ᒠᓐ 5:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐅᔭ ᒋᓴᓴ ᑲ ᐃᔅᒋᔄᔨᒋ, ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒋ ᐃᑕᐅᒡ, “ᓂᔅᑎᒻ ᓇᒪ ᐅᒋ ᒋᔅᑕᔨᑎᒻ ᐊ ᒍᐤ ᐊᔭᒥᐊᐅᒋᓯᑲᔨᒡ ᐊᑯ ᒥᓐ ᒂ ᐃᔅᒋᔄᑦ ᒋᓴᒪᓂᑐᐛ ᐊ ᐅᑕᐎᑦ᙮ ᑭᔭ ᒧᔭᒻ ᑕᓐ ᐊᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᐅᑯᓐ ᒂ ᐃᑕᔨᒥᓱᑦ᙮ ᐊᐅᒄ ᒪᒃ ᐅᔭ ᐛᒋ ᐊᑐᐎᔅ ᓂᑐᐛᔨᒪᒡ ᒐᒋ ᓂᐸᐊᑭᓄᔨᒋ᙮”

ᒠᓐ 5:18 Iomraidhean Croise

ᒪᑎᔪᐤ 12:5

ᑭᔭ ᔅᒋ ᐃᔨᒥᑕᓇᐛᒐ ᐊᓐᑕ ᐎᓱᐛᐅᒥᓯᓇᐃᑭᓂᒡ, ᐊᓐᒡ ᐊᔭᒥᐊᐅᒋᒪᐅᒡ ᐊ ᐊᑐᔅᒐᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᐊᔭᒥᐊᐅᒋᓯᑲᔨᒡ ᐱᑯᓂᒧᒡ ᐊᓂᔭ ᐎᓱᐛᐅᓂᔪᐤ ᑕᓐ ᒋᐸ ᐃᓯ ᓂᓇᑭᑐᐛᔨᑕᑭᓄᐅᔪᐤ ᐊ ᐊᔭᒥᐊᐅᒋᓯᑲᔨᒡ, ᓇᒪ ᒪᒃ ᒐᒂᔪᐤ ᒋᑭ ᒋ ᐃᓯ ᐊᑕᒪᔨᑕᑯᓱᐅᒡ ?

ᒠᓐ 1:19

ᒍᐤ ᑎᐸᔨᒋᒐᓱᐅᒡ ᒋ ᐃᑎᓴᐛᐅᒡ ᒍᐤ ᐊ ᐃᑎᔅᑲᓇᓯᔨᒋ ᐊᔭᒥᐊᐅᒋᒪᐛ ᑭᔭ ᐊ ᐊᔭᒥᐊᐛᑎᓯᔨᒋ ᓕᐸᐃ ᐃᔪᐛ ᒋᕈᓯᓕᒥᒡ ᐊ ᐅᒋᔨᒋ ᐊᓐᑕ ᒠᓇ ᐊ ᑕᔨᒋ ᒐᒋ ᓂᑐ ᒋᔅᒐᔨᒥᑯᑦ ᐎᔾ ᐊ ᔭᐅᒂ ᐊᓐ ᙭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ ᒐᒋ ᐱᒪᒋᐊᔨᒋ ᐊᐛᔪᐛ᙮

ᒠᓐ 10:30

ᓂᔾ ᑭᔭ ᓄᑕᐎᔾ ᓂ ᐸᐃᑯᐅᓇᓐ᙮”

ᒠᓐ 10:33

ᒋ ᐃᑎᑯᐤ ᒪᒃ ᐊ ᐃᓯ ᐎᑎᒪᑯᑦ, “ᓇᒪᔭᐤ ᐎ ᒥᔪᑐᑎᒪᒐᐅᓐ ᐛᒋ ᐎ ᐱᒧᓯᓇᑕᐅᑕᒡ, ᒋ ᐸᔅᑕᒧᓐ ᐊᐅᒄ ᐛᒋ ᐎ ᓂᐸᐃᑕᒡ᙮ ᒋᑦ ᐃᔅᒋᔄᓐ ᐊ ᒋᓴᒪᓂᑐᐎᔨᓐ ᒥᒄ ᒪᒃ ᐊ ᓇᐸᐎᔨᓐ᙮”

ᒠᓐ 14:23

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᓐ ᐊᐛᓐ ᑲ ᓴᒋᐃᑦ ᒋᑭ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᓄᑕᐎᔭ ᒋᑭ ᓴᒋᐃᑯᐤ᙮ ᑕᐱᔅᑯᓐ ᓄᑕᐎᔾ ᑭᔭ ᓂᔾ ᓂᑭ ᓂᑐᐛᐱᒪᓇᓐ ᑭᔭ ᒐ ᐎᒋᒥᒋᑦ᙮

ᒠᓐ 14:9

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐱᓕᑉ, ᓴᔅ ᐛᔅᑭᒡ ᑲ ᑕᔭᓐ ᐅᑕ ᐊ ᑕᔭᒄ ᐃᔭᐱᒡ ᒪᒃ ᓇᒪ ᒋᔅᒐᔨᒥᓐ ? ᐊᓐ ᐊᐛᓐ ᑲ ᐛᐱᒥᑦ ᓴᔅ ᒋ ᐛᐱᒪᐤ ᐅᑕᐎᒪᐛ᙮ ᒐᒂᓐ ᒪᒃ ᐛᒋ ᑯᒂᒋᒥᔨᓐ ᒐᒋ ᐛᐸᑎᔨᑕᓐ ᐅᑕᐎᒪᐤ ?

ᒠᓐ 19:7

ᐊᑯ ᐊᓐᒡ ᒍᐤ ᐃᔪᒡ ᑲ ᐃᓯ ᐎᑎᒧᐛᒡ ᑈᓚᑕ ᐊ ᐃᑕᒡ, “ᓂ ᑭᓄᐛᔨᑕᓇᓐ ᐎᓱᐛᐅᓐ, ᐃᑎᔅᑕᐤ ᐊᓐᑕ ᓂᐎᓱᐛᐅᓇᒡ ᒐᒋ ᐃᑎᓱᐛᓄᐎᒡ ᒐᒋ ᓂᐸᐊᑭᓄᐅᑦ ᐊᓂᔭ ᐊᒋ ᐃᔅᒋᔄᑦ ᐎᔾ ᐊ ᐊᐎᑦ ᒋᓴᒪᓂᑐᐤ ᐅᑯᓴ᙮”

ᒠᓐ 5:15

ᐊᓐ ᒪᒃ ᓇᐸᐤ ᑲ ᒥᓏᒋᐊᑭᓄᐅᑦ ᒋ ᔅᑐᑕᐤ ᐊ ᐎᑎᒧᐛᑦ ᐊᓂᔭᔪᐛ ᒍᐤ ᑲ ᓂᑲᓂᔅᑯᐛᔨᒋ ᒋᓴᓴ ᐊᒋ ᒥᓏᒋᐃᑯᑦ᙮

ᒠᓐ 5:16

ᐊᓐᒡ ᒪᒃ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᐊᑯᑕ ᒂ ᐅᒋ ᒋᒋᐱᔨᒡ ᐊ ᒪᔭᔨᒪᒡ ᒋᓴᓴ ᐊᓂᔭ ᐅᒋ ᐊᒋ ᒥᓏᒋᐊᔨᒋ ᐊᓂᔭ ᓇᐸᐛ ᐊ ᒍᐤ ᐊᔭᒥᐊᐅᒋᓯᑲᔨᒡ᙮

ᒠᓐ 5:17

ᐊᑯ ᒂ ᐃᑎᑯᒡ ᒋᓴᓴ, “ᓄᑕᐎᔾ ᒧᔅ ᒥᔪᑐᑎᒻ ᐊᑎ ᐊ ᐊᔭᒥᐊᐅᒋᓯᑲᔨᒡ, ᑭᔭ ᓂᔾ ᒪᒃ ᐊᐅᑯᓐ ᒐ ᐎ ᐃᑎᔭᓐ᙮”

ᒠᓐ 5:23

ᐊᑯ ᒪᒃ ᒥᓯᐛ ᐊᐛᓐ ᒐ ᒋᔅᑕᔨᒪᑦ ᐅᑯᓯᓯᒪᐛ ᒧᔭᒻ ᐊ ᐃᓯ ᒋᔅᑕᔨᒪᑦ ᐅᑕᐎᒪᐛ᙮ ᐊᓐ ᐊᐛᓐ ᐊᑲ ᒋᔅᑕᔨᒪᑦ ᐅᑯᓯᓯᒪᐛ ᓇᒪ ᒋᔅᑕᔨᒪᐤ ᑭᔭ ᐅᑕᐎᒪᐛ ᐊᓂᔭ ᑲ ᐸᒋ ᐃᑎᓴᐅᑯᔨᒋ᙮”

ᒠᓐ 7:1

ᒥᓐ ᐸᑎᒪ ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᑲᓕᓕ ᑲ ᐃᓯᓂᐧᑲᑕᔨᒡ ᐊᔅᒋᔪᐤ, ᓇᒪ ᐎ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐃᑕᒐ ᐅᒋ ᐎ ᐃᑐᑕᐤ ᐛᔅ ᒋ ᒋᔅᒐᔨᑎᒻ ᐊᒋ ᐎ ᓂᐸᐃᑯᑦ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮

ᒠᓐ 7:19

ᓇᒪᐎᔾ ᐊ ᒧᓱᔅ ᒋ ᐅᒋ ᒥᔨᑯᐛᐤ ᐊᓂᔭ ᐎᓱᐛᐅᓂᔪᐤ ᑲ ᐊᔭᐛᒄ᙮ ᓇᒪ ᒪᒃ ᐛᐛᒡ ᐸᐃᒄ ᐊᓐᑕ ᐊ ᑎᓯᔭᒄ ᒋ ᓂᓇᐃᑕᓇᐛᐤ ᐊᓐ ᐎᓱᐛᐅᓐ᙮ ᒐᒂᓐ ᒪᒃ ᐛᒋ ᐎ ᐸᒋ ᓂᐸᐃᔭᒄ ?”

ᒠᓐ 8:54

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᓂᔾ ᒐᔅᑕᔨᑕᑯᐃᑎᓱᔭᓇ ᓇᒪ ᓇᔅᒡ ᒐᒂᓐ ᒋᑭ ᐅᒋ ᐃᓯᓇᑯᓐ ᐊᓐ ᐊ ᒋᔅᑕᔨᑕᑯᐃᑎᓱᔭᓐ᙮ ᓄᑕᐎᔾ ᐊᐅᒄ ᒐᔅᑕᔨᑕᑯᐃᑦ, ᐊᓐ ᑲ ᐃᔅᒋᔄᔭᒄ ᐊ ᐅᒋᓴᒪᓂᑐᒥᔭᒄ᙮

ᒠᓐ 8:58

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᐊᔅᒄ ᐊᑲ ᐅᒋ ᐱᒪᑎᓯᑦ ᐊᑉᕋᐊᒻ, ᓴᔅ ᓂᒋ ᑕᓐ᙮”

ᐱᓕᐱᔭᓇ 2:6

ᐊᑎ ᒋᓴᒪᓂᑐᐛ ᑲ ᐃᑕᔨᑕᑯᓯᔨᒋ ᐊᒋ ᐃᑕᔨᑕᑯᓯᑦ, ᐃᔭᐱᒡ ᒋ ᐱᔅᑎᓂᒻ ᐊᓂᔭᔪᐤ ᑕᐱᑐᐤ ᐊ ᐃᓯ ᐊᔭᒡ᙮

ᒋᔅᒐᔨᑕᑯᑕᒐᐅᓐ 22:1

ᐊᑯ ᐅ ᐊᓐᒋᓐ ᒂ ᐸᒋ ᐛᐸᑎᔨᑦ ᓯᐱᔪᐤ᙮ ᐊᓐ ᒪᒃ ᓂᐱᔾ ᐊᓐᑕ ᐊᓐ ᓯᐱᔾ, ᐊᑯᑕ ᐛᒋ ᒥᔭᑭᓄᐅᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ᙮ ᓇᔅᒡ ᒋ ᐛᓴᔭᑭᒥᓱᐤ ᐊᓐ ᓂᐱᔾ ᒧᔭᒻ ᐊᓯᓂᔅ ᓯᐳᐛᔅᑕᔨᑕᑭᓇᐱᔅᒄ ᐊ ᐃᔅᐱᔅ ᓴᑈᐤ ᐛᔄᐛᐱᔅᒋᓯᑦ, ᐊᐅᑯᓐ ᑲ ᐃᑕᑭᒥᒡ ᐊᓐ ᓂᐱᔾ᙮ ᓯᐸ ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓂᐛᒡ, ᐊᑯᑕ ᑲ ᐅᑕᒍᐅᒡ ᐅ ᓯᐱᔾ᙮

ᒋᔅᒐᔨᑕᑯᑕᒐᐅᓐ 22:3

ᓇᒪ ᒪᒃ ᐊᑯ ᒥᓐ ᓂᑕ ᒋᑭ ᐅᒋ ᑎᑯᓐ ᐊᓐᑕ ᐅᑕᓇᒡ ᒐᒂᓐ ᒐᒋ ᐃᔅᒋᔄᑦ ᒋᓴᒪᓂᑐᐤ ᐊ ᐛᐧᑲᑕᐧᒃ᙮ ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓄᐛᐤ, ᒋᑭ ᑎᑯᓂᔪᐤ ᐊᓐᑕ ᐅᑕᓇᒡ᙮ ᒋᑭ ᐊᔭᒥᐊᔅᑕᑯᐤ ᒪᒃ ᒋᓴᒪᓂᑐᐤ ᐅᑦ ᐊᐱᒋᐊᑭᓇ᙮