43 ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᐊᑯᓐ ᐃᔅᐱᔅ ᐳᑯᓄᒧᐛᒄ᙮
ᒥᒄ ᒪᒃ ᒋᓴᔅ ᒋ ᒋᔅᒐᔨᒪᐤ ᑕᓐ ᐊ ᐃᔅᒋᔄᔨᒋ, ᐊᑯ ᒂ ᐃᑕᑦ, “ᑕᑈ ᐊᐱᓴᓱᐤ ᒋᑕᑈᑎᒧᐅᓄᐛᐤ᙮ ᒐᒂᓐ ᐛᒋ ᐃᔭᔨᒧᑎᒪᒄ ᐊᓐ ᐊᑲ ᐊᔭᐛᒄ ᐸᒂᓯᑭᓐ ?
ᒋ ᐅᑎᑎᒧᒡ ᑲᐳᕐᓇᐊᒻ, ᐃᔅᐱ ᒪᒃ ᐱᑎᑭᒥᒡ ᐊ ᑕᒡ ᐊᓂᔭ ᒥᒋᐛᐱᔪᐤ ᒐ ᑕᒡ ᐊᑯ ᒋᓴᔅ ᒂ ᑯᒂᒋᒪᑦ ᐅᒋᔅᒋᓄᐊᒧᐛᑭᓇ, “ᒐᒂᓐ ᐊᓐ ᓇᔅᒡ ᑲ ᒥᔅᑎ ᐃᔭᔨᒧᑎᒪᒄ ᐊᓐᑕ ᑲ ᐸᒋ ᐱᒧᑕᔭᐧᒄ ?”
ᒋᓴᔅ ᒋ ᒋᔅᒐᔨᒪᐤ ᐊ ᐎ ᑯᒂᒋᒥᑯᑦ ᐅᔭ᙮ ᐊᑯ ᒂ ᐃᑕᑦ, “ᐊᓐ ᑲ ᐃᔅᒋᔄᔭᓐ, ᓴᔅ ᐎᐱᒡ ᓇᒪ ᒋᑭ ᐅᒋ ᐎᒐᐅᑎᓇᐛᐤ᙮ ᒥᓐ ᒪᒃ ᐛᐃᐱᔅᒋᔅ ᐊᑯ ᒥᓐ ᒐ ᐛᐱᒥᔭᒄ᙮ ᐅ ᐛ ᓂᑐ ᒋᔅᒐᔨᑎᒪᒄ ᒐᒂᓐ ᐊᓐ ᑲ ᐊᔨᒧᑎᒪᓐ ?
ᐊᑯ ᒂ ᐃᔅᒋᔄᒡ, “ᓇᒪᔭᐤ ᐊ ᐅ ᒋᓴᔅ, ᒍᓯᑉ ᐅᑯᓴ ? ᓂ ᒋᔅᒐᔨᒪᓇᓂ ᐅᑕᐎᔭ ᑭᔭ ᐅᑲᐎᔭ᙮ ᒐᒂᔪᐤ ᒪᒃ ᐛᒋ ᐃᔅᒋᔄᑦ ᒋᒋᒋᓯᑯᒡ ᐊ ᐅᒋᑦ ?”
ᓇᒪ ᓂᑭ ᒋ ᐸᒋ ᓇᑎᒄ ᐊᐛᓐ ᐊᑲ ᓄᑕᐎᔭ ᐃᑐᑕᑯᒐ ᒐᒋ ᐸᒋ ᓇᓯᑦ᙮ ᒪᔅᑕᔾ ᒋᓯᑲᒐ ᒥᓯᐛ ᐊᐛᓐ ᐊᒋ ᐸᒋ ᓇᓯᑦ ᓂᑭ ᐅᓂᔅᑲᓇᐤ᙮
ᐱᔅᒐ ᒪᒃ ᐅᑕ ᐊ ᑎᓯᔭᒄ ᓇᒪ ᒋ ᑕᑈᔨᑕᓇᐛᐤ᙮” ᓴᔅ ᒋ ᒋᔅᒐᔨᑎᒻ ᒋᓴᔅ ᐊᐛᔪᐛ ᒐ ᐊᑲ ᐅᒋ ᑕᑈᑎᒥᔨᒋ ᑭᔭ ᒋ ᒋᔅᒐᔨᒪᐤ ᐊᓂᔭ ᐊᐛᔪᐛ ᒐ ᐎᔭᓯᐱᔅᑎᓂᑯᑦ᙮
ᒥᓯᐛ ᒐᒂᔪᐤ ᒧᓴ ᐛᐸᑎᒻ ᒋᓴᒪᓂᑐᐤ᙮ ᒥᓯᐛ ᐊᐛᔪᐛ ᓇᔅᒡ ᐛᐱᒪᐤ ᑭᔭ ᒥᓯᐛ ᒐᒂᔪᐤ ᓇᔅᒡ ᐛᐸᑎᒻ᙮ ᐎᔾ ᒪᒃ ᒋᑭ ᐎᑎᒧᐛᓄᐤ ᒐᒂᓐ ᐛᒋ ᐃᓯ ᐱᒪᑎᓯᔭᐧᒄ ᑕᓐ ᐊ ᐃᓯ ᐱᒪᑎᓯᔭᐧᒄ᙮
