ᒠᓐ 6:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᐊᓂᔭ ᐸᒂᓯᑭᓇ ᒧᓱᔅ ᑲ ᒥᔨᑕᒄ ᓇᒪ ᐊᓐᑕ ᒋᒋᒋᓯᑯᒡ ᐅᒡ ᐅᒋᐱᔪᐛ᙮ ᒋᓴᒪᓂᑐᐤ, ᓄᑕᐎᔾ ᐊᐅᒄ ᐊᓐ ᒪᔨᑕᒄ ᐊᓂᔭ ᒋᒋᐛ ᐸᒂᓯᑭᓇ ᒋᒋᒋᓯᑯᒡ ᑲ ᐅᒋᐱᔨᒋ᙮

ᒠᓐ 6:32 Iomraidhean Croise

ᑎᐱᑦ ᐅᓂᑭᒧᐅᓇ 78:23

ᐊ ᐊᑕ ᐃᑎᓱᐛᑕᔨᒋ ᑭᔅᑯᐅᓇ ᐃᔅᐱᒥᒡ ᐅᒡ, ᑭᔭ ᐊᒋ ᔪᑕᓇᒥᔨᒋ ᒋᓯᑯᐎ ᐃᔎᑕᒥᔪᐤ,

ᐊᒃᓱᑕᔅ 16:4

ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᒋᑭ ᐃᑎᓴᐊᒪᑎᓇᐛᐤ ᐸᒂᓯᑭᓐ ᒋᓯᑯᒡ ᐅᒡ, ᐊᓯᑯᒻ ᒋᓯᑲᐛ ᒋᑭ ᐎ ᓇᒋ ᒪᒧᓴᒋᓇᐅᒡ ᐃᔪᒡ ᐊᓂᔭ ᐸᒂᓯᑭᓇ ᒐ ᐃᔅᐱ ᐃᔅᐱᔨᒡ ᐊᓂᔭ ᒋᓯᑯᔪᐤ᙮ ᐊᑯᑕ ᒐ ᐅᒋ ᑯᒂᒋᐃᒂᐤ ᑭᔭ ᒐᔅᒐᔨᒥᒂᐤ ᒐ ᓇᓴᐊᒥᒂᓂᒋ ᓂᑦ ᐃᑎᓱᐛᐅᓇ᙮

ᐊᒃᓱᑕᔅ 16:8

ᒧᓱᔅ ᐃᔭᐱᒡ ᒋ ᐃᔅᒋᔄᐤ, “ᐎᔾ ᐊᓐ ᑎᐸᔨᒋᒐᓱᐤ ᒐ ᒥᔨᑕᒄ ᐎᔭᓯᔪᐤ ᒐ ᒥᒍᐛᒄ ᐛᑕᑯᓯᔨᒋ ᑭᔭ ᒪᒃ ᐊᔅᐱᔅ ᓂᑐᐛᔨᑎᒺᒄ ᒥᒋᒥᔪᐤ ᒋᔭᒋᓴᐸᔭᔨᒋ, ᐛᔅ ᒋ ᐸᑎᒻ ᑕᓐ ᑲ ᐃᔅᐱᔅ ᐊᓏᔨᒐᔭᒄ, ᐎᔾ ᐊᓐ ᑕᑈ ᑎᐸᔨᒋᒐᓱᐤ ᔅᒋ ᐊᓏᔨᒪᐛᐤ, ᓇᒪᔭᐤ ᓂᔭᓐ᙮”

ᒠᓐ 1:9

ᐅ ᐛᔅᑕᐅᓐ ᒋ ᐸᒋ ᑎᑯᓯᓄᐤ ᐅᑕ ᐊᔅᒋᒡ ᒥᓯᐛ ᐊᐛᔪᐛ ᒐᒋ ᐛᔅᑕᓂᒧᐛᑦ᙮

ᒠᓐ 15:1

ᒋᓴᔅ ᒋ ᐃᑕᐤ ᐅᒋᔅᒋᓄᐊᒧᐛᑭᓇ, “ᓂᔾ ᐊᐅᒄ ᒋᒋᐛ ᓱᒥᓇᑎᒄ ᐊᑯ ᓄᑕᐎᔾ ᒋᒋᐛ ᑲ ᓂᑕᐅᒋᔨᐛᑦ᙮

ᒠᓐ 6:31

ᐊᓐᑕ ᐛᔅᑭᒡ ᐊᓂᔭᐧᑲ ᓂᐛᐧᑯᒪᑭᓇᓂᒡ ᒋ ᒧᐛᐅᒡ ᐊᓂᔭ ᐸᒂᓯᑭᓇ ᑲ ᒥᔭᑭᓄᐎᒡ ᒪᒂᒡ ᐊᓐᑕ ᐸᐧᑯᑎᔅᑭᒥᑲᒡ ᑲ ᑕᒡ᙮ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒋ ᒥᔭᑭᓄᐎᒡ ᐸᒂᓯᑭᓇ ᒋᒋᒋᓯᑯᒡ ᐅᒡ᙮”

ᒠᓐ 6:33

ᐊᓐ ᒪᒃ ᐸᒂᓯᑭᓇ ᒋᓴᒪᓂᑐᐤ ᑲ ᒥᔨᐛᑦ ᐊᐅᑯᓐ ᐊᓐ ᒋᒋᒋᓯᑯᒡ ᑲ ᐅᒋᐱᔨᑦ, ᑭᔭ ᐊᐅᒄ ᑲ ᒥᔭᑦ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᐱᒪᑎᓯᐅᓂᔪᐤ,” ᒋ ᐃᑕᐤ ᒋᓴᔅ᙮

ᒠᓐ 6:35

ᒋᓴᔅ ᒪᒃ ᒋ ᐃᑕᐤ, “ᓂᔾ ᐊᐅᒄ ᐊᓐ ᐸᒂᓯᑭᓐ ᐊᓐᑕ ᒐᒋ ᐅᒋ ᐱᒪᑎᓯᑦ ᐊᐛᓐ᙮ ᐊᐛᓐ ᒪᒃ ᒐ ᐸᒋ ᓇᓯᒂ ᑭᔭ ᒐ ᐸᒋ ᑕᑈᔭᔨᒥᒂ, ᓇᒪ ᓂᑕ ᒥᓐ ᒋᑭ ᐅᒋ ᓯᐛᔪᐤ ᑭᔭ ᓇᒪ ᓂᑕ ᒥᓐ ᒋᑭ ᐅᒋ ᓄᑕᔭᐸᒂᐤ᙮

ᒠᓐ 6:41

ᐃᔅᐱ ᑲᒋ ᐃᓯ ᐃᔨᒥᑦ ᒋᓴᔅ, ᐊᓐᒡ ᒍᐤ ᐃᔪᒡ ᒐᒂᔪᐤ ᒋ ᐃᑕᔨᒪᐅᒡ ᐅᔭ ᐊᒋ ᐃᔅᒋᔄᔨᒋ, “ᓂᔾ ᐊᐅᒄ ᐊᓐ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᐅᑦ᙮”

ᒠᓐ 6:50

ᒥᒄ ᒪᒃ ᐊᓐ ᐊᐛᓐ ᒐ ᒧᐛᒂ ᐊᓂᔭ ᐸᒂᓯᑭᓇ ᐊᓐᑕ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᔨᒋ, ᓇᒪ ᓂᑕ ᒋᑭ ᐅᒋ ᓂᐳᐤ᙮”

ᒠᓐ 6:55

ᐛᔅ ᓂᔭᔅ ᐊᐅᒄ ᒋᒋᐛ ᒥᒋᒻ ᑭᔭ ᓂᒥᐧᒄ ᒋᒋᐛ ᒥᓂᒂᐅᓄᐅᓐ᙮”

ᒠᓐ 6:58

ᐊᐅᒄ ᐅ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᐅᑦ᙮ ᐊᐛᓐ ᒪᒃ ᒐ ᒧᐛᒂ ᐅᔭ ᐸᒂᓯᑭᓇ ᑲᒋᒡ ᐱᒪᑎᓯᐤ᙮ ᓇᒪᔭᔪᐤ ᐊᓂᔭ ᐸᒂᓯᑭᓇ ᐊᓂᔅᒐ ᒋ ᐛᐧᑯᒪᐊᑭᓄᐅᒡ ᑲ ᒧᐛᒡ ᐊᓐᑕ ᐛᔅᑭᒡ, ᐊᑎ ᐊᒋ ᒧᐛᒡ ᐊᓂᔭ ᐸᒂᓯᑭᓇ ᐃᔭᐱᒡ ᒋ ᓂᐳᐅᒡ᙮”

ᑲᓚᓯᔭᓇ 4:4

ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮