ᒠᓐ 7:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐃᔅᐱ ᒪᒃ ᑲ ᔅᑐᑕᔨᒋ ᐊᓂᔭ ᒋᓴᔅ ᐎᐧᑲᓂᓴ ᐊᓐᑕ ᐊᓂᔭ ᐊ ᒥᑯᓴᓄᐎᒡ ᐊ ᐃᑐᑕᔨᒋ, ᑭᔭ ᐎᔾ ᒋ ᐃᑐᑕᐤ ᐊᓐᑕ ᐊᑲ ᒋᔅᒐᔨᒥᑯᑦ ᐛᔅ ᓇᒪ ᐅᒋ ᓂᑐᐛᔨᒪᐤ ᒐᒋ ᒋᔅᒐᔨᒥᑯᑦ ᐊᐛᔪᐛ ᐊᓐᑕ ᐊ ᑕᑦ᙮

ᒠᓐ 7:10 Iomraidhean Croise

ᑎᐱᑦ ᐅᓂᑭᒧᐅᓇ 26:8

ᑎᐸᔨᒋᒐᓱᐤ, ᓂᒋ ᓴᒋᑕᓐ ᒋᒥᒋᐛᐱᒻ ᐊᓐᑕ ᐊ ᑕᔨᓐ, ᐊᓐᑕ ᑭᔭ ᐊ ᑎᒂᒡ ᒋᒋᔅᑕᔨᑕᑯᓱᐅᓐ᙮

ᑎᐱᑦ ᐅᓂᑭᒧᐅᓇ 40:8

ᓂ ᒥᔽᔨᑕᓐ ᒐᒋ ᐃᑐᑎᒪᓐ ᒋᑦ ᐃᑕᔨᑎᒧᐅᓐ, ᐅ ᓂᒋᓴᒪᓂᑐᒻ: ᓂᐦᐃ, ᒋᑦ ᐃᑎᓱᐛᐅᓐ ᓂ ᐱᒋᑕᐊᔅᑲᑯᓐ᙮”

ᒪᑎᔪᐤ 10:16

“ᓂᑐᑎᒧᒄ, ᔅᒋ ᐃᑎᓴᐅᑎᓇᐛᐤ ᒧᔭᒻ ᒪᔭᑕᓂᓯᒡ ᐊ ᐃᑎᓴᐛᑭᓄᐎᒡ ᐊᓐᑕ ᐊ ᒥᒐᑎᔨᒋ ᒥᐃᐧᑭᓇ ᐊ ᑕᔨᒋ᙮ ᐃᔭᒂ ᐃᑎᒄ ᒧᔭᒻ ᒋᓇᐱᑯᒡ ᐊ ᐃᓯ ᐃᔭᒂ ᐃᑎᒡ, ᑭᔭ ᔪᔅᐱᓯᒄ ᒧᔭᒻ ᐅᒥᒥᐅᒡ ᐊ ᐃᔅᐱᔅ ᔪᔅᐱᓯᒡ᙮

ᒪᑎᔪᐤ 12:46

ᐊᔅᒄ ᒪᒂᒡ ᒋᓴᔅ ᒋ ᐃᔨᒪᐊᐤ ᐊᓂᔭ ᐃᔪᐛ, ᒂ ᐅᒋ ᑎᑯᓯᓂᔨᒋ ᐅᑲᐎᔭ ᑭᔭ ᐎᐧᑲᓂᓴ᙮ ᐎᐎᑎᒥᒡ ᐊᓐᑕ ᒋ ᓂᐳᐅᔪᐛ ᐊ ᐎ ᐃᔨᒥᐃᑯᑦ᙮

ᒪᑎᔪᐤ 3:15

ᐊᑯ ᒋᓴᔅ ᐊᑕᑦ, “ᐊᓄᒡ ᐅ ᐃᑐᑕ ᑕᓐ ᐊ ᐃᑎᓱᒥᑕᓐ᙮ ᐛᔅ ᐅ ᐃᑐᑎᒪᒂ ᒋᑭ ᐃᑐᑎᒺᓇᓄᐤ ᒥᓯᐛ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ᙮” ᑭᑈ ᑲ ᓂᔅᑯᒪᑦ ᒠᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:21

ᐃᔅᐱ ᒪᒃ ᐊᓂᔭᔪᐛ ᑲ ᐎᐧᑲᓂᓯᑦ ᐱᔭᑎᒥᔨᒋ ᐅᔭ ᒋ ᓂᑐᐛᐱᒥᑯᐤ ᒐᒋ ᔅᑐᑕᐃᑯᑦ ᐊᓐᑕ ᐅᒋ ᐛᔅ ᒋ ᐃᑕᔨᒥᑯᐤ ᐊᐛᔪᐛ ᐊᑲ ᑯᐃᔅᑯᑯᑕᔨᒡ ᐅᒥᑐᓇᔨᒋᑭᓐ᙮

ᒠᓐ 11:54

ᐊᔪᐅᒄ ᒪᒃ ᐅᔭ ᐛᒋ ᐊᑲ ᐅᒋ ᑕᑦ ᒋᓴᔅ ᐊᓐᑕ ᐊ ᒥᒐᑎᓇᓄᐎᒡ ᐊᓐᑕ ᒍᑎᔭ ᐊᔅᒋᒡ, ᒋ ᔅᑐᑕᐤ ᐊᑯ ᐊᓐᑕ ᐸᐧᑯᑎᔅᑭᒥᑲᒡ ᒥᒋᒪ ᑲ ᑎᑯᓂᔨᒡ ᐅᑕᓇᔪᐤ ᐃᑉᕋᐃᒻ ᑲ ᐃᓯᓂᐧᑲᑕᔨᒡ ᐊᑯᑕ ᐊᓐᑕ ᑲ ᑕᑦ ᑭᔭ ᐅᒋᔅᒋᓄᐊᒧᐛᑭᓐ ᐊᑯᑕ ᑲ ᑕᔨᒋ᙮

ᒠᓐ 7:3

ᐊᑯ ᒋᓴᔅ ᐎᐧᑲᓂᓴ ᒂ ᐃᑎᑯᑦ, “ᔅᑐᑕ ᒪ, ᓇᑕ ᒍᑎᔭᒡ ᒐ ᐃᑐᑕᔨᓐ, ᒐ ᐛᐸᑕᒡ ᐊᓐᒡ ᑲ ᓇᓴᐅᔅᒡ ᑕᓐ ᐊ ᐃᓯ ᒪᒥᔅᑲᒡ ᐃᑐᐅᑦ᙮

ᒠᓐ 7:5

ᐛᔅ ᐛᐛᒡ ᑎᐱᔨᐛ ᐎᐧᑲᓂᓴ ᓇᒪ ᐅᒋ ᑕᑈᔭᔨᒥᑯᐤ ᒋᓴᔅ᙮

ᒠᓐ 7:9

ᐃᔅᐱ ᒪᒃ ᒋᓴᔅ ᑲ ᐃᔅᒋᔄᑦ ᐅᔭ ᐊᑯᑕ ᐃᔭᐱᒡ ᐊᓐᑕ ᑲᓕᓕᒡ ᑲ ᑕᑦ᙮

ᑲᓚᓯᔭᓇ 4:4

ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮