ᒠᓐ 3:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓐ, ᓇᒪ ᐊᐛᓐ ᒋᑭ ᒋ ᐛᐸᑎᒺᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐸᑐᔅ ᒥᓐ ᐱᒪᑎᓯᒐ᙮”

ᒠᓐ 3:3 Iomraidhean Croise

ᒪᑎᔪᐤ 16:17

ᐊᑯ ᒋᓴᔅ ᐊᑕᑦ ᐊᓂᔭ ᐱᑕᕋ, “ᒋ ᓱᐛᔨᑕᑯᓯᓐ ᓴᐃᒥᓐ, ᒠᓐ ᐅᑯᓴ, ᐛᔅ ᐅ ᑲ ᐃᓯ ᒋᔅᒐᔨᒥᔨᓐ, ᓇᒪ ᐃᔪᐤ ᒋ ᐅᒋ ᐎᑎᒪᒄ, ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑯᑕ ᑲ ᐅᒋ ᒥᔨᑯᔨᓐ ᐅ ᒐᒋ ᐃᓯ ᒋᔅᒐᔨᒥᔨᓐ᙮

ᒪᑎᔪᐤ 19:24

ᒥᓐ ᐸᐃᒂᐤ ᓂᑭ ᐃᔅᒋᔄᓐ, ᐊᑐᐎᔅ ᐊᔨᒥᓂᔪᐤ ᐊᐛᓐ ᑲ ᐛᔪᑎᓯᑦ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐃᔅᐱᔅ ᐊᓐ ᐊᐛᓯᔅ ᑲ ᒥᔅᑎ ᐱᔎᐅᑯᓇᑦ ᒐᒋ ᓴᐳᔅᑲᐧᒃ ᐅᔅᑲᒋᐧᑯᔪᐤ ᐊᓐᑕ ᐊ ᐱᑯᓇᔭᐱᔅᑲᔨᒡ᙮”

ᒪᑎᔪᐤ 21:31

“ᑕᓐ ᒪᒃ ᐊᓐᒡ ᐊ ᓂᓯᒡ ᓇᐸᓯᒡ ᑲ ᓂᓇᐃᑐᐛᑦ ᐅᑕᐎᐛᐛ ?” ᐊᑯ ᒋᓴᔅ ᐊᑎᑯᑦ ᐊᓂᔭ ᑲ ᑯᒂᒋᒪᑦ, “ᐊᓐ ᐅᔅᑕᓯᒪᐤ᙮” ᐊᑯ ᒋᓴᔅ ᐊᑕᑦ, “ᒋ ᐎᑎᒪᑎᓇᐛᐤ, ᐊᓐᒡ ᓂᑎᒥᒄ ᑲ ᐃᑎᒡ ᒋᓴᐅᒋᒪᐛ ᐊ ᐊᐱᒋᐃᑯᒡ ᒐᒋ ᒪᒧᓴᒋᓂᒺᒡ ᐅᓱᓇᔭᓂᒥᔪᐤ ᑭᔭ ᐊᓐᒡ ᐱᓯᒂᑎᓯᔎᐅᒡ ᐊᐅᑯᓐᒡ ᐊᓐᒡ ᓂᔅᑎᒻ ᒐ ᐱᒐᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐊᔅᒄ ᐊᑲ ᒋᔨᐛᐤ ᐱᒐᔭᒄ᙮

ᒪᑎᔪᐤ 5:18

ᐎ ᒋᔅᒋᒄ, ᒐ ᐃᔅᐱᔅ ᑎᑯᓂᒂ ᒋᒋᒋᓯᒄ ᑭᔭ ᐊᔅᒋᔾ, ᓇᒪ ᐛᐛᒡ ᐊᓐ ᒪᐅᒡ ᐊ ᐊᐱᓴᓯᒡ ᐊ ᒥᓯᓇᑕᒡ ᐎᓱᐛᐅᓂᒡ ᒋᑭ ᐅᒋ ᐸᓯᑯᓇᑯᓐ, ᐸᑐᔅ ᒥᓯᐛ ᒋ ᐃᔅᐱᔨᒐ ᑕᓐ ᐊᑎᔅᑕᒡ ᒐ ᐃᔅᐱᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:14

ᐃᔅᐱ ᒋᓴᔅ ᐎᔭᐱᒪᑦ ᐅᔭ ᐊ ᐃᑎᔨᒋ ᐊᓂᔭᔪᐛ ᒋᔅᒋᓄᐊᒧᐛᑭᓇ ᓇᒪ ᓇᔅᒡ ᐅᒋ ᓇᐊᔨᑎᒥᐃᑯᐤ ᐊᑯ ᒂ ᐃᑕᑦ, “ᐱᔅᑎᓇᐧᑯᒡ ᐊᐛᓯᒡ ᒐᒋ ᐸᒋ ᓇᓯᒡ, ᐊᑲᐎᔾ ᐅᒋ ᒋᑕᐊᒧᐛᐧᑯᒡ, ᐛᔅ ᐅᔭ ᑲ ᐃᑕᔨᑕᑯᓯᒡ ᐊᐛᓐᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᐃᓯ ᑎᐸᔨᑕᑯᓱᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:47

ᒪᒃ ᒋᔅᒋᓯᒄ ᑐᑕᑯᔨᓇ ᒐᒋ ᒥᒋᑐᑎᒥᓐ, ᐊᑯᔅ ᑯᐃᑯᐱᑕ ᐊᓐ ᒋᔅᒋᓯᒄ᙮ ᐃᐛᒃ ᒋᑭ ᒥᔽᐤ ᒐᒋ ᐱᒐᔨᓐ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᒥᒄ ᐊ ᓂᐱᑕᔭᐱᔨᓐ ᐃᔅᐱᔅ ᐎ ᑕᐱᔅᑯᓐ ᒐᒋ ᑭᓄᐛᔨᑎᒥᓐ ᒋᔅᒋᓯᒂ ᒥᒋ ᐃᔅᑯᑕᒡ ᒪᒃ ᒐᒋ ᐃᑐᑕᔨᓐ᙮

ᒠᓐ 1:13

ᐊᓂᔭᔪᐛ ᒪᒃ ᑲ ᑕᑈᔭᔨᒥᑯᑦ ᐅᔅᒋ ᐱᒪᑎᓯᔪᐛ ᒋᓴᒪᓂᑐᐛ ᐊ ᑕᔨᒋ ᐅᒋ, ᓇᒪ ᐎ ᑭᔭ ᐃᔎᐛ ᑭᔭ ᓇᐸᐛ ᐊ ᑕᔨᒋ ᐅᒋ ᐱᒪᑎᓯᐅᒡ ᓇᒪ ᑭᔭ ᐃᔪᐤ ᐅᑦ ᐃᑕᔨᑎᒧᐅᓂᔨᒡ ᐅᒡ᙮ ᑕᑈ ᒋᓴᒪᓂᑐᐛ ᐊ ᑕᔨᒋ ᒋ ᐅᒋ ᐅᔅᒋ ᐱᒪᑎᓯᐅᒡ᙮

ᒠᓐ 1:5

ᐊᓐ ᐛᔅᑕᐅᓐ ᒋᐧᑲᔭᔅᑕᐤ ᐊᓐᑕ ᐅᓂᑎᐱᔅᒋᓯᐅᓂᒡ, ᐅᓂᑎᐱᔅᒋᓯᐅᓐ ᒪᒃ ᓇᒪ ᒋ ᐊᔅᑐᐛᐊᒻ ᐊᓂᔭ ᐛᔅᑕᐅᓂᔪᐤ᙮

ᒠᓐ 1:51

ᐊᑯ ᒥᓐ ᒂ ᐊᑎ ᐃᔅᒋᔄᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᒋᑭ ᐛᐸᑕᓇᐛᐤ ᒋᒋᒋᓯᒄ ᐊ ᔪᑕᐱᔨᒡ, ᑭᔭ ᒋᓴᒪᓂᑐᐤ ᐅᑦ ᐊᓐᒋᓂᒪ ᐊ ᐅᐱᔨᒋ ᑭᔭ ᐊ ᐸᒋ ᔭᓯᑐᑐᐛᒡ ᐃᔪᐤ ᐅᑯᓯᓴᓇ᙮”

ᒠᓐ 12:40

ᒋᓴᒪᓂᑐᐛ ᒋ ᐃᑐᑕᑯᐅᒡ ᒐ ᐊᑲ ᒋ ᐛᐸᑕᒡ ᑭᔭ ᒐ ᐊᑲ ᒋ ᓂᔅᑐᑕᒡ, ᑭᔭ ᓇᒪ ᐛᐸᑎᒧᒡ ᑭᔭ ᓇᒪ ᓂᔅᑐᑎᒧᒡ᙮ ᓇᒪ ᒪᒃ ᓂ ᐎ ᐸᒋ ᓂᑐᐛᐱᒥᑯᒡ ᒐᒋ ᒥᓏᒋᐃᒂᐤ, ᐃᑕᐤ ᒋᓴᒪᓂᑐᐤ᙮

ᒠᓐ 3:4

ᐊᑯ ᓂᑯᑎᒪᔅ ᒂ ᐃᑕᑦ, “ᑕᓐᑕ ᒥᓐ ᒐᒋ ᐅᒋ ᐱᒪᑎᓯᑦ ᐊᐛᓐ ᓴᔅ ᐊᒋ ᐃᓯ ᓂᑕᐅᒋᑦ ? ᓇᒪ ᒥᓐ ᒋᑭ ᒋ ᐱᒐᐛᐤ ᐅᑲᐎᔭ ᐅᔅᐱᔭᔨᒡ ᒥᓐ ᒐᒋ ᐱᒪᑎᓯᑦ᙮”

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

ᑲᓚᓯᔭᓇ 6:15

ᒐᔅᒋᓄᐛᒋᐊᑭᓄᐅᒂ ᐊᐛᓐ ᒪᒃ ᐊᑲ ᒐᔅᒋᓄᐛᒋᐊᑭᓄᐅᒂ, ᓇᒪ ᒐᒂᓐ ᐊᓐ᙮ ᒋᓴᒪᓂᑐᐤ ᐊᒋ ᒥᔨᑕᐧᒄ ᐅᔅᒋ ᐱᒪᑎᓯᐅᓂᔪᐤ ᐊᐅᒄ ᒋᒋᐛ ᐊ ᐃᑕᔨᑕᒂᒡ᙮

ᐃᐱᓯᔭᓇ 2:1

ᒋᔨᐛᐤ ᒪᒃ ᐊ ᓂᐱᔭᒄ ᔅᒋ ᐃᓯᓇᑯᓯᓇᐛᐤ ᐊᔅᒄ ᐊᑲ ᐅᒋ ᐱᒪᒋᐃᑕᒄ ᒋᓴᒪᓂᑐᐤ᙮ ᔅᒋ ᒥᒐᑎᓯᓇᐛᐤ ᑭᔭ ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ᙮

ᑕᐃᑕᔅ 3:5

ᔅᒋ ᐱᒪᒋᐃᑯᓄᐤ᙮ ᓇᒪ ᐎ ᑕᓐ ᑲ ᐃᓯ ᒋᒥᔪᑐᑎᒪᐧᒄ ᒋ ᐅᒋ ᐱᒪᒋᐃᑯᓄᐤ ᒥᒄ ᐊᓂᔭ ᒋᓴᒪᓂᑐᐤ ᐊᒋ ᒋᔅᑎᒪᒐᔨᒥᑕᐧᒄ ᐊᑯᑕ ᑲ ᐅᒋ ᐱᒪᒋᐃᑕᐧᒄ᙮ ᑲ ᐸᔭᒋᓯᑦ ᐊᒐᐧᒄ ᔅᒋ ᐸᔭᒋᐃᑯᓄᐤ ᑭᔭ ᒥᓐ ᔅᒋ ᐅᔅᒋᐃᑯᓄᐤ᙮

ᒋᒥᔅ ᐅᒥᓯᓇᐊᒪᒐᐅᓐ 3:17

ᐊᓐ ᒪᒃ ᑭᒐᑕᐛᔨᑎᒧᐅᓐ ᐃᔅᐱᒥᒡ ᑲ ᐅᒋᐱᔨᒡ ᓂᔅᑎᒻ ᓇᔅᒡ ᐸᔭᐧᑭᓐ, ᐊᑯ ᒥᓐ ᐊ ᒋᔭᒪᔨᑕᑯᐃᐛᒥᑲᒡ, ᔪᔅᐸᔨᑕᑯᐃᐛᒥᑲᒡ, ᑭᔭ ᐃᑐᑕᑯᐤ ᐊᐛᓐ ᐃᔭᒂ ᒐᒋ ᓂᑐᑐᐛᑦ ᐊᐛᔪᐛ᙮ ᐊᐛᓐ ᐊ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ ᓇᔅᒡ ᒋᑭ ᐛᔪᒡ ᒋᓴᐛᑐᑐᐛᐤ ᐊᐛᔪᐛ ᑭᔭ ᒥᔅᑎ ᒋᑭ ᒥᔪᑐᑎᒪᒐᐤ, ᐸᐃᑯᓄᒡ ᒋᑭ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ᑭᑲᑕᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

1 ᐱᑕᕐ 1:3

ᒪᒥᒋᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐃᔅᐱᔅ ᓇᔅᒡ ᒋᔅᑎᒪᒐᔨᒥᑕᐧᒄ ᔅᒋ ᒥᔨᑯᓄᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᑲ ᐅᓂᔅᑲᓇᑦ ᒋᓴᔅ ᙭ᑕ ᓂᐳᐅᓂᒡ ᐅᒡ᙮ ᐊᑯᑕ ᒪᒃ ᐛᒋ ᐊᔭᔭᐧᒄ ᐊᔅᐸᔨᒧᐅᓐ ᐊ ᒐᔅᑎᓇᑕᔨᑕᒂᒡ,

1 ᒠᓐ 2:29

ᒋ ᒋᔅᒐᔨᑕᓇᐛᐤ ᙭ ᐊ ᑯᐃᔅᑯᑕᑎᓯᑦ, ᑭᔭ ᒋᐸ ᒋᔅᒐᔨᑕᓇᐛᐤ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᐊ ᐅᑦ ᐊᐛᓯᒥᑐᑕᑯᑦ ᒋᓴᒪᓂᑐᐛ᙮

1 ᒠᓐ 3:9

ᐊᓐ ᐊᐛᓐ ᒋᓴᒪᓂᑐᐛ ᑲ ᐱᒪᒋᐃᑯᑦ, ᐳᓂᐤ ᐊ ᒥᒋᑐᑕᐧᒃ᙮ ᐛᔅ ᒋᓴᒪᓂᑐᐛ ᐃᑐᑕᑯᐤ ᒐᒋ ᐃᑕᔨᑕᑯᓯᑦ ᒋᓴᒪᓂᑐᐛ ᐊ ᐃᑕᔨᑕᑯᓯᔨᒋ᙮ ᓇᒪ ᒪᒃ ᒋ ᒥᒋᑐᑎᒻ ᒋᓴᒪᓂᑐᐛ ᐊᒋ ᐱᒪᒋᐃᑯᑦ᙮

1 ᒠᓐ 5:1

ᒥᓯᐛ ᐊᐛᓐ ᑲ ᑕᑈᑕᐧᒃ ᒋᓴᓴ ᐊ ᐊᐎᔨᒡ ᙭ᑕ, ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐊ ᓴᒋᐊᐧᒄ ᒪᒃ ᐅᑕᐎᒪᐤ ᑭᔭ ᐊᓂᔭᔪᐛ ᐅᑦ ᐊᐛᓯᒪ ᒋ ᓴᒋᐃᒪᓄᐛ᙮

1 ᒠᓐ 5:18

ᒋ ᒋᔅᒐᔨᒪᓄᐤ ᐊᐛᓐ ᐊᒋ ᐱᒪᒋᐃᑯᑦ ᒋᓴᒪᓂᑐᐛ ᓇᒪ ᒋᐸ ᐅᒋ ᒥᒋᑐᑎᒻ᙮ ᐛᔅ ᒋᓴᒪᓂᑐᐤ ᐅᑯᓯᔪᐛ ᑭᓄᐛᔨᒥᑯᐤ, ᓇᒪ ᒪᒃ ᒐᒂᔪᐤ ᒋ ᐃᑐᑕᑯᐤ ᒥᒋᒥᓂᑐᐛ᙮

1 ᒠᓐ 5:4

ᐛᔅ ᐊᓐ ᐊᐛᓐ ᑲ ᐱᒪᒋᐃᑯᑦ ᒋᓴᒪᓂᑐᐛ, ᓇᒪ ᒋ ᓴᐧᑯᒋᐃᑯᐤ ᒥᒋᑥᐅᓂᔪᐤ ᐅᑕ ᐊᔅᒋᒡ᙮ ᒋᑕᑈᑎᒧᐅᓄᐤ ᐊᐅᒄ ᐛᒋᐃᑯᔭᐧᒄ ᒐᒋ ᓴᐧᑯᒋᑕᔭᐧᒄ ᒥᒋᑥᐅᓐ ᐅᑕ ᐊᔅᒋᒡ᙮

ᒋᔅᒐᔨᑕᑯᑕᒐᐅᓐ 3:14

“ᒥᓐ ᒪᒃ ᓂᒋ ᐃᑎᑯᓐ᙮ ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᓚᐅᑎᓯᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᐊᓐᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᑕᓐ ᐊ ᐃᔅᒋᔄᑦ ᒋᓴᒪᓂᑐᐤ ᒐ ᐃᑐᑎᒪᒐᑦ ᑭᔭ ᒐ ᐃᑎᑦ, ᐊᓐ ᑯᐃᔅᒄ ᑲ ᐃᑎᑦ ᐊ ᐎᑕᐧᒃ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ᐊᐱᒋᐊᑦ ᒋᓴᒪᓂᑐᐤ ᒥᓯᐛ ᒐᒂᔪᐤ ᑲ ᐅᓯᑕᑦ᙮