ᒠᓐ 6:45 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁵ ᒪᐅᔭ ᑲ ᐃᑎᓯᓇᐃᒐᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᒋᓴᒪᓂᑐᐤ ᒋᑭ ᒋᔅᑯᑎᒧᐛᐤ ᒥᓯᐛ ᐊᐛᔪᐛ᙮ ᒥᓯᐛ ᒪᒃ ᐊᓐᒡ ᑲ ᐸᑐᐛᒡ ᑭᔭ ᑲ ᒋᔅᑯᑎᒪᑯᒡ ᓄᑕᐎᔭ ᓂᑭ ᐸᒋ ᓇᑎᑯᒡ᙮

ᒠᓐ 6:45 Iomraidhean Croise

ᒪᑎᔪᐤ 11:27

ᐊᑯ ᐃᔅᐱ ᑲᒋ ᐃᓯ ᐊᔭᒥᐊᑦ ᒋᓴᔅ ᒋ ᐃᑕᐤ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ᒥᔨᒄ ᒐᒋ ᓂᓇᑭᑐᐛᔨᑎᒧᒡ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐅᑕᐎᒪᐛ, ᒥᒄ ᐅᑯᓯᓯᒪᐤ ᒋᔅᒐᔨᒪᐤ, ᑭᔭ ᒥᒄ ᐎᔾ ᐅᑯᓯᓯᒪᐤ ᒋᑭ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:2

ᒋ ᒥᓯᓇᐊᑕᐊᒻ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐃᓯᓂᐧᑲᓱᑦ ᐅᔭ ᐊᒋ ᐃᔅᒋᔄᔨᒋ ᒋᓴᒪᓂᑐᐛ, ᓂ ᓂᑲᓂᑎᓴᐛᐤ ᓂᑦ ᐃᔨᒥᔅᑎᒪᒐᓯᒻ, ᒐ ᓂᑲᓐ ᐃᑐᑐᐛᑦ ᐊᐛᔪᐛ ᐊᔅᒋᒡ ᐊ ᑕᔨᒋ ᒐᒋ ᐊᔭᔅᑯᐎᔅᑕᔅᒋᔨᔅᒋ᙮

ᓗᒃ 1:70

ᒧᔭᒻ ᑲ ᐃᔨᑯᐱᓇ ᐊ ᐃᔨᒥᐛᒐᐛᑦ ᐅᑐᓂᔨᐛ ᐅᐸᔭᒋ ᒋᔅᒋᐛᐃᒐᓯᒪ ᒧᔅ ᑕᒡ ᑲ ᐸᒋ ᑕᔨᒋ ᑲ ᐃᔅᐱ ᐊᔅᒋᐎᔨᒡ᙮

ᓗᒃ 18:31

ᐊᑯ ᒋᓴᔅ ᒂ ᔅᑐᑕᐊᑦ ᐊᓂᔭ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᐊᓐᑕ ᑎᐸᓐ ᒐᒋ ᐃᑕᒡ, ᐊᑯ ᒂ ᐃᑕᑦ, “ᒋᕈᓯᓕᒥᒡ ᒋᑭ ᐃᑐᑕᓇᓄᐤ᙮ ᐊᑯᑕ ᐊᓐᑕ ᒥᓯᐛ ᒐ ᑎᐱᐱᔨᒡ ᐊᓂᔭ ᑲ ᐃᑕᔨᒪᑭᓄᐅᑦ ᒐ ᐃᔅᐱᔨᑦ ᐃᔪᐤ ᐅᑯᓯᓴᓐ ᐊᓂᔭ ᑕᓐ ᑲ ᐃᓯ ᒥᓯᓇᐊᒧᐛᒂ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮

ᒠᓐ 10:27

ᓂᑐᑎᒧᒡ ᓂᐸᑕᑯᓱᐅᓂᔪᐤ ᓂᒪᔭᑕᓂᓯᒥᒡ᙮ ᑭᔭ ᓂ ᒋᔅᒐᔨᒪᐅᒡ, ᑭᔭ ᐱᔭᒋ ᓇᓴᐅᒡ᙮

ᒠᓐ 6:37

ᒥᓯᐛ ᐊᓂᔭ ᐊᐛᔪᐛ ᐅᑕᐎᒪᐤ ᑲ ᐸᒋ ᒥᔨᑦ ᓂᑭ ᐸᒋ ᓇᑎᑯᒡ᙮ ᐊᓐ ᒪᒃ ᐊᐛᓐ ᒐ ᐸᒋ ᓇᓯᑦ ᓇᒪ ᓂᑕ ᓂᑭ ᐅᒋ ᐃᒐᓇᐤ᙮

ᒠᓐ 6:65

ᐊᑯ ᒂ ᐃᔅᒋᔄᑦ, “ᐊᐅᒄ ᒪᒃ ᐛᒋ ᐃᑎᑎᑯᒡ ᓇᒪ ᐊᐛᓐ ᓂᑭ ᒋ ᐸᒋ ᓇᑎᒄ ᐸᑐᔅ ᐅᑕᐎᒪᐛ ᒥᔨᑯᒐ ᒐᒋ ᓇᓯᑦ᙮”

ᐊᑈᔅᑕᓇᒡ 13:40

ᐃᔭᒂᒥᒄ ᒪᒃ ᒐ ᐊᑲ ᒋ ᐃᔅᐱᔨᔭᒄ ᑕᓐ ᑲ ᐃᓯ ᒥᓯᓇᐊᒧᐛᒂ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᒥᓯᓇᐊᒧᐛᒂ ᒐ ᐃᔅᐱᔨᒋ ᐊᐛᔪᐛ, ᒋ ᐃᑎᓯᓇᐊᒧᐅᓯᐱᓐᒡ,

ᐊᑈᔅᑕᓇᒡ 7:42

ᐊᑯ ᒪᒃ ᒋᓴᒪᓂᑐᐛ ᒂ ᓂᑭᑎᑯᒡ, ᒂ ᐱᔅᑎᓂᑯᒡ ᒐᒋ ᐅᒋᒋᐧᑯᓂᐱᔅᑐᐛᒡ ᐅᒐᑭᑕᒂ ᑭᔭ ᒋᓯᑲᐤ ᐱᓯᒺ ᑭᔭ ᑎᐱᔅᑲᐤ ᐱᓯᒺ᙮ ᒋ ᒥᓯᓇᐊᒧᒡ ᒋᓴᒪᓂᑐᐛ ᐅᒥᓯᓇᐃᑭᓂᔨᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᒋ ᐃᔅᒋᔄᒂᓂ ᒋᓴᒪᓂᑐᐛ, ᒋᔨᐛᐤ ᐃᔅᕋᐃᓪ ᐃᔪᒡ, ᓇᐎᔪᐛ ᐱᐳᓇ ᔅᒋ ᓂᐸᐊᐛᐅᒡ ᐊᐛᓯᓯᒡ ᐊ ᒥᑐᔅᑕᐊᒧᔭᒄ, ᒪᒂᒡ ᐊᓐᑕ ᐸᐧᑯᑎᔅᑭᒥᑲᒡ ᑲ ᑕᔭᒄ, ᓇᒪᔭᐤ ᒪᒃ ᐅ ᓂᔾ ᑲ ᐃᑐᑎᒧᔭᒄ᙮

ᐃᐱᓯᔭᓇ 1:17

ᓇᓂᑐᑎᒧᐛᐤ ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ ᐊᓐ ᒪᐅᒡ ᑲ ᒋᔅᑕᔨᑕᑯᓯᑦ ᒐᒋ ᒥᔨᑕᒄ ᐅᑦ ᐊᒐᒂ ᐊᓂᔭᔪᐛ ᒐ ᑭᒐᑕᐛᔨᑎᒥᐃᑕᑯ ᑭᔭ ᒐ ᒋᔅᒐᔨᑎᒥᐃᑕᑯ ᑕᓐᑕ ᒐᒋ ᐅᒋ ᒋᔅᒐᔨᒪᒄ ᒋᓴᒪᓂᑐᐤ᙮

ᐱᓕᐱᔭᓇ 3:15

ᒥᓯᐛ ᒪᒃ ᒋᔭᓄᐤ ᑲ ᓂᔅᑐᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐊᐅᑯᐤ ᒋᐸ ᐃᑕᔨᑕᓇᓄᐤ ᑕᓐ ᑲ ᐃᓯ ᐊᔨᒧᑎᒪᓐ᙮ ᒧᔭᒻ ᐊᑲ ᑕᑈᑐᔭᒂ ᑕᓐ ᑲ ᐃᓯ ᐊᔨᒧᑎᒪᓐ, ᒋᓴᒪᓂᑐᐤ ᒋᑭ ᒥᔪ ᐛᐸᑎᔨᑯᐛᐤ᙮

1 ᑕᓴᓗᓂᔭᓇ 4:9

ᓇᒪ ᓂᑐᐛᔨᑕᑯᓐ ᒐᒋ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ᒪᒧᐤ ᓴᒋᐃᑐᓇᐛᐤ ᐊ ᐎᐧᑲᓂᓯᑕᑐᔭᒄ ᒋᔨᐛᐤ ᑲ ᑕᑈᔭᔨᒪᒄ ᒋᓴᔅ ᐛᔅ ᐎᔾ ᒋᓴᒪᓂᑐᐤ ᔅᒋ ᒋᔅᒐᔨᑎᒥᐃᑯᐛᐤ ᑕᓐ ᒋᐸ ᐃᓯ ᓴᒋᐃᑐᓇᐛᐤ᙮

ᐃᑉᕈᐛ 10:16

“ᒪᐅᔭᔪᐤ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᒐ ᒥᔨᒂᐤ ᐊᐛᓐᒋ ᐃᔅᐱ ᐅᑎᒋᐱᔨᑥᐛ ᐊᓂᔭᔪᐛ ᐊ ᒋᓯᑲᒋ᙮ ᐅᑕᐃᐛᒡ ᓂᑭ ᐱᑕᐊᒺᓐ ᓂᐎᓱᐛᐅᓇ ᑭᔭ ᐅᒥᑐᓇᔨᒋᑭᓂᐛᒡ ᓂᑭ ᒥᓯᓇᐊᒺᓐ᙮” ᑭᔭ ᒋ ᐃᔅᒋᔄᐤ,

1 ᒠᓐ 2:27

ᒥᒄ ᒪᒃ ᙭ ᔅᒋ ᑐᒥᔅᑯᓂᑯᐛᐤ ᐅᑦ ᐊᒐᒂ᙮ ᐊ ᐊᔭᐅᒪᑯ ᒪᒃ ᐅᔭ ᐅᑦ ᐊᒐᒂ, ᓇᒪ ᒋ ᓂᑐᐛᔨᒪᐛᐤ ᑯᑎᒃ ᐊᐛᓐ ᒐᒋ ᒋᔅᑯᑎᒪᑕᒄ᙮ ᐛᔅ ᐅᔭ ᙭ ᐅᑦ ᐊᒐᒂ ᐊᐅᒄ ᒐ ᒋᔅᑯᑎᒪᑕᒄ ᒥᓯᐛ ᒐᒂᔪᐤ, ᒧᔅ ᒪᒃ ᑕᑈᒥᑭᓂᔪᐤ ᐊᓂᔭ ᐊ ᐃᓯ ᒋᔅᑯᑎᒪᒐᑦ, ᓇᒪ ᑭᑭᒋᔭᒥᑭᓂᔪᐤ᙮ ᓂᓇᐃᑐᐛᐧᒄ ᑕᓐ ᐊ ᐃᓯ ᒋᔅᑯᑎᒪᑕᒄ ᐊᒐᐧᒄ ᑭᔭ ᐎᒐᐛᐧᒄ ᙭᙮