ᒠᓐ 5:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᐊᑯ ᒪᒃ ᒥᓯᐛ ᐊᐛᓐ ᒐ ᒋᔅᑕᔨᒪᑦ ᐅᑯᓯᓯᒪᐛ ᒧᔭᒻ ᐊ ᐃᓯ ᒋᔅᑕᔨᒪᑦ ᐅᑕᐎᒪᐛ᙮ ᐊᓐ ᐊᐛᓐ ᐊᑲ ᒋᔅᑕᔨᒪᑦ ᐅᑯᓯᓯᒪᐛ ᓇᒪ ᒋᔅᑕᔨᒪᐤ ᑭᔭ ᐅᑕᐎᒪᐛ ᐊᓂᔭ ᑲ ᐸᒋ ᐃᑎᓴᐅᑯᔨᒋ᙮”

ᒠᓐ 5:23 Iomraidhean Croise

ᑎᐱᑦ ᐅᓂᑭᒧᐅᓇ 2:12

ᓱᐛᔨᒥᐧᒄ ᐅᑯᓯᓯᒪᐤ, ᒐ ᐊᑲ ᒋ ᒋᔄᓯᑦ, ᒐ ᐊᑲ ᒋ ᓂᓱᐅᓇᑎᓯᔭᒄ ᒪᔅᑭᓇᒡ ᐅᒡ, ᐃᔅᐱ ᐊᐱᓯᔅ ᒥᒄ ᐊᐧᑯᔪᐛᓯᑦ᙮ ᓱᐛᔨᑕᑯᓱᐅᒡ ᒥᓯᐛ ᐊᓐᒡ ᑲ ᒪᒥᓯᑐᑐᐛᒡ᙮

ᒪᑎᔪᐤ 10:37

“ᐊᐛᓐ ᐅᔅᑕ ᐅᑕᐎᔭ ᑭᔭ ᒪᒃ ᐅᑲᐎᔭ ᓴᒋᐊᒐ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ᓇᓴᐅᑦ᙮ ᑭᔭ ᐊᐛᓐ ᐅᔅᑕ ᓴᒋᐊᒐ ᐅᑯᓴ ᑭᔭ ᒪᒃ ᐅᑕᓂᓴ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ᓇᓴᐅᑦ᙮

ᒪᑎᔪᐤ 11:27

ᐊᑯ ᐃᔅᐱ ᑲᒋ ᐃᓯ ᐊᔭᒥᐊᑦ ᒋᓴᔅ ᒋ ᐃᑕᐤ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ᒥᔨᒄ ᒐᒋ ᓂᓇᑭᑐᐛᔨᑎᒧᒡ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐅᑕᐎᒪᐛ, ᒥᒄ ᐅᑯᓯᓯᒪᐤ ᒋᔅᒐᔨᒪᐤ, ᑭᔭ ᒥᒄ ᐎᔾ ᐅᑯᓯᓯᒪᐤ ᒋᑭ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”

ᒪᑎᔪᐤ 12:21

ᒥᓯᐛ ᒪᒃ ᐊ ᐃᑎᔅᑲᓇᓯᔨᒋ ᐃᔪᐛ ᒋᑭ ᐃᔅᐸᔨᑎᒥᔪᐛ ᐅᑦ ᐃᓯᓂᐧᑲᓱᐅᓐ᙮ ᐊᐅᑯᓐ ᒪᒃ ᐅᔭ ᑲ ᓂᑲᓐ ᐃᔅᒋᔄᒂ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᐊ ᐊᔨᒧᒪᑦ ᒋᓴᓴ᙮

ᒪᑎᔪᐤ 15:8

ᒋ ᐃᔅᒋᔄᐤ, ᐅᒡ ᐃᔪᒡ ᐅᑐᓂᐛᒡ ᓂ ᐅᒋ ᒋᔅᑕᒋᒥᑯᒡ, ᒥᒄ ᒪᒃ ᓇᒪ ᓇᔅᒡ ᓂᑦ ᐊᐱᑕᔨᒥᑯᒡ ᐅᑕᐃᐛᒡ᙮

ᒪᑎᔪᐤ 28:19

ᐅ ᒪᒃ ᐅᒋ ᒪᒋᒄ ᓂᑐᐛᐱᒪᐧᑯᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐ ᐃᑐᑐᐛᑯᒡ ᒐᒋ ᐅᒋᔅᒋᓄᐊᒧᐛᑭᓂᔭᓐ, ᒐ ᓯᑲᐃᑐᐛᑯᒡ ᐅᑦ ᐃᓯᓂᐧᑲᓱᐅᓂᔪᐤ ᐅᑕᐎᒪᐛ ᑭᔭ ᐅᑯᓯᓯᒪᐛ ᑭᔭ ᑲ ᐸᔭᒋᓯᔨᒋ ᐊᒐᒂ᙮

ᓗᒃ 10:16

ᐊᑯ ᒋᓴᔅ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᐛᓐ ᑲ ᓂᑐᑕᑕᒄ ᒧᔭᒻ ᓂᔾ ᐊ ᐸᒋ ᓂᑐᑐᐅᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᐛᓐ ᒪᒃ ᑲ ᐊᑐᐛᔨᒥᑕᒄ ᒧᔭᒻ ᓂᔾ ᐊ ᐊᑐᐛᔨᒥᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᐊᐛᓐ ᑲ ᐊᑐᐛᔨᒥᑦ ᒧᔭᒻ ᐊ ᐊᑐᐛᔨᒪᑦ ᒋᓴᒪᓂᑐᐛ, ᐊᓂᔭ ᑲ ᐸᒋ ᐃᑎᓴᐅᔨᒋ, ᐊᐅᑯᓐ ᐊ ᐃᓯᓇᑯᓯᑦ᙮”

ᒠᓐ 14:1

“ᐊᑲᐎᔾ ᒥᑯᔅᑲᑕᔨᑎᒧᒄ᙮ ᑕᑈᐅᒐᔨᒪᐧᒄ ᒋᓴᒪᓂᑐᐤ, ᓂᔾ ᑭᔭ ᑕᑈᐅᒐᔨᒥᒄ᙮

ᒠᓐ 16:14

ᓂᑭ ᒋᔅᑕᔨᑕᑯᐃᒄ ᐛᔅ ᑕᓐ ᒐ ᐃᓯ ᐊᔨᒧᑎᒧᒡ ᐊᐅᒄ ᐅᔭ ᒐ ᐃᓯ ᐊᓱᐤ ᐛᐎᑎᒪᑕᒄ᙮

ᒠᓐ 17:10

ᒥᓯᐛ ᐅᒡ ᑲ ᑎᐱᔨᐛᐅᓯᔨᓐ ᑭᔭ ᓂᔾ ᓂ ᑎᐱᔨᐛᐅᓯᓐ᙮ ᒥᓯᐛ ᐊᓐᒡ ᑲ ᑎᐱᔨᐛᐅᓯᔭᓐ ᑭᔭ ᒋᔾ ᒋ ᑎᐱᔨᐛᐅᓯᓐ᙮ ᓂᒋ ᒋᔅᑕᔨᑕᑯᐃᑯᐅᓐ ᒪᒃ ᐎᔨᐛᐤ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:7

ᐊᐅᑯᓐ ᒪᒃ ᐛᒋ ᒥᓯᓇᐊᒪᑎᑯᒡ ᒥᓯᐛ ᒋᔨᐛᐤ ᕈᒻ ᐊ ᑕᔭᒄ, ᒋᔨᐛᐤ ᒋᓴᒪᓂᑐᐤ ᑲ ᓴᒋᐃᑕᒄ ᑭᔭ ᑲ ᐎᔭᐱᒥᑕᒄ ᒐᒋ ᑎᐱᔨᐛᐅᓯᑐᑕᑕᒄ᙮ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:12

ᑭᔭ ᐎᔾ ᐊᐃᓴᔭ ᒋ ᑎᑯᓂᔪᐤ ᐅᔭ ᐊᒋ ᐃᑎᔅᑕᑯᐱᓇ, ᒋᑭ ᑕᐤ ᐊᐛᓐ ᒐᓯᔨᒋ ᐊ ᑕᔨᒋ ᐊ ᐅᒋ ᐊᓂᔅᒐ ᓂᑕᐅᒋᑦ ᒐ ᓂᑲᓂᔅᑯᐛᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᐊᐅᒄ ᒪᒃ ᐅᔭ ᒐ ᐊᔅᐸᔨᒧᑐᑕᑯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:22

ᐊᓄᒡ ᒪᒃ ᐎ, ᔅᒋ ᐎᐧᑯᒋᐃᑯᐅᓐ ᒥᒋᑥᐅᓂᒡ ᐅᒡ ᒋᓴᒪᓂᑐᐤ ᐊᑯ ᒐᒋ ᐅᑦ ᐊᐱᒋᐊᑭᓂᑐᑕᔅᒃ᙮ ᐊᑯ ᒪᒃ ᓇᔅᒡ ᒋᓴᒪᓂᑐᐤ ᐊ ᑕᑦ ᐊᑯ ᐊ ᐃᓯ ᑎᐸᓂᔅᑕᒡ ᒋᐱᒪᑎᓯᐅᓐ, ᒋᑭ ᐊᑎ ᐅᑎᑕᓐ ᒪᒃ ᑲᒋᒡ ᐱᒪᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:9

ᒋᔨᐛᐤ ᒪᒃ ᐎ, ᓇᒪ ᒋ ᑎᐸᔨᒥᑯᓇᐛᐤ ᓂᑎᒥᒄ ᐊ ᐎ ᐃᓯ ᓇᐊᔨᑎᒥᐃᓱᔭᒄ᙮ ᑲ ᐸᔭᒋᓯᑦ ᐊᒐᐧᒄ ᐊᐅᒄ ᑕᐸᔨᒥᑕᒄ ᒧᔭᒻ ᑕᑈ ᐸᒋᔅᑲᑕᒂ᙮ ᐊᐛᓐ ᒪᒃ ᐊᑲ ᐸᒋᔅᑲᑯᒂ ᑲ ᐸᔭᒋᓯᔨᒋ ᐊᒐᒂ ᓇᒪ ᑎᐱᔨᐛᐅᓯᑐᑕᑯᐤ ᒋᓴᓴ᙮

1 ᑯᕆᓐᑎᔭᓇ 1:3

ᓂᑦ ᐊᔭᒥᐊᐤ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒐᒋ ᒥᔨᑕᒄ ᓱᐛᔨᒋᒐᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ᙮

1 ᑯᕆᓐᑎᔭᓇ 10:31

ᒪᐅ ᒋᐸ ᐃᑎᓇᐛᐤ᙮ ᒥᓯᐛ ᒐᒂᓐ ᐊ ᐃᑎᔭᒄ, ᐊ ᒥᒋᓱᔭᒄ ᑭᔭ ᒪᒃ ᐊ ᒥᓂᔭᒄ, ᒋᐸ ᐃᑐᑕᓇᐛᐤ ᒋᓴᒪᓂᑐᐤ ᒥᒄ ᒐᒋ ᒋᔅᑕᔨᒪᑭᓄᐅᑦ᙮

1 ᑯᕆᓐᑎᔭᓇ 16:22

ᐊᐛᓐ ᐊᑲ ᓴᒋᐊᒐ ᐅᑎᐸᔨᒋᒐᐛ, ᐊᑯᔅ ᒋᑭ ᐛᐛᓯᐃᑯᐤ ᒋᓴᒪᓂᑐᐛ᙮ ᑎᑯᓯᓂ ᒪ, ᐅᑎᐸᔨᒋᒐᐤ᙮

1 ᑯᕆᓐᑎᔭᓇ 6:19

ᑭᔭ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᑲ ᐸᔭᒋᓯᑦ ᐊᒐᐧᒄ ᐊ ᐅᑦ ᐊᔭᒥᐊᐅᒋᐛᐱᑦ ᒋᔪᐛᐛ᙮ ᐊᔪᐅᒄ ᐅᔭ ᐊᒐᒂ ᒋᓴᒪᓂᑐᐤ ᑲ ᒥᔨᑕᒄ᙮ ᓇᒪ ᒋᔾ ᒋ ᑎᐱᔨᐛᐅᓯᓐ ᒋᔪᐤ᙮ ᒋᓴᒪᓂᑐᐤ ᑎᐱᔨᐛᐅᓯᐤ ᒋᔭᔪᐤ᙮

2 ᑯᕆᓐᑎᔭᓇ 1:9

ᓴᔅ ᓇᔅᒡ ᓂᒋ ᐃᑕᔨᑕᓇᓐ ᐊᑯ ᐛᑎᒋᐱᔨᒡ ᒐ ᐳᓂᐱᒪᑎᓯᔭᒡ᙮ ᒋ ᐱᔅᑎᓂᒻ ᒋᓴᒪᓂᑐᐤ ᐅᔭ ᒐᒋ ᐃᔅᐱᔪᒋᒡ ᐊᒋ ᐎ ᒋᔅᒐᔨᑎᒥᐃᑯᐅᔭᒡ ᐊᑲ ᓂᔭᓐ ᒐᒋ ᐊᔅᐸᔨᒧᑐᑕᓱᔭᒡ, ᒥᒄ ᐎᔾ ᒐᒋ ᐊᔅᐸᔨᒧᑐᐅᒋᒡ, ᐎᔾ ᑲ ᑭᔅᒋᐅᑦ ᒐᒋ ᐅᓂᔅᑲᓇᑦ ᐊᐛᔪᐛ ᓴᔅ ᐊᒋ ᓂᐱᔨᒋ᙮

2 ᑯᕆᓐᑎᔭᓇ 13:14

ᐅᒥᔪᐧᑲᒐᐅᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭, ᑭᔭ ᐅᓴᒋᐃᐛᐅᓐ ᒋᓴᒪᓂᑐᐤ, ᑭᔭ ᐅᐎᒋᐃᐛᐅᓐ ᑲ ᐸᔭᒋᓯᑦ ᐊᒐᐧᒄ, ᒧᔅ ᑲᒋᒡ ᒋᑭ ᑎᑯᓂᔪᐤ ᒥᓯᐛ ᐊ ᑕᐛᒄ᙮ ᐊᒥᓐ᙮

2 ᑯᕆᓐᑎᔭᓇ 5:14

ᐊ ᒋᔅᒐᔨᑎᒪᒡ ᑕᓐ ᐊᔅᐱᔅ ᓴᒋᐃᒥᑦ ᒋᓴᔅ ᙭ ᐊᐅᒄ ᐅ ᐊ ᓯᒋᒥᑯᔭᒡ ᐅ ᒐᒋ ᐃᑕᐱᑎᓯᔭᒡ᙮ ᐛᔅ ᒋ ᒋᔅᒐᔨᒪᓄᐤ ᐎᔾ ᐊᒋ ᓂᐱᔅᑎᒧᐛᑦ ᒥᓯᐛ ᐊᐛᔪᐛ ᑭᔭ ᒐᒋ ᐃᓯ ᑭᓄᐛᐸᑕᑭᓄᐅᒡ ᒥᓯᐛ ᐊᐛᓐ ᐊᒋ ᓂᐱᑦ᙮

2 ᑯᕆᓐᑎᔭᓇ 5:19

ᐊᐅᒄ ᒪᒃ ᐅ ᐛ ᐃᓯ ᐎᑎᒪᒡ, ᒋᓴᒪᓂᑐᐤ ᓂᑐᐛᔨᒪᐤ ᒥᓯᐛ ᐊᐛᔪᐛ ᒥᓐ ᑲᐤ ᒐᒋ ᐎᒐᐅᑯᑦ ᙭ᑕ ᐅᒡ᙮ ᐛᐸᔨᑎᒪᒐᐤ ᒥᒋᑥᐅᓇ᙮ ᓂᒋ ᒥᔨᑯᓇᓐ ᒐᒋ ᐃᓯ ᐛᐎᑎᒧᒋᒡ ᒥᓐ ᑲᐤ ᒐ ᐎᒐᐛᑦ ᐊᐛᓐ ᒋᓴᒪᓂᑐᐛ᙮

ᐃᐱᓯᔭᓇ 6:24

ᒋᔨᐛᐤ ᑲᒋᒡ ᒐ ᓴᒋᐊᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ᓱᐛᔨᒥᑯᐛᐤ᙮

2 ᑎᒧᑎ 1:12

ᐊᐅᒄ ᒪᒃ ᐅ ᓇᓂᑯᑎᓂᔾ ᐛᒋ ᓂᓇᐧᑲᑕᔨᒧᔭᓐ, ᒥᒄ ᒪᒃ ᓇᒪ ᑎᑯᓐ ᑕᓐ ᒐᒋ ᐃᓯ ᐳᓂᒪᒥᓯᑐᑎᒪᓐ ᐅ ᒥᔽᒋᒧᐅᓐ, ᐛᔅ ᓂ ᒋᔅᒐᔨᒪᐤ ᐊᓐ ᐊᐛᓐ ᑲ ᑕᑈᔭᔨᒥᒃ ᑭᔭ ᓇᔅᒡ ᓂ ᒐᔅᑎᓇᑕᔨᑕᓐ ᒐ ᒥᔪ ᑭᓄᐛᔨᑕᐧᒃ ᐊᓂᔭ ᑕᓐ ᑲ ᐃᓯ ᐱᔅᑎᓂᓱᐅᒡ ᐸᑐᔅ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒥᓐ ᒐ ᑎᑯᓯᐧᒃ᙮

ᐃᑉᕈᐛ 1:6

ᐃᔅᐱ ᑲ ᐸᒋ ᐃᑎᓴᐛᑦ ᒋᓴᒪᓂᑐᐤ ᐅᓂᔅᑎᒧᓴᓇ ᐅᑕ ᐊᔅᒋᒡ, ᒋ ᐃᔅᒋᔄᐤ, “ᒥᓯᐛ ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ ᒋᑭ ᐊᔭᒥᐊᔅᑕᑯᐤ᙮”

2 ᐱᑕᕐ 1:1

ᓂᔾ ᓴᐃᒥᓐ ᐱᑕᕐ, ᒋᓴᔅ ᙭ ᓂᑦ ᐊᑐᔅᑯᐛᐤ, ᐎᔾ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ᐊᔭᔭᒄ ᑕᑈᑎᒧᐅᓐ ᒧᔭᒻ ᐊᓐ ᐊ ᐃᑕᔨᑕᒂᒡ ᓂᔭᓐ ᑲ ᐊᔭᔭᒡ᙮ ᐊᔪᐅᒄ ᐅᔭ ᑕᑈᑎᒧᐅᓂᔪᐤ ᒋᐱᒪᒋᐃᐛᒥᓄᐤ ᑭᔭ ᒋᒋᓴᒪᓂᑐᒥᓄᐤ ᒋᓴᔅ ᙭ ᑲ ᒥᔨᑕᐧᒄ᙮ ᐎᔾ ᒋ ᐃᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮

1 ᒠᓐ 2:23

ᐛᔅ ᐊᐛᓐ ᑲ ᐊᑐᐛᔨᒪᑦ ᐅᑯᓯᓯᒪᐛ, ᐊᑐᐛᔨᒪᐤ ᑭᔭ ᐅᑕᐎᒪᐛ᙮ ᐊᑯ ᒪᒃ ᐊᓐ ᐊᐛᓐ ᑲ ᐃᔅᒋᔄᑦ ᐊ ᑕᑈᔭᔨᒪᑦ ᐅᑯᓯᓯᒪᐛ, ᑕᑈᔭᔨᒪᐤ ᑭᔭ ᐅᑕᐎᒪᐛ᙮

2 ᒠᓐ 1:9

ᐊᓐ ᐊᐛᓐ ᐊᔪᐛᒃ ᑲ ᐃᓯ ᒋᔅᑯᑎᒪᒐᑦ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ ᑭᔭ ᐊᑲ ᓂᓇᐃᑐᐛᑦ ᑕᓐ ᑲ ᐃᓯ ᒋᔅᑯᑎᒪᒐᔨᒋ, ᓇᒪ ᐊᔭᐛᐤ ᒋᓴᒪᓂᑐᐛ᙮ ᐊᑯ ᐊᓐ ᐊᐛᓐ ᒧᔅ ᐃᔭᒂ ᑲ ᓂᓇᑭᑐᐛᔨᑕᐧᒃ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ, ᑕᐱᔅᑯᓐ ᐅᑕᐎᒪᐤ ᑭᔭ ᐅᑯᓯᓯᒪᐤ ᐎᒐᐛᐤ᙮