ᒠᓐ 7:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᓴᔅ ᒪᒃ ᓴᓯᑲᓐ ᐊᐱᑐᐤ ᒋ ᐃᔅᐱᔅ ᒋ ᐃᓯ ᒥᑯᓴᓄᔪᐤ, ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊᑯ ᒂ ᒋᔅᑯᑎᒪᒐᑦ᙮

ᒠᓐ 7:14 Iomraidhean Croise

ᒪᑎᔪᐤ 21:12

ᐊᑯ ᒋᓴᔅ ᒂ ᐱᒐᑦ ᒋᓴᐊᔭᒥᐊᐅᒋᐛᐱᔪᐤ᙮ ᒋ ᐛᐱᒪᐤ ᒪᒃ ᐊᓂᔭ ᑲ ᐊᑕᐛᔨᒋ ᑭᔭ ᐊᓂᔭ ᑲ ᐅᑎᓇᓱᔨᒋ ᐊᓐᑕ ᐱᑎᑭᒥᒡ, ᐊᑯ ᒂ ᐎᐎᑎᓴᐛᑦ᙮ ᒋ ᒂᑎᐱᐛᐱᓂᒺᐤ ᒪᒃ ᐅᒥᒋᓱᐛᑭᓇᑎᑯᔪᐤ ᐊᓂᔭ ᑲ ᒥᔅᑯᑐᓇᔨᒋ ᓱᓇᔭᐱᔎ ᑭᔭ ᐅᑕᑎᐳᐛᑭᓂᔪᐛ ᒋ ᒂᑎᐱᐛᐱᓂᒺᐤ ᐊᓂᔭ ᑲ ᐊᑕᐛᔨᒋ ᐱᔭᓯᓴ᙮

ᒪᑎᔪᐤ 26:55

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐃᔪᐛ, “ᒧᔭᒻ ᑕᑈ ᑲ ᐊᒂᑎᓯᑦ ᑲᒋᒧᑎᑦ ᐊ ᐃᑐᑐᔭᒄ ᐊ ᐸᒋ ᓂᑐᐛᐱᒥᔭᒄ ᐊ ᑕᐧᑯᓂᒪᒄ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒪᐃᑭᓇᑎᒂ᙮ ᐛᔅ ᓴᔅ ᒋ ᐸᒋ ᒪᑯᓇᐛᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲᒋ ᑕᔭᐧᒄ ᐊᓯᑯᒻ ᒋᓯᑲᐛ ᐊ ᒋᔅᑯᑎᒪᒐᔭᓐ, ᓇᒪ ᒪᒃ ᓂᑕ ᒋ ᐅᒋ ᑯᒂᑕᔨᑕᓇᐛᐤ ᒐᒋ ᒪᑯᓂᔭᒄ᙮”

ᓗᒃ 19:47

ᐊᓯᑯᒻ ᒋᓯᑲᐛ ᒪᒃ ᒋ ᒋᔅᑯᑎᒪᒐᐤ ᒋᓴᔅ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᐊᓂᔭᔪᐛ ᒪᒃ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᒋ ᐎ ᓂᐸᐃᑯᐤ᙮

ᒠᓐ 18:20

ᐊᑯ ᒋᓴᔅ ᒂ ᐃᑕᑦ, “ᒥᓯᐛ ᑕᓐ ᑲ ᐃᔅᒋᔄᔭᓐ ᒋ ᐸᑎᒧᒡ ᐊᐛᓐᒋ᙮ ᐊᓐ ᒪᒃ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒋᓴᐊᔭᒥᐊᐅᒋᐛᐱᒡ ᐊᓐᑕ ᒥᓯᐛ ᒍᐤ ᐃᔪᒡ ᑲᒋ ᐸᒋ ᒪᒧᐎᒡ, ᓇᒪ ᓂᑕ ᓂ ᐅᒋ ᑲᑕᓐ ᒐᒂᓐ ᐊ ᐃᔅᒋᔄᔭᓐ᙮

ᒠᓐ 5:14

ᐸᑎᒪ ᒪᒃ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒋᓴᔅ ᒋ ᓂᒋᔅᑯᐛᐤ ᐊᓂᔭ ᓇᐸᐛ ᑲ ᒥᓏᒋᐊᑦ ᐊᑯ ᒂ ᐃᑕᑦ, “ᓂᑐᑐᐎ, ᓴᔅ ᒋ ᒥᓏᑎᓯᓐ᙮ ᐊᑲᐎᔾ ᒥᓐ ᒥᒋᑐᑕ, ᐊᑲ ᓇᑐᐛᔨᑎᒧᐎᓇ ᐊᑐᐎᔅ ᐊ ᒪᔭᑎᒡ ᒐᒂᓐ ᒐᒋ ᐃᔅᐱᔨᓐ᙮”

ᒠᓐ 7:2

ᓴᔅ ᒪᒃ ᒋ ᐸᓱᓇᑯᓂᔪᐤ ᑲᒋ ᒥᑯᓴᒡ ᒍᐤ ᐃᔪᒡ᙮ ᐊᑯᑕ ᐅᔭ ᒪᒂᒡ ᒋ ᑎᑯᓂᔪᐤ ᑕᓐ ᑲᒋ ᐃᑎᒡ ᒪᓐ ᑭᔭ ᒥᒋᐛᐱᒡ ᒋ ᑕᐅᒡ᙮

ᒠᓐ 7:28

ᒪᒂᒡ ᒋᓴᔅ ᐊ ᒋᔅᑯᑎᒪᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᒋ ᒋᔄᐛᐤ ᐊ ᐃᔅᒋᔄᑦ, “ᑕᑈ ᐊ ᒋ ᒋᔅᒐᔨᒥᓇᐛᐤ ᐊᐛᓐ ᓂᔾ᙮ ᑕᑈ ᐊ ᒋ ᒋᔅᒐᔨᑕᓇᐛᐤ ᑕᓐᑕ ᐛᒋᔭᓐ᙮ ᓇᒪ ᓂ ᐅᒋ ᑎᑯᓯᓐ ᓂᔾ ᒥᒄ ᐊᒋ ᐃᑕᔨᑎᒪᓐ ᒐᒋ ᑎᑯᓯᓂᔭᓐ᙮ ᐊᓐ ᒧᔅ ᑯᐃᔅᒄ ᑲ ᐃᑎᑦ ᐊᐅᑯᓐ ᐊᓐ ᑲ ᐸᒋ ᐃᑎᓴᐅᑦ, ᓇᒪ ᒪᒃ ᒋ ᒋᔅᒐᔨᒪᐛᐤ ᒋᔨᐛᐤ ᐅ ᐊᐛᓐ᙮

ᒠᓐ 7:37

ᐊᓐ ᒪᔅᑕᔾ ᐊ ᒋᓯᑲᒡ ᐊᓐ ᑲ ᒥᒋᓱᓇᓄᐅᒡ ᐊᐅᒄ ᓂᑲᓐ ᑲ ᒋᔅᑕᔨᑕᒂᒡ᙮ ᐊᐅᒄ ᒪᒃ ᐊᓂᔭ ᐊ ᒋᓯᑲᔨᒡ ᒋᓴᔅ ᑲ ᐱᓯᑯᑦ ᐊ ᒋᔄᐛᑦ ᐊ ᐃᔅᒋᔄᑦ, “ᐊᐛᓐ ᐊ ᓄᑕᔭᐸᒂᒂ ᓂᑭ ᐸᒋ ᓂᑐᐛᐱᒧᒄ ᑭᔭ ᒐ ᒥᓇᐃᒃ᙮

ᒠᓐ 8:2

ᐎᐱᒡ ᒥᓐ ᐎᔭᐱᓂᔨᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒥᓐ ᒋ ᐃᑐᑕᐤ᙮ ᒥᓯᐛ ᒪᒃ ᐊᓂᔭᔪᐛ ᐃᔪᐛ ᒋ ᐸᒋ ᓂᑐᐛᐱᒥᑯᐤ᙮ ᑲ ᐛᐛᔨᐱᑦ ᐊᑯ ᒂ ᒋᔅᑯᑎᒧᐛᑦ᙮

ᒠᓐ 8:20

ᐊᐅᒄ ᐅᔭ ᑲ ᐃᔅᒋᔄᑦ ᒋᓴᔅ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᒋᔅᑯᑎᒪᒐᑦ ᐊᓐᑕ ᑲᒋ ᑭᓄᐛᔨᑕᑭᓄᔨᒋ ᐱᔅᑎᓂᒐᐅᓇ᙮ ᓇᒪ ᒪᒃ ᐊᐛᔪᐛ ᐅᒋ ᒪᑯᓂᑯᐤ ᐛᔅ ᓇᒪ ᐊᔅᒄ ᐅᒋ ᐅᑎᒋᐱᔪᐤ ᐊᓐᑕ ᒋᐸ ᒪᑯᓇᑭᓄᐤ᙮