ᒠᓐ 4:53 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵³ ᐊᑯ ᐊᓐ ᓇᐸᐤ ᒂ ᒋᔅᒋᓯᑦ ᐊᐅᑯᓐ ᐊᓐ ᑲ ᐃᔅᐱᓯᒋᓯᑲᔨᒡ ᑲ ᐃᑎᑯᑦ ᒋᓴᓴ, “ᒋᑭ ᐱᒪᑎᓯᐤ ᐛᔅ ᐊᓐ ᒋᑯᔅ᙮” ᐊᑯᑕ ᒪᒃ ᑲ ᐅᒋ ᑕᑈᑕᐧᒃ ᑭᔭ ᒥᓯᐛ ᐊᐛᔪᐛ ᐊᓐᑕ ᐊ ᐸᐃᑯᔅᑲᓇᓯᑦ ᐊᑯᑕ ᒂ ᐅᒋ ᑕᑈᑎᒥᔨᒋ᙮

ᒠᓐ 4:53 Iomraidhean Croise

ᑎᐱᑦ ᐅᓂᑭᒧᐅᓇ 107:20

ᒋ ᐃᑎᓴᐊᒻ ᐅᑦ ᐃᔨᒧᐅᓐ ᑭᔭ ᒋ ᒥᓏᒋᐊᐤ, ᑭᔭ ᒋ ᐎᐧᑯᒋᐊᐤ ᐅᓂᓱᐅᓇᑎᓯᐅᓂᔨᒡ ᐅᒡ᙮

ᑎᐱᑦ ᐅᓂᑭᒧᐅᓇ 33:9

ᐛᔅ ᒋ ᐃᔨᒧᐤ, ᐊᑯ ᐊᑐᑕᑭᓄᐎᒡ; ᒋ ᐃᑎᓱᐛᐤ, ᐊᑯ ᐃᔭᔨᑎᔅᑕᔨᒡ᙮

ᒪᑎᔪᐤ 8:13

ᐊᑯ ᒋᓴᔅ ᐊᑕᑦ ᐊᓂᔭ ᐊᓯᒪᑭᓂᓯᐤ ᐅᒋᒪᐛ, “ᒋᐛ, ᐛᔅ ᑕᓐ ᑲ ᐃᓯ ᑕᑈᑎᒥᓐ ᐊᑯᓐ ᒐ ᐃᓯ ᐃᑐᑎᒪᑯᔨᓐ᙮” ᒪᒂᒡ ᒪᒃ ᐊᓂᔭ ᑲ ᐃᑕᑦ ᐊᓯᒪᑭᓂᓴ, ᐊᑯᑕ ᒧᔭᒻ ᐊᓂᔭ ᑎᐸᐃᑭᓂᔪᐤ ᑲ ᒥᓏᑎᓯᔨᒋ ᐊᓂᔭ ᐅᑦ ᐊᐱᒋᐊᑭᓇ ᐊᓐ ᐊᓯᒪᑭᓂᓯᐤ ᐅᒋᒪᐤ᙮

ᓗᒃ 19:9

ᒋᓴᔅ ᒪᒃ ᒋ ᐃᑕᐤ, “ᐊᓄᒡ ᐅ ᒐᓯᑲᒡ ᒥᓯᐛ ᐃᔪᒡ ᑲ ᐎᒋᒡ ᐅᑕ ᒋᒋᒡ ᐱᒪᒋᐊᑭᓄᐅᒡ᙮ ᒋᔾ ᒪᒃ ᓴᑭᔭᔅ ᑭᔭ ᒋᔾ ᒋᑦ ᐃᑎᔅᑲᓇᓯᓐ ᐊᓐᑕ ᐊᑉᕋᐊᒻ ᐊ ᑕᑦ᙮

ᒠᓐ 4:51

ᒪᒂᒡ ᒪᒃ ᐊ ᐃᔅᐱᓯᐱᔨᑦ ᐊ ᒋᐛᑦ, ᒋ ᓂᒋᐃᑯᐤ ᐊᓂᔭ ᐅᑦ ᐊᐱᒋᐊᑭᓇ ᐊᑯ ᒂ ᐃᑎᑯᑦ, “ᓴᔅ ᒥᔪ ᐱᒪᑎᓯᐤ ᒋᑯᔅ᙮”

ᒠᓐ 4:52

ᐊᑯ ᐊᓐ ᓇᐸᐤ ᒂ ᑯᒂᒋᒐᒧᑦ ᑕᓐ ᑲ ᐃᔅᐱᓯᒋᓯᑲᔨᒡ ᐊᓐᑕ ᑲ ᐅᒋ ᒥᔪ ᐱᒪᑎᓯᔨᒋ ᐊᓂᔭ ᐅᑯᓴ᙮ ᐊᑯ ᒂ ᐃᑕᑭᓄᐅᑦ, “ᐅᑕᑯᓯᒡ, ᐊ ᐃᔎᐱᑕᒋᓯᑲᔨᒡ ᐊᑯᑕ ᑲ ᐳᓂᐱᔨᒡ ᐊ ᒋᓯᑕᐅᐱᔨᑦ᙮”

ᐊᑈᔅᑕᓇᒡ 11:14

ᐅ ᒪᒃ ᓇᐸᐤ ᓴᐃᒥᓐ ᐱᑕᕐ ᒋᑭ ᐛᐎᑎᒪᒄ ᑕᓐᑕ ᒐᒋ ᐅᒋ ᐱᒪᒋᐅᔨᓐ ᑭᔭ ᒥᓯᐛ ᐊᓐᒡ ᐊᓐᑕ ᐊ ᐸᐃᑯᑕᐅᓯᔨᓐ,’ ᐊᐅᑯᓐ ᑲ ᐃᑎᑯᒂ ᑯᕐᓂᓕᔭᔅ ᐊᓂᔭ ᐊᓐᒋᓇ᙮”

ᐊᑈᔅᑕᓇᒡ 16:15

ᒋ ᓯᑲᐃᑐᐛᑭᓄᐤ ᒪᒃ ᓕᑎᔭ ᑭᔭ ᒥᓯᐛ ᐊᓐᑕ ᐎᒋᒡ ᑲ ᐎᒋᒥᑯᑦ᙮ ᐊᑯ ᒂ ᐎᓴᒥᔨᒥᒡ ᐊᓐᑕ ᐎᒋᒡ ᒐᒋ ᐎᒋᒥᒋᑦ ᐊ ᐃᑎᑯᔭᒡ, “ᒋᔭᔅᑎᓇᐅᐛᒂ ᐊ ᑕᑈᔭᔨᒥᒃ ᐅᑎᐸᔨᒋᒐᐤ, ᐸᒋ ᐱᒐᒄ ᓂᒋᒡ ᐊᓐᑕ ᒐ ᑕᔭᒄ᙮” ᓂᒋ ᓴᐧᑯᒋᒥᑯᓇᓐ ᒪᒃ᙮

ᐊᑈᔅᑕᓇᒡ 16:34

ᐊᑯ ᐊᓐᑕ ᐎᒋᒡ ᒂ ᐃᑐᑕᐊᑦ ᐊᓂᔭ ᑈᓚ ᑭᔭ ᓴᓂᓴ, ᒂ ᒥᔭᑦ ᒥᒋᒥᔪᐤ ᒐᒋ ᒥᒋᓱᔨᒋ᙮ ᓇᔅᒡ ᒪᒃ ᒋ ᒥᔽᔨᑎᒻ ᑭᔭ ᐊᓂᔭ ᐊᓐᑕ ᐊ ᐸᐃᑯᔅᑲᓇᓯᑦ ᒋ ᒧᒋᒐᔨᑎᒥᔪᐛ ᐊ ᑕᑈᐅᒐᔨᒪᒡ ᒋᓴᒪᓂᑐᐛ᙮

ᐊᑈᔅᑕᓇᒡ 18:8

ᑯᕆᔅᐳᔅ ᒪᒃ, ᐊᓐ ᑲᓂᑲᓂᔅᑲᐧᒃ ᐊᓂᔭ ᐊᔭᒥᐊᐅᒋᐛᐱᔪᐤ ᒋ ᑕᑈᔭᔨᒪᐤ ᐅᑎᐸᔨᒋᒐᐛ, ᑭᔭ ᒥᓯᐛ ᐊᓂᔭᔪᐛ ᐊᓐᑕ ᐊ ᐸᐃᑯᔅᑲᓇᓯᑦ᙮ ᑭᔭ ᒥᒐᑦ ᐊᓐᑕ ᑯᕆᓐᑦ ᑲ ᑕᒡ ᐃᔪᒡ ᒋ ᐸᑎᒧᒡ ᐊᓂᔭ ᒥᔽᒋᒧᐅᓂᔪᐤ᙮ ᒋ ᑕᑈᑎᒧᒡ ᑭᔭ ᒋ ᓯᑲᐃᑐᐛᑭᓄᐎᒡ᙮

ᐊᑈᔅᑕᓇᒡ 2:39

ᐛᔅ ᐅᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ ᒋᔨᐛᐤ ᔅᒋ ᐃᑕᔨᒥᑯᐛᐤ ᒐᒋ ᐊᔭᐅᒪᑯ ᑭᔭ ᒋᑦ ᐊᐛᓯᒧᐛᐛ ᒐᒋ ᐊᔭᐛᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᐛᔪᐤ ᑲ ᑕᔨᒋ᙮ ᒥᓯᐛ ᐊᓐᒡ ᒐ ᑕᑈᑎᑯᒡ ᐅᑎᐸᔨᒋᒐᐛ ᒋᓴᒪᓂᑐᐛ ᒋᑭ ᒥᔭᑭᓄᐅᒡ ᐅᔭ ᒥᔨᐛᐅᓂᔪᐤ᙮”