ᒠᓐ 4:45 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁵ ᐃᔅᐱ ᒪᒃ ᑲ ᑎᑯᓯᐧᒃ ᐊᓐᑕ ᑲᓕᓕ ᐊᔅᒋᒡ, ᐊᓐᒡ ᐃᔪᒡ ᐊᓐᑕ ᑲ ᐎᒋᒡ ᓇᔅᒡ ᒋ ᒥᔽᔨᑎᒧᒡ ᐊ ᐛᐱᒪᒡ᙮ ᑭᔭ ᐎᔨᐛᐤ ᒋ ᐃᑐᑕᐛᑯᐱᓇᓂᒡ ᒋᕈᓯᓕᒥᒡ ᒪᒂᒡ ᐊᓐᑕ ᑲ ᒥᑯᓴᓄᐎᒡ, ᒥᓯᐛ ᒪᒃ ᒋ ᐛᐸᑎᒧᐛᐅᒡ ᑕᓐ ᑲ ᐃᑎᔨᒋ ᐊᓐᑕ᙮

ᒠᓐ 4:45 Iomraidhean Croise

ᓗᒃ 13:1

ᐊᓐᑕ ᒪᒃ ᒪᒂᒡ ᒋ ᑕᐅᒡ ᐊᓐᑕ ᐃᔪᒡ ᐊᒋ ᐎᑎᒧᐛᒡ ᒋᓴᓴ ᑕᓐ ᑲ ᐃᑐᑐᐛᑭᓄᔨᒋ ᐱᔅᒐ ᐃᔪᐛ ᑲᓕᓕ ᐊᔅᒋᒡ ᑲ ᐅᒋᔨᒋ᙮ ᒋᓴᐅᒋᒪᐅᑯᐸᓇᐛ ᑈᓚᑦ ᐊ ᐃᓯᓂᐧᑲᓱᔨᒋ ᐊᒋ ᓂᐸᐊᔨᒋ ᐊᓂᔭ ᐃᔪᐛ ᒪᒂᒡ ᐊᒋ ᐎ ᒥᑐᔅᑕᐊᒧᐛᒡ ᒋᓴᒪᓂᑐᐛ ᐊᓐᒡ ᐃᔪᒡ ᐊᓂᔭ ᐊᐛᓯᓴ ᑲ ᓂᐸᐊᒡ᙮

ᓗᒃ 8:40

ᐃᔅᐱ ᒥᓐ ᑲᐤ ᑲ ᒥᓯᑲᑦ ᒋᓴᔅ ᐊᓐᑕ ᒂᔅᑕᒐᑲᒻ ᓴᑲᐃᑭᓂᒡ ᒋ ᒥᔽᔨᑎᒥᔪᐛ ᒥᒐᑦ ᐊᐛᔪᐛ, ᐛᔅ ᒥᓯᐛ ᒋ ᐊᓱᐛᐱᒥᑯᐤ᙮

ᓗᒃ 9:53

ᒥᒄ ᒪᒃ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ ᓇᒪ ᐅᒋ ᐎ ᐱᑎᑲᐃᑯᐤ ᐛᔅ ᒋ ᒋᔅᒐᔨᒥᑯᐤ ᒋᕈᓯᓕᒥᒡ ᐊ ᐎ ᐃᑐᑕᑦ᙮

ᒠᓐ 2:23

ᒪᒂᒡ ᒪᒃ ᒋᓴᔅ ᑲ ᑕᑦ ᐊᓐᑕ ᒋᕈᓯᓕᒥᒡ ᐊᓂᔭ ᒪᒂᒡ ᑲ ᒥᑯᓴᓄᐎᒡ ᐎᒪᔅᑲᒐᐅ-ᒥᑯᓴᓂᔪᐤ, ᒥᒐᑦ ᐊᐛᔪᐛ ᒋ ᑕᑈᔭᔨᒥᑯᐤ ᐎᔾ ᑕᑈ ᐊ ᐊᐎᑦ ᙭ ᐃᔅᐱ ᑲ ᐛᐱᒥᑯᑦ ᐊ ᒪᒥᔅᑲᒡ ᐃᑎᑦ᙮

ᒠᓐ 3:2

ᐸᐃᒂᐤ ᒪᒃ ᐊ ᑎᐱᔅᑲᔨᒡ ᒋ ᓂᑐᐛᐱᒪᐤ ᒋᓴᓴ ᐊᑯ ᒂ ᐃᑕᑦ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒋᔾ ᒋᔅᑯᑎᒪᒐᓱᐤ ᐊᒋ ᐸᒋ ᐃᑎᓴᐅᔅᒃ ᒋᓴᒪᓂᑐᐤ᙮ ᐛᔅ ᓇᒪ ᐊᐛᓐ ᒋᑭ ᒋ ᐃᑐᑎᒻ ᐊᓂᔭ ᒪᒥᔅᑲᒡ ᐃᑐᐅᓇ ᒋᔾ ᑲ ᐃᑐᑎᒥᓐ ᐊᑲ ᐎᒋᐃᑯᒐ ᒋᓴᒪᓂᑐᐛ᙮”

ᒠᓐ 4:54

ᐊᐅᒄ ᒪᒃ ᐅᔭ ᓂᔄᐤ ᑲ ᒪᒥᔅᑲᒡ ᐃᑎᑦ ᒋᓴᔅ ᐊ ᑎᑯᓯᐧᒃ ᐊᓐᑕ ᑲᓕᓕ ᐊᔅᒋᒡ, ᐊᓐᑕ ᒍᑎᔭ ᐊᔅᒋᒡ ᐊ ᐅᑐᑕᑦ᙮