ᒠᓐ 7:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᒥᒐᑦ ᒪᒃ ᐊᐛᔪᐛ ᒋ ᑕᑈᔭᔨᒥᑯᐤ ᐊ ᐃᔅᒋᔄᔨᒋ, “ᒥᔅᑎ ᒋ ᐃᓯ ᒪᒥᔅᑲᒡ ᐃᑐᐤ ᐅ ᓇᐸᐤ᙮ ᐸᒋ ᐃᑎᓴᐛᒐ ᒪᒃ ᒋᓴᒪᓂᑐᐤ ᐊᓂᔭᔪᐛ ᙭ᑕ, ᐊᑐᐎᔅ ᐊ ᒋᑭ ᐃᓯ ᒪᒥᔅᑲᒡ ᐃᑐᑎᒥᔪᐛ ᑕᓐ ᐊ ᐃᓯ ᐃᑐᑎᒥᔨᒋ ᐅᔭ ᓇᐸᐛ ?”

ᒠᓐ 7:31 Iomraidhean Croise

ᒪᑎᔪᐤ 12:23

ᐊᓐᒡ ᒪᒃ ᐃᔪᒡ ᒥᓯᐛ ᒋ ᒥᔅᑲᑕᔨᑎᒧᒡ ᑕᓐ ᑲ ᐃᓯ ᐛᐱᒪᒡ ᒋᓴᓴ ᐊ ᐃᑐᑎᒥᔨᒋ᙮ ᒋ ᐃᑕᐅᒡ ᒪᒃ, “ᒂᔄᓐ ᑕᑈ ᒋᓴᔅ, ᐊᐅᒄ ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ ᐊᓐᑕ ᐊᓂᔭ ᒋᓴᐅᒋᒪᐛ ᑎᐱᑕ ᐊ ᑕᔨᒋ ᑲ ᐃᑎᔅᑲᓇᓯᑦ᙮”

ᓗᒃ 8:13

ᐊᑯ ᐊᓐ ᓂᑕᐅᒋᑕᑭᓐ ᐊᓐᑕ ᐊ ᐊᓯᓂᐅᔨᒡ ᑲ ᐸᒋᓯᐧᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᐛᓐᒋ ᑲ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ᑕᑈᑕᒡ ᑭᔭ ᓇᔅᒡ ᐊ ᒥᔽᔨᑎᒥᐃᑯᒡ᙮ ᒧᔭᒻ ᒪᒃ ᐊᓐ ᓂᑕᐅᒋᑕᑭᓇ ᐊᑲ ᔭᐃᒡ ᓂᑕᐅᒋᓂᔨᒋ ᐅᑎᐱᔭ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᑎ ᐛᐃᐱᔅᒋᔅ ᑲ ᑕᑈᑕᒡ᙮ ᐃᔅᐱᔅ ᑯᒂᒋᐃᐛᐅᓂᔪᐤ ᓇᒋᔅᑲᒡ ᐊᑯᑕ ᓴᔅ ᐱᔭᒋᓯᒡ᙮

ᒠᓐ 11:45

ᒥᒐᑦ ᒪᒃ ᒍᐤ ᐃᔪᒡ ᑲ ᐸᒋ ᒧᐱᔅᑐᐛᒡ ᒪᕆᔨᒋ ᒋ ᐛᐸᑎᒧᒡ ᑕᓐ ᑲ ᐃᑎᔨᒋ ᒋᓴᓴ ᑭᔭ ᒋ ᑕᑈᔭᔨᒪᐅᒡ᙮

ᒠᓐ 12:11

ᐛᔅ ᐊᓂᔭᔪᐛ ᓚᓴᕋᓴ ᐅᒋ ᐊᐅᒄ ᐛᒋ ᓂᑭᑎᑯᒡ ᒥᒐᑦ ᒍᐤ ᐃᔪᐛ ᑭᔭ ᒋᓴᓴ ᐊᔪᑯᓐ ᑲ ᑕᑈᔭᔨᒪᔨᒋ᙮

ᒠᓐ 12:42

ᒥᒐᑦ ᒪᒃ ᐃᔭᐱᒡ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒋ ᑕᑈᔭᔨᒪᐅᒡ ᒋᓴᓴ ᒥᒄ ᒪᒃ ᓇᒪ ᐅᒋ ᐊᔨᒧᑎᒧᒡ ᐊᓐᑕ ᐊ ᐸᑐᐛᑭᓄᐎᒡ ᐛᔅ ᒋ ᑯᔅᑕᐅᒡ ᐊᓂᔭ ᐸᕆᓯᐊ ᑭᔭ ᓇᒪ ᐅᒋ ᓂᑐᐛᔨᑎᒧᒡ ᒋᒋᐛ ᒐᒋ ᐎᐎᑎᓴᐛᑭᓄᐎᒡ ᐊᓐᑕ ᐅᑦ ᐊᔭᒥᐊᐅᒋᐛᐳᐛᒡ᙮

ᒠᓐ 2:11

ᐊᑯᑕ ᒪᒃ ᐊᓐᑕ ᑲᐃᓇᒡ ᐊᓐᑕ ᑲᓕᓕ ᐊᔅᒋᒡ, ᓂᔅᑎᒻ ᑲ ᒪᒥᔅᑲᒡ ᐃᑎᑦ ᒋᓴᔅ, ᐊᑯᑕ ᑲ ᓄᑯᓂᔨᒡ ᐅᒋᔅᑕᔨᑕᑯᓱᐅᓐ᙮ ᐊᑯᑕ ᒪᒃ ᑲ ᐅᒋ ᑕᑈᔭᔨᒥᑯᑦ ᐅᒋᔅᒋᓄᐊᒧᐛᑭᓇ᙮

ᒠᓐ 3:2

ᐸᐃᒂᐤ ᒪᒃ ᐊ ᑎᐱᔅᑲᔨᒡ ᒋ ᓂᑐᐛᐱᒪᐤ ᒋᓴᓴ ᐊᑯ ᒂ ᐃᑕᑦ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒋᔾ ᒋᔅᑯᑎᒪᒐᓱᐤ ᐊᒋ ᐸᒋ ᐃᑎᓴᐅᔅᒃ ᒋᓴᒪᓂᑐᐤ᙮ ᐛᔅ ᓇᒪ ᐊᐛᓐ ᒋᑭ ᒋ ᐃᑐᑎᒻ ᐊᓂᔭ ᒪᒥᔅᑲᒡ ᐃᑐᐅᓇ ᒋᔾ ᑲ ᐃᑐᑎᒥᓐ ᐊᑲ ᐎᒋᐃᑯᒐ ᒋᓴᒪᓂᑐᐛ᙮”

ᒠᓐ 4:29

“ᐊᔅᑎᒧᒄ᙮ ᒐ ᐛᐱᒪᒄ ᐊᓐ ᓇᐸᐤ ᑲ ᐸᒋ ᐎᑎᒧᐅᑦ ᒥᓯᐛ ᑕᓐ ᑲ ᐃᑐᐅᒡ᙮ ᓇᒪᔭᐤ ᑲᑭᔭ ᐊᐅᒄ ᙭ ᐊᓂᔭ ᒋᐸ ᐸᒋ ᐃᑎᓴᐛᐤ ᒋᓴᒪᓂᑐᐤ ?”

ᒠᓐ 4:39

ᒥᒐᑦ ᓴᒪᕆᔭ ᐃᔪᒡ ᐊᓐᑕ ᐊᓂᔭ ᐅᑕᓇᔪᐤ ᑲ ᐅᒋᒡ ᒋ ᑕᑈᔭᔨᒪᐅᒡ ᒋᓴᓴ᙮ ᐛᔅ ᒋ ᐃᑕᐤ ᐊᓐ ᐃᔎᐤ, “ᒥᓯᐛ ᓂᒋ ᐎᑎᒪᒄ ᑕᓐ ᑲ ᐸᒋ ᐃᑐᐅᒡ᙮”

ᒠᓐ 6:2

ᒋ ᒥᒐᑎᔪᐛ ᒪᒃ ᐊᐛᔪᐛ ᑲ ᓇᓴᐅᑯᑦ ᐛᔅ ᒋ ᐎ ᐛᐱᒥᑯᐤ ᐊ ᒪᒥᔅᑲᒡ ᐃᑎᑦ ᐊ ᒥᓏᒋᐊᑦ ᐊᐛᔪᐛ ᐊ ᐊᐧᑯᓯᔨᒋ᙮

ᒠᓐ 7:26

ᑭᓄᐛᐱᒪᐧᒄ ᒪ᙮ ᓇᒪ ᐅᒋ ᒐᒂᔪᐤ ᐃᑕᑭᓄᐤ ᐊᓐᑕ ᒪᒂᒡ ᐊ ᒋᔅᑯᑎᒪᒐᑦ᙮ ᓇᒪ ᑲᑭᔭ ᒋᔅᒐᔨᒪᐅᒡ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ ᑕᑈ ᐊ ᔭᐅᒂᓂ ᙭ᑕ, ᐊᓂᔭ ᒋᓴᒪᓂᑐᐛ ᑲ ᐸᒋ ᐃᑎᓴᐛᔨᒋ ?

ᒠᓐ 9:16

ᐱᔅᒐ ᒪᒃ ᐊᓐᒡ ᐸᕆᓯᔨᒡ ᒋ ᐃᑕᐅᒡ, “ᐅ ᓇᐸᐤ ᒋᓴᔅ ᓇᒪ ᒋᓴᒪᓂᑐᐛ ᐊ ᑕᔨᒋ ᐅᒋᐤ, ᑕᐸ ᐊᐱᑕᔨᑎᒻ ᐊ ᒍᐤ ᐊᔭᒥᐊᐅᒋᓯᑲᔨᒡ᙮” ᑯᑎᑭᒡ ᒪᒃ ᒋ ᐃᑕᐅᒡ, “ᑕᓐᑕ ᒐᒋ ᐅᒋ ᒪᒥᔅᑲᒡ ᐃᑎᑦ ᐊᐛᓐ ᐊ ᒥᒋᑐᑎᒧᒂ᙮ ᒋ ᑎᐸᓂᐱᔪᒡ ᒪᒃ ᐅᔭ ᐅᒋ ?”

ᐊᑈᔅᑕᓇᒡ 8:13

ᐊᓐ ᒪᒃ ᓴᐃᒥᓐ ᑲ ᒪᒥᑕᐛᑎᓯᑦ ᒋ ᑕᑈᑎᒻ ᑭᔭ ᐎᔾ ᑭᔭ ᒋ ᓯᑲᐃᑐᐛᑭᓄᐤ᙮ ᐊᑯ ᒪᒃ ᒧᔅ ᑲᒋ ᐱᐸᐎᒐᐛᑦ ᐊᓂᔭ ᐱᓕᐸ, ᒋ ᒥᔅᑲᑕᔨᑎᒻ ᑭᔭ ᑕᓐ ᑲ ᐃᓯ ᒪᒥᔅᑲᒡ ᐛᐸᑕᐧᒃ᙮

ᒋᒥᔅ ᐅᒥᓯᓇᐊᒪᒐᐅᓐ 2:26

ᐛᔅ ᐊᑲ ᑕᑦ ᐊᒐᐧᒄ ᒥᔭᒡ, ᓂᐱᒥᑭᓐ ᐊᓐ ᒥᔪᐤ᙮ ᐊᐅᑯᓐ ᒧᔭᒻ ᐊ ᐃᓯᓇᒂᒡ ᑕᑈᑎᒧᐅᓐ, ᐊᑲ ᐊ ᐊᓯᒡ ᑎᒂᒡ ᒥᔪ ᐊᑐᔅᒐᐅᓐ ᓂᐱᒥᑭᓐ ᐊᓐ ᑕᑈᑎᒧᐅᓐ᙮