18 ᒐᒃ ᒋ ᒥᔅᑎ ᔪᑎᓂᔪᐤ ᑭᔭ ᒋ ᒪᒥᐧᑲᐊᓂᔪᐤ᙮
ᐛᔅ ᐃᑎᓱᐛᐤ, ᐊᑯ ᒐᑎᔅᑎᓂᔨᒡ, ᑲ ᐅᒋ ᒪᒪᐧᑲᐊᒡ᙮
ᐃᓯᑕᐤ ᐊ ᓂᐱᐛᐸᑕᔨᒡ ᒐᒋ ᐃᔅᐸᒐᐱᔨᒋ ᐊ ᐃᔎᔅᑭᒥᑲᔨᒡ ᐅᒡ, ᐛᐛᔅᑕᐸᔨᑕᐤ ᐊ ᒋᒧᓂᔨᒡ; ᔪᑎᓂᑕᐤ ᐅᑦ ᐊᔅᑕᓱᐅᒋᐛᐱᒡ ᐅᒡ᙮
ᐊᓂᔭ ᒪᒃ ᑲ ᐃᔅᐱᔅ ᑕᑦ ᐊᓐᑕ ᓴᔅ ᑕᐅᒡ ᒋ ᑎᑯᓂᔪᐤ ᐊᓂᔭ ᐅᐤᑎᔪᐤ ᐊᓐᑕ ᑲ ᐳᓯᔨᒋ ᐊᓂᔭ ᐅᒋᔅᒋᓄᐊᒧᐛᑭᓇ, ᓇᔅᒡ ᐊ ᐊᐃᑕᐅᑯᒡ ᐊ ᐃᔨᒪᐊᒡ᙮
ᒋ ᐳᓱᐅᒡ ᒪᒃ ᐅᐤᑎᔪᐤ ᐊᒋ ᐎ ᐊᓱᐊᒡ, ᓇᑕ ᑲᐳᕐᓇᐊᒥᒡ ᐊᒋ ᐎ ᐃᔅᒋᒪᒡ᙮ ᓴᔅ ᒪᒃ ᒋ ᐊᑎ ᐊᒋᑲᔪᐤ ᐊᔅᒄ ᐊᑲ ᐅᒋ ᓂᒋᐃᑯᒡ ᒋᓴᓴ᙮
ᓂᔅᑐ ᒪᒃ ᓇᐤ ᐊᔅᐱᓴᔨᒡ ᒋ ᐃᔅᐱᔅ ᐱᒥᔅᑲᒐᓂᒋ, ᐊᑯ ᒂ ᐛᐱᒪᒡ ᒋᓴᓴ᙮ ᒋ ᐸᒋ ᓇᑎᑯᐅᒡ ᐊᓐᑕ ᐅᐤᑎᒡ ᐊ ᑕᒡ ᓂᐱᒡ ᐊ ᐱᒧᑕᔨᒋ᙮ ᓇᔅᒡ ᒪᒃ ᒋ ᑯᔅᑕᒍᐅᒡ᙮
