ᒠᓐ 5:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒥᒐᑦ ᐊᐛᓐᒋ ᑲ ᐊᐧᑯᓯᒡ ᐊᑯᑕ ᐊᓐᑕ ᐱᑐᔎᒡ ᑲ ᐱᒥᓯᓂᒡ, ᐊᓐᒡ ᐊᑲ ᐛᐸᑕᒡ, ᑭᔭ ᐊᓐᒡ ᐊᑲ ᒋ ᐱᒧᑕᒡ ᑭᔭ ᐊᓐᒡ ᐊᑲ ᓂᔅᑐᓯᒡ ᐎᔭᐛᒡ, ᐊ ᐊᓱᐛᐸᑕᒡ ᐊᓂᔭ ᓂᐱᔪᐤ ᒐ ᐃᔅᐱᔅ ᐊᑕᑭᒥᐱᔨᒡ᙮

ᒠᓐ 5:3 Iomraidhean Croise

ᒪᑎᔪᐤ 15:30

ᒥᒐᑦ ᒪᒃ ᐊᐛᔪᐛ ᒋ ᐸᒋ ᓂᑐᐛᐱᒥᑯᐤ, ᐊ ᐸᓱᐛᔨᒋ ᐊᓂᔭ ᐊᐛᔪᐛ ᐊᑲ ᒋ ᐊᑎᓂᓱᔨᒋ, ᑭᔭ ᐊᑲ ᐛᐸᑎᒥᔨᒋ ᑭᔭ ᐊᓂᔭ ᑲ ᒪᔅᒋᓯᔨᒋ, ᑭᔭ ᐊᑲ ᓂᑕᐛᔨᒋ, ᑭᔭ ᒥᒐᑦ ᓂᓇᐧᑯᐤ ᑲ ᐃᑕᔅᐱᓇᔨᒋ᙮ ᒋ ᐊᔭᐅᒡ ᒪᒃ ᒥᓯᐛ ᐊᓂᔭ ᐊᓐᑕ ᒋᓴᓴ ᐅᓯᑎᔨᒡ᙮ ᐊᑯ ᒋᓴᔅ ᒂ ᒥᓏᒋᐊᑦ᙮

ᒪᑎᔪᐤ 4:24

ᒋ ᑎᐸᒋᒪᑭᓄᐤ ᒪᒃ ᒥᓯᐛ ᐊᓐᑕ ᓯᕆᔭᒡ, ᒋ ᐸᓱᐛᐅᒡ ᒪᒃ ᒥᓯᐛ ᑲ ᐊᐧᑯᓯᔨᒋ ᐃᔪᐛ ᓂᓇᐧᑯᐤ ᑲ ᐃᑕᔅᐱᓇᔨᒋ, ᐊᓂᔭ ᑭᔭ ᐊ ᐎᓯᒐᔨᑎᒥᔨᒋ ᑭᔭ ᐊᓂᔭ ᑲ ᐱᒋᔅᑲᑯᔨᒋ ᒥᒋ ᐊᒐᒂ, ᑭᔭ ᐊᓂᔭᔪᐛ ᑲ ᐅᒋᐱᑎᑯᔨᒋ ᑭᔭ ᐊᓂᔭ ᐊᑲ ᓂᔅᑐᓯᔨᒋ᙮ ᒥᓯᐛ ᒪᒃ ᒋ ᒥᓏᒋᐊᐤ ᒋᓴᔅ ᐅᔭ ᐊᐛᔪᐛ ᑲ ᐸᑐᐛᑭᓄᐅᑦ᙮

ᓗᒃ 7:22

ᐊᑯ ᒋᓴᔅ ᐊ ᐎᑎᒧᐛᑦ ᒋ ᐃᑕᐤ, “ᒋᐛᒄ, ᒐ ᐎᑎᒧᐛᐧᒄ ᒠᓐ ᑕᓐ ᑲ ᐃᓯ ᐛᐸᑎᒪᒄ ᑭᔭ ᑕᓐ ᑲ ᐃᓯ ᐸᑎᒪᒄ᙮ ᐎᑎᒧᐛᐧᒄ ᐊ ᐛᐸᑎᒥᔨᒋ ᐊᓂᔭ ᐊᑲ ᐅᒋ ᐛᐸᑎᒥᔨᒋ, ᐊ ᐱᒧᑕᔨᒋ ᐊᓂᔭ ᐊᑲ ᐅᒋ ᐱᒧᑕᔨᒋ, ᑭᔭ ᐊ ᐸᔭᒋᓯᔨᒋ ᐊᓂᔭ ᑲ ᐊᔭᔨᒋ ᐊ ᒪᔭᑎᓂᔨᒡ ᐊ ᐅᒥᒋᓇᓄᐎᒡ᙮ ᑭᔭ ᐊ ᐸᑎᒥᔨᒋ ᐊᓂᔭ ᐊᑲ ᐅᒋ ᐸᑎᒥᔨᒋ᙮ ᑭᔭ ᒥᓐ ᑲᐤ ᐊ ᐅᓂᔅᑲᔨᒋ ᐊᓂᔭ ᑲ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ᐛᐎᑎᒧᐛᑭᓄᔨᒋ ᐊᓂᔭ ᑲ ᒋᔅᑎᒪᑎᓯᔨᒋ᙮

ᒠᓐ 5:2

ᐊᓐᑕ ᒪᒃ ᒋᕈᓯᓕᒥᒡ ᒋ ᑎᑯᓐ ᐊᓐᑕ ᐊ ᐅᒋ ᐱᒐᓄᐅᒡ ᒪᔭᑕᓂᔅ ᒋᐱᔎᐤ ᐊ ᐃᓯᓂᐧᑲᑕᒡ᙮ ᒥᒋᒪ ᒪᒃ ᐊᓐᑕ ᒋ ᑎᑯᓐ ᐊ ᐱᑲᓯᒧᓇᓄᐅᒡ, ᐸᑎᔅᑕ ᒋ ᐃᓯᓂᐧᑲᑕᐤ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ᙮ ᐱᑕᑕᒡ ᒋ ᑕᑎᓇ ᐱᑐᔎᐛ ᐊ ᑎᒂᒋ ᐊᓐᑕ᙮

ᒠᓐ 5:4

ᐛᔅ ᒋᓴᒪᓂᑐᐤ ᒋ ᐸᒋ ᐃᑎᓴᐛᐤ ᐅᑦ ᐊᓐᒋᓂᒪ ᒐᒋ ᐃᑕᑭᒥᐊᒥᔨᒋ ᐊᓂᔭ ᓂᐱᔪᐤ ᒐᒋ ᐊᑕᑭᒥᐱᔨᒡ᙮ ᐅᔭ ᒪᒃ ᐊ ᐃᔅᐱᔨᒋ ᐊᓂᔭ ᓂᐱᔪᐤ, ᐊᓐ ᐊᐛᓐ ᑕᓐ ᒥᒄ ᐊ ᐃᑕᔅᐱᓇᒂ ᓂᔅᑎᒻ ᐊ ᐱᑭᔅᑐᐛᑕᑦ ᒋ ᒥᓏᒋᐊᑭᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:25

ᒋᑦ ᐊᓱᐛᐸᑕᓇᓄᐤ ᒪᒃ ᒐᒂᓐ ᐊᑲ ᓂᑕ ᐅᒋ ᐛᐸᑎᒪᐧᒄ᙮ ᒋ ᓯᐱᔪᐛᓯᓇᓄᐤ ᒪᒃ ᐊ ᐊᓱᐛᐸᑎᒪᐧᒄ᙮

ᒋᒥᔅ ᐅᒥᓯᓇᐊᒪᒐᐅᓐ 5:7

ᓂᐧᑲᓂᓯᑐᒄ, ᓯᐱᔪᐛᓯᒄ ᒐ ᐃᔅᐱᔅ ᐊᑲ ᑎᑯᓯᐧᒃ ᐅᑎᐸᔨᒋᒐᐤ᙮ ᒋ ᒋᔅᒐᔨᒪᐤ ᑲ ᓂᑕᐅᒋᑕᑦ ᐊ ᐃᔅᐱᔅ ᓯᐱᔪᐛᓯᑦ ᐊ ᐊᓱᐛᐸᑕᐧᒃ ᒐᒋ ᒋ ᐃᓯ ᓂᑕᐅᒋᓂᔨᒋ ᐊ ᒥᔽᓯᔨᒋ ᓂᑕᐅᒋᑕᑭᓇ ᐊᓐᑕ ᑲ ᓂᑕᐅᒋᑕᑦ᙮ ᓯᐱᔪᐛᓱᐤ ᐊ ᐊᓱᐛᐸᑕᐧᒃ ᒐᒋ ᒋᒧᓂᔨᒡ ᐊ ᓯᑯᓂᔨᒡ ᑭᔭ ᐊ ᑎᒂᒋᓂᔨᒡ᙮