24 ᐊᐅᒄ ᐅᔭ ᑲ ᐃᑎᑦ ᒠᓐ ᐊᔅᒄ ᐊᑲ ᐅᒋ ᒪᑯᓇᑭᓄᐅᑦ᙮
ᐛᔅ ᐎᔾ ᐊᕈᑦ ᒋ ᐃᑎᓱᐛᑯᐱᓇ ᒐᒋ ᒪᑯᓇᑭᓄᔨᒋ ᐊᓂᔭ ᒠᓇ, ᑭᔭ ᒐᒋ ᒪᑯᐱᑕᑭᓄᔨᒋ, ᑭᔭ ᒐᒋ ᒋᐸᐛᑭᓄᔨᒋ᙮ ᐊᔪᐅᒄ ᐛᒋ ᐃᑐᑐᐛᑦ ᐅᔭ ᐊᓂᔭ ᐎᐧᑲᓂᓴ ᐱᓕᐸ ᐎᐎᔪᐛ ᐊᕈᑎᔭᔅ ᑲ ᐃᓯᓂᐧᑲᓱᔨᒋ ᐊᒋ ᐃᑎᑯᑦ ᐅᔭ ᒐᒋ ᐃᑎᓱᐛᑦ᙮
ᐃᔅᐱ ᒋᓴᔅ ᑲ ᐸᑕᐧᒃ ᒠᓇ ᐅᓯᑲᐃᑕᒐᐛ ᐊᒋ ᒪᑯᓇᑭᓄᔨᒋ, ᓇᓴᕆᑎᒡ ᐊᓐᑕ ᑲᓕᓕᒡ ᒋ ᐃᑐᑕᐤ᙮
ᐎᔾ ᐊᕈᑦ ᒋ ᐃᑎᓱᐛᒐ ᒐᒋ ᒪᑯᓇᑭᓄᔨᒋ ᒠᓇ ᑭᔭ ᒐᒋ ᒪᑯᐱᑕᑭᓄᔨᒋ ᑭᔭ ᑲᒪᑯᓄᐛᓯᐅᒋᐛᐱᒡ ᒐᒋ ᒋᐸᐛᑭᓄᔨᒋ᙮ ᐎᐛ ᐊᕈᑎᔭᓴ ᒋ ᐃᑐᑎᒧᐛᐤ ᐅᔭ ᐛᒋ ᐃᑐᑐᐛᑦ ᒠᓇ᙮ ᐅᔭ ᐃᔎᐛ ᑲ ᐎᒋᒪᑦ ᐊᕈᑦ ᐎᐧᑲᓂᓴ ᐱᓕᐸ ᐊᓂᔭ ᒋ ᐎᐎᔪᐛ᙮
ᑭᔭ ᐎᔾ ᒠᓐ ᒋ ᓯᑲᐃᑕᒐᐤ ᐊᓐᑕ ᐊᐃᓄᓐ, ᓇᒪ ᐛᔪᐤ ᐊᓐᑕ ᐅᒋ ᓴᓕᒥᒡ ᐛᔅ ᓇᔅᒡ ᒋ ᒥᓴᔪᐤ ᓂᐱᔪᐤ ᐊᓐᑕ᙮ ᒧᔅ ᒋ ᓂᑐᐛᐱᒥᑯᐤ ᐊᐛᔪᐛ ᐊ ᓂᑐᐛᔨᑎᒥᔨᒋ ᒐᒋ ᓯᑲᐃᑐᐛᑦ, ᒋ ᓯᑲᐃᑐᐛᐤ ᒪᒃ᙮
