ᒠᓐ 3:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐛᔅᑕᐅᓐ ᒋ ᐸᒋ ᐱᔅᑎᓇᑭᓄᐤ ᐅᑕ ᐊᔅᒋᒡ ᒥᒄ ᒪᒃ ᐃᐛᒃ ᒋ ᐃᑕᔨᑎᒧᒡ ᐊᐛᓐᒋ ᐅᓂᑎᐱᔅᒋᓯᐅᓂᒡ ᒐᒋ ᐃᓯ ᐱᒪᑎᓯᒡ ᐃᔅᐱᔅ ᐎ ᐛᔅᑕᐅᓂᒡ ᒐᒋ ᐃᓯ ᐱᒪᑎᓯᒡ, ᐛᔅ ᒋ ᒥᒐᑎᓯᐅᒡ᙮ ᐊᔪᐅᒄ ᒪᒃ ᐅᔭ ᒐ ᐅᒋ ᑎᐸᔅᑯᓇᑭᓄᐎᒡ᙮

ᒠᓐ 3:19 Iomraidhean Croise

ᓗᒃ 12:47

ᒋᓴᔅ ᒥᓐ ᒂ ᐊᑎ ᐎᑎᒧᐛᑦ, “ᐊᐱᒋᐊᑭᓐ ᑲ ᒋᔅᒐᔨᑕᐧᒃ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᐅᒋᒪᒪ ᒐᒋ ᐃᑐᑕᐧᒃ ᐊᑲ ᒪᒃ ᐊᔭᔅᑯᐎᐃᑎᓱᒐ ᒐᒋ ᐃᑐᑕᐧᒃ ᐊᓂᔭ ᑲ ᐃᑎᓱᒪᑭᓄᐅᑦ ᒋᑭ ᒥᔅᑎ ᐸᐱᓯᔅᑕᐛᑭᓄᐤ ᐊ ᐛᐛᓯᐊᑭᓄᐅᑦ᙮

ᓗᒃ 16:14

ᐃᔅᐱ ᒪᒃ ᐸᕆᓯᔨᒡ ᐱᔭᑕᒡ ᐅᔭᔪᐤ ᒋ ᒪᔭᔨᒪᐅᒡ ᒋᓴᓴ, ᐛᔅ ᒋ ᓴᒋᑕᐅᒡ ᓱᓇᔭᔪᐤ᙮

ᒠᓐ 1:4

ᐎᔾ ᐊ ᑕᑦ ᐅᒋᐱᔪᐤ ᐱᒪᑎᓯᐅᓂᔪᐤ, ᐱᒪᑎᓯᐅᓂᒡ ᒪᒃ ᐊᑯᑕ ᑲ ᐅᒋ ᐛᐸᑕᒡ ᐊᐛᓐᒋ ᐛᔅᑕᐅᓂᔪᐤ᙮

ᒠᓐ 1:5

ᐊᓐ ᐛᔅᑕᐅᓐ ᒋᐧᑲᔭᔅᑕᐤ ᐊᓐᑕ ᐅᓂᑎᐱᔅᒋᓯᐅᓂᒡ, ᐅᓂᑎᐱᔅᒋᓯᐅᓐ ᒪᒃ ᓇᒪ ᒋ ᐊᔅᑐᐛᐊᒻ ᐊᓂᔭ ᐛᔅᑕᐅᓂᔪᐤ᙮

ᒠᓐ 12:31

ᐊᓄᒡ ᐅᑎᒋᐱᔪᐤ ᒐᒋ ᑎᐸᔅᑯᓇᑭᓄᐎᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᑭᔭ ᐊᓄᒡ ᐊᑯ ᐛᑎᒋᐱᔨᒡ ᒐᒋ ᐃᔅᐱᓯᐊᑭᓄᐅᑦ ᒥᒋᒥᓂᑐᐤ, ᐊᓐ ᑲ ᑎᐸᔨᒐᑦ ᐅᑕ ᐊᔅᒋᒡ᙮

ᒠᓐ 12:43

ᐛᔅ ᐃᐛᒃ ᒋ ᐃᑕᔨᒪᐅᒡ ᐃᔪᐛ ᒐᒋ ᓇᐊᔨᑎᒪᐊᒡ ᐃᔅᐱᔅ ᐎᔾ ᒋᓴᒪᓂᑐᐛ ᒐᒋ ᓇᐊᔨᑎᒪᐊᒡ᙮

ᒠᓐ 12:46

ᓂᒋ ᑎᑯᓯᓐ ᐅᑕ ᐊᔅᒋᒡ ᒐᒋ ᒥᔨᐛᔭᓐ ᐛᔅᑕᐅᓐ᙮ ᐊᑯ ᒪᒃ ᐊᓐ ᐊᐛᓐ ᒐ ᐸᒋ ᑕᑈᔭᔨᒥᒂ ᓇᒪ ᒋᑭ ᐅᒋ ᑕᐤ ᐊᓐᑕ ᐅᓂᑎᐱᔅᑲᐅᓂᒡ᙮”

ᒠᓐ 5:44

ᑕᓐᑕ ᒐᒋ ᐅᒋ ᑕᑈᑎᒪᒄ ᒥᒄ ᓇᐸᐤ ᐊ ᐎ ᓂᓇᐃᑎᒪᐊᒄ ᐊᑲ ᐎ ᓂᓇᐃᑎᒪᐊᒄ ᒋᓴᒪᓂᑐᐤ ?”

ᒠᓐ 7:17

ᐊᓐ ᒪᒃ ᐊᐛᓐ ᓱᒃ ᐎ ᐃᑐᑎᒧᐛᒐ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐊᓂᔭ ᑕᓐ ᐊ ᐃᓯ ᒋᔅᑯᑎᒪᒐᐅᒡ ᐊᑯᑕ ᒐ ᐅᒋ ᒋᔅᒐᔨᑕᐧᒃ ᒋᓴᒪᓂᑐᐛ ᑲ ᐸᒋ ᐃᑎᓱᒥᒂᓂ ᐊᓂᔭ ᒐᒋ ᐃᓯ ᒋᔅᑯᑎᒪᒐᐅᒡ ᑭᔭ ᒪᒃ ᒥᒄ ᓂᔾ ᓂᑦ ᐃᑕᔨᑎᒧᐅᓂᒡ ᐛᒋᐱᔨᒂ᙮

ᒠᓐ 7:7

ᑕᐸ ᑎᑯᓂᔪᐤ ᒐᒂᔪᐤ ᒐᒋ ᐅᒋ ᐛᐧᑲᑎᑕᑯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᒥᒄ ᒪᒃ ᓂ ᐛᐧᑲᑎᑯᒡ ᓂᔾ ᐛᔅ ᓂ ᐎᑕᓐ ᑕᓐ ᐊᔅᐱᔅ ᒥᒐᑎᓯᓇᓄᐅᒡ᙮

ᒠᓐ 8:12

ᐃᔅᐱᔅ ᒋᓴᔅ ᒥᓐ ᐊ ᐃᔨᒪᐊᑦ ᐊᓂᔭ ᐃᔪᐛ ᒋ ᐃᑕᐤ, “ᓂᔾ ᐊᐅᒄ ᑲ ᒥᔨᒂᐤ ᐃᔪᒡ ᐛᔅᑕᐅᓂᔪᐤ ᐅᑕ ᐊᔅᒋᒡ᙮ ᐊᓐ ᐊᐛᓐ ᑲ ᓇᓴᐅᑦ ᒋᑭ ᐊᔭᐤ ᐱᒪᑎᓯᐅᓂᔪᐤ ᐛᔅᑕᐅᓂᒡ ᐅᒡ ᑭᔭ ᓇᒪ ᒋᑭ ᐅᒋ ᐱᒧᑕᐤ ᐅᓂᑎᐱᔅᒋᓯᐅᓂᒡ᙮”

ᒠᓐ 9:5

ᒪᒂᒡ ᐅᑕ ᐊ ᑕᔭᓐ ᐊᔅᒋᒡ ᐊᐅᒄ ᓂᔾ ᐃᔪᒡ ᐅᐛᔅᑕᐅᓄᐛᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:32

ᐊᑎ ᐊ ᒋᔅᒐᔨᑕᒡ ᒋᓴᒪᓂᑐᐛ ᐊᒋ ᐃᑕᔨᑎᒥᔨᒋ ᑕᑈ ᐊ ᐃᑕᔨᑕᑯᓂᔨᒡ ᒐᒋ ᓂᐱᔨᒋ ᐊᓂᔭᔪᐛ ᐊᐛᔪᐛ ᐅᔭ ᑲ ᐃᓯ ᒥᒋ ᐱᒪᑎᓯᔨᒋ ᐃᔭᐱᒡ ᐊᑐᐎᔅ ᐃᑐᐅᒡ ᐎᔨᐛᐤ ᑕᓐ ᐛ ᐃᑎᒡ᙮ ᓇᒪ ᒪᒃ ᒥᒄ ᐅᔭ ᐃᑐᐅᒡ, ᓂᓇᐊᔨᑎᒥᐃᑯᐅᒡ ᐊᔪᐤ ᐊᓂᔭᔪᐛ ᐊᐛᔪᐛ ᐅᔭ ᐊ ᐃᓯ ᒥᒋ ᐱᒪᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:8

ᐊᑯ ᐊᓂᔭ ᑯᑎᑲ ᐊᐛᔪᐛ ᒥᒄ ᐎᔨᐛᐤ ᑲ ᒪᒥᑐᓇᔨᒥᓱᔨᒋ ᐊᑲ ᓇᔅᒡ ᐊᐱᑕᔨᑎᒥᔨᒋ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᒐᒋ ᐃᑐᑎᒥᔨᒋ, ᐱᓯᒄ ᑲ ᒥᒋᑐᑎᒥᔨᒋ, ᐊᐅᑯᓐ ᐅᔭ ᒪᐅᒡ ᐃᔭᒂᒡ ᒐ ᐃᓯ ᑎᐸᔅᑯᓇᑦ ᒋᓴᒪᓂᑐᐤ᙮

2 ᑕᓴᓗᓂᔭᓇ 2:12

ᐊᑯ ᒪᒃ ᒥᓯᐛ ᐊᐛᓐᒋ ᐊᑲ ᐅᒋ ᑕᑈᑕᒡ ᑕᑈᐅᓂᔪᐤ, ᐅᔅᑕ ᑲ ᒥᔽᔨᑕᒡ ᐊ ᒥᒐᑎᓯᒡ ᐊᐅᑯᓐᒡ ᐅᒡ ᒐ ᓂᓱᐅᓇᒋᒪᑭᓄᐎᒡ᙮

1 ᐱᑕᕐ 2:8

ᐊᑯ ᒪᒃ ᒥᓐ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐅ ᐊᓯᓂᔾ ᒋᑭ ᐱᓱᔅᑭᒧᐛᐤ ᑭᔭ ᐊᐅᒄ ᑲ ᒥᒐᐱᔅᒋᓯᑦ ᐊᓯᓂᔾ ᒐ ᐸᒋᓯᒪᑦ ᐊᐛᔪᐛ᙮ ᐱᓱᔅᑯᐛᐅᒡ ᐅᔭ ᐊᓯᓂᔭ ᐛᔅ ᓇᒪ ᐅᒋ ᓂᓇᐃᑎᒺᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᐅᒄ ᒪᒃ ᐅᔭ ᒐ ᐅᒋ ᐛᐛᓯᐊᑭᓄᐎᒡ ᐛᔅ ᓴᔅ ᐊᐅᑯᓐ ᑲ ᐃᓯ ᐎᔭᔨᑎᒥᔨᒋ ᒋᓴᒪᓂᑐᐛ ᒐ ᐃᑐᑕᑯᒡ᙮

2 ᐱᑕᕐ 3:3

ᓂᔅᑎᒻ ᒪᒃ ᒐᒂᓐ ᐛ ᐃᑎᑎᑯᒡ, ᒐ ᐎ ᒋᔅᒋᓯᔭᒄ ᐃᔅᐱ ᐊᑎ ᐸᓱᓇᑯᒐ ᒐ ᑎᑯᓯᐧᒃ ᐅᑎᐸᔨᒋᒐᐤ, ᒋᑭ ᑕᐅᒡ ᒪᔭᔨᒐᓱᐅᒡ, ᓇᔅᒡ ᒋᑭ ᑎᐸᔨᒥᑯᐅᒡ ᐅᒥᒋᓂᑐᐛᔨᑎᒧᐅᓄᐛᐛ ᐅᒡ᙮ ᒋᑭ ᒪᔭᔨᒥᑯᐛᐅᒡ᙮