ᒠᓐ 5:36 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁶ “ᒋ ᑕᑈᐤ ᒠᓐ ᑕᓐ ᑲ ᐃᑕᒋᒥᑦ, ᒥᒄ ᒪᒃ ᓂᔾ ᑕᓐ ᐊ ᐃᓯ ᒪᒥᔅᑲᒡ ᐃᑎᔭᓐ ᐊᔭᔅᒃ ᒋᐧᑲᓇᑯᓂᔪᐤ ᓄᑕᐎᔾ ᐊᒋ ᐸᒋ ᐃᑎᓴᐅᑦ᙮ ᐛᔅ ᓄᑕᐎᔾ ᓂᒋ ᒥᔨᒄ ᓱᐧᑲᑎᓯᐅᓂᔪᐤ ᒐᒋ ᒪᒥᔅᑲᒡ ᐃᑐᐅᒡ ᒐᒋ ᐅᒋ ᒋᔅᒐᔨᒥᑯᐅᔭᓐ ᓂᔾ ᐊ ᐊᐎᔭᓐ ᙭, ᐎᔾ ᓄᑕᐎᔾ ᐊᒋ ᐸᒋ ᐃᑎᓴᐅᑦ᙮

ᒠᓐ 5:36 Iomraidhean Croise

ᒪᑎᔪᐤ 11:4

ᐊᑯ ᒋᓴᔅ ᐊᑕᑦ, “ᒋᐛᒄ, ᒐ ᐎᑎᒧᐛᒄ ᒠᓐ ᑕᓐ ᑲ ᐃᓯ ᐛᐱᒥᔭᒄ ᐊ ᐃᓯ ᐃᑐᑎᒪᓐ ᑭᔭ ᑕᓐ ᑲ ᐃᓯ ᐸᑎᒪᒄ᙮

ᓗᒃ 2:49

ᐊᑯ ᒋᓴᔅ ᒂ ᐃᑕᑦ, “ᒐᒂᓐ ᐛᒋ ᓇᓂᑐᐛᐱᒥᔭᒄ ? ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐊ ᐃᑕᔨᑕᑯᓯᔭᓐ ᒐᒋ ᐃᑐᑎᒧᒡ ᓄᑕᐎᔾ ᐅᑦ ᐊᑐᔅᒐᐅᓐ ?”

ᒠᓐ 10:25

ᐊᑯ ᒋᓴᔅ ᓇᔎᐅᓯᐊᑦ, “ᓴᔅ ᑯᐃᔅᒄ ᔅᒋ ᐎᑎᒪᑎᓇᐛᐤ ᓇᒪ ᒪᒃ ᒋ ᐅᒋ ᐎ ᑕᑈᑐᐅᓇᐛᐤ᙮ ᐊᓂᔭ ᒥᓯᐛ ᑲ ᐃᓯ ᐸᒋ ᒥᔨᑦ ᓄᑕᐎᔾ ᒐᒋ ᐃᓯ ᒪᒥᔅᑲᒡ ᐃᑐᒡ ᓇᓂᑎᒻ ᐅᑕ ᐊ ᑕᔭᒄ ᐊᑯᑕ ᐊ ᓄᒂᒡ ᐊᐛᓐ ᐊ ᐊᐎᔭᓐ᙮

ᒠᓐ 11:37

ᒋ ᑕᐅᒡ ᒪᒃ ᐸᔅᒐ ᐊ ᐃᔅᒋᔄᒡ, “ᒋ ᐃᑐᑐᐛᐤ ᐊᓂᔭ ᐊᑲ ᐛᐸᑎᒥᔨᒋ ᓇᐸᐛ ᒐᒋ ᐛᐸᑎᒥᔨᒋ᙮ ᑕᓐᑕ ᐛᒋ ᐊᑲ ᐅᒋ ᐃᑐᑐᐛᑦ ᓚᓴᕋᓴ ᒐ ᐊᑲ ᒋ ᓂᐱᔨᒋ ?”

ᒠᓐ 15:24

ᓇᒪ ᒋᐸ ᐅᒋ ᐊᑕᒪᔨᑕᑯᓱᐅᒡ ᒥᒋᑥᐅᓂᔪᐤ ᐊᑲ ᐅᒋ ᐃᑐᑎᒧᒡ ᒪᒥᔅᑲᒡ ᐃᑐᐅᓇ ᓇᓂᑎᒻ ᐊᓐᑕ ᐊ ᑕᒡ᙮ ᓂᒋ ᐃᑐᑕᓐ ᒐᒂᔪᐛ ᐊᑲ ᓂᑕ ᑯᑎᒃ ᐊᐛᓐ ᐅᒋ ᐃᑐᑕᐧᒃ᙮ ᒥᓯᐛ ᒪᒃ ᒋ ᐛᐸᑎᒧᒡ᙮ ᐃᔭᐱᒡ ᒪᒃ ᓂᒋ ᐛᐧᑲᑎᑯᒡ᙮ ᓄᑕᐎᔭ ᑭᔭ ᒋ ᐛᐧᑲᑕᐅᒡ ᐊᓂᔭ ᐊ ᐛᐧᑲᓯᒡ᙮

ᒠᓐ 17:4

ᓂᒋ ᐛᐸᑎᔨᐛᓐ ᐅᑕ ᐊᔅᒋᒡ ᑕᓐ ᐊᔅᐱᔅ ᒋᔅᑕᔨᑕᑯᓯᔨᓐ, ᐊᒋ ᒋᔅᑕᔭᓐ ᐊᓐ ᐊᑐᔅᒐᐅᓐ ᑲ ᐸᒋ ᒥᔨᓐ ᒐ ᐃᑐᑎᒪᓐ᙮

ᒠᓐ 2:23

ᒪᒂᒡ ᒪᒃ ᒋᓴᔅ ᑲ ᑕᑦ ᐊᓐᑕ ᒋᕈᓯᓕᒥᒡ ᐊᓂᔭ ᒪᒂᒡ ᑲ ᒥᑯᓴᓄᐎᒡ ᐎᒪᔅᑲᒐᐅ-ᒥᑯᓴᓂᔪᐤ, ᒥᒐᑦ ᐊᐛᔪᐛ ᒋ ᑕᑈᔭᔨᒥᑯᐤ ᐎᔾ ᑕᑈ ᐊ ᐊᐎᑦ ᙭ ᐃᔅᐱ ᑲ ᐛᐱᒥᑯᑦ ᐊ ᒪᒥᔅᑲᒡ ᐃᑎᑦ᙮

ᒠᓐ 3:17

ᐛᔅ ᒋᓴᒪᓂᑐᐤ ᒋ ᐸᒋ ᐃᑎᓴᐛᐤ ᐅᑯᓴ ᐅᑕ ᐊᔅᒋᒡ ᒐᒋ ᐱᒪᒋᐊᔨᒋ ᐊᐛᔪᐛ ᓇᒪ ᐎ ᒐᒋ ᐸᒋ ᓂᓱᐅᓇᒋᒪᔨᒋ᙮

ᒠᓐ 3:2

ᐸᐃᒂᐤ ᒪᒃ ᐊ ᑎᐱᔅᑲᔨᒡ ᒋ ᓂᑐᐛᐱᒪᐤ ᒋᓴᓴ ᐊᑯ ᒂ ᐃᑕᑦ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒋᔾ ᒋᔅᑯᑎᒪᒐᓱᐤ ᐊᒋ ᐸᒋ ᐃᑎᓴᐅᔅᒃ ᒋᓴᒪᓂᑐᐤ᙮ ᐛᔅ ᓇᒪ ᐊᐛᓐ ᒋᑭ ᒋ ᐃᑐᑎᒻ ᐊᓂᔭ ᒪᒥᔅᑲᒡ ᐃᑐᐅᓇ ᒋᔾ ᑲ ᐃᑐᑎᒥᓐ ᐊᑲ ᐎᒋᐃᑯᒐ ᒋᓴᒪᓂᑐᐛ᙮”

ᒠᓐ 4:34

ᒋᓴᔅ ᒂ ᐃᑕᑦ, “ᒐᒋ ᐃᑐᑎᒧᒡ ᐅᑦ ᐃᑕᔨᑎᒧᐅᓐ ᐊᓐ ᑲ ᐸᒋ ᐃᑎᓴᐅᑦ ᑭᔭ ᒐᒋ ᒋᔅᑕᐅᒡ ᐊᓂᔭ ᑲ ᐃᓯ ᓂᑐᐛᔨᒥᑦ ᒐᒋ ᐃᑐᑎᒧᒡ ᐊᐅᑯᓐ ᐊᓐ ᒧᔭᒻ ᓂᒥᒋᒻ ᐊ ᐃᑕᔨᑎᒪᓐ᙮

ᒠᓐ 5:32

ᑯᑎᒃ ᐊᐛᓐ ᑕᐤ ᐊ ᐸᒋ ᑎᐸᒋᒥᑦ ᐊ ᐃᔅᒋᔄᑦ ᐊ ᐊᐎᐅᒡ ᙭ᑕ, ᓂ ᒋᔅᒐᔨᑕᓐ ᒪᒃ ᐊ ᑕᑈᒥᑭᓂᔨᒡ ᐊᓂᔭ ᑲ ᐃᑕᒋᒥᑦ᙮”

ᐊᑈᔅᑕᓇᒡ 2:22

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ ᓂᑐᑐᐅᒄ ᑕᓐ ᒐ ᐃᓯ ᐊᔨᒧᒥᒃ ᒋᓴᔅ ᓇᓴᕆᑎᒡ ᑲ ᐅᒋᑦ᙮ ᓇᔅᒡ ᒋ ᓄᑯᓂᔪᐤ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ ᐊᓂᔭ ᐊᒋ ᒪᒥᔅᑲᒡ ᐃᑎᑦ ᑭᔭ ᐊᒋ ᒪᒥᔅᑲᒡ ᐛᐸᑎᔨᐛᑦ ᓂᓇᐧᑯᐤ ᒐᒂᔪᐛ ᑭᔭ ᐊᒋ ᐛᐸᑎᔨᐛᑦ ᒋᔅᒋᓄᐛᒡ ᐛᐸᑎᔨᐛᐅᓇ᙮ ᒋᔨᐛᐤ ᒋ ᒋᔅᒐᔨᑕᓇᐛᐤ ᐅ ᐛᔅ ᐊᑯᑕ ᐅᑕ ᒪᒂᒡ ᐊ ᑕᔭᒄ ᑲ ᐃᑐᑕᐧᒃ ᐅᔭ ᒐᒂᔪᐛ ᒋᓴᒪᓂᑐᐛ ᐊᒋ ᒥᔨᑯᑦ ᑭᔅᒋᐅᓂᔪᐤ᙮

1 ᒠᓐ 5:9

ᒋ ᑕᑈᑕᓇᓄᐤ ᒪᓐ ᑕᓐ ᐊ ᐃᑕᒋᒧᔅᑕᑕᐧᒄ ᐊᐛᓐ ᐅᑕ ᐊᔅᒋᒡ᙮ ᐃᐛᒃ ᒪᒃ ᐃᑕᔨᑕᑯᓂᔪᐤ ᒐᒋ ᑕᑈᑎᒪᐧᒄ ᑕᓐ ᐊ ᐃᑕᒋᒧᑦ ᒋᓴᒪᓂᑐᐤ ᐛᔅ ᐎᔾ ᐅᔭ ᐅᑎᐸᒋᒧᐅᓐ᙮ ᐊᐅᒄ ᒪᒃ ᐅᔭᔪᐤ ᑲ ᐃᑕᒋᒪᑦ ᐅᑯᓴ᙮