30 ᐊᑯ ᐊᓐᒡ ᐃᔪᒡ ᒂ ᐎᐎᒡ ᐊᓐᑕ ᐅᑕᓇᒡ ᒂ ᓂᑐᐛᐱᒪᒡ ᒋᓴᓴ᙮
ᐊᑯ ᒋᓴᔅ ᒂ ᐊᑎ ᐃᔅᒋᔄᑦ, “ᐊᐅᒄ ᒪᒃ ᒐ ᐅᒋ ᐅᑕᒡ ᐃᓯ ᐱᔅᑎᓇᑭᓄᐅᒡ ᐊᓐᒡ ᓂᑲᓄᒡ ᑲ ᐃᑕᐃᓱᒡ ᐊᑯ ᐊᓐᒡ ᒪᔅᑕᔾ ᑲ ᐃᓯ ᐱᔅᑎᓂᓱᒡ ᓂᑲᓄᒡ ᒋᑭ ᐃᓯ ᐱᔅᑎᓇᑭᓄᐅᒡ᙮ ᒥᒐᑦ ᒪᒃ ᑕᑈᑕᑭᓄᐎᒡ, ᒥᒄ ᓇᒪ ᒥᒐᑐᐅᒡ ᐛᑎᓇᑭᓄᐎᒡ᙮”
“ᐊᔅᑎᒧᒄ᙮ ᒐ ᐛᐱᒪᒄ ᐊᓐ ᓇᐸᐤ ᑲ ᐸᒋ ᐎᑎᒧᐅᑦ ᒥᓯᐛ ᑕᓐ ᑲ ᐃᑐᐅᒡ᙮ ᓇᒪᔭᐤ ᑲᑭᔭ ᐊᐅᒄ ᙭ ᐊᓂᔭ ᒋᐸ ᐸᒋ ᐃᑎᓴᐛᐤ ᒋᓴᒪᓂᑐᐤ ?”
ᒪᒂᒡ ᒪᒃ ᐅ, ᒋᓴᔅ ᐅᒋᔅᒋᓄᐊᒧᐛᑭᓇ ᒋ ᐎ ᐊᔨᐧᑭᒥᐃᑯᐤ, “ᒋᔅᑯᑎᒪᒐᓱᐤ, ᒥᒋᓱᐤ,” ᐊ ᐃᑎᑯᑦ᙮
ᒥᒐᑦ ᓴᒪᕆᔭ ᐃᔪᒡ ᐊᓐᑕ ᐊᓂᔭ ᐅᑕᓇᔪᐤ ᑲ ᐅᒋᒡ ᒋ ᑕᑈᔭᔨᒪᐅᒡ ᒋᓴᓴ᙮ ᐛᔅ ᒋ ᐃᑕᐤ ᐊᓐ ᐃᔎᐤ, “ᒥᓯᐛ ᓂᒋ ᐎᑎᒪᒄ ᑕᓐ ᑲ ᐸᒋ ᐃᑐᐅᒡ᙮”
ᑎᐛᒡ ᒪᒃ ᓂᒋ ᐃᑎᓴᐛᐅᒡ ᓇᐸᐅᒡ ᒐᒋ ᐎᓴᒥᔅᒡ, ᒥᔽᓱᐤ ᒪᒃ ᑲ ᑎᑯᓯᓂᔨᓐ᙮ ᐊᑯ ᒪᒃ ᒥᓯᐛ ᐊ ᑕᔭᐧᒄ ᐅᑕ, ᒋᓴᒪᓂᑐᐤ ᑭᔭ ᐊᑯᑕ ᐊ ᑕᑦ, ᐊᑯ ᒪᒃ ᒐ ᐸᑎᒪᒡ ᑕᓐ ᑲ ᐃᑎᓱᒥᔅᒃ ᐅᑎᐸᔨᒋᒐᐤ ᒐᒋ ᐃᔅᒋᔄᐅᑦ᙮”
ᐃᔅᐱ ᒪᒃ ᒐ ᐎᐎᒡ ᑈᓪ ᑭᔭ ᐸᕐᓇᐸᔅ ᐊᓐᑕ ᐊᔭᒥᐊᐅᒋᐛᐱᒡ ᒋ ᐊᔨᐧᑭᒥᐃᑯᐅᒡ ᐊᓂᔭ ᐃᔪᐛ ᒥᓐ ᒐᒋ ᑎᑯᓯᒡ ᐃᔅᐱᔅ ᒍᐤ ᐊᔭᒥᐊᐅᒋᓯᑲᔨᒐ ᐊᑐᐎᔅ ᒐᒋ ᒋᔅᑯᑎᒪᒐᒡ ᒥᔽᒋᒧᐅᓂᔪᐤ᙮
ᐊᑯ ᑈᓪ ᒂ ᐃᔅᒋᔄᑦ, “ᒐ ᐎ ᒋᔅᒐᔨᑎᒪᒄ ᒪᒃ ᒋᓴᒪᓂᑐᐤ ᐊ ᐃᑎᓴᐅᑯᔭᒡ ᒐᒋ ᐛᐎᑎᒪᒡ ᒐᒋ ᐱᒪᒋᐊᑭᓄᐎᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᐛᓐᒋ᙮ ᒋᑭ ᓂᑐᑎᒧᒡ ᒪᒃ ᐅᒡ ᐎ᙮”
ᐃᔅᐱ ᑲ ᐱᔅᑎᓇᐧᒃ ᒋᓴᒪᓂᑐᐤ ᐅᐎᓱᐛᐅᓐ ᐊᑯᑕ ᑲ ᐅᒋ ᒋᔅᒐᔨᑕᒡ ᐊᐛᓐᒋ ᐊᔅᐱᔅ ᐛᔪᐅᒡ ᒥᒋᑐᑕᒡ᙮ ᒥᒄ ᒪᒃ ᑕᓐᑕ ᑲ ᐛᔪᐅᒡ ᒥᒋᑐᑕᑭᓄᐅᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ ᐊᑐᐎᔅ ᒋ ᐊᑐᔅᒐᒥᑭᓂᔪᐤ᙮
