ᒠᓐ 8:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᐊᑯ ᐊᓐᒡ ᒍᐤ ᐃᔪᒡ ᒂ ᐃᓯ ᐎᑎᒧᐛᒡ ᐊ ᐃᑕᒡ, “ᐊᑉᕋᐊᒻ ᓄᑕᐎᓇᓐ᙮” ᐊᑯ ᒋᓴᔅ ᒂ ᐃᑕᑦ, “ᑕᑈ ᐊᑉᕋᐊᒻ ᐊ ᑕᑦ ᑲ ᐅᒋ ᐊᓂᔅᒐ ᐱᒪᑎᓯᐛᒂ ᐊᓂᔭ ᑕᓐ ᑲ ᐃᑎᑦ ᐊᑉᕋᐊᒻ ᐊᐅᑯᓐ ᒋᐸ ᐃᑎᓇᐛᐤ᙮

ᒠᓐ 8:39 Iomraidhean Croise

ᒪᑎᔪᐤ 3:9

ᑭᔭ ᐊᑲᐎᔾ ᐃᑕᔨᑎᒧᒄ ᒐ ᐊᑲ ᐅᒋ ᐛᐛᓯᐃᑕᒄ ᒋᓴᒪᓂᑐᐤ ᐊ ᐅᓂᑐᑎᒪᒄ ᒥᒄ ᐊᑉᕋᐊᒻ ᐊ ᑕᑦ ᐊ ᐅᒋᔭᒄ᙮ ᒋ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ᐃᑎᐱᔨᒋ ᒐᒋ ᐅᒋ ᐅᓯᐊᑦ ᐊᐛᔪᐛ ᐊᑉᕋᐊᒪ ᒐ ᐅᑦ ᐊᐛᓯᒥᔨᒋ᙮

ᒪᑎᔪᐤ 5:45

ᐊᑯ ᒪᒃ ᒐ ᐅᑯᓯᑕᑕᒄ ᐊᓐ ᒍᑕᐎᐛᐤ ᐊᓐᑕ ᒋᒋᒋᓯᑯᒡ ᐊ ᑕᑦ᙮ ᐛᔅ ᑕᐱᔅᑯᓐ ᒥᔭᐤ ᐊᓂᔭᔪᐛ ᑲ ᒥᒋᑐᑎᒥᔨᒋ ᑭᔭ ᑲ ᒥᔪᑐᑎᒥᔨᒋ ᒐᒋ ᐛᔅᑕᓂᒪᑯᔨᒋ ᐱᓯᒺ, ᑭᔭ ᑕᐱᔅᑯᓐ ᒥᔭᐤ ᐊ ᒋᒧᓂᔨᒡ ᐊᓂᔭ ᑲ ᒥᔪᑐᑎᒥᔨᒋ ᑭᔭ ᐊᓂᔭ ᑲ ᒥᒋᑐᑎᒥᔨᒋ᙮

ᒠᓐ 8:33

ᐊᑯ ᒂ ᐃᑕᒡ, “ᐊᓂᔭ ᐊᑉᕋᐊᒻ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓇᓐ, ᓇᒪ ᓂᑕ ᓂ ᐅᒋ ᐊᐱᒋᐊᑭᓂᑐᑕᑯᓇᓐ ᐊᐛᓐ᙮ ᒐᒂᓐ ᒪᒃ ᐛᒋ ᐃᔅᒋᔄᔨᓐ ᒋᑭ ᐊᐱᐧᑯᓂᑯᓇᐛᐤ ?”

ᒠᓐ 8:37

ᒋ ᒋᔅᒐᔨᒥᑎᓇᐛᐤ ᐊᑉᕋᐊᒻ ᐊ ᑕᑦ ᐊᒋ ᐅᒋ ᐊᓂᔅᒐ ᐱᒪᑎᓯᔭᒄ, ᒥᒄ ᒪᒃ ᐃᔭᐱᒡ ᒋ ᐎ ᓂᐸᐃᓇᐛᐤ ᐊᑲ ᐎ ᓂᑐᑎᒪᒄ ᑕᓐ ᐊ ᐃᓯ ᒋᔅᑯᑎᒪᒐᔭᓐ᙮

ᒠᓐ 8:43

ᒐᒂᓐ ᐛᒋ ᐊᑲ ᒋ ᓂᔅᑐᑎᒪᒄ ᑕᓐ ᐊ ᐃᔅᒋᔄᔭᓐ ? ᓇᒪ ᒋ ᐎ ᓂᓇᐃᑕᓇᐛᐤ ᑕᓐ ᐊ ᐃᓯ ᒋᔅᑯᑎᒪᒐᔭᓐ ᐊᐅᑯᓐ ᐛᒋ ᐊᑲ ᓂᔅᑐᑎᒪᒄ᙮

ᒠᓐ 8:56

ᐊᓂᔭ ᒍᑕᐎᓄᐤ ᐊᑉᕋᐊᒻ ᒋ ᒧᒋᒐᔨᑎᒻ ᐊᒋ ᒋᔅᒐᔨᑕᐧᒃ ᒐ ᐛᐸᑕᐧᒃ ᓂᒋᓯᑲᒥᔪᐤ᙮ ᒋ ᐛᐸᑎᒻ, ᒋ ᒥᔽᔨᑎᒻ ᒪᒃ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:12

ᑭᔭ ᐊᓂᔭᔪᐛ ᑲ ᒋᔅᒋᓄᐛᒋᔄᑭᓄᔨᒋ ᐅᑕᐎᒪᐅᑐᑐᐛᐅᐤ, ᒥᒄ ᓇᒪ ᐅᑕᐎᒪᐅᑐᑐᐛᐅᐤ ᒥᒄ ᐊᓂᔭ ᐊᒋ ᒋᔅᒋᓄᐛᒋᔄᑭᓄᔨᒋ᙮ ᐊᓂᔭ ᑕᑈᑎᒧᐅᓂᒡ ᐊ ᐃᓯ ᐱᒪᑎᓯᔨᒋ ᒧᔭᒻ ᐎᔾ ᑲ ᐃᑎᑦ ᐊᓂᔭ ᒍᑕᐎᓄᐤ ᐊᑉᕋᐊᒻ ᐊᔅᒄ ᐊᑲ ᐅᒋ ᒋᔅᒋᓄᐛᒋᔄᑭᓄᐅᑦ ᐊᔪᐅᒄ ᐅᔭ ᐛᒋ ᐅᑕᐎᒪᐅᑐᑐᐛᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:16

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑕᑈᑎᒧᐅᓂᒡ ᒥᒄ ᒐᒋ ᐅᒋ ᐊᔭᑭᓄᐎᒡ ᐊᓂᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᐃᑐᑎᒪᒐᑦ᙮ ᐊᑯ ᒪᒃ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊᑯᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᐊᓐᒡ ᑲ ᐃᓯ ᐊᓂᔅᒐ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᑲ ᐃᓯ ᑕᑈᔭᔨᒪᔨᒋ ᐊᑉᕋᐊᒪ ᑭᔭ ᐎᔨᐛᐤ ᒐᒋ ᐊᔭᒡ ᐊᓂᔭᔪᐛ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒪᒐᔨᒋ᙮ ᓇᒪ ᒪᒃ ᒥᒄ ᐊᓐᒡ ᑲ ᒥᔭᑭᓄᐎᒡ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᐊᔭᐅᒡ ᐅᔭ᙮ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᐊᑉᕋᐊᒪ ᑲ ᐃᓯ ᑕᑈᔭᔨᒪᔨᒋ ᐊᐅᑯᓐᒡ ᑭᔭ ᐎᔨᐛᐤ ᒐ ᐊᔭᒡ ᐅᔭ᙮ ᐛᔅ ᒥᓯᐛ ᐊ ᑎᓯᔭᐧᒄ ᐊᑉᕋᐊᒻ ᒍᑕᐎᑐᐛᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:7

ᑭᔭ ᒪᒃ ᒥᒄ ᐱᔅᒐ ᐊᓐᒡ ᐊᑉᕋᐊᒻ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᒡ ᐅᑦ ᐃᔨᒥᑐᑕᑯᐅᒡ ᒋᓴᒪᓂᑐᐛ᙮ ᐛᔅᑭᒡ ᐊᓐᑕ, ᒋᓴᒪᓂᑐᐤ ᒋ ᐃᑕᐤ ᐊᑉᕋᐊᒪ, “ᐊᐃᓯᒃ ᐊ ᑕᑦ ᒋᑭ ᐅᒋ ᐊᓂᔅᒐ ᐱᒪᑎᓯᐅᒡ ᐊᓐᒡ ᐊᐛᓐᒋ ᑲ ᐃᑎᑕᓐ ᒐᔅᑎᓇᔅ ᒐ ᒥᔨᑕᓐ᙮”

ᑲᓚᓯᔭᓇ 3:29

᙭ ᐊ ᑕᑦ ᐊ ᐃᓯ ᑎᐸᔨᑕᑯᓱᐅᓇ ᒧᔭᒻ ᐊᑉᕋᐊᒻ ᐊ ᑕᑦ ᐊᒋ ᐅᒋ ᐊᓂᔅᒐ ᐱᒪᑎᓯᔨᓐ ᒋᑦ ᐃᓯᓇᑯᓯᓐ᙮ ᐊᑯ ᒪᒃ ᒐ ᒥᔅᑭᒧᑦ ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᒥᔨᐛᑦ᙮

ᑲᓚᓯᔭᓇ 3:7

ᒪᐅ ᒪᒃ ᒐ ᐎ ᓂᔅᑐᑎᒪᒄ᙮ ᐊᓐᒡ ᐊᐛᓐᒋ ᑲ ᑕᑈᔭᔨᒪᒡ ᒋᓴᒪᓂᑐᐛ ᐊᐅᑯᓐᒡ ᐃᔭᒄ ᒋᒋᐛ ᐊᑉᕋᐊᒻ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᒡ ᐊ ᐃᓯ ᑭᓄᐛᐱᒪᑭᓄᐎᒡ᙮