ᒠᓐ 5:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ “ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

ᒠᓐ 5:24 Iomraidhean Croise

ᒪᑎᔪᐤ 25:46

ᐊᐅᒄ ᒪᒃ ᐅᒡ ᑲ ᒥᒐᑎᓯᒡ ᒐ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ᐃᑎᓴᐛᑭᓄᐎᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:16

ᐊᓐ ᐊᐛᓐ ᒐ ᑕᑈᑎᒧᒂ ᑭᔭ ᓯᑲᐃᑐᐛᑭᓄᒐ ᒋᑭ ᐱᒪᒋᐊᑭᓄᐤ, ᐊᑯ ᐊᓐ ᐊᐛᓐ ᒐ ᐊᑲ ᑕᑈᑎᒧᒂ ᒋᑭ ᓂᓱᐅᓇᒋᒪᑭᓄᐤ᙮

ᒠᓐ 11:26

ᐊᓐ ᐊᐛᓐ ᑲ ᐱᒪᑎᓯᑦ ᐊ ᐸᒋ ᑕᑈᔭᔨᒥᑦ ᓇᒪ ᓂᑕ ᒋᑭ ᐳᓂᐱᒪᑎᓯᐤ᙮ ᒋ ᑕᑈᑕᓐ ᐊ ᐅ ᑲ ᐃᑎᑕᓐ ?”

ᒠᓐ 12:44

ᒋᓴᔅ ᒪᒃ ᒋ ᐃᔅᒋᔄᐤ ᐊ ᒋᔄᐛᑦ, “ᐊᐛᓐ ᑎᔭᑈᔭᔨᒥᒂ ᓇᒪ ᒥᒄ ᓂᔾ ᓂ ᐸᒋ ᑕᑈᐅᔭᔨᒥᒄ ᑭᔭ ᑕᑈᔭᔨᒪᐤ ᐊᓂᔭᔪᐛ ᑲ ᐸᒋ ᐃᑎᓴᐅᔨᒋ᙮

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᒠᓐ 3:16

ᐛᔅ ᒋᓴᒪᓂᑐᐤ ᐊ ᐃᔅᐱᔅ ᒋ ᓴᒋᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᒥᔨᐛᐤ ᑲ ᐸᐃᑯᓯᔨᒋ ᐅᑯᓴ, ᒥᓯᐛ ᐊᐛᔪᐛ ᑲ ᑕᑈᔭᔨᒪᔨᒋ ᒐ ᐊᑲ ᒋ ᓂᓱᐅᓇᑎᓯᔨᒋ ᒪᒃ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᒠᓐ 3:18

ᐊᓐ ᒪᒃ ᐊᐛᓐ ᒐ ᑕᑈᔭᔨᒪᒂ ᐅᑯᓯᓯᒪᐛ ᓇᒪ ᒋᑭ ᐅᒋ ᓂᓱᐅᓇᒋᒪᑭᓄᐤ, ᐊᓐ ᒪᒃ ᐊᐛᓐ ᒐ ᐊᑲ ᑕᑈᔭᔨᒪᒂ ᓴᔅ ᓂᓱᐅᓇᒋᒪᑭᓄᐤ ᐛᔅ ᓇᒪ ᑕᑈᔭᔨᒪᐤ ᐊᓂᔭ ᒋᓴᒪᓂᑐᐛ ᑲ ᐸᐃᑯᓯᔨᒋ ᐅᑯᓯᔪᐛ᙮

ᒠᓐ 3:36

ᐊᓐ ᒪᒃ ᐊᐛᓐ ᑲ ᑕᑈᔭᔨᒪᑦ ᐅᑯᓯᓯᒪᐛ ᐊᔭᐤ ᑲᒋᒡ ᐱᒪᑎᓯᐅᓂᔪᐤ, ᐊᑯ ᐊᓐ ᐊᐛᓐ ᐊᑲ ᓂᓇᐃᑐᐛᑦ ᐅᑯᓯᓯᒪᐛ ᓇᒪ ᒋᑭ ᐅᒋ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐅᓂᔪᐤ ᒋᑭ ᒪᑎᑯᔅᑲᑯᐤ᙮

ᒠᓐ 4:36

ᐊᓐ ᑲ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᒋᓯᐧᑯᐛᑭᓄᐤ᙮ ᒧᔭᒻ ᐊᓐ ᐊᐛᓐ ᑲ ᐎᒋᐊᑦ ᐊᐛᔪᐛ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᒪᒃ ᐊᓐ ᑲ ᓂᑕᐅᒋᑕᑦ ᑭᔭ ᐊᓐ ᑲ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᑕᐱᔅᑯᓐ ᒐ ᒥᔽᔨᑕᒡ ᐛᔅ ᑕᐱᔅᑯᓐ ᒋ ᐊᑐᔅᒐᐅᒡ᙮

ᒠᓐ 6:40

ᐛᔅ ᐊᐅᒄ ᐅᔭ ᓄᑕᐎᔾ ᐅᑦ ᐃᑕᔨᑎᒧᐅᓐ, ᒥᓯᐛ ᐊᐛᔪᐛ ᑲ ᐛᐱᒪᔨᒋ ᑭᔭ ᑲ ᑕᑈᔭᔨᒪᔨᒋ ᐅᑯᓯᓯᒪᐛ ᑲᒋᒡ ᐱᒪᑎᓯᐅᓂᔪᐤ ᒐᒋ ᐊᔭᔨᒋ᙮ ᓂᔾ ᒪᒃ ᒐ ᐅᓂᔅᑲᓂᒥᒋ ᒪᔅᑕᔾ ᒋᓯᑲᒐ᙮”

ᒠᓐ 6:47

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᑲ ᐸᒋ ᑕᑈᔭᔨᒥᑦ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮

ᒠᓐ 6:50

ᒥᒄ ᒪᒃ ᐊᓐ ᐊᐛᓐ ᒐ ᒧᐛᒂ ᐊᓂᔭ ᐸᒂᓯᑭᓇ ᐊᓐᑕ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᔨᒋ, ᓇᒪ ᓂᑕ ᒋᑭ ᐅᒋ ᓂᐳᐤ᙮”

ᒠᓐ 6:51

“ᓂᔾ ᒪᒃ ᐊᓐ ᐱᒪᒋᐃᐛᐤ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᐅᑦ᙮ ᐊᐛᓐ ᒪᒃ ᒐ ᒧᐛᒂ ᐅᔭ ᐸᒂᓯᑭᓇ ᑲᒋᒡ ᐱᒪᑎᓯᐅᓂᔪᐤ ᒋᑭ ᐊᔭᐤ᙮ ᐊᓐ ᒪᒃ ᐸᒂᓯᑭᓐ ᒐ ᒥᔨᐛᔭᓐ ᐊᐅᒄ ᐅ ᓂᔭᔅ ᐊᓐᑕ ᒐᒋ ᐅᒋ ᐊᔭᒡ ᐊᐛᓐᒋ ᐱᒪᑎᓯᐅᓂᔪᐤ᙮” ᐊᔪᐅᒄ ᐅᔭ ᒋᓴᔅ ᑲ ᐃᔅᒋᔄᑦ᙮

ᒠᓐ 6:58

ᐊᐅᒄ ᐅ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᐅᑦ᙮ ᐊᐛᓐ ᒪᒃ ᒐ ᒧᐛᒂ ᐅᔭ ᐸᒂᓯᑭᓇ ᑲᒋᒡ ᐱᒪᑎᓯᐤ᙮ ᓇᒪᔭᔪᐤ ᐊᓂᔭ ᐸᒂᓯᑭᓇ ᐊᓂᔅᒐ ᒋ ᐛᐧᑯᒪᐊᑭᓄᐅᒡ ᑲ ᒧᐛᒡ ᐊᓐᑕ ᐛᔅᑭᒡ, ᐊᑎ ᐊᒋ ᒧᐛᒡ ᐊᓂᔭ ᐸᒂᓯᑭᓇ ᐃᔭᐱᒡ ᒋ ᓂᐳᐅᒡ᙮”

ᒠᓐ 8:51

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:1

ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ᐎᒐᐛᒡ᙮

1 ᑕᓴᓗᓂᔭᓇ 5:9

ᓇᒪ ᒋ ᐅᒋ ᐃᑕᔨᒥᑯᓄᐤ ᒋᓴᒪᓂᑐᐤ ᒐ ᐛᐛᓯᐃᑕᐧᒄ ᑎᐸᔅᑯᓂᒐᐅ ᒋᓯᑲᔨᒐ, ᒋ ᐃᑕᔨᑎᒻ ᒐᒋ ᐱᒪᒋᐃᑕᐧᒄ ᐅᑎᐸᔨᒋᒐᐛ ᒋᓴᔅ ᙭ᑕ ᐅᒋ᙮

1 ᐱᑕᕐ 1:21

ᐊᑯ ᒪᒃ ᑎᔭᑈᔭᔨᒪᒄ ᒋᓴᒪᓂᑐᐤ ᐊᓂᔭᔪᐤ ᐅᒋ ᑕᓐ ᑲ ᐃᓯ ᐃᑐᑎᒪᑕᒄ ᙭, ᐛᔅ ᒋᓴᒪᓂᑐᐤ ᒋ ᐅᓂᔅᑲᓇᐤ ᙭ᑕ ᓂᐳᐅᓂᒡ ᐅᒋ ᑭᔭ ᒋ ᒋᔅᑕᔨᑕᑯᐊᐤ᙮ ᐊᐅᑯᓐ ᒪᒃ ᐛᒋ ᑕᑈᔭᔨᒪᒄ ᒋᓴᒪᓂᑐᐤ ᑭᔭ ᐊᐅᑯᓐ ᐛᒋ ᐊᔅᐸᔨᒧᑐᑐᐛᒄ᙮

1 ᐱᑕᕐ 1:5

ᔅᒋ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ᐃᑕᔨᑕᐧᒃ ᒐ ᐃᑐᑕᑕᒄ᙮

1 ᒠᓐ 3:14

ᐊ ᓴᒋᐊᐧᑯᒡ ᒋᐧᑲᓂᓯᓄᐅᒡ, ᐊᑯᑕ ᐛᒋ ᒋᔅᒐᔨᑎᒪᐧᒄ ᓂᐳᐅᓂᒡ ᐊᒋ ᐅᒋ ᐊᓱᑕᐃᑯᐅᔭᐧᒄ ᐱᒪᑎᓯᐅᓂᒡ ᒐᒋ ᐃᓯ ᑕᔭᐧᒄ᙮ ᐊᐛᓐ ᐊᑲ ᓴᒋᐊᑦ ᐎᐧᑲᓂᓴ ᐊᔅᒄ ᑎᐸᔨᒥᑯᐤ ᓂᐳᐅᓂᔪᐤ᙮

1 ᒠᓐ 5:1

ᒥᓯᐛ ᐊᐛᓐ ᑲ ᑕᑈᑕᐧᒃ ᒋᓴᓴ ᐊ ᐊᐎᔨᒡ ᙭ᑕ, ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐊ ᓴᒋᐊᐧᒄ ᒪᒃ ᐅᑕᐎᒪᐤ ᑭᔭ ᐊᓂᔭᔪᐛ ᐅᑦ ᐊᐛᓯᒪ ᒋ ᓴᒋᐃᒪᓄᐛ᙮