ᐊ ᐎ ᑯᒂᒋᐊᑦ, ᐊ ᐃᑕᑦ, “ᑕᓐ ᒐ ᐃᑎᔭᓐ ᒐᒋ ᐅᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?”

ᓗᒃ 11:16

ᑯᑎᑭᒡ ᒪᒃ ᒋ ᐎ ᑯᒂᒋᐊᐅᒡ ᒋᓴᓴ ᐊ ᐎ ᓇᓂᑐ ᒋᔅᒐᔨᑎᒺᒡ ᑕᓐᑕ ᐛᒋᐱᔨᒡ ᐊᓂᔭ ᐅᒥᔅᑯᓯᐅᓂᔪᐤ᙮ ᐊᑯ ᒂ ᐃᑕᒡ ᒐᒋ ᐛᐸᑎᔨᑯᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ ᒋᓴᒪᓂᑐᐛ ᐊ ᑕᔨᒋ ᐊ ᐅᒋᐱᔨᒡ᙮

ᒠᓐ 8:2

ᐎᐱᒡ ᒥᓐ ᐎᔭᐱᓂᔨᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒥᓐ ᒋ ᐃᑐᑕᐤ᙮ ᒥᓯᐛ ᒪᒃ ᐊᓂᔭᔪᐛ ᐃᔪᐛ ᒋ ᐸᒋ ᓂᑐᐛᐱᒥᑯᐤ᙮ ᑲ ᐛᐛᔨᐱᑦ ᐊᑯ ᒂ ᒋᔅᑯᑎᒧᐛᑦ᙮

1 ᑯᕆᓐᑎᔭᓇ 10:9

ᑭᔭ ᐊᑲᐎᔾ ᒋᑭ ᐅᒋ ᑯᒂᒋᐊᐛᐤ ᐅᑎᐸᔨᒋᒐᐤ ᒧᔭᒻ ᑕᓐ ᑲ ᐃᑎᒡ ᐱᔅᒐ ᐊᓐᒡ ᐊᐛᓐᒋ᙮ ᒋᓇᐱᒂ ᒪᒃ ᒋ ᓂᐸᐃᑯᐅᒡ᙮