ᒠᓐ 4:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᐛᔅ ᓴᔅ ᐸᓱᓇᑯᓐ, ᑭᔭ ᐊᐅᑯᓐ ᓴᔅ ᐊ ᐃᔅᐱᔨᒡ, ᐊᓐᒡ ᒋᒋᐛ ᑲ ᐊᔭᒥᐊᔅᑐᐛᒡ ᐅᑕᐎᒪᐛ, ᐊᒐᐧᑯᒡ ᑭᔭ ᑕᑈᐅᓂᒡ ᐃᓯ ᐊᔭᒥᐊᔅᑐᐛᐅᒡ᙮ ᐊᐅᒄ ᐅᔭ ᐊ ᐃᓯ ᓂᑐᐛᔨᒪᑦ ᐊᐛᔪᐛ ᒐᒋ ᐃᓯ ᐊᔭᒥᐊᔅᑕᑯᑦ ᒍᑕᐎᓄᐤ᙮

ᒠᓐ 4:23 Iomraidhean Croise

ᑎᐱᑦ ᐅᓂᑭᒧᐅᓇ 147:11

ᑎᐸᔨᒋᒐᓱᐤ ᒥᔽᔨᒪᐤ ᐊᓂᔭᔪᐛ ᑲ ᓇᓂᒋᔅᑕᑯᑦ, ᐊᓂᔭᔪᐛ ᑲ ᐊᔅᐸᔨᒧᔨᒋ ᐅᓱᐛᔨᒋᒐᐅᓂᒡ᙮

ᑎᐱᑦ ᐅᓂᑭᒧᐅᓇ 17:1

ᓂᑐᑕ ᑲ ᑯᐃᔎᒡ, ᑎᐸᔨᒋᒐᓱᐤ; ᐱᓯᒋᑕ ᓂᑕᑈᐅᓐ; ᐸᑕ ᓂᑦ ᐊᔭᒥᐊᐅᓐ, ᐊᑲ ᑭᑭᒋᔭᐎ ᒥᑐᓂᒡ ᑲ ᐅᒋ ᐎᐎᐱᔨᒡ᙮

ᑎᐱᑦ ᐅᓂᑭᒧᐅᓇ 32:2

ᓱᐛᔨᑕᑯᓱᐤ ᐊᓐ ᐃᔪᐤ ᒥᒐᑎᓯᐅᓂᔪᐤ ᐊᑲ ᒐᒂᓐ ᐃᑎᒋᑎᒪᑯᑦ ᑎᐸᔨᒋᒐᓱᐛ, ᑭᔭ ᐅᑦ ᐊᒐᐧᑯᒡ ᐊᑲ ᐱᒋᔅᑲᑯᑦ ᑭᑭᒋᔭᐅᓂᔪᐤ᙮

ᑎᐱᑦ ᐅᓂᑭᒧᐅᓇ 51:6

ᐛᔅ, ᒋ ᓂᑐᐛᔨᑕᓐ ᑕᑈᐅᓐ ᐱᒋᔪᐤ; ᐊᑲᑕᑭᓄᐅᒡ ᒐᒂᓐ ᐅᒡ ᔅᒋ ᒋᔅᒐᔨᑎᒥᔨᓐ ᑭᒐᑕᐛᔨᑎᒧᐅᓐ᙮

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᒠᓐ 12:23

ᐊᑯ ᒋᓴᔅ ᒂ ᐃᑕᑦ, “ᓴᔅ ᐅᑎᒋᐱᔪᐤ ᒋᓴᒪᓂᑐᐤ ᒐᒋ ᐛᐸᑎᔨᐛᑦ ᐊ ᒋᔅᑕᔨᑕᑯᓯᔨᒋ ᐃᔪᐤ ᐅᑯᓯᓴᓇ᙮

ᒠᓐ 16:2

ᐅᒡ ᒍᐤ ᐃᔪᒡ ᒋᑭ ᐎᐎᑎᓴᐅᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ᙮ ᓂᐦᐃ, ᒐᒃ ᑕᑈ ᒋᑭ ᐅᑎᒋᐱᔪᐤ ᐊᐛᓐ ᓂᐸᐃᑕᒂ ᒐ ᐃᑕᔨᑕᐧᒃ ᒋᓴᒪᓂᑐᐛ ᐊ ᐎᒋᐊᑦ᙮

ᒠᓐ 16:32

ᒋᑭ ᐅᑎᒋᐱᔪᐤ, ᓴᔅ ᒪᒃ ᑕᑈ ᐅᑎᒋᐱᔪᐤ ᐊᓐᑕ ᒥᓯᐛ ᐸᐸᐃᒄ ᒐ ᑕᔭᒄ, ᑕᑎᐸᓐ ᒐ ᑕᔭᒄ ᑎᐱᔨᐛ ᒋᒋᐛᐛᒡ᙮ ᐊᑯ ᓂᔾ ᒐ ᐸᐃᑯᓯᔭᓐ ᐊᑲ ᐊᐱᑕᔨᒥᔭᒄ᙮ ᓇᒪ ᒥᒄ ᒋᒋᐛ ᓂᑭ ᐅᒋ ᐸᐃᑯᓯᓐ ᐛᔅ ᓄᑕᐎᔾ ᑕᐤ ᐅᑕ ᐊ ᑕᔭᓐ᙮

ᒠᓐ 4:21

ᒋᓴᔅ ᒂ ᐃᑕᑦ, “ᑕᑈᑐᐎ, ᒋᑭ ᐃᔅᐱᔪᐤ ᐊᔅᒄ ᒍᑕᐎᓄᐤ ᒐ ᐊᑲ ᐅᒋ ᐊᔭᒥᐊᔅᑐᐛᑭᓄᐅᑦ ᐅᑕ ᐱᔅᑯᑎᓇᒡ ᑭᔭ ᒪᒃ ᐊᓐᑕ ᒋᕈᓯᓕᒥᒡ᙮

ᒠᓐ 5:25

ᑯᐃᔅᒄ ᒋ ᐎᑎᒪᑎᓇᐛᐤ ᓴᔅ ᐊ ᐅᑎᒋᐱᔨᒡ ᐊᓐ ᑎᐸᐃᑭᓐ ᐅ ᒐ ᐃᔅᐱᔨᒡ, ᓴᔅ ᒪᒃ ᐃᔅᐱᔪᐤ, ᐊᓐᒡ ᑲ ᓂᐱᒡ ᒋᑭ ᐸᑎᒺᐅᒡ ᒋᓴᒪᓂᑐᐛ ᐅᑯᓯᔪᐛ ᐅᐸᑕᑯᓱᐅᓂᔪᐤ᙮ ᐊᓐᒡ ᒪᒃ ᑲ ᐸᑎᒺᒡ ᒋᑭ ᐱᒪᑎᓯᐅᒡ᙮

ᒠᓐ 5:28

“ᐊᑲᐎᔾ ᑯᔅᑯᐱᔨᒄ, ᐛᔅ ᓴᔅ ᐸᓱᓇᑯᓐ ᒥᓯᐛ ᐊᓐᒡ ᑲ ᓂᒂᔅᑲᑕᑭᓄᐅᒡ ᒐᒋ ᐸᑎᒺᒡ ᐅᑯᓯᓯᒪᐛ ᐅᐸᑕᑯᓱᐅᓂᔪᐤ,

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:9

ᐛᔅ ᒋᓴᒪᓂᑐᐤ ᓂ ᒋᔅᒐᔨᒥᒃ, ᒂ ᐊᑐᔅᑯᐅᒃ ᐊ ᐛᐎᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐅᑯᓴ ᐊᓐᑕ ᐊ ᐊᔨᒧᒪᑭᓄᔨᒋ ᓂ ᒋᔅᒐᔨᒥᒄ ᐊ ᑕᑈᐅᒡ᙮ ᓂ ᒋᔅᒐᔨᒥᒄ ᒧᔅ ᐊ ᒋᔅᒋᓯᑐᑕᑎᑯᒡ ᒧᔅ ᐊ ᐃᔨᒥᐃᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:15

ᐛᔅ ᑕᐸ ᒋᑦ ᐃᑐᑕᑯᐛᐤ ᐊᓐ ᐊᒐᐧᒄ ᒋᓴᒪᓂᑐᐤ ᑲ ᒥᔨᑕᒄ ᑲᐤ ᒐᒋ ᑎᐸᔨᒥᑯᐛᒄ ᓴᒋᓱᐅᓂᔪᐤ᙮ ᐅ ᐊᒐᐧᒄ ᐅᒋ ᐊᑯᑕ ᐛᒋ ᐃᓯᐃᑕᒄ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑕᑕᒄ ᑭᔭ ᒐᒋ ᐃᑕᐧᒄ, “ᓄᑕ, ᓄᑕᐎᔾ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:26

ᑎᑯᓐ ᑕᓐ ᐊᔅᐱᔅ ᐊᑲ ᓴᐸᔨᑎᒪᐧᒄ ᒥᒄ ᒪᒃ ᑕᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᑕᐧᒄ᙮ ᒧᔭᒻ ᐊ ᐃᓯᓇᑯᓯᔭᐧᒄ ᓇᓂᑯᑎᓂᔾ ᐊᑲ ᒋᔅᒐᔨᑎᒪᐧᒄ ᑕᓐ ᐊᓐ ᒋᐸ ᐃᓯ ᐊᔭᒥᐊᓇᓄᐤ᙮ ᐊᑯᑕ ᒪᒃ ᓇᑐᑎᒪᔅᑎᒪᑕᒄ ᑲ ᐸᔭᒋᓯᑦ ᐊᒐᐧᒄ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐊ ᒪᒪᑥᔭᐧᒄ ᐊᑲ ᒋ ᐎᑎᒧᐛᐧᒄ ᑕᓐ ᐊᓐ ᐊ ᐃᑎᒪᒋᐅᔭᐧᒄ᙮

ᑲᓚᓯᔭᓇ 4:6

ᐊ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ᑕᑈᑕᐧᒄ ᒋᓴᒪᓂᑐᐤ᙮

ᐃᐱᓯᔭᓇ 6:18

ᐊᒐᐧᑯᐅᓂᒡ ᒧᔅ ᐃᓯ ᐊᔭᒥᐊᑕᐤ ᓂᓇᐧᑯᐤ ᐊ ᐃᓯ ᐊᔭᒥᐊᔭᐧᒄ ᑭᔭ ᓂᓇᐧᑯᐤ ᐊ ᐃᓯ ᓂᑐᑎᒪᔭᐧᒄ᙮ ᐅ ᒪᒃ ᐊ ᐃᓯ ᒋᔅᒋᓯᔭᐧᒄ ᐊᔭᔅᑯᐎᑕᐤ ᑭᔭ ᐊᑲᐎᔾ ᐳᓂᑕᐤ ᐊ ᐊᔭᒥᐊᔭᐧᒄ, ᒧᔅ ᑭᔭ ᐊᔭᒥᐊᔅᑎᒧᐛᑕᐅᓂᒋ ᐊᓐᒡ ᑲ ᑕᑈᑕᒡ᙮

ᐱᓕᐱᔭᓇ 3:3

ᒋᔭᓄᐤ, ᐊᐅᒄ ᑕᑈ ᐛ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ, ᒋᔭᓄᐤ ᐅᑦ ᐊᒐᒂ ᑲ ᐎᒋᐃᑎᑕᐧᑯ ᐊ ᐊᔭᒥᐊᔅᑐᐛᐧᒄ ᑭᔭ ᒋ ᒋᔅᑕᔨᑕᑯᐊᓄᐤ ᙭ ᒋᓴᔅ ᐎᔾ ᐊᒋ ᐃᑐᑕᑕᐧᒄ ᒐᒋ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ᙮ ᓇᒪᐎᔾ ᐅᔅᒋᒡ ᒥᔭᒡ ᑕᓐ ᐊ ᐃᑐᑕᓱᔭᐧᒄ ᒋᑭ ᒋ ᐅᒋ ᒪᒥᒋᒧᓇᓄᐤ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮