ᒠᓐ 5:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ “ᓂᔾ ᒪᒃ, ᓇᒪ ᓂ ᐅᒋ ᒥᔨᑯᐅᓐ ᓂᔾ ᐛ ᐃᑎᔭᓐ ᒐᒋ ᐃᑎᔭᓐ, ᐃᔅᐱ ᐊ ᑎᐸᔅᑯᓂᒐᔭᓐ ᑕᓐ ᐊ ᐃᑎᓱᒥᑦ ᒋᓴᒪᓂᑐᐤ ᐊᐅᑯᓐ ᐊ ᐃᑎᔭᓐ᙮ ᑯᐃᔅᑯᓇᑯᓐ ᒪᒃ ᐊᓐ ᐊ ᑎᐸᔅᑯᓂᒐᔭᓐ ᐛᔅ ᑕᓐ ᐊ ᐃᑎᓱᒥᑦ ᐊᓐ ᑲ ᐸᒋ ᐃᑎᓴᐅᑦ ᐊᐅᑯᓐ ᐊᓐ ᐛ ᐃᑎᔭᓐ᙮”

ᒠᓐ 5:30 Iomraidhean Croise

ᒐᓂᓯᔅ 18:25

ᓂ ᒋᔅᒐᔨᑕᓐ ᒐ ᐊᑲ ᓂᓱᐅᓇᒋᐃᑥᐤ ᑲ ᑯᐃᔅᑯᑕᑎᓯᒡ ᐃᔪᒡ ᐊᓯᒡ ᐊᓐᒡ ᑲ ᒥᒐᑎᓯᒡ ᐃᔪᒡ᙮ ᒋᔾ ᐅ ᐅᑎᐸᔅᑯᓂᒐᐤ ᐅᑕ ᒥᓯᐛ ᐊᔅᒋᒡ ᑭᔭ ᒋᑦ ᐃᑐᑕᓐ ᒐᒂᓐ ᐊ ᒥᔽᒡ᙮”

ᑎᐱᑦ ᐅᓂᑭᒧᐅᓇ 96:13

ᐅᑎᔅᑯᐤ ᑎᐸᔨᒋᒐᓱᐛ; ᐛᔅ ᐸᒋ ᐃᑐᑕᐤ, ᐛᔅ ᐸᒋ ᐃᑐᑕᐤ ᒐᒋ ᑎᐸᔅᑯᓇᐧᒃ ᐊᔅᒋᔪᐤ; ᒋᑭ ᑎᐸᔅᑯᓂᒻ ᐊᔅᒋᔪᐤ ᑯᐃᔅᑯᑕᑎᓯᐅᓂᒡ, ᑭᔭ ᐃᔪᐛ ᑕᑈᐅᓂᒡ᙮

ᒪᑎᔪᐤ 26:39

ᐊᑯ ᐊᓐᑕ ᐛᔪᐎᔅ ᐎᔾ ᒂ ᐃᑐᑕᑦ, ᒋ ᐅᒋᒋᐧᑯᓂᐳᐤ ᒪᒃ, ᒂ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒐᒋ ᐃᓯᓇᑯᓂᒂ ᐸᒋ ᐃᒐᓂᒧᐎ ᐅ ᑕᓐ ᒐ ᐃᓯ ᐛᐎᓯᒐᔨᑎᒪᓐ, ᒥᒄ ᒪᒃ ᒋᔾ ᒋᑦ ᐃᑕᔨᑎᒧᐅᓐ ᒋᑭ ᐃᑐᑕᑭᓄᐤ, ᓇᒪᐎᔾ ᓂᔾ ᓂᑦ ᐃᑕᔨᑎᒧᐅᓐ᙮”

ᒠᓐ 14:10

ᐱᓕᑉ, ᓇᒪᐎᔾ ᐊ ᒋ ᑕᑈᑕᓐ ᐊ ᐱᒋᔅᑯᐅᒃ ᐅᑕᐎᒪᐤ ᑭᔭ ᐅᑕᐎᒪᐤ ᐊ ᐱᒋᔅᑯᐅᑦ ? ᓂ ᐸᐃᑯᓯᓇᓐ᙮” ᐊᑯ ᒋᓴᔅ ᐊᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᐅ ᑲ ᐃᓯ ᐃᔨᒥᐃᑎᑯᒡ ᒋᓴᒪᓂᑐᐤ ᓂᒋ ᐃᑎᓱᒥᒄ ᒐᒋ ᐃᔅᒋᔄᐅᒡ᙮ ᐅᑕᐎᒪᐤ ᐊᓐ ᑲ ᐱᒋᔅᑯᐅᑦ ᐃᑐᑎᒻ ᒪᒥᔅᑲᒡ ᐃᑐᐅᓇ ᓂᔾ ᐅᒋ᙮

ᒠᓐ 17:4

ᓂᒋ ᐛᐸᑎᔨᐛᓐ ᐅᑕ ᐊᔅᒋᒡ ᑕᓐ ᐊᔅᐱᔅ ᒋᔅᑕᔨᑕᑯᓯᔨᓐ, ᐊᒋ ᒋᔅᑕᔭᓐ ᐊᓐ ᐊᑐᔅᒐᐅᓐ ᑲ ᐸᒋ ᒥᔨᓐ ᒐ ᐃᑐᑎᒪᓐ᙮

ᒠᓐ 18:11

ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐱᑕᕋ, “ᓇᐅᔅᑕ ᐊᓐ ᒋᓂᑐᐱᔪᐅ-ᒧᐧᑯᒪᓐ ! ᒋᑦ ᐃᑕᔨᑕᓐ ᐊ ᒐ ᐊᑲ ᐅᒋ ᓴᐳᔅᑭᒪᓐ ᐅ ᐎᓯᒐᔨᑕᒧᐅᓐ ᓄᑕᐎᔾ ᑲ ᐸᒋ ᒥᔨᑦ ?”

ᒠᓐ 4:34

ᒋᓴᔅ ᒂ ᐃᑕᑦ, “ᒐᒋ ᐃᑐᑎᒧᒡ ᐅᑦ ᐃᑕᔨᑎᒧᐅᓐ ᐊᓐ ᑲ ᐸᒋ ᐃᑎᓴᐅᑦ ᑭᔭ ᒐᒋ ᒋᔅᑕᐅᒡ ᐊᓂᔭ ᑲ ᐃᓯ ᓂᑐᐛᔨᒥᑦ ᒐᒋ ᐃᑐᑎᒧᒡ ᐊᐅᑯᓐ ᐊᓐ ᒧᔭᒻ ᓂᒥᒋᒻ ᐊ ᐃᑕᔨᑎᒪᓐ᙮

ᒠᓐ 5:19

ᒋᓴᔅ ᒪᒃ ᒋ ᐃᑕᐤ, “ᑯᐃᔅᒄ ᒋ ᐎᑎᒪᑎᓇᐛᐤ, ᐅᑯᓯᓯᒪᐤ ᓇᒪ ᒥᒄ ᐎᔾ ᒋᑭ ᒋ ᐃᑐᑎᒻ ᒐᒂᔪᐤ᙮ ᐅᑕᐎᒪᐛ ᑭᓄᐛᐱᒪᐤ ᒐᒂᔪᐤ ᐊ ᐃᑎᔨᒋ ᑭᔭ ᐎᔾ ᒪᒃ ᐊᐅᑯᓐ ᐊ ᐊᑎ ᐃᑎᑦ᙮ ᒥᒄ ᑕᓐ ᐊ ᐃᑎᔨᒋ ᐅᑕᐎᔭ ᐊᐅᑯᓐ ᐊ ᐃᑎᑦ ᑭᔭ ᐎᔾ ᐅᑯᓯᓯᒪᐤ᙮

ᒠᓐ 6:38

ᐛᔅ ᓂᒋ ᑎᑯᓯᓐ ᒋᒋᒋᓯᑯᒡ ᐊ ᐅᑐᑕᔭᓐ ᒐᒋ ᐃᑐᑎᒧᒡ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᐊᓐ ᑲ ᐸᒋ ᐃᑎᓴᐅᑦ᙮ ᓇᒪ ᓂ ᐅᒋ ᑎᑯᓯᓐ ᐅᑕ ᐊᔅᒋᒡ ᒥᒄ ᓂᔾ ᓂᑦ ᐃᑕᔨᑎᒧᐅᓐ ᒐᒋ ᐃᑐᑎᒪᓐ᙮

ᒠᓐ 8:28

ᐊᑯ ᒋᓴᔅ ᒂ ᐃᑕᑦ, “ᐃᔅᐱ ᒋᔅᑕᔎᑕᒂ ᐃᔪᐤ ᐅᑯᓯᓴᓐ ᐊᑯ ᒐ ᒋᔅᒐᔨᒥᔭᒄ ᐊᐅᒄ ᓂᔾ ᐊ ᐊᐎᔭᓐ᙮ ᒋᑭ ᒋᔅᒐᔨᑕᓇᐛᐤ ᑭᔭ ᐊᑲ ᐃᑐᑎᒪᓐ ᒐᒂᓐ ᐸᑐᔅ ᑲ ᐃᑎᓱᒥᑦ ᓄᑕᐎᔾ ᒐᒋ ᐃᑐᑎᒪᓐ᙮ ᒥᒄ ᐊᓂᔭ ᑕᓐ ᐊ ᐃᑎᓱᒥᑦ ᐅᑕᐎᒪᐤ ᒐᒋ ᐎᑎᒧᒡ ᐊᔪᐅᒄ ᐊᓂᔭ ᒐ ᐎᑎᒧᒡ᙮

ᒠᓐ 8:42

ᐊᑯ ᒋᓴᔅ ᒂ ᐃᑕᑦ, “ᑕᑈ ᒋᓴᒪᓂᑐᐤ ᐛᑕᐎᐛᒂ, ᒋᐸ ᓴᒋᐃᓇᐛᐤ ᐛᔅ ᒋᓴᒪᓂᑐᐤ ᐊ ᑕᑦ ᓂ ᐅᒋᓐ ᑭᔭ ᐅᑕ ᐱᔭᒋ ᑕᔭᓐ᙮ ᓇᒪ ᓂᔾ ᓂ ᐅᒋ ᐸᒋ ᐃᑎᓴᐅᓱᓐ, ᐎᔾ ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᒄ᙮

ᒠᓐ 8:50

ᓇᒪ ᓂ ᓇᓂᑐᐛᔨᑕᓐ ᑕᓐᑕ ᒐᒋ ᐅᒋ ᒋᔅᑕᔨᒥᑯᔭᓐ᙮ ᒥᒄ ᒪᒃ ᑕᐤ ᐊᐛᓐ ᐊ ᓂᑐᐛᔨᑕᐧᒃ ᒐᒋ ᒋᔅᑕᔨᒥᑯᐅᒡ, ᐎᔾ ᒪᒃ ᐊᐅᒄ ᑕᐸᔅᑯᓇᑦ ᐊᓂᔭ ᐊᐛᔪᐛ ᐊᑲ ᒋᔅᑕᔨᒥᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:3

ᐛᐛᒡ ᙭ ᓇᒪ ᐅᒋ ᐃᓯ ᐱᒪᑎᓯᐤ ᒥᒄ ᐎᔾ ᒐᒋ ᓇᐊᔨᑎᒥᑎᓱᑦ᙮ ᐃᔭᐱᒡ ᐊᓂᔭ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᐅᑯᓐ ᑲ ᐃᔅᐱᔨᒡ, “ᓂᔾ ᓂᒋ ᒪᔭᔨᒥᑯᒡ ᐊᓐᒡ ᑲ ᒪᔭᔨᒥᔅᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:2

ᐛᔅ ᒥᓯᐛ ᒋ ᒐᔅᑎᓇᐅᓇᓄᐤ ᑕᑈ ᑯᐃᔅᒄ ᐊ ᐃᑎᑦ ᒋᓴᒪᓂᑐᐤ ᑕᐸᔅᑯᓇᔨᒋ ᐊᓂᔭᔪᐛ ᐊᐛᔪᐛ ᑲ ᐃᑐᑎᒥᔨᒋ ᐅᔭ ᒐᒂᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:5

ᐊᓐ ᒪᒃ ᐊ ᐃᔅᐱᔅ ᓱᒐᔨᒧᐎᓐ ᒥᒄ ᒋ ᐃᑐᑕᓐ ᐊᑐᐎᔅ ᐊᒂᒡ ᒐᒋ ᐃᓯ ᑎᐸᔅᑯᓂᔅᒃ ᒋᓴᒪᓂᑐᐤ ᐊᓂᔭ ᐊ ᒋᓯᑲᔨᒡ ᑕᓐᑕ ᒐᔅᑎᓇᔅ ᑯᐃᔅᒄ ᒐ ᐃᓯ ᑎᐸᔅᑯᓇᑦ ᐊᓂᔭᔪᐛ ᑲ ᒥᒋᑐᑎᒥᔨᒋ᙮