ᒠᓐ 5:35 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁵ ᒧᔭᒻ ᐛᔅᑕᓂᐱᒪᑭᓐ ᐊ ᒋᐧᑲᔭᔅᑐᐛᑦ ᐊᐅᒄ ᑲ ᐃᓯᓇᑯᓯᑦ ᒠᓐ ᑕᐸᒋᒥᑦ᙮ ᔅᒋ ᓇᐊᔨᑕᓇᐛᐤ ᒥᒄ ᐛᐃᐱᔅᒋᔅ ᒐᒋ ᒧᒋᒐᔨᑎᒪᒄ ᐊᓐᑕ ᐅᐛᔅᑐᐛᐅᓂᒡ᙮”

ᒠᓐ 5:35 Iomraidhean Croise

ᐊᒃᓱᑕᔅ 34:35

ᑭᔭ ᐃᔪᒡ ᒋ ᐛᐸᑎᒺᐅᒡ ᒧᓱᓴ ᐊᐛᔅᑕᔨᒡ ᐅᑕᔅᑎᒥᐧᑯᔪᐤ ᑭᔭ ᑲᐤ ᐊᑯᐛᐱᒂᐅᓂᔪᐤ ᒋ ᐊᑯᓇᐊᒻ ᐅᑕᔅᑎᒥᐧᒄ ᐸᑐᔅ ᒥᓐ ᐸᒐᒋ ᐸᔭᒋ-ᐱᒍᐎᔭᓂᒋᐛᐱᔪᐤ ᒐᒋ ᐃᔨᒪᐊᑦ ᑎᐸᔨᒋᒐᓱᐛ᙮

ᒪᑎᔪᐤ 11:11

ᒋ ᐎᑎᒪᑎᓇᐛᐤ, ᑕᑐᐤ ᐊᐛᓐᒋ ᑲ ᐱᒪᑎᓯᒡ ᓇᒪ ᐊᔪᐛᒃ ᐃᑕᔨᑕᑯᓱᐅᒡ ᑕᓐ ᐊ ᐃᑕᔨᑕᑯᓯᔨᒋ ᒠᓐ ᐅᓯᑲᐃᑕᒐᐛ᙮ ᐃᔭᐱᒡ ᒪᒃ ᐊᓐ ᑕᓐ ᒪᐅᒡ ᓄᑕᔅ ᑲ ᐃᑕᔨᑕᑯᓯᑦ ᒋᒋᒋᓯᒄ ᒋᓴᐅᒋᒪᐅᓂᒡ ᐊᔪᐛᒃ ᐎᔾ ᒋᔅᑕᔨᑕᑯᓱᐤ ᐃᔅᐱᔅ ᒠᓇ᙮

ᒪᑎᔪᐤ 21:26

ᒪᒃ ᐃᔅᒋᔄᔭᒂ ‘ᐃᔪᐛ ᒋ ᐃᑎᑯᐤ,’ ᒋᑭ ᐎ ᐃᔭᒂᒥᔅᑐᐛᓄᐅᒡ ᑕᓐ ᒐ ᐃᑐᑕᑕᐧᑯᒡ ᐊᓐᒡ ᐃᔪᒡ᙮ ᐛᔅ ᒥᓯᐛ ᑕᑈᑎᒧᒡ ᒠᓇ ᐊᒋ ᐅᒋᔅᒋᐛᐃᒐᓱᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:5

ᒥᒐᑦ ᐊᐛᔪᐛ ᐊᓐᑕ ᒍᑎᔭ ᐊᔅᒋᒡ ᑭᔭ ᒋᕈᓯᓕᒻ ᑲ ᑕᔨᒋ ᒋ ᐸᒋ ᓂᑐᑕᑯᐤ᙮ ᒧᓴ ᒋ ᐎᑎᒧᒡ ᑕᓐ ᑲ ᐃᓯ ᒥᒋᑐᑎᒧᐛᒂ ᑭᔭ ᒂ ᓯᑲᐃᑕᑯᒡ ᒠᓇ ᐊᓐᑕ ᒠᕐᑕᓐ ᓯᐱᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:20

ᐛᔅ ᐊᕈᑦ ᒋ ᑯᔅᑕᐤ ᐊᓂᔭ ᒠᓇ, ᐊᒋ ᒋᔅᒐᔨᒪᑦ ᐊ ᑯᐃᔅᑯᑕᑎᓯᔨᒋ ᑭᔭ ᐊ ᐸᔭᒋᓯᔨᒋ᙮ ᐊᐅᒄ ᒪᒃ ᐅᔭ ᐛᒡ ᐊᑲ ᐅᒋ ᐎ ᐱᒪᔨᒪᑦ᙮ ᒋ ᒥᔽᔨᒪᐤ ᐊ ᓂᑐᑐᐛᑦ ᐊᑎ ᒧᔅ ᐊᒋ ᒥᑯᔅᑲᑕᔨᑎᒥᐃᑯᐛᑦ ᑕᓐ ᑲ ᐃᔅᒋᔄᔨᒋ ᑕᑥᐤ ᐊ ᓂᑐᑐᐛᑦ᙮

ᓗᒃ 7:28

ᒋᓴᔅ ᒪᒃ ᒋ ᐃᑕᐤ, “ᒋ ᐎᑎᒪᑎᓇᐛᐤ, ᑕᑐᐤ ᐅᒋᔅᒋᐛᐃᒐᓱᒡ ᑲ ᐱᒪᑎᓯᒡ ᓇᒪ ᐃᐛᒃ ᐃᑕᔨᑕᑯᓱᐅᒡ ᑕᓐ ᐊ ᐃᑕᔨᑕᑯᓯᔨᒋ ᒠᓐ ᐅᓯᑲᐃᑕᒐᐛ᙮ ᐃᔭᐱᒡ ᒪᒃ ᐊᓐ ᐊᐛᓐ ᒪᐅᒡ ᔭᓯᒄ ᑲ ᐃᑕᔨᑕᑯᓯᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐃᐛᒃ ᐎᔾ ᒋᔅᑕᔨᑕᑯᓱᐤ ᐃᔅᐱᔅ ᒠᓇ᙮”

ᒠᓐ 6:66

ᐃᔅᐱ ᒪᒃ ᑲ ᐃᔅᒋᔄᑦ ᐅᔭ ᒥᒐᑦ ᐊᓂᔭᔪᐛ ᑲ ᓇᓴᐅᑯᑦ ᒋ ᓂᑭᑎᑯᐤ ᑭᔭ ᓇᒪ ᐅᒋ ᐎ ᐎᒐᐅᑯᐤ᙮

2 ᐱᑕᕐ 1:19

ᐊᑯᑕ ᒪᒃ ᐛᒋ ᐊᑐᐎᔅ ᒐᔅᑎᓇᑕᔨᑎᒥᐃᑯᔭᒡ ᑕᓐ ᑲ ᐃᓯ ᐊᔨᒧᑕᒡ ᐅᔭ ᒥᔽᒋᒧᐅᓂᔪᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᒋᑭ ᒥᔽᐤ ᒪᒃ ᑕᑈ ᐃᔭᒂ ᒐᒋ ᐃᓯ ᓂᓇᑭᑐᐛᔨᑎᒥᐃᑯᔭᒄ ᐅ ᒥᔽᒋᒧᐅᓐ, ᐛᔅ ᒧᔭᒻ ᑕᑈ ᐛᔅᑕᓂᐱᒪᑭᓐ ᐊ ᒋᐧᑲᔭᔅᑕᒡ ᐊᓐᑕ ᐊ ᐅᑲᔅᑕᔭᒡ ᐊᐅᑯᓐ ᐊ ᐃᑕᔨᑕᒂᒡ᙮ ᐊᐅᑯᓐ ᒪᒃ ᐊ ᐃᓯᓇᒂᒡ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐ ᐊ ᒋᓯᑲᒡ ᒐ ᑎᑯᓯᐧᒃ ᐅᑎᐸᔨᒋᒐᐤ᙮ ᐎᔾ ᒪᒃ ᐅᐛᔅᑕᐅᓐ ᒧᔭᒻ ᐊ ᐃᔅᐱᔅ ᒋᐧᑲᔭᔅᑐᐛᑦ ᒐᒋᓴᐸᔭᐤ ᐅᒐᑭᑕᐧᒄ, ᐊᐅᑯᓐ ᒧᔭᒻ ᒐ ᐃᔅᐱᔅ ᐛᔅᑕᓂᒪᑯᐛᒄ ᒋᑕᐃᐛᒡ᙮