ᒠᓐ 8:52 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵² ᐊᑯ ᐊᓂᔭᔪᐛ ᒍᐤ ᐃᔪᐛ ᑲ ᐃᑎᑯᑦ, “ᑭᔭ ᒋᔭᔅᑎᓇᐅᔭᒡ, ᑕᑈ ᐊ ᐱᒋᔅᑲᔅᒃ ᒥᒋ ᐊᒐᐧᒄ᙮ ᐊᑉᕋᐊᒻ ᒋ ᓂᐳᐤ ᒪᒃ ᐊᓐᒡ ᐅᒋᔅᒋᐛᐃᒐᓱᒡ ᒋ ᓂᐳᐅᒡ᙮ ᒋᔾ ᒪᒃ ᐊ ᐃᔅᒋᔄᔨᓐ ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮

ᒠᓐ 8:52 Iomraidhean Croise

ᒪᑎᔪᐤ 11:18

ᐃᔅᐱ ᒪᒃ ᒠᓐ ᑲ ᑎᑯᓯᐧᒃ ᓇᒪ ᐊᓯᑯᒻ ᐅᒋ ᐅᑎᓂᒻ ᒥᒋᒥᔪᐤ, ᓇᒪ ᑭᔭ ᐅᒋ ᒥᓄᐤ ᓱᒥᓇᐳᔪᐤ, ᑭᔭ ᒂ ᐃᑕᑭᓄᐅᑦ ᒥᒋ ᐊᒐᒂ ᐱᔅᑲᑯᐤ᙮

ᒠᓐ 1:19

ᒍᐤ ᑎᐸᔨᒋᒐᓱᐅᒡ ᒋ ᐃᑎᓴᐛᐅᒡ ᒍᐤ ᐊ ᐃᑎᔅᑲᓇᓯᔨᒋ ᐊᔭᒥᐊᐅᒋᒪᐛ ᑭᔭ ᐊ ᐊᔭᒥᐊᐛᑎᓯᔨᒋ ᓕᐸᐃ ᐃᔪᐛ ᒋᕈᓯᓕᒥᒡ ᐊ ᐅᒋᔨᒋ ᐊᓐᑕ ᒠᓇ ᐊ ᑕᔨᒋ ᒐᒋ ᓂᑐ ᒋᔅᒐᔨᒥᑯᑦ ᐎᔾ ᐊ ᔭᐅᒂ ᐊᓐ ᙭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ ᒐᒋ ᐱᒪᒋᐊᔨᒋ ᐊᐛᔪᐛ᙮

ᒠᓐ 14:23

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᓐ ᐊᐛᓐ ᑲ ᓴᒋᐃᑦ ᒋᑭ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᓄᑕᐎᔭ ᒋᑭ ᓴᒋᐃᑯᐤ᙮ ᑕᐱᔅᑯᓐ ᓄᑕᐎᔾ ᑭᔭ ᓂᔾ ᓂᑭ ᓂᑐᐛᐱᒪᓇᓐ ᑭᔭ ᒐ ᐎᒋᒥᒋᑦ᙮

ᒠᓐ 15:20

ᒐ ᒋᔅᒋᓯᔭᒄ ᑕᓐ ᑲ ᐃᑎᑎᑯᒡ, ‘ᓇᒪ ᑕᐤ ᐊᐱᒋᐊᑭᓐ ᐃᐛᒃ ᐊ ᐅᒋᒪᐛᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮’ ᒧᔭᒻ ᑲ ᓂᓇᐧᑲᒋᐃᐛᒂ ᑭᔭ ᒋᔨᐛᐤ ᒋᑭ ᓂᓇᐧᑲᒋᐃᑯᐛᐅᒡ᙮ ᑲ ᓂᓇᐃᑎᒧᐛᒂ ᑕᓐ ᑲ ᐃᓯ ᐊᔨᒧᑎᒧᐅᒂᐤ ᒋᑭ ᓂᓇᐃᑎᒧᒡ ᑭᔭ ᒋᔨᐛᐤ ᑕᓐ ᒐ ᐃᓯ ᐊᔨᒧᑎᒧᐛᑯᒡ᙮

ᒠᓐ 17:6

“ᓂᒋ ᐃᑐᑐᐛᐅᒡ ᐅᒡ ᓇᐸᐅᒡ ᑲ ᐸᒋ ᒥᔨᓐ ᐅᑕ ᐊᔅᒋᒡ ᐅᒡ ᒐᒋ ᒋᔅᒐᔨᒥᔅᒡ᙮ ᒋᔾ ᔅᒋ ᑎᐱᔨᐛᐅᓯᓐ ᐊᑯ ᒪᒃ ᑲ ᐸᒋ ᒥᔨᓐ᙮ ᒋ ᓂᓇᐃᑎᒧᒡ ᒪᒃ ᒋᑦ ᐃᔨᒧᐅᓂᔪᐤ᙮

ᒠᓐ 7:20

ᐊᑯ ᐊᓐᒡ ᐃᔪᒡ ᑲ ᐃᓯ ᐎᑎᒧᐛᒡ ᒋᓴᓴ ᐊ ᐃᑕᒡ, “ᒥᒋ ᐊᒐᐧᒄ ᒋ ᐱᒋᔅᑲᒄ᙮ ᐊᐛᓐ ᒪᒃ ᐅ ᐛ ᓂᐸᐃᔅᒃ ?”

ᒠᓐ 8:22

ᐊᑯ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒂ ᐃᔅᒋᔄᒡ, “ᐊᓂᔭ ᒪ ᑲ ᐃᔅᒋᔄᑦ, ᓇᒪ ᒋᑭ ᒋ ᐃᑐᑕᓇᐛᐤ ᐊᓐᑕ ᒐ ᐃᑐᑕᔭᓐ᙮ ᒋᑭ ᓂᐸᐃᓱᐤ ᑲᑭᔭ ᐊᓂᔭ ᐛᒋ ᐃᔅᒋᔄᑦ ?”

ᒠᓐ 8:48

ᐊᓐᒡ ᒪᒃ ᒍᐤ ᐃᔪᒡ ᒋ ᐃᑕᐅᒡ ᐊᓂᔭ ᒋᓴᓴ, “ᓂᒋ ᑕᑈᓇᓐ ᑲ ᐃᔅᒋᔄᔭᒡ ᓴᒪᕆᔭ ᐊ ᐅᒋᔨᓐ ᑭᔭ ᐊ ᐱᒋᔅᑲᔅᒃ ᒥᒋ ᐊᒐᐧᒄ ?”

ᒠᓐ 8:51

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮”

ᒠᓐ 8:55

ᓇᒪ ᓂᑕ ᒋ ᐅᒋ ᒋᔅᒐᔨᒪᐛᐤ ᒥᒄ ᒪᒃ ᓂᔾ ᓂ ᒋᔅᒐᔨᒪᐤ᙮ ᐃᔅᒋᔄᔭᓇ ᒪᒃ ᐊᑲ ᒋᔅᒐᔨᒥᒃ, ᓂᑭ ᑭᑭᒋᔭᓐ ᒧᔭᒻ ᒋᔨᐛᐤ ᐊ ᐃᓯ ᑭᑭᒋᔭᔭᒄ᙮ ᒥᒄ ᒪᒃ ᓂ ᒋᔅᒐᔨᒪᐤ ᑭᔭ ᓂᓇᐃᑎᒺᓐ ᐅᑦ ᐃᔨᒧᐅᓐ᙮

ᒠᓐ 9:24

ᐊᑯ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒥᓐ ᑲᐤ ᒂ ᐎᓴᒪᒡ ᐊᓂᔭᔪᐛ ᓇᐸᐛ ᐊᑲ ᐅᒋ ᐛᐸᑎᒥᔨᒋ ᐊᑯ ᒂ ᑯᒂᒋᒪᒡ, “ᒋᓴᒪᓂᑐᐤ ᐊᐅᒄ ᒪᒥᒋᒻ᙮ ᓂ ᒋᔅᒐᔨᒪᓇᓐ ᐅ ᓇᐸᐤ ᒋᓴᔅ ᐊ ᒥᒐᑎᓯᑦ᙮”

ᐃᑉᕈᐛ 11:13

ᐅᒡ ᒪᒃ ᒥᓯᐛ ᐊᐛᓐᒋ ᑲ ᐊᔨᒧᒥᒂᐤ, ᒥᓯᐛ ᒋ ᑕᑈᔭᔨᒪᐅᒡ ᒋᓴᒪᓂᑐᐛ ᐱᐃᒻ ᑲ ᐊᑎ ᐳᓂᐱᒪᑎᓯᒡ᙮ ᐊᐅᑯᓐ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᑕᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᑕᑈ ᒐ ᐅᑎᒋᐱᔨᒡ᙮ ᐊᑎ ᐊᑲ ᐎᔨᐛᐤ ᓇᓂᑎᒻ ᐅᒋ ᐛᐸᑕᒡ ᒐᒋ ᐅᑎᒋᐱᔨᒡ ᐃᔭᐱᒡ ᒋ ᒐᔅᑎᓇᑕᔨᑎᒥᐃᑯᐅᒡ ᒐ ᐅᑎᒋᐱᔨᒡ ᐊᓐᑕ ᓂᔅᑕᒥᒡ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᓴᒐᔾ ᐃᓯᓇᑯᓂᔨᒡ ᐊᓂᔭ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᒪᓂᑐᐛ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᐅᑕ ᐊᔅᒋᒡ ᒋᒋᐛ ᐅᒋ ᐅᒋᒡ ᑭᔭ ᐎᔨᐛᐤ ᓇᓂᑎᒻ ᒋ ᐃᔅᒋᔄᐅᒡ ᒥᒄ ᒪᓐᑕᐤ ᐊᒋ ᐃᓯ ᑭᓄᐛᐱᒥᓱᒡ᙮

ᐃᑉᕈᐛ 2:9

ᒥᒄ ᒪᒃ ᒋ ᒋᔅᒐᔨᒪᓄᐤ ᐎᔾ ᒋᓴᔅ ᐊ ᐊᔭᑦ ᑎᐸᔨᒋᒐᐅᓂᔪᐤ ᒥᓯᐛ ᒐᒂᔪᐤ ᒐᒋ ᐅᒋᒪᐧᑲᑕᐧᒃ᙮ ᒋ ᐃᑐᑐᐛᑭᓄᐤ ᐛᐃᐱᔅᒋᔅ ᐊᑐᐎᔅ ᒐᒋ ᑎᐱᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓐᒋᓇ᙮ ᐅᔭ ᒪᒃ ᒋ ᐃᑐᑐᐛᑭᓄᐤ ᒐᒋ ᓂᒋᔅᑲᐧᒃ ᓂᐳᐅᓂᔪᐤ᙮ ᐊᐅᒄ ᐅᔭ ᐛᒋ ᒥᔭᑭᓄᐅᑦ ᒐᒋ ᒋᔅᑕᔨᑕᑯᓯᑦ ᑭᔭ ᒐᒋ ᐃᔅᐸᔨᑕᑯᓯᑦ ᐊᓂᔭ ᐊᒋ ᓂᒋᔅᑲᐧᒃ ᓂᓇᐧᑲᑕᔨᒧᐅᓂᔪᐤ ᐃᔅᐱ ᑲ ᓂᐸᐊᑭᓄᐅᑦ᙮ ᐊᓂᔭ ᒪᒃ ᒋᓴᒪᓂᑐᐤ ᓇᔅᒡ ᐊᒋ ᓴᒋᐊᑦ ᐊᐛᔪᐛ ᐅᑕ ᐊᔅᒋᒡ ᐊᔪᐅᒄ ᐊᓂᔭ ᐛᒋ ᓂᐱᔅᑎᒧᐛᑦ ᒋᓴᔅ ᒥᓯᐛ ᐊᐛᔪᐛ᙮