ᒠᓐ 8:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᔅᒋ ᐎᑎᒪᑎᓇᐛᐤ ᒐ ᓂᐱᔭᒄ ᐊ ᒋᔅᑭᒪᒄ ᒋᒥᒐᑎᓯᐅᓄᐛᐛ᙮ ᐊᐅᑯᓐ ᒪᒃ ᑕᑈ ᒐ ᐃᓯ ᓂᐱᔭᒄ ᐊ ᒋᔅᑭᒪᒄ ᒋᒥᒐᑎᓯᐅᓄᐛᐛ, ᐊᑲ ᑕᑈᑎᒪᒂ ᐊᐅᑯᓐ ᐊᓐ ᓂᔾ ᑕᑈ ᐊ ᐊᐎᔭᓐ᙮”

ᒠᓐ 8:24 Iomraidhean Croise

ᐊᒃᓱᑕᔅ 3:14

ᒋᓴᒪᓂᑐᐤ ᒋ ᐃᑕᐤ ᒧᓱᓴ, “ᓂᔾ ᐅ ᒧᔅ ᑲᒋᒡ ᒋᓴᒪᓂᑐᐤ᙮ ᒋᔭᒻ ᒐ ᐃᑎᑥᐤ, ‘ᓂᔾ ᓂᑦ ᐊᐎᓐ, ᓂᒋ ᐃᑎᓴᐅᒃ !’ ”

ᒪᑎᔪᐤ 24:5

ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ‘ᐊᐅᒄ ᓂᔾ ᙭᙮’ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:6

ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ‘ᐊᐅᒄ ᓂᔾ ᙭᙮’ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:16

ᐊᓐ ᐊᐛᓐ ᒐ ᑕᑈᑎᒧᒂ ᑭᔭ ᓯᑲᐃᑐᐛᑭᓄᒐ ᒋᑭ ᐱᒪᒋᐊᑭᓄᐤ, ᐊᑯ ᐊᓐ ᐊᐛᓐ ᒐ ᐊᑲ ᑕᑈᑎᒧᒂ ᒋᑭ ᓂᓱᐅᓇᒋᒪᑭᓄᐤ᙮

ᓗᒃ 21:8

ᒋᓴᔅ ᒪᒃ ᒋ ᐃᑕᐤ, “ᐃᔭᒂᒥᒄ ᐊᑲ ᐊᐛᓐ ᒐᒋ ᐎᔭᓯᒥᑕᒄ᙮ ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ᐊᐅᒄ ᓂᔾ ᙭᙮ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮ ᑭᔭ ᒋᑭ ᐃᔅᒋᔄᐅᒡ, ᓴᔅ ᐸᓱᓇᑯᓐ ᒐ ᐃᔅᐱᔨᒋ ᐅᔭ ᒐᒂᔪᐛ᙮ ᐊᑲᐎᔾ ᒪᒃ ᒋᑭ ᐅᒋ ᓇᓴᐛᐛᐅᒡ ᐅᒡ᙮

ᒠᓐ 13:19

ᐊᐅᑯᓐ ᒪᒃ ᐅ ᐊ ᐃᑎᑎᑯᒡ ᐊᔅᒄ ᐊᑲ ᐃᔅᐱᔨᒡ, ᑭᔭ ᐃᔅᐱ ᑕᑈ ᐃᔅᐱᔨᒐ, ᐊᑯ ᒐ ᑕᑈᑎᒪᒄ ᓂᔾ ᐊᐅᒄ ᑕᑈ ᐊ ᐊᐎᔭᓐ᙮

ᒠᓐ 3:18

ᐊᓐ ᒪᒃ ᐊᐛᓐ ᒐ ᑕᑈᔭᔨᒪᒂ ᐅᑯᓯᓯᒪᐛ ᓇᒪ ᒋᑭ ᐅᒋ ᓂᓱᐅᓇᒋᒪᑭᓄᐤ, ᐊᓐ ᒪᒃ ᐊᐛᓐ ᒐ ᐊᑲ ᑕᑈᔭᔨᒪᒂ ᓴᔅ ᓂᓱᐅᓇᒋᒪᑭᓄᐤ ᐛᔅ ᓇᒪ ᑕᑈᔭᔨᒪᐤ ᐊᓂᔭ ᒋᓴᒪᓂᑐᐛ ᑲ ᐸᐃᑯᓯᔨᒋ ᐅᑯᓯᔪᐛ᙮

ᒠᓐ 3:36

ᐊᓐ ᒪᒃ ᐊᐛᓐ ᑲ ᑕᑈᔭᔨᒪᑦ ᐅᑯᓯᓯᒪᐛ ᐊᔭᐤ ᑲᒋᒡ ᐱᒪᑎᓯᐅᓂᔪᐤ, ᐊᑯ ᐊᓐ ᐊᐛᓐ ᐊᑲ ᓂᓇᐃᑐᐛᑦ ᐅᑯᓯᓯᒪᐛ ᓇᒪ ᒋᑭ ᐅᒋ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐅᓂᔪᐤ ᒋᑭ ᒪᑎᑯᔅᑲᑯᐤ᙮

ᒠᓐ 4:26

ᐊᑯ ᒋᓴᔅ ᒂ ᐃᓯ ᐎᑎᒧᐛᑦ, “ᐊᐅᑯᓐ ᓂᔾ, ᓂᔾ ᑲ ᐃᔨᒥᐃᑕᓐ᙮”

ᒠᓐ 8:21

ᐊᑯ ᒥᓐ ᒂ ᐃᑕᑦ ᒋᓴᔅ, “ᓂᑭ ᔅᑐᑕᓐ, ᒋᑭ ᐸᒋ ᓇᓂᑐᐛᐱᒥᓇᐛᐤ ᒥᒄ ᒪᒃ ᐊᐅᑯᓐ ᒐ ᐃᓯ ᓂᐱᔭᒄ ᐊ ᒋᔅᑭᒪᒄ ᒋᒥᒐᑎᓯᐅᓄᐛᐛ᙮ ᓇᒪ ᒪᒃ ᒋᑭ ᒋ ᐃᑐᑕᓇᐛᐤ ᐊᓐᑕ ᒐ ᐃᑐᑕᔭᓐ᙮”

ᒠᓐ 8:25

ᐊᑯ ᒂ ᑯᒂᒋᒪᒡ ᒋᓴᔅ ᐊ ᐃᑕᒡ, “ᐊᐛᓐ ᒪᒃ ᒋᔾ ?” ᒋᓴᔅ ᒂ ᐃᓯ ᐎᑎᒧᐛᑦ, “ᐊᓐᑕ ᐅᔅᑭᒡ ᑲ ᒋᒋᐱᔨᔭᓐ ᐊ ᒋᔅᑯᑎᒪᒐᔭᓐ ᐊᑯᑕ ᓴᔅ ᑲ ᐎᑎᒪᑎᑯᒡ ᐊᐛᓐ ᐊ ᐊᐎᔭᓐ᙮

ᒠᓐ 8:28

ᐊᑯ ᒋᓴᔅ ᒂ ᐃᑕᑦ, “ᐃᔅᐱ ᒋᔅᑕᔎᑕᒂ ᐃᔪᐤ ᐅᑯᓯᓴᓐ ᐊᑯ ᒐ ᒋᔅᒐᔨᒥᔭᒄ ᐊᐅᒄ ᓂᔾ ᐊ ᐊᐎᔭᓐ᙮ ᒋᑭ ᒋᔅᒐᔨᑕᓇᐛᐤ ᑭᔭ ᐊᑲ ᐃᑐᑎᒪᓐ ᒐᒂᓐ ᐸᑐᔅ ᑲ ᐃᑎᓱᒥᑦ ᓄᑕᐎᔾ ᒐᒋ ᐃᑐᑎᒪᓐ᙮ ᒥᒄ ᐊᓂᔭ ᑕᓐ ᐊ ᐃᑎᓱᒥᑦ ᐅᑕᐎᒪᐤ ᒐᒋ ᐎᑎᒧᒡ ᐊᔪᐅᒄ ᐊᓂᔭ ᒐ ᐎᑎᒧᒡ᙮

ᒠᓐ 8:58

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᐊᔅᒄ ᐊᑲ ᐅᒋ ᐱᒪᑎᓯᑦ ᐊᑉᕋᐊᒻ, ᓴᔅ ᓂᒋ ᑕᓐ᙮”

ᐊᑈᔅᑕᓇᒡ 4:12

ᓇᒪᐎᔾ ᑯᑎᒃ ᐊᐛᓐ ᐊᔭᐤ ᐱᒪᒋᐃᐛᐅᓂᔪᐤ, ᐛᔅ ᓇᒪ ᑎᑯᓐ ᑯᑎᒃ ᐃᓯᓂᐧᑲᓱᐅᓐ ᓯᐸ ᒋᓯᑯᒡ ᑲ ᒥᔭᑭᓄᐅᒡ ᐃᔪᒡ ᒐᒋ ᐅᒋ ᐱᒪᒋᐃᑯᔭᐧᒄ᙮”

ᐃᑉᕈᐛ 12:25

ᐊᑯ ᒪᒃ ᐃᔭᒂᒥᒄ ᒐᒋ ᓂᑐᑐᐛᒄ ᒋᓴᒪᓂᑐᐤ ᐊ ᐃᔨᒥᐃᑕᒄ᙮ ᐊᓐᒡ ᐃᔅᕋᐃᓪ ᐃᔪᒡ ᓇᒪ ᐅᒋ ᐎ ᓂᓇᐃᑐᐛᐅᒡ ᐊᓂᔭ ᐅᑕ ᐊᔅᒋᒡ ᑲ ᑕᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑲ ᐛᐎᑎᒥᔨᒋ, ᑭᔭ ᓇᒪ ᐅᒋ ᐱᒪᒋᐊᑭᓄᐅᒡ᙮ ᒋᑦ ᐃᑕᔨᑕᓇᓄᐤ ᐊ ᒪᒃ ᒐ ᐱᒪᒋᐃᑯᔭᐧᒄ ᒋᔭᓄᐤ ᐊᑲ ᓂᑐᑐᐛᒂ ᒋᓴᒪᓂᑐᐤ ᒋᒋᒋᓯᑯᒡ ᐊ ᐅᒋ ᐃᔨᒥᐃᑕᐧᒄ ? ᓇᒪ ᑭᔭ ᒋᔭᓄᐤ ᒋᑭ ᒋ ᒋᑎᓯᒧᑕᓇᓄᐤ ᐛᐛᓯᐃᑯᓯᐅᓐ᙮

ᐃᑉᕈᐛ 2:3

ᒋᔭᓄᐤ ᒪᒃ ᒧᔭᒻ ᐊᑲ ᐊᐱᑕᔨᑎᒪᒂ ᐊᓐ ᐱᒪᒋᐃᐛᐅᓐ ᐛ ᐃᓯ ᒥᔨᐛᑦ ᒋᓴᒪᓂᑐᐤ ᒋᔭᓄᐤ ᑭᔭ ᒋᑭ ᐛᐛᓯᐃᑯᓇᓄᐤ᙮ ᑕᐸ ᒋᑭ ᒋ ᒋᑎᓯᒧᓇᓄᐤ ᐃᔅᐱ ᐎ ᐛᐛᓯᐃᑯᐅᔭᒂ᙮ ᐎᔾ ᓂᔅᑎᒻ ᐅᑎᐸᔨᒋᒐᐤ ᒋᓴᔅ ᔅᒋ ᐎᑎᒪᑭᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ, ᓇᒪ ᒥᒄ ᐊᓐᒋᓐᒡ ᒋ ᐅᒋ ᐎᑎᒪᑭᓄᐅᒡ᙮ ᓇᓇᒐ ᒪᒃ ᑯᑎᑭᒡ ᐊᐛᓐᒋ ᔅᒋ ᐛᐸᑎᔨᑯᓄᐅᒡ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ, ᐛᔅ ᐎᔨᐛᐤ ᐛᒋᒡ ᒋ ᐸᑐᐛᐅᒡ ᑕᓐ ᑲ ᐃᔅᒋᔄᔨᒋ ᒋᓴᓴ᙮